سعر صرف الدولار بالليرة السورية بالسوق السوداء 4/4/2013

[Hany Basha]

الزوجة الواتسية : يحرء اخت الدولار...

ياريت بتحبني واحد بالمية من محبتك ومتابعتك

للاخضر الابراهيمي عفوا قصدي للاخضر المغضوب

لك حل عن هالكومبيوتر وتطلع لهون ......لولادك ...

لاقيني ...ولا تطعميني .....

لسا نزل الدولار ...طلع الدولار....

لك يطلع بلعو ان شاء الله وينزلو لوزاتو
نزلة بلا رجعة .....

الزوج البنكنوتي : لك شبك شبك انفلتي فرد فلتة

شيلي الواتس اب من ايدك لشيل الدولار من راسي !!

فكري منيح ورديلي خبر .....


حلوة وملعوبة
True story

[Hany Basha]

تحياتي أبو رأفت وكل الشكر للمهندس حسان على سعر الإغلاق الخميس
صباح الخير للجميع والله يجعلو أول أيام الفرج على كل أهل سورية
يارب أدبتنا وأحسنت تأديبنا
يارب فأنظر إلينا بعين رحمتك وفرج عنا مانحن فيه بحق نبيك وكتابك وبحق أبدال الشام وصالحيها إنك على كل شئ قدير
تحياتي وسلامي لك أبو محمد ديناميك
مافيني قلك صباح الخير لأني فتحت متأخر اليوم
بس رح قول:
مســـــــــــــــــــــــــــــــاء الخير
ولدعائك فلقد أمنت

[Hany Basha]

كيف الشباب والله الكم وحشة كبيرة ..ان شاء الله الكل بكون بخير
يبدو سافرنا ورجعنا ومافي شي جديد يذكر .... بس لفت انتباهي بعض المشاركات والطرق في خفض سعر الصرف وما بعتقد انو شهادات الايداع ولو بفائدة 100 بالمية رح تحل المشكلة وتخفض سعر الصرف ولا كمان دعم البورصة بشتى الوسائل رح يحل المشكلة ...يوجد طريقة واحدة ورح تكون ضربة قاسية وكبيرة كتير وبتلزم فقط مليار دولار ورح نشوف الدولار رجع لمستويات 65 في السوق السوداء ...الخطة بتتمثل بنوع بسيط من انواع الدعم يعني كيف الدولة عما تدعم المازوت والبانزين وعما تحط مليارات الليرات من جيبتها ...خليها تدعم الليرة وتحط نصف مليار دولار من جبيتها ورح تساوي استقرار بسعر الصرف لسنة كاملة هي اذا مو اكتر ...الطريقة تتمثل بضخ 50 مليون دولار يوميا بسعر 50 ليرة بتتوزع على الشكل التالي 15 مليون للمستورين و35 مليون للمواطنين لكل فرد 5000 الاف دولار شهريا يعني بيتوزع يوميا 7000 الاف اسم وبشكل مباشر وعن طريق الهوية الشخصية والاستلام والتسليم فوري بدون معاملات ووجع قلب وراس و على مدار الشهر بيطلع 210 الاف وهذا رقم خيالي وبغطي معظم المواطنين يلي نفسهم يشتروا دولار واكيد كمان بزيد :) وطبعا بيترافق مع ضخ هل المبلغ في السوق خفض تسعيرة المركزي من 87 الى 48 ليرة وطبعا خلال هل الشهر مليون بالمية سعر الصرف بالسوق السوداء رح يصير ب55 ليرة للدولار كحد اقصى وبما انو القيمة الفعلية لليرة تقدر بثقة المواطن السوري فيها رح ترجع الليرة لقيمتها الفعلية ...وبهي الطريقة كلفة راس المال مليار دولار خلي الدولة تبيعه بنص سعر الحقيقي يعني بتكون خسرت من جراء دعمه بس نص مليار دولار بس كسبت عدة نقاط الاولى صار الدولار بالحضيض ولبين مايرجع يتدرج بالصعود بده على الاقل ست اشهر هي اذا مو سنة لانو رح تكون ضربه قاسمه للكل ومحد رح يكون فينو ينهض من جديد خصوصا المضاربين وكبار الصرافين والبنوك ولبين ما يصحوا على الضربة القاضية بدهم اشهر ...اما المكسب بالنقطة الثاني رح يصير في فائض كبير بالدولار لانو الكل رح ترجع ثقته بالليرة السورية والكل لما رح يشوف الدولار بدو يصير ب50 ليرة الكل رح يركض بس منشان يلحق حاله ويبيع الدولار الموجود معه من اكبر صراف لاصغر مضارب ... اما المكسب بالنقطة الثالثة رح نتفادى تضخم كبير رح يصير من جراء انخفاض قيمة الليرة لحدود قياسية ورح ترجع الاسعار لوضعها الطبيعية بشكل تدريجي وخلال اقل من اسبوعين ...وبهيك مافي داعي لا لزيادة رواتب ولا ضخ المزيد من العملة السورية في الاسواق .. وهي بالنهاية لعبة رح يكون المستفيد الاول منها الدولة والمواطن ورح يكون اكبر الخاسرين فيها تجار العملات ...وبامكان المركزي كل فترة وفترة يوجه هيك ضربة قاضية وبدون الافصاح عن وقت هي الضربة القاضية ... وبكون استخدامها باوقات صعبة كتير وبظن الوقت الانسب لهيك ضربة قاضية هي هل الاوقات هي ...طبعا هي اذا كان بدها الدولة تخفض سعر الصرف وتخفف المعناة عن المواطنين بس هم ما بدهم يخفضوا سعر الصرف منشان يخلوا المواطنين تعاني ...وحاج الكل يفكر انو المضارب او الصراف هو السبب برفع سعر الدولار ...الكرة هلىء بملعب المركزي وعلى طول باعتقادي فينه يكون بملعبه ...هذا مجرد رأي عام لتخفيض قيمة سعر الصرف واذا ماعند المركزي مفكرين ومخططين يستعينوا فينا منساعدهم كتير ومنعطيهم معطيات دقيقة وبنسب مئوية فائقة ...وهلىء كيفو هاني باشا واخونا لقمان واخونا مجد واخونا باسل واخونا رامي واخونا ساجد واخونا غولدن مان بتمنى الجميع يكون بخير
أخي أنس السلام عليكم أنا والحمد لله بخير
بمجرد رؤية مشاركتك صرت أحسن
نور المنتدى

[Hany Basha]

مساء الخير
كل الشكر للسادة المشرفين لإزاحة السعر في اعلى الشاشة وصار تقريبا واضح وما مننسى نشكر كل من كان يذكرو بالمشاركة وخاصة الاخ هاني
تكرم عيناك
وأنا خادم للأوادم

Big GrinBig GrinBig GrinBig Grin

[طارق أبو الذهب]

تحية طيبة لجميع الأعضاء الآكارم ممكن نعرف شو أسعار الدولار بكل المحافظات لتعم الفائدة على الجميع ولكم جزيل الشكر والاحترام

[najm]

انا برأي الذهب الان في مراكز مغرية للدخول وللمضارب السوري فرصة بشراء الذهب في ظل الاوضاع الراهنة واذا ما هبط سعر صرف الدولار مقابل الليرة وارتفع الذهب نبقى في بر الامان واذا ما صعد الدولار والذهب معا بنكون ضربنا عصفورين بحجر ...

ملاحظة : كل ما يكتب هنا مجرد اراء شخصية قد تصيب وقد تخيب .:)

الذهب عالميا
1550 الان



الذهب الان
1567

[sajed]

حياكم الله بالخير

قرأت كل التعليقات والنصائح التي أوردها السادة الأعضاء ورأيت من ذهب الأمر بهم للنصح من أجل الشراء وآخرون حبّذوا البيع ومنهم من نصح بعدم البيع وهناك من قال اشتروا (أربع اقتراحات متضاربة)

طبعا" لكل منّا رأيه وتحليله والهاماته (وخاصة في هذه المعمعة الشاذة نسبيا")

أنا أرى بأن لليرة السورية في الأيام المقبلة جولة تصاعدية بعد طول هبوط وستكون هذه الجولة غير اعتيادية نظرا" للدعم الذي سيجريه المركزي ومن عدة محاور

هذه المرة ليست مزحة أو اشاعة...، لأن المركزي يدرك تماما" بأنه اذا فشلت خطته هذه فلن تقوم لليرة السورية بعدها قائمة وستختلط الأمور وكل سيغني على ليلاه وسيفقد المركزي ثقة القوة.

قد يختلف معي بعض الأعضاء بالرأي متعللا" بأن البلد يمر بأزمة مدمرة وفي حالة حرب طويلة، أنا هنا أوافقه الرأي ولكن ألفت انتباهه الى أن الآزمة مر عليها سنتان والهبوط في السعر قد أخذ مفعوله الكامل وفقدت الليرة مافقدت من قيمتها واستقرت في حدود 100 ـ 110ل.س للدولار.

أمّأ أن تهبط لحدود 127 ل.س \ دولار ثم ترتفع لحدود 110 ل.س \ دولار فهذه الاختلافات نتيجة المضاربات والاشاعات (النزيهة وغير النزيهة).

هذا رأيي المتواضع وهو ليس تحفيزا" للبيع أو الشراء

حمى الله سورية بلدا" وشعبا" واقتصادا"

[حلبية]

[font="arial"][color="darkgreen"][size="6"][b]

هيدا الرابط فيه مجمل شركات

الصرافه مع المعلومات يلي بتهمك


شكراااا كتير اخي .. والله يعطيك الف عافية
افدتني كتير ∩__∩

[saam]

أونصة الذهب
1574
واتوقع سعود سريع للأونصة

[mdhat]

الذهب1575 نرجو من اصحاب الخبرة يعطونا شرح بسيط شو عميصير بالذهب اذا ممكن

[hassan.1973]

مساء الخير على الجميع
يبدو أن سعر الدولار مقابل اليورو يواصل هبوطه ليصل إلى 1.3020

تحياتي لكافة الأعضاء الكرام

[Hany Basha]

شكرا الك أخي أبو حكيم عالتنويه
عسى أنو ربنا مايآخذني لأني ماإنتبهت
من كتر البسط بلش الواحد يفقد تركيزو
أكرر شكري
ربي يجعل كل أيامك بسط
عنجد فيني قول وبكل صراحة وبدون تردد " مندى رائع فيه النصيحة والفائدة "

[Hany Basha]

كان عندي اقتراح بسيط من السادة المشرفين على الموقع طالما انهم يقومون بتحديثه حاليا
إذا أمكن وجود طريقة لتحديث الصفحة بشكل آلي لتظهر المشاركات الجديدة عند إضافتها

اتمنى للمشرفين على هذا الموقع كل التوفيق والنجاح لما يقومون به من جهد لفائدة كافة الأعضاء

الشغلة فيها وجهة نظر
بس يمكن يكون أفضل لو تم إضافة زر في أعلى المنتدى" زر تحديث "
يمكن الضغط عليه ليعيد تحديث معلومات ومشاركات الصفحة فقط عند رغبتك

[hassan.1973]

الحمد لله على السلامة أخ أنس بكور

نور المنتدى برجعتك ونحن بانتظار مشاركاتك المفيدة ألنا كلنا

مع الشكر

[najm]

أونصة الذهب
1574
واتوقع سعود سريع للأونصة



الذهب1575 نرجو من اصحاب الخبرة يعطونا شرح بسيط شو عميصير بالذهب اذا ممكن

الان 1580
لم اطلع لكن قد يكون للتوتر بين الكوريتين وامريكا علاقة ...

[Hany Basha]

شـــــــــــــــــــــــــــــــــــــــــــــــــ ـــــــــــــــــــكراً
هذه كلمة شكراً لكل المشاركات السابقة والمستقبلية كون "زر شكراً " عندي لايظهر وذلك إما لضعف النت أو مشكلة في المتصفح وعلى الأغلب صابتني عدوة من أبو حكيم
Big GrinBig GrinBig GrinBig GrinBig GrinBig GrinBig Grin
thank you
thanks so much
thanks a lot
thanks a million

:)