امنية صغيرة ولكنها الان كبيرة

[فراس السكري]

هل احد تمنى شربة ماء باردة ولم يحصل عليها
امنية صغيرة ولكن عند طلبها تكون كم ملكت الدنيا ومافيها
كل شيء اصبح لدينا امنية وهي اصغر الطلبات عند البعض ولكن بالمكان الذي اعيشه
اصبحت اماني ضخمة والمضحك بالامر سؤال يسأل لماذا تعيش هناك ولايوجد كهرباء ولاهاتف ولاحتى مواد غذائية وخطورة الخروج والدخول والوقفة الطويلة
ونسوا ان الرحمة اختفت وان البيوت قلت وان الاجارات طارات
فالمؤجر لايأجر الى كل ثلاثة اشهر معا وكأنه ضامن عمره يوم وهذا ان لم يكن بالعملة الصعبة
هذه ليست حالتي فقط فانا بالف نعمة عن غيري وهناك ألالف في المكان الذي اعيش به
ونقول بالاخير لماذا هذا البلاء اصابنا اتعرفون السبب
سؤال برسم الاجابة

[لقماان]

صباح الخير أخ فراس
شو أحوالك .....
آل شو أحوالك اي مبينة
الله يفرج عليك آمين...
هللأ من تجربة شخصية بئدر انصحك
انو صرلي بيت للآجار بمكان بعيد و معرض لكل شيئ و بأجار معقول
و بنفس الوئت صارتلي العيادة بمكان قريب و بنفس آجار البيت الفسيح
هللأ صحيح هي مانا بيت و متل أئن الجاج من كتر ما صغيرة...
و آجارا حتى أكتر بشوي من آجار البيت يلي بعيد.....
يعني راح أربلك ياها متل عنكون بالشام
قارن بين :
اذا الواحد ساكن بعيادة بالمالكي...كهرباء ..و..و زقزقة العصافير
مع واحد ساكن بفيلا بجديدة الفضل لا كهربا و لا مي مع زقزقة الجنازير....
---------------------------
هي مقارنة لتقريب الصورة مو المنطئتة يلي ساكن فيها متل المالكي

[abu mhd]

للأسف و أقولها بكل صدق بعد الكثير و الكثير مما شاهدت و أشاهد
أكيد الخير موجود وفي أهل خير ولولاهم لخسف الله بنا الأرض
كنت اقول لن يرحمنا الله ولكن استحييت من الله
فأقول كيف نطلب من الله الرحمة و نحن لا نرحم بعضنا البعض ؟؟؟؟
الله يفرج همك يا اخي فراس \ ابو عمر \ و ييسر امرك

[omar1964]

هل احد تمنى شربة ماء باردة ولم يحصل عليها
امنية صغيرة ولكن عند طلبها تكون كم ملكت الدنيا ومافيها
كل شيء اصبح لدينا امنية وهي اصغر الطلبات عند البعض ولكن بالمكان الذي اعيشه
اصبحت اماني ضخمة والمضحك بالامر سؤال يسأل لماذا تعيش هناك ولايوجد كهرباء ولاهاتف ولاحتى مواد غذائية وخطورة الخروج والدخول والوقفة الطويلة
ونسوا ان الرحمة اختفت وان البيوت قلت وان الاجارات طارات
فالمؤجر لايأجر الى كل ثلاثة اشهر معا وكأنه ضامن عمره يوم وهذا ان لم يكن بالعملة الصعبة
هذه ليست حالتي فقط فانا بالف نعمة عن غيري وهناك ألالف في المكان الذي اعيش به
ونقول بالاخير لماذا هذا البلاء اصابنا اتعرفون السبب
سؤال برسم الاجابة
السلام عليكم
الله يعينك و يساعدك و يفرجا عليك و كل الناس .
هلق عنا مشكلة جديدة كل ما بطلب بيت للأجار لشي صديق ما بيرضوا قال ما بيأجرو لغريب و كأنو جاي الزلمي من افريقيا او من المريخ .
الله يرحمنا و يفرجا .