صالون سيريا ستوكس للعطلات (7&8&9&10)2-2013 [الأرشيف] - الصفحة 2

BROKER

11-02-2013, 05:01 AM

حلو لفتت نظري الي هي الايات الكريمة .....لأن كل فكري انو عام بتجي دائما على سنة الخير بلقرآن ....انا مو دارس دين بس لما فكرت بالايات يلي سردتون ما شفت اي قطعية على كلمة عام اجيت بالمعناها الشدة....و تأكدت من هاد الشي لما رجعت للتفاسير

( أو كالذي مر على قرية وهي خاوية على عروشها ، قال أنّى يحيي هذه الله بعد موتها فأماته الله مئة عام ) ......اكثر المفسرين قالوا انو النبي العزير هو المعنى بها لما شاف مدينة القدس قد دمرها نبوخذ نصر و سأل كيف الله يعيد الله بنائها... من الناحية المنطقية البلد لما بتزدهر بكون اجيت عليها سنوات خير مو شدة ...فأرسل الله سنوات خير بينت فيها بيت المقدس من جديد و ازدهرت ثم عاش العزير من بعد موته ليشوفها عامرة بعد الخراب .... يعني كلمة عام هون اجيت سنة خير

(أوَلا يرون أنهم يُفتنون في كل عــام مرةً أو مرتين ) .

هي الاية نزلت بالمنافقين و كلمة الفتنة تفسيرها بعدة تفاسير منها انو كانت تجيون سنوات شدة و منهم من فسرها بانو ابتلاء و منهم من قال يؤمرون بالجهاد في سبيل الله

لكن تفسير سنة بمعانها الرخاء ابلغ ..كون فيها دلالة على رحمة الله عز وجل بلمنافقين و الابتلاء كان يأتيهم بالسنة فقط مرتين بالسنة حتى يرجعوا عن نفاقهم ...و يحمدوا الله عز وجل على الخير الذي انزله عليهم طوال هذا العام ....

(ووصينا الانسان بوالديه حملته أمه وهناً على وهن وحمله وفصاله في عامين ).

بهي الآية تفسير كلمة عام بمعناه الشدة ممكن لكن اذا اخدنا تفسير كلمة عام بمعناها سنة سعيدة فيها صورة رائعة بليغة انو الأم بتعاني كتير من الحمل و تربية و ارضاع ابنها ...لكن بالمحصلة بتكون هي سعيدة بابنها مشان هيك ذكرت كلمة عام وليس سنة دليلا على حب الام و عاطفتها اتجاه ابنها و سعادته به بالرغم من معاناتها بهي السنتين ...فسبحان الله

مابعرف هاد يلي طلع معي من تأمل بالايات بجوز كون مخربط

و اقول قولي هذا و استغفر الله لي ولكم

شايفين عملت عليكون شيخ هههههه

شـــــكراً شيخنا أبو عناد السوري :)