صالة سعر صرف الدولار بالسوق السوداء 17-6-2013

[tareq773]

شكوا شكوا
شكوا شكوا
على ؤولت ايمن زيدان
شكوا شكوا

[الطير المهاجر]

هاد سعر البيع و الا الشرا

[seraj]

حكى لي أحد الأشخاص أنو بالعراق( بلد البترول) تامو على سعر للدولار فاقو كان راتب الموظف ما بجيب صحن بيض بقى توقعوا كلشي , اليوم قفز الدولار أربعين ليرة عن مبارح , المرة الجاية رح يقفز 100 و بعدين 200 و.....

[ماهر محمد]

إغلاق دمشق
200-203
متوفر
السعر أكيد 100%

بتخيل هيك منطقي حاليا

[omar1964]

مساء الخير
من ساعتين تقريبا انباع عنا بــ 210
حماه
المعلومة متأخرة شوي لأن الكهرباء كانت مقطوعة..

[rania]

بدو يصير حرب لا بد منها بقلب الشام بس بظن بالاخير وتخلص بسرعة يعني 15 يوم تستمر بس لابد من الحرب داخل الشام
يا شيرين بالشام ما بصير حرب ولا نص ساعة لا هلق ولا بعدين شو عم تحكي انتي !!!!!

[black_ghost87]

اغلاق بانياس-دولار--متوفر-بكميات صغيرة
شراء:200-205
مبيع:210-215

[tareq773]

مع الاسف الحل بالدولرة لا غير رغم اني لااؤيد ذلك

[black_ghost87]

اغلاق بانياس-يورو-متوفر بكميات صغيرة
شراء:272
مبيع:286

[black_ghost87]

مين منكم تذكر كلمتي؟؟!!!
"أكد لي مصدر مسؤوول مقرب من المركزي أن الدولار قريبا عسيطرق أبواب ال 200"

[غسان]

تضارب باسعار المساء

يرجى التأكد ووضع السعر

[black_ghost87]

تضارب باسعار المساء

يرجى التأكد ووضع السعر


أخي غسان...فوضى كبيرة في سوق الصرف و أصبحت العملية كحارة كل من أيدو الو..

[سوري مغترب]

صحيح انو الدولار مرتفع وصاير ب47 ليرة ؟
مشتهي كون عم اتخيل ويجي حدا يطعميني سنيكرز ويقلي انت مو انت وانت بتحلم
واصحى لاقي الدولار ب45
....... لك يلا ما الاحلام ببلاش

[seraj]

تفرير من سكاي نيوز


انهارت الليرة السورية بشكل دراماتيكي، الاثنين، أمام العملات الصعبة، حيث فقدت من قيمتها أمام الدولار أكثر من 30 بالمئة في الساعات القليلة الماضية.

وتجاوز سعر صرف الدولار 210 ليرة بعد ظهر الاثنين بعد أن كان السعر أقل من 175 ليرة في ساعات الصباح، متأثرة بتصاعد حدة الأزمة في البلاد.
وأرجع محللون مختصون أسباب تدهور قيمة الليرة خلال الأيام الأخيرة ليرتفع من 150 ليرة قبل نحو 10 أيام إلى ما يزيد عن 210 ليرة الأحد، إلى عوامل سياسية عدة.
وأبرز تلك العوامل، إعلان الولايات المتحدة عزمها فتح الباب أمام تمويل وتسليح المعارضة، بالإضافة إلى دعوات للجهاد في سوريا انطلقت من القاهرة وقطع مصر علاقتها مع سوريا.
وقالت مصادر لـ"سكاي نيوز عربية" إن "ارتفاع سعر صرف الدولار في السوق السوداء السورية من 175 مساء الأحد إلى 210 ظهر الاثنين غير مبرر اقتصاديا، وهو ناجم عن تلاعب تجار العملة الصعبة".
وأوضحت المصادر التي فضلت عدم الكشف عن هويتها، أن الشارع السوري" عموما كان يبني آمالا على حصول انفراج يدفع بتراجع مستوى العنف على خلفية عقد مؤتمر جنيف 2".
لكن التقدم الميداني للقوات الحكومية من جهة والتحرك الدولي والعربي من جهة أخرى بدد آمال وقف العنف، ما انعكس سلبا على الوضع الاقتصادي للبلاد وعلى استقرار سعر صرف الليرة السورية.
وبينت المصادر أن "سياسات المصرف المركزي السوري للحد من تدهور قيمة الليرة السورية خلال الفترة الماضية لم تؤت ثمارها، وإن حافظت الليرة على تراجع لقيمتها بنسب مقبولة قبل أشهر قليلة".
إلا أن "الوضع اختلف كليا خلال الأشهر الأربعة الأخيرة التي شهدت تضاعفا لسعر صرف الدولار، فبعد أن كان سعر الصرف بداية العام الحالي نحو 90 ليرة، قفز اليوم إلى أكثر من 210 ليرة".
وربط محللون ماليون "ارتفاع سعر الدولار بالتطورات العسكرية والسياسية على ساحة السورية، أو ما يتعلق بها ، لجهة التحضير لعمل عسكري كبير ربما يطال أهدافا عسكرية استراتيجية للقوات الحكومية السورية".
وكان مصدر خليجي مطلع كشف في وقت سابق أن السعودية بدأت منذ نحو شهرين بتزويد المعارضة السورية بصواريخ مضادة للطائرات "على نطاق ضيق"، مشيرا إلى أن فرنسا "دفعت تكاليف نقل الأسلحة إلى المنطقة ".
وأكد مراقبون أن زيارة وزير الحرس الوطني السعودي نجل العاهل السعودي، الأمير متعب بن عبد الله بن عبد العزيز، إلى تركيا ربما جاءت للتحضير لعمل عسكري ضد القوات الحكومية التي تتحضر بدورها لمعركة جديدة في حلب.
ورجحت المصادر أن يكون من بين أسباب التدهور السريع لقيمة الليرة اليوم، شائعات سرت أخيرا عن إقالة حاكم مصرف سوريا المركزي، أديب ميالة، ما وجه ضربة إلى الثقة المتبقية تجاه السياسات النقدية للحكومة السورية.
وحمل مراقبون لحركة السوق السورية المسؤولية الكبيرة للحاكم ميالة وسياسة الحكومة الاقتصادية، معتبرين أن " جزء كبير من تدهور قيمة العملة يعود إلى اقدامه على بيع مئات الملايين من الدولارات إلى شركات الصرافة في صفقات تفوح منها رائحة فساد ".
وأكدت المصادر أن من بين أسباب التدهور الاقتصادي والاختلال بسعر الليرة مرده أيضا إلى آليات إدارة الأزمة خصوصا في دمشق وريفها، وهي المركز الاقتصادي الرئيس المتبقي للحكومة بعد تعرض الإنتاج الاقتصادي لمدينة حلب إلى ضربة قاسمة نتيجة المعارك التي تشهدها منذ نحو 6 أشهر.

[Dynamic Pulse]

185
190
حلب
7:40



السلام عليكم ورحمة الله وبركاته



الذهب شراء : 7000



الذهب بيع : 7200



الدولار شراء : 180



الدولار بيع :190



حلب


يبدو أن السوق برد شوي مساء في دمشق وحلب
أعلى سعر شراء وصل إليه السعر بدمشق 210 والبيع على حسب الراغب
عالغالب كان المغضوب غير متوفر طول النهار والمسا صار متوفر
أحسن سعر مبيع الساعة 8 في دمشق كان 203
أفضل سعر شراء كان 200

[the dusk]

عفرين (حلب) الدولار 210-218
مع العلم أنه بعفرين ومنذ ثلاثة أسابيع أي (منذ بدء الحصار على عفرين) وسعر الدولار في حلب يزيد عن السعر في عفرين من ليرتين إلى ثلاث ليرات

[mak]

بس تعليق صغير عالشباب و الصبايا يللي كتير واثقين انو ما رح تصير حرب بالشام......على شو بانيين هالثقة؟......و ما هو تعريف الشام بالنسبة لكم؟.......اذا برزة و القابون صرلها اديش حابكة.....و المخيكم و الميدان الدنيا قايمة و مو قاعدة فشو صفيان من الشام؟.......الحمدلله لسا في اماكن بنقدر نمشي و نروح عليها بس شو الفرق بين الشام و حلب؟.....كمان اهل حلب كانو يظنوا انو مستحيل يصير شي بحلب

ما عم اقوا هالحكي مشان خوف حدا ..بس مشان الواحد يكون مستعد لهذا الاحتمال.....الله يحمي الشام و سوريا و اهلها

[Dynamic Pulse]

مارح قلكون شو متوقع صديقي البطحيش غدا
بلا مايخالفني أبو حكيم

رح نترك الشغل لرب العباد
هو يللي عم يرزق الناس وخزاينو مليانة

[mak]

مارح قلكون شو متوقع صديقي البطحيش غدا
بلا مايخالفني أبو حكيم

رح نترك الشغل لرب العباد
هو يللي عم يرزق الناس وخزاينو مليانة

اخي قلنا الله يخليك.....لأنو رح نضل نفكر بشو قلك لبكرة......بعدين التوقعات بتضل توقعات بس الواحد يمكن يستفيد لما بتجي من ابن السوق

[omar1964]

مع الاسف الحل بالدولرة لا غير رغم اني لااؤيد ذلك




اخي طارق تحياتي
مع الاسف
ما حدا مفكر فينا
و ما حدا آخد رأينا بشيء
بس النا الله ...
حسبنا الله و نعم الوكيل

[الدولار الادلبي]

مارح قلكون شو متوقع صديقي البطحيش غدا
بلا مايخالفني أبو حكيم

رح نترك الشغل لرب العباد
هو يللي عم يرزق الناس وخزاينو مليانة

أبو محمد قول الله يوفقك والله غليتلنا قلبنا والمنتدى ماحلو بلا حكياتك يعني بضل توقع والله أعلم ببكره

[Dynamic Pulse]

اخي قلنا الله يخليك.....لأنو رح نضل نفكر بشو قلك لبكرة......بعدين التوقعات بتضل توقعات بس الواحد يمكن يستفيد لما بتجي من ابن السوق
ياصاحبي اليوم كان لازمني 3000
إتصلت فيه الساعة 8 قللي في بياعة ب203
سألتو وإنت شو رأيك
قللي إستنى لبكرى أفضل
هاد يللي صار معي بالتفصيل
ملاحظة : أخبرني أنو خرج على 205 بمبلغ كبير مساء

[expert]

وانا شو نسيتني

بالعكس انت تنباتي قبله بهالارتفاعات بس يللي صاير انو ذاكرتي ما عم تجيب اكتر من شهر لذلك نسيت

تحية الك وللاستاذ عابر ولكل المتابعين;)

[المضارب الحسكاوي]

القامشلي وتوابعها الساعة الثامنة مساءا شراء دولار 205 بيع 215 وفوق

[alternative]

بكرة الله العليم
نزول

[black_ghost87]

لاول مرة بتاريخه الذهب 21 غرام 7900 معقول؟!!!يرجى التأكد..

[shereen]

لاول مرة بتاريخه الذهب 21 غرام 7900 معقول؟!!!يرجى التأكد..
ليوم خالتي اشترت ب 8000 ليرة الغرام

[black_ghost87]

تضارب باسعار المساء

يرجى التأكد ووضع السعر

ليوم خالتي اشترت ب 8000 ليرة الغرام

قصدي السعر حاليا مساء

[alternative]

مبارح بعد مغادرتي عودتي لمتابعة الصفحة
عند ارتفاع الدولار لل 200
الساعة 6:30
رحت عالحميدية قلت لحالي لروح شوف الصرافة شخصيا وكيف الشغل
( الصرافة الكبار بالسوق )
مرقت على اول واحد سالتوا علسعر الي نعم والله ما عاد اشتغلنا
والتاني كان مسكر بابوا
فتت على سوق الحميدية وقعدت عند محل لاحد اصدقائي
الملاحظات يلي شفتا التداول عم يقوم فيه تجار وناس عاديين
وكان في اقبال على البيع من كافة انواع العملات الاجنبية
دولار - ريال - درهم
باعتقد انو حكي ابو محمد صحيح
100 %

[black_ghost87]

تم الدخول عل 175 و الخروج 225 في مدينة بانياس...الحمد لله رب العالمين رازق العباد..الحاج أبو محمد

[ابو بلال]

يا اخوان .. انتبهوا لسعر المركزي ..
ليش ما حدا عم يجيب سيرته ..
رجع السعر لل99.8

ما حدا سأل لييييييش .؟؟
وهالفورة بالسعر لييييييش ؟؟

عم يلعبوا بهالشعب لعب .. والشاطر يلي بيطلع اليوم

وان غداً لناظره لقريب

شيرين : بعتذر بس انا كتير بكره كتاباتك المتشائمة حتى لو كان فيها من الصحة شي
خلينا عايشين بالامل (ولا نموت حتى يجينا الموت)

[ph-hosam]

عندما يرتفع سعر البيع مع ثبات سعر الشراء فيجب الحذر من هذا السعر

http://syria-stocks.com/forum/images/icons/icon4.gifhttp://syria-stocks.com/forum/images/icons/icon4.gif


طيب معلش تصغنا الجملة بطريقة ابسط:confused2:

[أبو تيم]

بكرة الله العليم
نزول


أنا موافقك100%بعلم الله طبعا"

[abu mhd]

ياصاحبي اليوم كان لازمني 3000
إتصلت فيه الساعة 8 قللي في بياعة ب203
سألتو وإنت شو رأيك
قللي إستنى لبكرى أفضل
هاد يللي صار معي بالتفصيل
ملاحظة : أخبرني أنو خرج على 205 بمبلغ كبير مساء

المشكلة يا صديقي حتى لو صدق صاحبك البطحيش
بكرة اذا تدخل المركزي او نزل السوق لحاله الى 180 مثلا رح نقول انجاااااز صار 180 يا بلاش
بس نحنا نسينا المصيبة الكبرى انوا من اسبوع او اكتر شوي كان 150 تقريبا
؟؟؟؟؟؟؟؟؟؟؟؟؟؟؟؟؟؟؟؟؟

[ميرا]

صرح الدكتور اديب ميالة حاكم مصرف سورية المركزي انه واعتبارا من يوم غد سيعود المصرف المركزي لتلبية طلبات المصارف لشراء القطع الاجنبي من مصرف سورية المركزي لتمويل المستوردات وفقا لاحتياجات السوق وحسب سعر يحدده المصرف المركزي بعد استلامه طلبات المصارف بحيث يضمن السعر المذكور عدالة التسعير للسلع والبضائع في السوق من جهة واعادة سعر الصرف الى مستوياته الطبيعية من جهة ثانية.

كما اعلن الحاكم عن قيام المصرف المركزي وبشكل فوري بضخ القطع الاجنبي عن طريق م...وءسسات الصرافة والمصرف التجاري السوري باسعار مقبولة بهدف تلبية طلبات المواطنين لشراء القطع الاجنبي حيث سيتم بيع المواطنين القطع الاجنبي المطلوب وفق الانظمة السارية حاليا والتي تقضي ببيع المواطن مبلغ 1000 يورو شهريا.

واكد ميالة ان عملية التدخل المذكورة ستعيد سعر الصرف الى مستوياته ولاسيما ان المصرف المركزي عمل موءخرا ايضا على استصدار قرار لاعفاء مصدري الاغنام من سداد قطع التصدير بشكل مسبق لعملية تصدير الاغنام حيث بين ميالة ان عملية السداد المسبق والتي كان معمولا بها في السنوات السابقة ساهمت ضمن الظروف الحالية وفي ظل ضعف موارد القطع الاجنبي في زيادة الطلب على القطع الاجنبي من قبل مصدري الاغنام وبالتالي زيادة الضغط على سوق القطع الاجنبي الامر الذي ساهم بارتفاع سعر الصرف موضحا ان القرار الصادر يلزم مصدري الاغنام باعادة الحوالات الناجمة عن التصدير بشكل لاحق لعملية التصدير.

من جانب اخر اكد ميالة ان الحكومة قامت بوضع الالية اللازمة لتفعيل خط التسهيل الائتماني الممنوح من الجانب الايراني بقيمة مليار دولار امريكي بحيث سيساهم ذلك في تمويل جزء كبير من احتياجات السوق المحلية وبتسهيلات دفع ما يسهم في تخفيف الضغط على سوق القطع الاجنبي وبالتالي على سعر صرف الليرة السورية.

واعرب ميالة عن تفاوءله بعودة سعر الصرف الى مستوياته بعد اتخاذ الاجراءات المذكورة حيث ان الارتفاعات الحاصلة غير مبررة كما ان الاجراءات المتخذة من شأنها معالجة الاسباب التي تقف وراء هذه الارتفاعات والحد من قيام البعض بالمضاربة على سعر صرف الليرة السورية واستغلال حاجة المواطنين والتجار للقطع الاجنبي.

وختم ميالة ان المركزي يقدر ثقة المواطن بليرته السورية وبقدرة المصرف المركزي على ضبط ايقاع سعر الصرف بشكل مستمر ولذلك فهو مستمر بالدفاع عن سعر الصرف وبالتدخل كلما اقتضت الضرورة مهما اشتدت الازمة وبالرغم من جميع المحاولات للمضاربة على الليرة واضعافها .


سانا 17 حزيران , 2013

[alternative]

المشكلة يا صديقي حتى لو صدق صاحبك البطحيش
بكرة اذا تدخل المركزي او نزل السوق لحاله الى 180 مثلا رح نقول انجاااااز صار 180 يا بلاش
بس نحنا نسينا المصيبة الكبرى انوا من اسبوع او اكتر شوي كان 150 تقريبا
؟؟؟؟؟؟؟؟؟؟؟؟؟؟؟؟؟؟؟؟؟
تحياتي اخ مؤيد
ما في مجال تنزلولنا ياه لل
170
الله يوفقكم
مشان الاطفال الرضع
والعجائز الركع

[abu mhd]

تحياتي اخ مؤيد
ما في مجال تنزلولنا ياه لل
170
الله يوفقكم
مشان الاطفال الرضع
والعجائز الركع




حواليك حدا ينزله لل 40 وانا له من الشاكرين ؟؟؟؟؟؟
كرمال هالشعب المعتر

[ph-hosam]

حاكم المصرف المركزي: سنتدخل غداً لتمويل المستوردات وبيع المواطنين عبر شركات الصرافة
تاريخ المقال: 2013-06-17
http://aliqtisadi.com/user_files/news/photo/pic.jpgالاقتصادي – وكالات:

اعلن مصرف سورية المركزي اديب ميالة حاكم ان المركزي سيعود سيعود اعتباراً من الغد، لتلبية طلبات المصارف لشراء القطع الاجنبي من مصرف سورية المركزي لتمويل المستوردات، وفقا لاحتياجات السوق، وحسب سعر يحدده المصرف المركزي بعد استلامه طلبات المصارف، بحيث يضمن السعر المذكور عدالة التسعير للسلع والبضائع في السوق من جهة، واعادة سعر الصرف الى مستوياته الطبيعية من جهة ثانية.

كما أوضح الحاكم لوكالة "سانا" عن قيام المصرف المركزي وبشكل فوري، بضخ القطع الاجنبي عن طريق مؤسسات الصرافة والمصرف التجاري السوري باسعار مقبولة، لتلبية طلبات المواطنين لشراء القطع الاجنبي، حيث سيتم بيع المواطنين القطع الاجنبي المطلوب وفق الانظمة السارية حاليا والتي تقضي ببيع المواطن مبلغ 1000 يورو شهريا.

واعتبر ميالة ان عملية التدخل المذكورة ستعيد سعر الصرف الى "مستوياته"، موضحاً، ان المصرف المركزي عمل مؤخراً، ايضا على استصدار قرار لاعفاء مصدري الاغنام من سداد قطع التصدير بشكل مسبق لعملية تصدير الاغنام حيث بين ميالة ان عملية السداد المسبق والتي كان معمولا بها في السنوات السابقة، ساهمت ضمن الظروف الحالية وفي ظل ضعف موارد القطع الاجنبي في زيادة الطلب على القطع الاجنبي من قبل مصدري الاغنام، وبالتالي زيادة الضغط على سوق القطع الاجنبي الأمر الذي ساهم بارتفاع سعر الصرف، موضحاً ان القرار الصادر، يلزم مصدري الاغنام باعادة الحوالات الناجمة عن التصدير بشكل لاحق لعملية التصدير.

وأكد ميالة ان الحكومة، قامت بوضع الالية اللازمة لتفعيل خط التسهيل الائتماني الممنوح من الجانب الايراني بقيمة مليار دولار امريكي، بحيث سيساهم ذلك في تمويل جزء كبير من احتياجات السوق المحلية، وبتسهيلات دفع ما يسهم في تخفيف الضغط على سوق القطع الاجنبي، وبالتالي على سعر صرف الليرة السورية.

واعرب ميالة عن تفاؤله بعودة سعر الصرف الى مستوياته، بعد بلوغه اكثر من 200 ليرة، بعد اتخاذ الاجراءات المذكورة، حيث ان الارتفاعات الحاصلة غير مبررة، كما ان الاجراءات المتخذة من شأنها معالجة الاسباب التي تقف وراء هذه الارتفاعات، والحد من قيام البعض بالمضاربة على سعر صرف الليرة السورية، واستغلال حاجة المواطنين والتجار للقطع الاجنبي.

وختم ميالة ان المركزي يقدر ثقة المواطن بليرته السورية، وبقدرة المصرف المركزي على ضبط ايقاع سعر الصرف بشكل مستمر، ولذلك فهو مستمر بالدفاع عن سعر الصرف، وبالتدخل كلما اقتضت الضرورة، مهما اشتدت الازمة وبالرغم من جميع المحاولات للمضاربة على الليرة واضعافها.

[S.O.S]

يا شباب مشاركاتي ما عم شوفها صرلي كم يوم عم دور عليها حدا شافها شي

[S.O.S]

طيب شو الحل

[Dynamic Pulse]

المشكلة يا صديقي حتى لو صدق صاحبك البطحيش
بكرة اذا تدخل المركزي او نزل السوق لحاله الى 180 مثلا رح نقول انجاااااز صار 180 يا بلاش
بس نحنا نسينا المصيبة الكبرى انوا من اسبوع او اكتر شوي كان 150 تقريبا
؟؟؟؟؟؟؟؟؟؟؟؟؟؟؟؟؟؟؟؟؟
كلامك صحيح 100%
لذلك قلت أنو خللي الأمور على صاحب الخزاين المليانة

[ph-hosam]

برأي أصحاب الخبرة في المنتدى
بعد تصريح ميالة المسائي هل يوم غد هو يوم مناسب للخروج بالنسبة للمضاربين؟؟؟

[طارق السوري]

رأيي أن جنون السعر مسببه بعض الكبار من المقربين من جهات مختصة ما ومقصودة لسببين
الأول: تخفيف حدة الصدمة (هذه سياسة سورية بجدارة في كل شيء)، يعني لما بيطلع للـ 225 وبعدين بيرجع بينزل للـ 190 الناس تسترد أنفاسها وبتبلش التحيات للمركزي العظيم اللي مسك السوق، وبننسى أنه أساساً السعر طلع 40 ليرة بحوالي أسبوع، ونسيان التضخم والغلاء (أو تخفيف حدة التذمر لأنو كيف بدنا ننسى الغلا وهو ملاحقنا ليل نهار).

الثاني: أعتقد أنه لتأمين السيولة من القطع السوري (الليرة) بكميات أكبر لا سيما للرواتب خصوصاً أننا على أعتاب رمضان.
وبعتقد هاللعبة رح تتكرر أكثر من مرة من هون للعيد، إذا ضلينا وضلت البلد.
ولكن بعض الحكماء قالوا قديماً (اللي بيلعب بالنار بيحرق أصابيعو) :d

والله يحمي سوريا وشعبها يا رب .. قولوا آمين

[(( أبو جهاد ))]

السلام عليكم ورحمة الله وبركاته
اعتذر عن البطء في الرد عن الذين
سألوا عن صحة الاسعار التي وضعتها
بسبب قطع الكهرباء والانترنت
جميع الاسعار التي وضعتها صحيحة
اما حاليا لايوجد احد يشتري دولار
حلب

[المضارب الحسكاوي]

تحياتي اخت ميرا بس اتوقع دكتور ميالة تاخر هل مرة تاخر كتير وفي مثل عند مربين الخيول بيقول اذا مسكتو لا تفلتو واذا فلتو لا تركض وراه والمقصود ما بتقدر تلاحق الحصان بيتعبك اكتر وعلى فاضي اتركه ليهدء وحاول تمسكه وبهل مرحلة دخول المركزي بيضيع جهد المركزي وما بيخفض دولار بيجوز يقدر يهدي الارتفاع وبصراحة تصريحات المركزي ما عاد تخوف حدا ليجن وليبع دولارات

[shereen]

قريت من شوي الحكي تبع ميالة شو رايكم فيه انا حستو مضحك انو 1000 يورو بالشهر واستنا كل هالمدة هللق حتى اتذكر يمول المستوردات لك مو على اساس المستوردات الدوولة لح بتجيبها ياللله بكرة بعض المواطنين الدراويش بيبعو دولاراتهم وبينزل السعر لل 200 والناس بتسعر على ال 200 وبتثبت السعر

[expert]

صرح الدكتور اديب ميالة حاكم مصرف سورية المركزي انه واعتبارا من يوم غد سيعود المصرف المركزي لتلبية طلبات المصارف لشراء القطع الاجنبي من مصرف سورية المركزي لتمويل المستوردات وفقا لاحتياجات السوق وحسب سعر يحدده المصرف المركزي بعد استلامه طلبات المصارف بحيث يضمن السعر المذكور عدالة التسعير للسلع والبضائع في السوق من جهة واعادة سعر الصرف الى مستوياته الطبيعية من جهة ثانية.

كما اعلن الحاكم عن قيام المصرف المركزي وبشكل فوري بضخ القطع الاجنبي عن طريق م...وءسسات الصرافة والمصرف التجاري السوري باسعار مقبولة بهدف تلبية طلبات المواطنين لشراء القطع الاجنبي حيث سيتم بيع المواطنين القطع الاجنبي المطلوب وفق الانظمة السارية حاليا والتي تقضي ببيع المواطن مبلغ 1000 يورو شهريا.

واكد ميالة ان عملية التدخل المذكورة ستعيد سعر الصرف الى مستوياته ولاسيما ان المصرف المركزي عمل موءخرا ايضا على استصدار قرار لاعفاء مصدري الاغنام من سداد قطع التصدير بشكل مسبق لعملية تصدير الاغنام حيث بين ميالة ان عملية السداد المسبق والتي كان معمولا بها في السنوات السابقة ساهمت ضمن الظروف الحالية وفي ظل ضعف موارد القطع الاجنبي في زيادة الطلب على القطع الاجنبي من قبل مصدري الاغنام وبالتالي زيادة الضغط على سوق القطع الاجنبي الامر الذي ساهم بارتفاع سعر الصرف موضحا ان القرار الصادر يلزم مصدري الاغنام باعادة الحوالات الناجمة عن التصدير بشكل لاحق لعملية التصدير.

من جانب اخر اكد ميالة ان الحكومة قامت بوضع الالية اللازمة لتفعيل خط التسهيل الائتماني الممنوح من الجانب الايراني بقيمة مليار دولار امريكي بحيث سيساهم ذلك في تمويل جزء كبير من احتياجات السوق المحلية وبتسهيلات دفع ما يسهم في تخفيف الضغط على سوق القطع الاجنبي وبالتالي على سعر صرف الليرة السورية.

واعرب ميالة عن تفاوءله بعودة سعر الصرف الى مستوياته بعد اتخاذ الاجراءات المذكورة حيث ان الارتفاعات الحاصلة غير مبررة كما ان الاجراءات المتخذة من شأنها معالجة الاسباب التي تقف وراء هذه الارتفاعات والحد من قيام البعض بالمضاربة على سعر صرف الليرة السورية واستغلال حاجة المواطنين والتجار للقطع الاجنبي.

وختم ميالة ان المركزي يقدر ثقة المواطن بليرته السورية وبقدرة المصرف المركزي على ضبط ايقاع سعر الصرف بشكل مستمر ولذلك فهو مستمر بالدفاع عن سعر الصرف وبالتدخل كلما اقتضت الضرورة مهما اشتدت الازمة وبالرغم من جميع المحاولات للمضاربة على الليرة واضعافها .


سانا 17 حزيران , 2013

طلع المركزي ضابط
بس ضابط شو ............... ضابط ايقاع
هههههههههه
يللي بدوا يفعل ما بيحكي
دغري بيضرب قبل ما يقع الفاس بالراس
بس متل ما قال الاستاذ عابر
فيناس بتقبض مصاري بس من شان تعيط وتخوف سواء جاب العياط والكلام نتيجة اما لا

[ذكرى انسان]

السلام عليكم


الحكي ماعاد ينفع لاميالة ولاغيرو بيقدرو يغيرو شي من الواقع


لو بكرى حكو وضخو وخوفو قديش بدو ينزل 10 او 30 يعني 170 طيب بعد بكرى بعد شهر ؟؟؟؟



شو راح يصير بعد كم يوم يقدرو يثبتوه ( لانو التنزيل صار حلم)



وداعاً ليرتنا العزيزة ..... والله يحرق اللي كان السبب

[مساعد جميل]

تم الدخول عل 175 و الخروج 225 في مدينة بانياس...الحمد لله رب العالمين رازق العباد..الحاج أبو محمد

ابو حطب ضحاك بعبك وكن على عشك لأنو هلأ بيفوت ابراهيم طاهر وبيسلخ محاضرة من كعب الدست وبيطالعك انت سبب هرهرة الليرة ورفرفة الدولار وموت الاطافيل من الجوع وسوء احوال مخيمات الزعتري والاسكندرون وثقب الاوزون والاحتباس الحراري والضميري
ولي مو ناقصينو نحنا خلي نايم بالمريخ تبعو

[المضارب الحسكاوي]

اجتماع رئيس الحكومة خاص بالليرة السورية خرج رئيس الحكومة يقول ايران سوف تمول كل مستورداتنا اقتباسا عن الاقتصادي عذر اقبح من الذنب يعني اقتصادنا مات لدرجة ما نقدر ناكل وثانيا اجتماعكم مشان دعم الليرة مو مشان ندين من ايران والعالم اليوم ركضت واشترت دولار خايفة من تعبها يضيع وما حدا سال عن اذا ايران بتمولنا ولا لا

[ميرا]

تحياتي اخت ميرا بس اتوقع دكتور ميالة تاخر هل مرة تاخر كتير وفي مثل عند مربين الخيول بيقول اذا مسكتو لا تفلتو واذا فلتو لا تركض وراه والمقصود ما بتقدر تلاحق الحصان بيتعبك اكتر وعلى فاضي اتركه ليهدء وحاول تمسكه وبهل مرحلة دخول المركزي بيضيع جهد المركزي وما بيخفض دولار بيجوز يقدر يهدي الارتفاع وبصراحة تصريحات المركزي ما عاد تخوف حدا ليجن وليبع دولارات


مساء الخير أخي الحسكاوي

معك حق 100% ، بتمنى يقدر يهدي الأسعار ويصدق هل المرة بقرار تمويل المستوردات بس ماعندي أمل كبير ، تعبنا من الارتفاعات المجنونة والخسارات المتلاحقة ، على كل الأحوال ان غدا" لناظره قريب .

كنا رح نروح لعندكون ونشتري بس صار السعر عندكن أعلى وخليتونا نلغي السفرة Big Grin

[alternative]

حواليك حدا ينزله لل 40 وانا له من الشاكرين ؟؟؟؟؟؟
كرمال هالشعب المعتر
حوليي يا اخ مؤيد
بس القوانين ما بتسمح

[أبو وحيد]

كلو عم يلوم ميالة !!!!
والله الشمس ما بتتغطى بغربال ... صح ولا أنا غلطان ؟!
ميالة زلمة درويش ع باب الله ما طالع بإيدو شي ....
حاج تكسحو فيه للرجال الله يعينوا على ما ابتلاه Big Grin

[pop75]

الله يسعدلي مساك أخي أبو حازم
واقع الحال أن البيع اليوم يتم كما يلي
الصراف لا يغامر برأس ماله بالعملة الصعبة
البيع والشراء يتم وفق قاعدة الطرابيش
يعني الصراف يبيع الشاري دولارات البائع فورا طبعا بعد أن يترك هامش ربح ليرة أو ليرتين
بهالعملية الصراف ربحان عالحدين وماخاطر لابالبيع ولا بالشراء
يعني من سائلو لناقلو
لا سعر ثابت للشراء اليوم
يعني من هالك لمالك لاباض الارواح و على مبدأ من دهنو سئيلو مو رايحة غير على المواطن البسيط
azhar1

[alternative]

قريت من شوي الحكي تبع ميالة شو رايكم فيه انا حستو مضحك انو 1000 يورو بالشهر واستنا كل هالمدة هللق حتى اتذكر يمول المستوردات لك مو على اساس المستوردات الدوولة لح بتجيبها ياللله بكرة بعض المواطنين الدراويش بيبعو دولاراتهم وبينزل السعر لل 200 والناس بتسعر على ال 200 وبتثبت السعر
بكرة باقل من
170
بكتير
انا اليوم نبهتكون من الصبح
بس انسقتوا خلف الارتفاع

نحن نصنع الحدث ولا ننقله

" من يضحك اخيرا يضحك كثيرا "

[(( أبو جهاد ))]

و يا دولار و مانك منا خود اليورو و ارحل عنا هالليرة خلقت لالنا و يلاا انزل يا دولاار

( منقول )

[حسين أحمد]

أنا لا أتوقع شيء من المركزي فهو كالعادة يشتري الوقت بالكلام والناس ملت من تصريحات ميالة عديمة الالدولة هي السبب الرئيسي في ارتفاع سعر صرف الدولار وذلك لأن الدولة تطبع عملة سورية بدون رصيد وبكميات هائلة لا تساوي قيمة الورق المطبوع وتقوم بشراء الدولار من السوق مهما كان السعر ولو بلغ 225 ليرة لأنها عملياً تحصل على الدولار مجاناً وعلى حساب المواطن الذي يقوم بدفع قيمة الدولارات عن طريق زيادة اسعار السلع
أتوقع سعر الدولار = 300 ليرة سورية خلال اسبوعين

[tareq773]

تصبحون على خير وعدولار هديان شوي

[ph-hosam]

حسب نشرة موقع الاقتصادي الساعة الساعة ال11 ليلا من مساء يوم الاثنين


دمشق مبيع 190 شراء 185

حلب مبيع 190 شراء 185

[لقماان]

مساء الخير أخي الحسكاوي

معك حق 100% ، بتمنى يقدر يهدي الأسعار ويصدق هل المرة بقرار تمويل المستوردات بس ماعندي أمل كبير ، تعبنا من الارتفاعات المجنونة والخسارات المتلاحقة ، على كل الأحوال ان غدا" لناظره قريب .

كنا رح نروح لعندكون ونشتري بس صار السعر عندكن أعلى وخليتونا نلغي السفرة big grin

مساء الخير مدام ميرا .....
و الله يا مدام المضارب الحسكاوي
ما بس لغالك السفرة على الحسكة ...
خربلي الشركة يلي كنت عمأسسا ...مشان نشتري من عندون
انو ضل طول هالعمر السعر عندون أقل بعشر ليرات
هللأ حتى فطنوا يبيعوا القمح و يرفعولنا الدولار ...
يلي مالو حظ ...لا يتعب و لا يشئى.....

[alternative]

غدا
هبوط شديد قد يكون اشد من ارتفاع اليوم
المشكلة بدنا ننصحكون تبيعوا اول التداول
بس ما حدا لح يشتري منكم
الف صحة يلي باع اليوم
و الله يعوض علي اشترى
بربح من عمل حقيقي
اضعاف مضاعفة يعوض خسارتوا اليوم

[عاقد الحاجبين]

الحمدلله تم الخروج على 186.5
الله يسترنا بكرا
كلشي بجي من رب العالمين يا محلاه
:: سألت الصراف الي اشترى مني سؤال . وبعد ما جاوبني عرفت شئد كان سؤالي بلا طعمة::

س : عمي ابو لطوف خير انشالله ئش صار لحتى كسر وطب هالطبة المبهدلة

ج : ليش عمي ئشو الي خلاه يطلع ويلب هالطلعة الظالمة هي

[-mouhamad]

يبدو ان سعر 200 هو السعر العادل والمناسب من قبل المركزي لأنه صمت حتى وصل الدولار لهذا السعر ولولا امتناع التجار عن بيع المواد الغذائية بالجملة واحتجاجهم بالجرد لما تكلم حاكم المركزي

[ميرا]

مساء الخير مدام ميرا .....
و الله يا مدام المضارب الحسكاوي
ما بس لغالك السفرة على الحسكة ...
خربلي الشركة يلي كنت عمأسسا ...مشان نشتري من عندون
انو ضل طول هالعمر السعر عندون أقل بعشر ليرات
هللأ حتى فطنوا يبيعوا القمح و يرفعولنا الدولار ...
يلي مالو حظ ...لا يتعب و لا يشئى.....




مساء النور أخ لقمان

كنت عم قول لحالي ليش ما استلمت تثبيت اشتراكي بأسهم شركتك الجديدة :)

[لقماان]

مارح قلكون شو متوقع صديقي البطحيش غدا
بلا مايخالفني أبو حكيم

رح نترك الشغل لرب العباد
هو يللي عم يرزق الناس وخزاينو مليانة
مساء الخير أبو محمد وين هالغيبة خيو.....
على كل الأحوال .........
خلاص خيو بطلناها لموضوع المخالفات ...
احكي شو بدك تحكي
انت و صاحبك الطبحيش....

[omar1964]

اليوم تحطيم الارقام القياسية لسعر الدولار و الذهب
حيث وصلت لأسعار قياسية غير مسبوقة

كمان تحطيم الرقم القياسي للمتواجدين بالمنتدى أعضاء و زوار بنفس الوقت
وصل الرقم 7647 الساعة 10.37 pm
و اكبر عدد مشاركات اكثر من 314 مشاركة
و اكبر عدد مشاهدات و اكثر من 39000 مشاهدة
بصالة الدولار ليوم واحد

و تحطيم آمال السوريين مع الاسف
بتراجع سعر الصرف و عودة الليرة الى اسعار الاسبوع الماضي على الاقل .

[لقماان]

مساء النور أخ لقمان

كنت عم قول لحالي ليش ما استلمت تثبيت اشتراكي بأسهم شركتك الجديدة :)

و الله يا مدام كنت عمجهز أمور الشركة ..
بتعرفي الشغلة بدها حسابات .....
سبحان الله ...على حظنا اجا المضارب الحسكاوي
نسفلنا المشروع من أساسوا ...
حظاتي صايرة ألال هالكام عشرين سنة الأخيرة ...
على كل الأحوال ....بس يجد جديد بأمور الشركة
ما بتلائيني الا عمخبرك باذن الله.................

[ADIB]

يا شباب ما حدا يبيع انا عما انصحكون ميشان ما تندمو بكرا اسلوب التهكير للمواقع الاقتصادية كان وسيلة لغايات ومنا تهكير موقع المنتدى وتهكير موقع الاقتصادي الصبح لانو المهكيرين كتبو نفس لي نعرض على موقع الاقتصادي هلق وكانو كلتبين انو سعر الدهب 5550 هلق اذا كان ولا بد انو ينزل ما رح يكون كتير بس رح يرجع يطلع بقوة لدرجة ما حدا رح يقدر يشتري ويعوض لي باعو فا الرجاء الانتباه ما حدا يوقع بلفخ

[-mouhamad]

غدا
هبوط شديد قد يكون اشد من ارتفاع اليوم
المشكلة بدنا ننصحكون تبيعوا اول التداول
بس ما حدا لح يشتري منكم
الف صحة يلي باع اليوم
و الله يعوض علي اشترى
بربح من عمل حقيقي
اضعاف مضاعفة يعوض خسارتوا اليوم

يعني يلي بيسمع هالحكي بيفكر انو الدولار رايح لتحت الميةوتمانين يعني تعلمنا انو كل مرة بيصير هالبلبلة مابينزل الا شغلة عشر ليرات وبيرجع بعد اسبوع بيعوضن عشرين

[-mouhamad]

يعني يلي بيسمع هالحكي بيفكر انو الدولار رايح لتحت الميةوتمانين يعني تعلمنا انو كل مرة بيصير هالبلبلة مابينزل الا شغلة عشر ليرات وبيرجع بعد اسبوع بيعوضن عشرين

على كل حال وانا بتمنى يتحقق حلمك وحلمنا وينزل لو لل170 قبلانين والله

[alternative]

على كل حال وانا بتمنى يتحقق حلمك وحلمنا وينزل لو لل170 قبلانين والله
هاد مو حلم اخي الكريم
هاد يلي بدو يصير
ليش لما صار 210
شو كان صاير حتى ارتفع هيك
متل ما صار الارتفاع لح يصير الهبوط ويمكن فاجئك
اذا قلتلك 150

[fearless]

بالنسبة للشباب اللي عم ينفوا تماما توصل الحرب لدمشق
جوبر القابون برزة القدم التضامن الحجر الأسود المخيم هي سبع أحياء كبيرة من دمشق حاليا هي بحالة حرب رسمي !
ولاتنسوا أنو سابقا صارت معركة بقلب الميدان ودخلت الدبابات على الميدان لعدة أيام !

المعارضة المسلحة مارح توقف ليتخلى النظام عن السلطة و النظام يبدو أنه مارح يتخلى عن السلطة إلا عسكريا و بالتالي لا مفر من معركة دمشق إلا في حالة حدوث تغيرات تجبر النظام على التخلي الحقيقي عن السلطة بالمفاوضات

[-mouhamad]

هاد مو حلم اخي الكريم
هاد يلي بدو يصير
ليش لما صار 210
شو كان صاير حتى ارتفع هيك
متل ما صار الارتفاع لح يصير الهبوط ويمكن فاجئك
اذا قلتلك 150

يارب يصير هيك. لانو الوضع هالمرة مختلف على كل حال الله كريم

[-mouhamad]

هاد مو حلم اخي الكريم
هاد يلي بدو يصير
ليش لما صار 210
شو كان صاير حتى ارتفع هيك
متل ما صار الارتفاع لح يصير الهبوط ويمكن فاجئك
اذا قلتلك 150


انا خايف بكرة المركزي يبيع اليورو عالهوية ب 275 والدولار عند الصرافة النظامية ب 194 وبقلولك ما صفيان عنا دولار وتاني يوم بيصير 198 والتالت 200 وبعدين بيرجع بيفلت اكتر من قبل

[alternative]

يارب يصير هيك. لانو الوضع هالمرة مختلف على كل حال الله كريم

حبيبي
اليوم بوقت قصير نزل 20
وبكرة خلي ينزل 20
بيصير 170
والله كريم

[S.O.S]

يعني منروح نحط راسنا عالمخدة ونحنا متفائلين بهبوط الدولار بكرة ؟؟؟؟؟؟؟؟؟؟؟؟

[أبو وحيد]

حبيبي
اليوم بوقت قصير نزل 20
وبكرة خلي ينزل 20
بيصير 170
والله كريم


نزل 20 ليرة وين ؟؟! وعند مين ؟؟! ومين هو اللي عم يبيع بــ190 دلنا عليه بركي بتكسب ثواب فينا !!.:confused2:

[alternative]

يلا شباب نروح عصالة يوم الثلاثاء
افتتاح ابو محمد

http://www.syria-stocks.com/forum/showthread.php?t=14607

[S.O.S]

تصبحوا على خير يا جماعة

[samsamo]

قريت من شوي الحكي تبع ميالة شو رايكم فيه انا حستو مضحك انو 1000 يورو بالشهر واستنا كل هالمدة هللق حتى اتذكر يمول المستوردات لك مو على اساس المستوردات الدوولة لح بتجيبها ياللله بكرة بعض المواطنين الدراويش بيبعو دولاراتهم وبينزل السعر لل 200 والناس بتسعر على ال 200 وبتثبت السعر
اذا صدق كلام ميالة يا شباب فتمويل المستوردات شغلة ايجابية رح تهدي اللعب شوي
أما بالنسبة للألف يورو من المصرف التجاري فعلى اساس ينحط قد سعر الألف يورو بالسوري وديعة بالبنك لمدة عام وهالشغلة مو كتير عملية

[ابراهيم طاهر]

كل المتحاربين اغبياء والبادي اظلم وله عذاب عظيم عند رب الكون دمروا البشر والحجر والمال والعرض دمروا الانتماء
نناشد الله ان يوفق السوريين جميعا" لوقف اطلاق النار والبدء في حوار عادل , عند وقف اطلاق النار الدولار 60 ليرة حتما" والاسعار ستعود للانخفاض وسيشبع الاطفال ويشعروا بالامان لان لاذنب لهم وهم مستغربين على هذه القسوة عليهم ولا يعرفوا لماذا وهم الآن في عالم الخوف بريئين .

[-mouhamad]

اعلن حاكم مصرف سورية المركزي اديب ميالة ان المركزي سيعود اعتباراً من الغد، لتلبية طلبات المصارف لشراء القطع الاجنبي من مصرف سورية المركزي لتمويل المستوردات، وفقا لاحتياجات السوق، وحسب سعر يحدده المصرف المركزي بعد استلامه طلبات المصارف، بحيث يضمن السعر المذكور عدالة التسعير للسلع والبضائع في السوق من جهة، واعادة سعر الصرف الى مستوياته الطبيعية من جهة ثانية. يعني بدو يستلم الطلبات يلي اسعارها مرتفعة ومناسبة وبتأمن الكمية المناسبة من العملة السورية يلي بيحتاجها المركزي وبالسعر المناسب بس ياترى شو هو السعر المناسب والعادل بالنسبة للمركزي المرة الماضية كان اليورو 178 هلق كم ياترى 275 ولا اكتر بعدين ليش لهلق لحككااااااااا

[black_ghost87]

منذ ساعات قليلبة معروض للبيع في بانياس بكميات كبيرة 130-140؟؟؟!!!!

[samsamo]

نزل 20 ليرة وين ؟؟! وعند مين ؟؟! ومين هو اللي عم يبيع بــ190 دلنا عليه بركي بتكسب ثواب فينا !!.
:confused2:
:):) ay1ay1