سعر صرف الدولار مقابل الليرة السورية ليوم السبت 2012/12/29 في السوق السوداء

[Jack Pot]

مساء الخير جميعاً. تم إغلاق السوق يوم الخميس في كل من حلب و دمشق بين أسعار متأرجحة نظراً لتذبذب السعر فقد تراوح سعر المبيع بين 91 و 94 بينما سعر الشراء تراوح بين 90 و 92 . بأنتظار المخطط البياني لتوقعات الأستاذ رامي العطار و له الشكر الجزيل دائماً و أتمنى لجميع الأعضاء و الزوار دوام الصحة و العافية و الخير :)

[Arman]

في صرافة بحلب عم يبيعو ب ٨٩ و يشترو ٨٧

[arnouri]

في صرافة بحلب عم يبيعو ب ٨٩ و يشترو ٨٧

تحياتي لك
ممكن تكتب لنا اسماء الصرافة لدعم
مصداقية الخبر

شكرا لك

[Jack Pot]

في صرافة بحلب عم يبيعو ب 89 و يشترو 87

ولله بعرف بالشام 90 بيع 88 شراء بس الله وكيلك قلت هل حكي و ما حدا صدقني و الصباح رباح و بتشكرك عالإفادة و نهارك مبارك صديقي

[Arman]

صراحة ما بعرف اسما الصرافة انا من اللادقية
بس عالم بعرفون بحلب هيك قلولي و للاسف ما سئلت عن اسماء الصرافين
بتمنى من الزملاء الي بالمنتدى من حلب يخبرونا شو الحكي الصح

[arnouri]

الرجاء من الاعضاء الكرام
عدم وضع الاسعار الدولار عن قيل وقال
وذلك لحفاظ على مصداقيتهم

شكراً

[مجد]

يعني صرنا لانعرف سعر الدولار نرجو فقط الذين يصرفون الدولاربيعا وشراء وضع السعروايضا ممكن لمشرفي قسم الدولار وضع السعر .وهذأ حفاظا على مصدأقية المنتدى

[Jack Pot]

الرجاء من الاعضاء الكرام
عدم وضع الاسعار الدولار عن قيل وقال
وذلك لحفاظ على مصداقيتهم

شكراً

مساء الخير أخي الكريم ، أولاً السعر أنا جبتو من المنبع ، يعني هاد بيتنورو منو تجار الحريقة ، تانياً شفتو المسا الساعة 7 ، قلتلو قديش بات السوق ، قلي 90 - 88 و أنا قلتلو رجع طلع لل94 ، قللي هدول شقيعة بيحمّو السوق ليلحسو أصبعتن قلتلو في عل 90 ، قللي قد ما بدك و قللي ستنالون شوي نازل أكتر .... هيك صار و أسم الصراف شركة خلف و لا يقل شأناً عن الشعار و السلطان و ما جبت شي من المريخ ، على كل بكرا أحلى

[Jack Pot]

أخ باسل ، أنت أول واحد لازم تعرف أنو هي لعبة صرافة ، أولاً البنك المركزي و أغلب البنوك و الصرافة بضلو للساعة ٥ مساءاً ، تانياً ما سألت حالك ليش السعر من مبارح المسا بعد الردة لل٩٣ ٩٤ يللي هيي ما غيرت ، بالعادة الجمعة كان يلعبوا شوي ، بالسعر ، و أخيراً واقف عل الصراف العادي بالغلا ، و أكيد ما رح يرضى بخسارة ثقيلة ، و أرجو ما حدا يعاتبني لأنو بزعل من النصب عل عالم لأنو أنا أكلتا مرتين و يا سيدي من هون ليوم الأثنين ببيّن كلشي و أنا بعتذر على هل أسلوب بالمخاطبة بس ولله من حرقت قلب

[ABO IYAD]

قلتلها لستي الدولار صار ب100 قالتلي عمره ما يتاكل

[BROKER]

صباح الأمان والسلام على أهل الشام (يعني أهل سوريا بس مشان القافية) ...

--- أولاً أحب أن أبارك لنزول الدولار لكل من الشعب السوري و المضاربين بالدولار، لأنهم سوف يستمرون، وعمر الليرة قد تم تمديده.
كنت قد أشرت بداية الأسبوع الماضي، أن عدم ارتداد السعر لأقل من -5% فسوف يقوم ذلك بتوقف المضاربات، وبالتالي موت سريري لليرة السورية. وذلك لن ينفع السوريين كمستهلكين، ولا المضاربين بــ الليرة\دولار.

-- وأيضاً كان مخططنا لأسبوع الماضي يستهدف نقطة \91\ قد طال انتظارها وأبقانا على حال المراقبة حتى نهاية الأسبوع، بعد جني الأرباح في بدايته، نتيجة البيع بـ\100\ الذي كان دخوله من نقطة \90\ .

- هذا ما سبق ولكن ما الذي يجب علينا عمله لليوم وبداية الاسبوع الجديد؟؟


لليوم السبت سوف نترقب نقاط الدخول، بحذر ومراقبة شديدة، فإن نقطة الدعم تكمن عند \90\ ولكن كسرها سوف يؤدي لكسر خط "دعم" قوي وكذلك كسر "لترند هابط" وعندها سيكون توجه الدولار الى النقطة (87) .

في مثل هذه النماذج هنالك اختلاف عفي مدارس التحليل الفني، فكلا النقطتين تتساوى بنسب تحققها، لذلك كان أفضل الحلول، هو ترك السوق للمراقبة عند الافتتاح، وفي حال كان قد كسر النقطة \90\ فالدخول بأي نقطة أسفل \88\ ستكون جيدة.

وفي حال لم يكسر فتكون نقطة \90\ هي نقطة الدخول، ولكن وبما أننا في يوم عطلة، عندها نلجأ الى تقسيم رأس المال للنصف.
فالدخول بعد افتتاح السوق في حال عدم كسره تكون من نقطة الدعم بنصف رأس المال المراد، وفي حال الكسر يعاد الدخول بنقطة الدعم السفلى كتعزيز للنقطة الأولى.
فلو فرضنا أن نقطة \90\ كانت نقطة دخول بنصف رأس المال، ونقطة \87\ هي النقطة الثانية، بذلك يكون السعر الوسطي هو التالي:

90+87÷2= 88.5 وسطي سعر الدخول .

المخطط الأسبوعي الذي نستطيع الاعتماد والسير عليه سيكون كالعادة ليوم الأحد، لكي نشمل تحركات السبت.

للتأكيد: على مراقبة الافتتاح للسوق بهذا اليوم والقرار حسب المعطيات الواضحة، وفي حال تخبط السوق فيمكن تأجيل القرارات ليوم العمل الأحد.

بالتوفيق

[BROKER]

صباخ الخير للجميع وللسيد رامي العطار المحترم زكرت قبل قليل أن نقطة الدخول قد تحققت يوم أمس فهل هي نقطة الدخول عند 93 أم إنها عند 90 للمبيع والشراء عند 88 كماقال أحد الأعضاء أنه سأل أحد الصرافة مساء أنه تم الإغلاق عند ذلك فأرجو التوضيح لهذا الأمر ولك جزيل الشكر والاحترام

أستاذ طارق صباحك خير
اسف للتأخر الذي مهما طال لكن بالتأكيد رح جاوب على اي استفسار .

حسب الاسبوع الماضي فإننا خرجنا بنقطة \100\ وننتظر ارتداد السعر الى \91\ الذي استبعده كثيرون ..
وبتفاصيل ردي السابق سوف تجد كل النقاط وآلية استخدامها.

وشكراً لك أبو الذهب :)

[BROKER]

يسعد نهارك سيد طارق ، الصديق رامي كان موضح أنو يتم الخروج عند النقطة 100 و الدخول بالسعر الحالي ، غداً المخطط الجديد يتم فيها تحديد نقاط الدخول و الخروج للأسبوع الجديد و الشكر لصديقنا المحترم رامي و لجميع المشرفين

مشكور أستاذ جاك ،حضرتك متابع دقيق :)

وشكرا على افتتاح الموضوع ...

[ABO IYAD]

مشكور أستاذ رامي

وبالتوفيق للجميع

[tarek]

صراحة ما بعرف اسما الصرافة انا من اللادقية
بس عالم بعرفون بحلب هيك قلولي و للاسف ما سئلت عن اسماء الصرافين
بتمنى من الزملاء الي بالمنتدى من حلب يخبرونا شو الحكي الصح

يااخي السعر محطوط في اسعار صرف يوم الجمعه و من اكثر من مصدر شراء 5'93 5'94 و الذهب مسعر على عالسعر

[أبو الحسن الحمصي]

بانتظار الأخ ابراهيم طاهر بهاليومين وأكيد رح يشمت ورح تكون عندو معلومات سرية إنو السوق رح ينزل للخمسين , ترقبوا .

[le liooooon]

صباح الخير
مع تمنياتي لكم بنبل الصراع بين الدولار والليره

[كانو]

أعتقد أن كبار المضاربين عملوا خلال الايام الماضية على رفع قيمة الليرة و ذلك لسبب واحد أنهم يستفيدون من تذبذب السعر اكثر بكثير من إنفلات السعر باتجاه واحد حيث عندها ستتوقف المضاربة كما أفادنا أخونا رامي, وسيتجه سعر الصرف عندها في One way trip
وسامحوناا

[Jack Pot]

أعتقد أن كبار المضاربين عملوا خلال الايام الماضية على رفع قيمة الليرة و ذلك لسبب واحد أنهم يستفيدون من تذبذب السعر اكثر بكثير من إنفلات السعر باتجاه واحد حيث عندها ستتوقف المضاربة كما أفادنا أخونا رامي, وسيتجه سعر الصرف عندها في One way trip
وسامحوناا

قصدك one way ticket lol:150::150::150:Frown11

[xzone]

صبح الخير

[Rida]

احلى شباب واحلى منتدى

هلق شو بتنصحونا انو نبيع هلق ولا انام عليهن لحتى يرد برتفع يعني خايف ينزل اكتر من هيك وانا شاريهن من زمان ب 90.5

فيدونا ...................؟؟؟؟؟؟؟؟؟؟؟؟

[عابر مجيب]

يسعد صباحكون
طبعا كل اللي بدهم يدفعوا اجارات أو عليهم تراكم فواتير عم ينتظروا يرجع الدولار للمية ، الله كريم . طبعا لوكانت الأسعار ممكن ترجع تنزل كان حرام نتمنى ونتأمل بالله ، بس الأسعار طلعت وخلصت فبكفينا الموته بلاها هي عصة القبر .
اليوم من القيل والقال قررت اتصل بصرافي المعتمد يعني تبع الملمات ، قال بياخد على 92 وماعنده مبيع بس اذا في ممكن يكون 94 - 95 . طبعا أنا بس قلي ماعندي للبيع اطمنت ورح استنى يومين لأدفع هالكم دفعة المتراكمين وعم أجلهم .
بالعادة عندي واحد مزعبر هون بصرف 100 أو 200 من عنده مو أكتر ، متفق انا وياه بيقلي السعر الحقيقي وبعدين بقلي بس أنا عم باخد بهالقد ، الله يرزقه ما عندي مشكلة .
كل من تبقى من الصرافة اللي تعاملت معهم لابد ما يغشوا كل كم مرة .

[كاظم الحب]

سؤال لو سمحتوا انا هي اول مشاركة الي بالمنتدى

معي 800 دولار اصرفهم ولا استنا شوي

ممكن يرتفع

[مجد]

عمليا الدولارأنخفض شي 4-5 ليرات تقريباويمكن يلي بدو يضارب بيروح نصفهم او كلهم ارباح للصراف مع مخاطرة كبيرة بحمل النقود حين الشراء والبيع .غير خطورة هبوط الليرة تحت المئة ليرة.
لذلك يجب على المضارب حساب كل الاحتمالات قبل المضاربه .علما ان الصرافين هم الاقدر على المضاربة لاسباب كثيرة

[غسان]

صباح الخير
الاخ باسل والاخ غولد مان
بانتظار اعلامنا عن سعر الافتتاح بحلب واللاذقية
مع الشكر

[BISO]

حلب - قبيل منتصف الظهيرة ...

93 -94 ...

[غسان]

حبيبنا ابو عدنان الغالي
بانتظار اعلامنا بسعر الافتتاح في طرطوس

[GoldMan$]

حلب - قبيل منتصف الظهيرة ...

93 -94 ...


على هالاسعار " نظريا " لازم يكون سعر الذهب تقريبا 4325 شراء - 4375 بيع
بس السوق اقل من هيك ....؟؟؟؟

[GoldMan$]

أسعار الذهب
2012-12-28

عيار 21 (1 غرام) : 4250
ليرة سورية عيار 18 (1 غرام) : 3643
ليرة سورية الليرة الذهبية (عيار 22) : 36000
ليرة سورية الليرة الذهبية (عيار 21) : 34400
ليرة سورية الليرة الرشادية : 32200
ليرة سورية الفضة الخام المحلي (1 غرام) : 88
ليرة سورية

[محمدجعفر]

ألف شكر لجميع الاعضاء الكرام
شو سعر حلب الان

[مجد]

سعر الذهب محسوب على سعر دولار91.21 ليرة

[محمدجعفر]

Gold : 1656

[BISO]

حلـــب بعد منتصف الظهيرة بقليل ....

تمت عملية شراء بـ 93.25 - 94.00

[عابر مجيب]

سعر الذهب محسوب على سعر دولار91.21 ليرة

الذهب ما بينخاف عليه ، الصياغ لحالهم بيرفعوا سعر (المصنعية ) وبيجبروا الكسر بالوزن ، وبيخلطوا عباس بدباس بيطلع دولارهم 94 .

[أبو عدنان]

سعر صرف الدولار السبت في السويداء شراء 90 مبيع بين 91 92 سعر الذهب غرام21 4250 سعر الأنصة 1655.80 تقسيم 35.55=46.58 سعر غرام 21 4250تقسيم46.58=90.24سعر الدولار في السوق السوداء

[tarek]

الدولار في حلب 93.25 ــــــــــــ 93.75 , 93 ـــــــــــــ 94 السعر متفاوت بين صراف واخر

[tarek]

على هالاسعار " نظريا " لازم يكون سعر الذهب تقريبا 4325 شراء - 4375 بيع
بس السوق اقل من هيك ....؟؟؟؟

اخي الخطيب حط في الحسبان انو حاليا يتم التحويل من عيار 24 لل 21 بالقسمة على 1162 وليس 1143 بسبب العرض البيتوتي الهائل وخصوصي في حلب و حسوب الحساب على هالنسبة بيطلع معك السعر دقيق 100 %

[hesham]

حبيبنا ابو عدنان الغالي
بانتظار اعلامنا بسعر الافتتاح في طرطوس

حبيبنا
مبدئيا السعر محصور بين
91 شراء
93 بيع
ومابينهما

وقابل للتغير بأي لحظة

[باسل غ]

السلام عليكم

سعر الافتتاح

93_______94

السعر الان

93.5_______94.5

حلب متوفر

[tarek]

السلام عليكم

سعر الافتتاح

93_______94

السعر الان

93.5_______94.5

حلب متوفر

على هالحاله مين طلعوا الشقيعة

[احمداحمد]

مساء الورد لكل الاعضاء يوم سعيد

السعر الان في اللاذقيه

شراء92 ---------مبيع 94 ومتوفر بكافة الكميات

السعر الان في حلب

شراء 93-------- مبيع 94 ومتوفر بكافة الكميات

مع الشكر الجزيل للسيد باسل على سعره الدقيق

[باسل غ]

السعر الان

92.5_______93.5

تم الشراء على 92.75

حلب متوفر

[xzone]

صباح الخير للجميع عزيزي باسل ممكن اسعار الذهب الكسر الان
وشكرا للافادة

[rany82]

بيقول المثل بعد كل طلوع في نزول وكمان بعد كل نزول في طلوع وطلوع قوي

[ملك]

حلب

93
93.5

[عمار اللامي]

صباح السلام للجميع
اللاذقية السعر الان شراء 92
مبيع.......................94.5
الذهب السعر الرسمي 4250
السوق شراء......... 4150
مبيع.................. 4250
والله ولي التوفيق

[باسل غ]

صباح الخير للجميع عزيزي باسل ممكن اسعار الذهب الكسر الان
وشكرا للافادة

4200____4225

حلب

[ملك]

حلب

92.5
93

[باسل غ]

حلب

93
93.5

حلب

92.5
93

الله يمسيك بانوار النبي

كنت ناطر تحط سعر جديد بعد ما كم

دقيقه من نشرك لسعر ccc

[tarek]

حلب

92.5
93

يبدو ان الدولار يشهد مقاومة كبيرة عند ال 95 فهو ما يلبث ان يصل اليها حتى يرتد بسرعة

[باسل غ]

السعر ((((((الان)))))))

92.5_______93.25

حلب متوفر

[xzone]

مشكور على الجهود الطيبة

اخي باسل غ

[طارق أبو الذهب]

السلام عليكم للجميع شو سعر الدولار بدمشق مع الشكر الجزيل

[عابر مجيب]

حلب

92.5
93

والله ولقطتك
شو حبيبي محروق ابو الدولار ما بيهمنا ، وينك ؟ شو المنتدى وكالة بلا بواب ؟!
انشغل بالنا عليك وسألنا عنك وانت ولا هامك . حبيبي على الأقل تروك خبر عند الادارة ووقت حدا بيسأل عليك بيقولولو موجود وبخير بس مو جاي على بالو يدخل بنتطمن . ولوووووووو ، كنت ما تتكنس من المنتدى هههههههههههههههه
يسعد أوقاتك ربي .

[fearless]

اخي الخطيب حط في الحسبان انو حاليا يتم التحويل من عيار 24 لل 21 بالقسمة على 1162 وليس 1143 بسبب العرض البيتوتي الهائل وخصوصي في حلب و حسوب الحساب على هالنسبة بيطلع معك السعر دقيق 100 %

حتى بعملية التحويل من عيار لعيار بدن يلعبوا تجار الدهب والصاغة ويستحكموا الناس أكتر و أكتر
شو ضل ما إحتالوا على الناس فيه بخصوص الذهب ؟

[ملك]

والله ولقطتك
شو حبيبي محروق ابو الدولار ما بيهمنا ، وينك ؟ شو المنتدى وكالة بلا بواب ؟!
انشغل بالنا عليك وسألنا عنك وانت ولا هامك . حبيبي على الأقل تروك خبر عند الادارة ووقت حدا بيسأل عليك بيقولولو موجود وبخير بس مو جاي على بالو يدخل بنتطمن . ولوووووووو ، كنت ما تتكنس من المنتدى هههههههههههههههه
يسعد أوقاتك ربي .


الحق معك والله يسلمك
كان في عندي ظرف صحي مفاجئ ومن بعدها انشغلت بموضوع الاحداث على الارض
شكرا على كلماتك

[احمداحمد]

السلام عليكم ورحمة الله وبركاته

السعر الان في اللاذقيه (سعر البيع والشراء الفعلي)

شراء 92----- مبيع 93 طبعا للكميه

نظره عامه على السوق في جميع محافظا ت سوريا

العرض قليل والطلب قليل جدا وخوف شديد من قبل الصرافين وعامة الشعب من البيع والشراء

والترقب سيد الموقف

[ADIB]

السعر الان 95 للمبيع و93 للشراء

[hesham]

السعر الان 95 للمبيع و93 للشراء

اخي اديب
ربما يكون سعرك دقيق في المحافظة التي تقصدها
ولكن السعر الان في اغلب المحافظات الرئيسية
محصور بين ال 91.5 و ال 92.75
هذا سعر الان
وهو قابل للتغير بشكل لحظي

[احمداحمد]

ننتظر سعر حلب الحقيقي من السيد باسل

[najm]

من اشترى ما بين 100 - 500 دولار لن تفرق معه كثيرا

[yas.yas]

سعر حلب هذه اللحظة وانا يلي سألت
92.5.........93
ما برعف اذا بصير حط اسم الصراف للتاكد

[ملك]

حلب

92.75
93.25

[باسل غ]

السعر الان

من 92.25 الى 92.75 شراء_93.25

مبيع حسب المبلغ وزمة الصراف

في صرافين عبيعوا على 93

[GoldMan$]

اللاذقية ..

دولار شراء 91,5 - بيع 93

ذهب شراء 4150 - بيع 4250

بصراحة شعرت في تخوف من هبوط عند السؤال طبعا هبوط خفيف مشان ما حدا يفهم كلامي غلط

يعني الصراف بتحسوا انبسط لما يبيعك بس بيقلك سعر الشراء وكانو مضطر او خايف يشتري ..

اعتقد " رأي شخصي " بالنسبة ليوم غد قد يهدء السوق قليلا ومن يريد ان يشتري وخايف من تراجع السعر باليومين القادمين أو خايف من ارتفاع مفاجئ .. اشتري بربع المبلغ على هذه الاسعار وراقب السوق خلال الاسبوع الجاري ...

[najm]

الصراف هو أخوف الناس على ابقاء العملة الصعبة خلال فترة هيجان السوق ومن مصلحته ابقاء السيولة بين يديه وتدوير رأس المال وخصوصا عندما يكون فارق السعر كبير اذا كان المضارب يأمل بتحقيق ربح 2% الصراف يحقق نفس النسبة بدون مخاطر سمعنا عن صرافين عتاق أفلسوا ومنهم من هرب برا البلد بسب التحول الى مضارب .

[عاشق سوريا]

مساء الخير للجميع

إن السعر المتدهور للدولار و التخبط في العرض من قبل الصرافين سيتضاعف كثيرآ في الأيام المقبلة في حال عدم تدخل المركزي
وبالتالي إن تدخل المركزي سيساهم إلى حد ما في ضبط سعر البيع و الشراء
على العموم السعر في الأسبوع القادم بعد التدخل (88-89)ay1

[يوسف س]

شباب وين بقيان بحلب محلات صاغة شغالة وبتشتري دهب محروق
وهل يمكن بيع الدهب مقابل الدولار ؟؟؟ من الصائغ مباشرة

[أبو تيم]

السلام عليكم...........ليوم نطرنا مداخله الاستاذ رامي بس مو مبين......ز

[عاشق سوريا]

إن سعر صرف الدولار الحقيقي و المتداول به اليوم باحتساب سعر غرام الذهب هو 91.25
(على أساس السوق السوداء)
وهذا إن دل على شيء فإنما يدل على تدخل المركزي في اليومين الماضيين لأن السعر الذي تحدده الجمعية الحرفية للصاغة يؤخذ من صرافين كبار مرتبطين بالحكومة بطريقة غير مباشرة
وبالتالي وفق التحليل الشخصي فإن السعر الحقيقي للدولار في السوق السوداء هو 91.25
إذآ باختصار تدخل المركزي قادم لا محالة في السوق لأنه قادر على تعديل سعر الصرف (تخفيضه) بمقدار 5 ليرات ليصبح (87.5) إذا تم ضخ الدولار بكمية (200 مليون دولار )
وهذا التحليل منطقي و سليم وفقآ للمختصين من أصحاب القرار
جميعنا نعلم أن الهاوية المالية المتوقعة في أمريكا ستخفض سعر الدولاروالذهب عالميآ وانعكاسها على السوق السورية الغير مستقرة محدود وإن حصل الانخفاض سيكون بمقدار 0.5 ليرة على أبعد تقدير وفقآ لاحتياطيات الفدرالي الأمريكي المتوفرة .
تقبلو تحيات عاشق سوريا وادعولنا................

[najm]

نشكر الأستاذ رامي العطار على تقاريره المكتوبة بحرفية بالغة
والأستاذ باسل غ لنشره اسعار ذات مصداقية وبشكل متواصل وهو من لمح على ضرورة البيع بسعر 99 قبل ان يصل اليها ب 10 نقاط تقريبا حقيقتا استحق الوسام بجدارة .
ولن أنسى السيد Romeo الغائب على جهوده الكبيرة في صالة الذهب بغياب الأخ Goldman .
أخيرا برغم ما يحدث في بلدنا الحبيب مما تنفطر له القلوب قد يستغرب البعض ويظن بأننا هنا في عالم ثاني للتوضيح أقول بأنه نوع من انواع العمل ولولا العمل لتوقفت الحياة ومازلت ارى اناس يذهبون في عز المخاطر لجني بعض الليرة التي تسد رمق اسرهم .
والله الموفق والفرج قريب باذن الله .

[رنا]

الاخو الاعضاء اريد نصيحة :
ايهما افضل للاستثمار الذهب ...
ام العملة (دولار او يورو)..
وشكرا

[طارق أبو الذهب]

مساء الخير للجميع سؤالي للسيد المحترم عاشق سوريا إذا الذهب عم ينحسب على 91.25 ليش الصرافة عم ياخدوا الدولار من 92.25 ل 92.5 وهن عارفين أن الذهب عم ينحسب عا 91.25 أرجو التوضيح ولك جزيل الشكر والاحترام

[BROKER]

السلام عليكم...........ليوم نطرنا مداخله الاستاذ رامي بس مو مبين......ز

وعليكم السلام ...أستاذ ابو تيم

مداخلتي في الصفحة 2

http://syria-stocks.com/forum/showthread.php?t=13718&page=2

[باسل غ]

الاخو الاعضاء اريد نصيحة :
ايهما افضل للاستثمار الذهب ...
ام العملة (دولار او يورو)..
وشكرا

كل يلي ذكريتهم ما بيصيروا استثمار

بيصيروا للتحوط او المضاربه

[رنا]

كل يلي ذكريتهم ما بيصيروا استثمار

بيصيروا للتحوط او المضاربه
اخ باسل لا تدقق عليّ بالالفاظ بيجوز بدا اختصاصين اكتر ...
قصدي الافضل للتحوط وعدم الخسارة مستقبلا او ازا حبيت للمضاربة ...؟؟؟

[xzone]

عزيزي باسل غ على شو سكر سعر الدولار والذهب الكسر في حلب
ولك جزيل شكري على تعاونك

[احمداحمد]

جاء رجلُ
إلى الحسن البصري ( رحمه الله ) فسأله
ما سر زهدك في الدنيا ؟
فقال : أربع أشياء :
علمت أن رزقي لا يأخذه غيري فطمئن قلبي
علمت أن عملي لا يقوم به غيري فاشتغلت وحدي
وعلمت أن الله مطلع علّي فإستحست أن يراني على معصية
وعلمت أن الموت ينتظرني فأعددت الزاد للقاء ربي

[مجد]

مساء الخير