اجراءات شراء يورو من المصرف التجاري

[dodireg]

تسجيل عل اليورو على 3 مراحل:

1- فتح حساب باليورو من اي فرع من فروع المصرف التجاري يلزم صورة عن الهوية فقط + 300 اجور فتح الحساب (دون دفع 100 يورو)

2- تقديم طلب من الفروع الثلاثة (بدمشق) بشراء مبلغ اقصاه 5000 يورو:
- البرامكة: فرع رقم 11 خلف الاقتصاد
- المزة: استراد المزة جانب جريدة البعث
- الميسات: رقم الفرع 16 بالميسات
يلزم صورة عن الهوية + بطاقة الحساب الذي تم فتحه باليورو + طلب يأخذ من المصرف يوقع ويبصم + تعهد باستخدام اليورو لاسباب غير تجارية يوقع ويبصم + المبلغ بالليرة السوري اضافة حوالي 1000 ليرة عمولة

3- سحب المبلغ المودع بعد يومين او ثلاثة من احدى المصارف الثلاثة وسوف يتم خصم 100 يورو لا يمكن سحبها الا بعد 3 اشهر

[Salam L]

مو متجاكرة غير من فرع المزة اللي صمم ياخد المية دولار لتفح الحساب وما استفدت شي.

انت متأكد انو كل الفروع مابدها مية يورو؟؟

والسؤال التاني...هل تسجيل الطلب والتسديد بيكون بنفس اليوم؟؟ او متل المرة الماضية بنحط طلب بالزور وبعدين بيقولولنا ارجعوا بعد اسبوع

[dodireg]

مو متجاكرة غير من فرع المزة اللي صمم ياخد المية دولار لتفح الحساب وما استفدت شي.

انت متأكد انو كل الفروع مابدها مية يورو؟؟

والسؤال التاني...هل تسجيل الطلب والتسديد بيكون بنفس اليوم؟؟ او متل المرة الماضية بنحط طلب بالزور وبعدين بيقولولنا ارجعوا بعد اسبوع

طبعاً متأكد انا كمان وقت الدولار طلبو مني 100 دولار
بس هلأ طلع قرار انو في الواحد يفتح حساب فاضي بس بالاخير بيخصمو 100 يورو مابتقدري تاخديهم لبعد 3 اشهر

اما الطلب بصراحة انا وقت نزلت بنفس اليوم سجلت ودفعت بس ماكان في عجقة
بس انت وحظك مع العجقة يمكن تدفعي تاني نهار لأنو سمعت انو صار عجقة متل وقت الدولار!!
بتوقع فرع الميسات اخف عجقة

[omaromar]

و لكن السؤال:
ليش يورو مو دولار؟؟؟

[louis_16th]

طبعاً متأكد انا كمان وقت الدولار طلبو مني 100 دولار
بس هلأ طلع قرار انو في الواحد يفتح حساب فاضي بس بالاخير بيخصمو 100 يورو مابتقدري تاخديهم لبعد 3 اشهر

اما الطلب بصراحة انا وقت نزلت بنفس اليوم سجلت ودفعت بس ماكان في عجقة
بس انت وحظك مع العجقة يمكن تدفعي تاني نهار لأنو سمعت انو صار عجقة متل وقت الدولار!!
بتوقع فرع الميسات اخف عجقة

أعوذ بالله .. فرع الميسات مو طبيعي العجقة عندو !!
انا اليوم ضليت عندهن حوالي 5 ساعات و ما مشي الحال

[louis_16th]

انا اليوم فتحت حساب بفرع الروضة .. دفعت 100 يورو انا و عم اضحك والعب :-)
وبعدين رجعت على فرع الميسات 16
ويا ريت استفدت شي بالنهاية .. قررت روح الاحد سكر الحساب و اسحب الـ 90 يورو وامري لـ الله
والله يعوضني بهالـ10 يورو و اجور فتح الحساب و عذابي بهالخمس ساعات

[Salam L]

اليوم مريت على فرع المزة لاسحب المية دولار...

وبالمرة سألت على فتح حساب اليورو..
قالتلي الموظفة انو هنن بيشتغلوا على التعليمات.. ولهلق ما اجاهن تعليمات بقبض المية يورو.. واحيانا بيصعبوا الاجراءات واحيانا بيسهلوها وفقا للتعلميات... طبعا معتبرين عدم دفع المية تسهيل..ويمكن بوكرة يتغير هاد الشي


بالنسبة للعجقة في كتير عجقة على فتح حساب اليورو...بس اللي اجى بكير بكير ولحق فتح الحساب قدر يسدد مصاري السوري اليوم... واللي ماصحله دور قال يجي بوكرة... وكمان بده يوقف على الدور... يعني القصة بدها يومين على اقل تقدير...

وفي ناس قالولي انو الفرع اللي بطلعة برج تالة (ماعرفته تماما)...قال فتح الحساب فيه كتير سهل....

[dodireg]

انا اليوم فتحت حساب بفرع الروضة .. دفعت 100 يورو انا و عم اضحك والعب :-)

وبعدين رجعت على فرع الميسات 16
ويا ريت استفدت شي بالنهاية .. قررت روح الاحد سكر الحساب و اسحب الـ 90 يورو وامري لـ الله
والله يعوضني بهالـ10 يورو و اجور فتح الحساب و عذابي بهالخمس ساعات


غريب!! وانا فتحت حسابين بفرع الروضة وما اخدو 100 يورو شكلو الشغلة شوربة
بس حاول تنزل على غير فرع (البرامكة او المزة) بركي زبطت معك
لأنو صارت محرزة

[Salam L]

في مشاركة بموضوع سعر الدولار عم تقول انو توقف البنك التجاري عن بيع اليورو ايضا وصارت عن طريق الصرافين.. حدا بيقدر يأكد او ينفي؟؟

[dodireg]

و لكن السؤال:
ليش يورو مو دولار؟؟؟

الدولار خلص تقريبا من المصرف المركزي بس لسا في يورو والدولار عليه طلب اكتر من السوق
(((تحليل شخصي)))

[dodireg]

في مشاركة بموضوع سعر الدولار عم تقول انو توقف البنك التجاري عن بيع اليورو ايضا وصارت عن طريق الصرافين.. حدا بيقدر يأكد او ينفي؟؟


؟؟؟

[louis_16th]

اليوم مريت على فرع المزة لاسحب المية دولار...

وبالمرة سألت على فتح حساب اليورو..
قالتلي الموظفة انو هنن بيشتغلوا على التعليمات.. ولهلق ما اجاهن تعليمات بقبض المية يورو.. واحيانا بيصعبوا الاجراءات واحيانا بيسهلوها وفقا للتعلميات... طبعا معتبرين عدم دفع المية تسهيل..ويمكن بوكرة يتغير هاد الشي


بالنسبة للعجقة في كتير عجقة على فتح حساب اليورو...بس اللي اجى بكير بكير ولحق فتح الحساب قدر يسدد مصاري السوري اليوم... واللي ماصحله دور قال يجي بوكرة... وكمان بده يوقف على الدور... يعني القصة بدها يومين على اقل تقدير...

وفي ناس قالولي انو الفرع اللي بطلعة برج تالة (ماعرفته تماما)...قال فتح الحساب فيه كتير سهل....

اليوم موظفة فرع الروضة قالتلي انو روح على فرع المزة و سجل على 5000 يورو من هنيك
شو رأيك ؟؟ انا حسابي مفتوح وجاهز و بس بدي قدم الطلب .. في عجقة كتير على تقديم الطلبات ؟
وبخصوص الدور .. في دور نظامي ؟ ولا متل الفرع 16 .. العالم فوق بعضها وعم تقاتل بعضها كأنها قاعدة بسوق الهال ؟

[louis_16th]

الدولار خلص تقريبا من المصرف المركزي بس لسا في يورو والدولار عليه طلب اكتر من السوق
(((تحليل شخصي)))

حسب مصدر مقرب من داخل المركزي .. لايوجد دولار الا بكميات قليلة جداً و هي غير قابلة للتداول على ما يبدو .. لكن بالنسبة للعملات الأخرى .. فاليورو متواجد و بوفرة

[Salam L]

؟؟؟

!!!!!؟؟؟؟؟

[Salam L]

اليوم موظفة فرع الروضة قالتلي انو روح على فرع المزة و سجل على 5000 يورو من هنيك
شو رأيك ؟؟ انا حسابي مفتوح وجاهز و بس بدي قدم الطلب .. في عجقة كتير على تقديم الطلبات ؟
وبخصوص الدور .. في دور نظامي ؟ ولا متل الفرع 16 .. العالم فوق بعضها وعم تقاتل بعضها كأنها قاعدة بسوق الهال ؟




اي في عجقة.. والناس جاية من الصبح... بس مابعرف كيف نظام الدور لاني اجيت مشان غير موضوع...بس على الاقل هنيك الصالة كبيرة وفي كراسي.. مو متل فرع 11 بهدلة

[pcman242]

ياجماعة انا نزلت على فرع الميسات وكان في عجقة كتير وقالولي مافي تقديم طلبات لبعد اسبوع لانه عليهم ضغط وشفت واحد فات عند مدير المصرف وقلو مو معقول صرلي عشرتيام وماعم يعطوني اليوروات فمين عندو تجربة يفيدنا خايف اتعذب على الفاضي او يروحوا علي المصاري:confused2:

[Salam L]

ياجماعة انا نزلت على فرع الميسات وكان في عجقة كتير وقالولي مافي تقديم طلبات لبعد اسبوع لانه عليهم ضغط وشفت واحد فات عند مدير المصرف وقلو مو معقول صرلي عشرتيام وماعم يعطوني اليوروات فمين عندو تجربة يفيدنا خايف اتعذب على الفاضي او يروحوا علي المصاري:confused2:


فعلا عجقة كتير كتير.. هيك قالولي

انا اليوم فتحت حساب ودفعت مية يورو بالفرع اللي جنب مخفر المزة جبل... وهلق بدي حاول دبر شي طريقة لسجل طلب شراء اليورو

[البلخي]

http://static4.depositphotos.com/1001877/507/i/950/depositphotos_5070400-Euro-in-the-toilet-paper.jpg

[dodireg]

فعلا عجقة كتير كتير.. هيك قالولي

انا اليوم فتحت حساب ودفعت مية يورو بالفرع اللي جنب مخفر المزة جبل... وهلق بدي حاول دبر شي طريقة لسجل طلب شراء اليورو


المية يورو دفعتيهون باليورو ولا بالليرة؟؟

[Salam L]

المية يورو دفعتيهون باليورو ولا بالليرة؟؟

دفعتهن يورو... يورو ينتطح يورو....


واحلى نكتة قال بدهن صورة شخصية...

بس لهلق ماصار معي شي وماقدرت روح اكتب التعهد... ولا بعرف كيف بدو يصحلي دور بالدفع...

[bebo]

فرع الميسات وما ادراك من المدير في فرع الميسات اليوم صباحا ذهبت انا وابن خالي عاساس للتحقق لانه مسجلين الطلبات نن يوم الاثنين قال المدير ما في دخلة الا بالدور نظمنا دور للساعه 8 هو خلال هالساعه مشى اكتر من طلب مو مسجلين دور وسكتنا صار ينادي عالاسماء نادى 20 اسم والباقي ما نادالهم وسكروا باب البنك ضليت منتظر للساعه وحدة ووقتها دخلت مع واسطه وهون كانت المفاجأة انه حضرة المدير شاقق كل الطلبات القديمة ورجعنا لنقطه الصفر اذا هاد هو مدير بنك يعد الاول على سوريا شو منتظر اكتر من هيك اذا مدير مرتشي بيقفل باب بنك من الصبح لاخر الدوام وبمشي كم شخص زائد وسايطه بقى لا تحاولوا

[dodireg]

فرع الميسات وما ادراك من المدير في فرع الميسات اليوم صباحا ذهبت انا وابن خالي عاساس للتحقق لانه مسجلين الطلبات نن يوم الاثنين قال المدير ما في دخلة الا بالدور نظمنا دور للساعه 8 هو خلال هالساعه مشى اكتر من طلب مو مسجلين دور وسكتنا صار ينادي عالاسماء نادى 20 اسم والباقي ما نادالهم وسكروا باب البنك ضليت منتظر للساعه وحدة ووقتها دخلت مع واسطه وهون كانت المفاجأة انه حضرة المدير شاقق كل الطلبات القديمة ورجعنا لنقطه الصفر اذا هاد هو مدير بنك يعد الاول على سوريا شو منتظر اكتر من هيك اذا مدير مرتشي بيقفل باب بنك من الصبح لاخر الدوام وبمشي كم شخص زائد وسايطه بقى لا تحاولوا




معقووووووول !!!:confused2:

[dodireg]

دفعتهن يورو... يورو ينتطح يورو....


واحلى نكتة قال بدهن صورة شخصية...

بس لهلق ماصار معي شي وماقدرت روح اكتب التعهد... ولا بعرف كيف بدو يصحلي دور بالدفع...


شو حاسسها لعبة من التجاري؟؟؟!!!!
يعني اذا باليوم كل 50 واحد فتحو حساب ودفعو 100 يورو يعني حطو 5000 يورو
ومن هل ال50 واحد ما صحلون يقدمو طلبات غير 2 حسب الحكي عالعجقة
وبين ما اجا دور هل 2 بياخدو 10000 يورو
يعني باختصار الناس مولت نص اليورو المدفوع يعني 5000 من البنك و5000 من جيب الناس

[bebo]

معقووووووول !!!:confused2:


مو بس معقول هاد المدير اوقح منو ما في فاتحلي جوات غرفتو مضافه لكل بنت اللهم عافينا والوسايط متل مكتب سمسرة عندو لك في بنك بسكر بابو من الساعه 9 ونص قدام المراجعين لك مو الحق عليه الحق عالرقابه بادارتهم ومديرهم العام لك وفوقها احلى شي سايناه لهل المرتشي ما قال اول شي تحجج مشان يخرج المتعاملين خارج البنك مشان ينظمر الدور قلنالو هات ورقه لنسجل دور صار يماطل ما بدي شوف حدا قدامي طبعا وصايطوا عم يمشوا قام لفينا على عنادو وصاروا المتعاملين يسجلوا دور وسجلنا شي 40 شخص اسمائنا وعطينله الورقه قام شقها بقى لا تقلي. معقولللل هيك المسؤولين الصغار ببلدك للاسف بس

[Salam L]

شو حاسسها لعبة من التجاري؟؟؟!!!!
يعني اذا باليوم كل 50 واحد فتحو حساب ودفعو 100 يورو يعني حطو 5000 يورو
ومن هل ال50 واحد ما صحلون يقدمو طلبات غير 2 حسب الحكي عالعجقة
وبين ما اجا دور هل 2 بياخدو 10000 يورو
يعني باختصار الناس مولت نص اليورو المدفوع يعني 5000 من البنك و5000 من جيب الناس
هاد ولسا ماحسبت المية دولار اللي اخدوها وقت حساب الدولار اللي راح على الارض..


انا والله كنت بدي مر الصبح بوكرة على فرع الميسات بس اذا هيك الحالة مو ناقصني بهدلة اللي فيني بيكفيني...

[amins]

حاسس كلها لعبة منmarsa .......marsa. منشان يلموا شوية مصاري من هل الشعب ,متل من سنة لما دعوا الناس لفتح حسابات بسيطة في المصرف التجاري,او متل شغلة ال 50000 الف وحدة سكنية تبع السكن الشبابي.
تحياتي

[Salam L]

مو بس معقول هاد المدير اوقح منو ما في فاتحلي جوات غرفتو مضافه لكل بنت اللهم عافينا والوسايط متل مكتب سمسرة عندو لك في بنك بسكر بابو من الساعه 9 ونص قدام المراجعين لك مو الحق عليه الحق عالرقابه بادارتهم ومديرهم العام لك وفوقها احلى شي سايناه لهل المرتشي ما قال اول شي تحجج مشان يخرج المتعاملين خارج البنك مشان ينظمر الدور قلنالو هات ورقه لنسجل دور صار يماطل ما بدي شوف حدا قدامي طبعا وصايطوا عم يمشوا قام لفينا على عنادو وصاروا المتعاملين يسجلوا دور وسجلنا شي 40 شخص اسمائنا وعطينله الورقه قام شقها بقى لا تقلي. معقولللل هيك المسؤولين الصغار ببلدك للاسف بس

معناها اذا قررت روح.. فخليني على فرع المزة اللي عند دار البعث... لانو المديرة هنيك كتير محترمة واكابر...

لنشوف شو الوضع هنيك.. ولو اني بشكل هام قطعت املي من السيرة

[iass]

مرحبا. انا اليوم رحت فتحت حساب يورو بفرع التجاري تبع مساكن برزة مسبق الصنع. رحت الساعة تسعة. كنت خالص عالساعة عشرة. دافع المية يورو وماشي. رحت بوشي على فرع المزة. هنيك. من عالباب. مسكني الحارس. قلي شو بدك. قلتلو بدي أشتري يورو. قلي ماشي. سجللي أسمي. على ورقة. وكان رقمي 27، وقلي أنو موعدي ب17 -1 -2013. وما عطاني لا وصل ولا شي. وتوتة توتة خلصت الحدوتة. منشوف بتاريخ 17 -1 شو رح يصير معي وبخبركن. بس أغلب الظن. اغلب الظن أغلب الطن. لأنو حظي وبعرفو. رح يكون سعر اليورو وقتها بالتجاري أغلى من السوق السودا.

[dodireg]

الله يلعنهم تذكرت وقت اكلت كم بالدولار بس الحمد لله ظبطت معي باليورو قبل ما تصير العجقة

[rany82]

والله وفي عالم بعدها بتصدق, إذا بدهم ينفذوها بيكونو الحرامية الكبار لي بحاجة اليورو قشوهم قبل ما يعرف الشعب الفقير بالخبر ههههههه. بعدين مين هيدا لي بعدو متأمل بالسكن قال 50000 شقة ههههه بدك تراجعهم 50000 سنة ورح يبقى يجاوبوا ما استملكو الأرض بعد, لي ضرب ضرب ولي هرب هرب ههههههههههه

[bebo]

بحسبة بسيطة المشروع صار فاشل اذا ما نزل التجاري من سعر اليورو لانو اليوم صار فرق لا يتجاوز ليرتين بينهم وبين السوق السودا محسوب العمولات هاد عدا عن ضياع. اقل شي 3 ايام عالفاضي. الا اذا طلع الدولار فوق 95. صار معقول وقتها الشراء من التجاري على سعر 114 وكسور

[louis_16th]

مبارح لما كنت بالتجاري فرع 16 .. وصل تعميم الساعة 2 ظهراً بايقاف بيع اليورو للمواطنين حتى اشعار آخر

ألف مبروك :-)

[Salam L]

اليوم مريت جنب الفرع اللي عند دار البعث وشفت الناس واقفة على الدرج وعجقة...

شو قصتها ياترى... اذا واقف البيع شو المشكلة....

[bebo]

هل ايقاف بيع القطع الاجنبي لدى المصرف التجاري قد توقف بشكل كامل ام انها فترة ميزانيات ومن ثم المعاودة للبيع مرة اخرى لانهم ما ضاينوا شهر عاساس كل شهر ومدير عام المصرف التجاري قال انو ما عندو مشكلة ببيع القطع وما رح تكلف كتير بالنسبه لمخزون القطع لدى المركزي