سعر صرف السورية 05-12-2012 في السوق السوداء

[arnouri]

سعر صرف الليرة السورية مقابل الدولار ليوم الأربعاء 05-12-2012 في السوق السوداء (http://syria-stocks.com/forum/showthread.php?t=13529)


وختم الدولار تداوله أمس بعد أن كان التداول عليه بين 88 و 90 ليرة سورية للبيع والشراء

[arnouri]

لقد اتسعت الفجوة بين سعر المركزي وسوق السوداء بعد ان حاول تقليصها
بخفض قيمه الليرة إلى النصف تقريبا في محاولة لانهاء فجوة مع سعر السوق السوداء لكن الفجوة تتسع وتتسع.

[arnouri]

هل سوف يتدخل البنك المركزي أم شح العملة الأجنبية لدية
وبدأ بالتخلي عن وعوده وتصريحات مسؤوليه .
أم أنه ينتظر الفرصه لكي يدخل مضارب وهي ليست أحد وظائفه


شكراً

[arnouri]

وأكد د.ميالة أمس
أن المصرف المركزي عازم على إعادة سعر الصرف إلى مستوياته الطبيعية وسيتخذ الإجراءات اللازمة لذلك بما يضمن استقرار سعر الصرف والحد من تلاعب السوق السوداء.


هو يتكلم عن أي سعر , السعر قبل الايام أم قبل 21 شهر

[le liooooon]

اصبحنا واصبح الملك لله
صباح الخير

[le liooooon]

اعيدوا لي خبزي وحليبي ودوائي
اعيدوا لي ابتسامتي
وخذوا عني اوراقكم

[le liooooon]

اذا لم يتدخل المركزي فالصعود هو الاحتمال الاقوى

[nyfmpha]

صباح الخير
كيف شحت العملة من المركزي و كيف بيدخل مضارب - شو حزورة
هل يمكن أن يتخذ قرارت سياسية وما قد تكون

[محمد سامر]

صباح الخير

[الطير المهاجر]

صباح الخير للجميع

[aboalfawares]

صباح الخير
ارجوا من الله ان يفرج عنا هذا البلاء ويرفع هذا الغلاء
اميييييييييييين

[Salam L]

طالما القصة متروكة للتجاري رح يرتفع اكيد

[Salam L]

اليوم الصبح رحت عالفرع 11... مبارح وصلت متأخرة فقلي تعي بوكرة.. اجيت بوكرة فطلع عم يألع كل اللي ماعنده حساب وقال روحوا افتحوا حساب بفرع تاني. شب واقف قلي روحي عالمزة فاضي.. وصلت هلق عفرع المزة ولقيت قدامي دور فتح حسابات شي 15 شخص على الاقل..

[Salam L]

الاسوء انو فرع 11 ماعم يسجل طلبات اليوم. قال عم يقبض الناس من مبارح واللي قبله.. خايف اتعطل بوكرة كمان ويقلي تعي بوكرة....

وهلق شخص قلي انو قبض الدولار صار لبعد اسبوع مو لتاني يوم.. هاد في حال سجلت الطلب ...

[Salam L]

لو تشوفوا اشكال الناس اللي جاية تفتح حسابات.. مو فهمانة شي من القصة.. واضح انو بلشت ناس تلم هويات لتلحق تربح...

قريبا جدا رح يتوقف تطبيق هالقرار او يتعدل على اقل تقدير... لانو هيك مستحيل تمشي القصة

[SyrianWolf]

معك حق مستحيل يضاينوا, الشغلة صار فيها مربح ومكسب أكتر من وقت الـ 10000$ بالشهر من مكاتب الصرافة.
لأنو وقتها مكاتب الصرافة كانت تعطي المغامر يللي بدو يشتري حوالي 500$ أو 1000$ بس, بينما هلأ الشراء من المصرف التجاري يللي مجبر أنو يلبي كل طلب شراء ويعطي 5000$.
وبالتالي عيلة من 4 أشخاص ممكن يطلعوا مربح 100,000 ل.س برياحة كل شهر.

مو زابطة وماحيضاينوا.

على كلن الله ييسرلك وتقدري تلحقي وتشتري برياحة.

[Salam L]

اخر ما حرر... الجماعة هون بدهن مية دولار لفتح الحساب ههههه

[SyrianWolf]

اخر ما حرر... الجماعة هون بدهن مية دولار لفتح الحساب هههههeek

[Salam L]

الشعب هون بدهن حدا يبيعن مية مية علماشي... شو رأيكن اشتغل صراف هون؟؟

[redwan]

ياشباب بشرى سارة صار بالتجاري 87 الدولار
يعني التجاري لحق السوق السودا
على سوريا السلام

[الطير المهاجر]

و هي المية بتضل اليك و الا بتروح مشان الرسوم

[aboalfawares]

لو سمحتو سعر التجاري

[abashi]

فشل ذريع للمركزي
بدل أن يؤثر أصبح متأثر
فشل أن يكون فاعل فأصبح مفعول به.
سعر الدولار بالبنوك التجارية ارتفع من 83.25
الى 87 ليرة سورية للدولار الواحد.

المتوقع انهيار سريع.

[الطير المهاجر]

معقول تسعيرة التجاري 87 يعني ارتفاع حوالي 4 ليرات ضربة وحدة

[Salam L]

شباب عالسريع قديش السعر بالسودا اليوم

[الطير المهاجر]

امبارح سكر 90-91 و اليوم مو مبين لسا
بس اذا التجاري 87 معناها السعر حيرتفع أكيد

[GoldMan$]

المركزي لا يزال مثبت الدولار ويرفع اليورو .....طبعا ارتفاع اليورو عالمي ...

دولار 71,28 - 70,86
يورو 93,56 - 92,91

[GoldMan$]

الليرة السورية مقابل وحدة الاصدار 109,25

[باسل غ]

السلام عليكم

يا جماعه وين هدوء الاعصاب

طولو بالكم وبلا سياسه القطيع

سعر الافتتاح حلب

87.5_______89

متوفر

[GoldMan$]

ياشباب بشرى سارة صار بالتجاري 87 الدولار
يعني التجاري لحق السوق السودا
على سوريا السلام

eekeekeekeekeek

شباب أكيد هالرقم .... صعب التصديق ... :eek::eek::eek::eek:

[Salam L]

سعر الشام الله يرضى عليكن هه


اذا مو فارقة لاحمل حالي وروح عشغلي

[economic opinion]

صباح الخير جميعاً
يا جماعة حدا بيعرف شو أخبار إختنا باربي؟؟

[GoldMan$]

السلام عليكم

يا جماعه وين هدوء الاعصاب

طولو بالكم وبلا سياسه القطيع

سعر الافتتاح حلب

87.5_______89

متوفر
مو قصة سياسة قطيع القصة انو التجار والصرافيين عم يلعبوا بالسوق على كيفهم ...
امبارح باللاذقية وصل البيع عند البعض لل 91 والشراء ما حدا دفع اكثر من 88 يعني فرق 3 ليرات بين السعرين ....
والواحد بطل يعرف يشتغل ببيع البضاعة اللي عندو فجأة بيجي يطلب بدالها بقله التاجر والله غليانه طلع الدولار ... وبعدين مع هي الحالة الواحد كيف بدو يشتغل ....

[كانو]

كأنو ملاحظ أنو كل يوم سعر الإفتتاح عم يفرق عن سعر الإغلاق بحدود ليرة
معناتا الواحد يشتري 5000 دولار الساعة 12 ظهراً ويبيعهم 8 مساءً
لو فرق الدولار نصف ليرة هيك بيكون عمل 2500 ليرة
ولا شو
سامحوناااااااااااااا

[economic opinion]

السلام عليكم

يا جماعه وين هدوء الاعصاب

طولو بالكم وبلا سياسه القطيع

سعر الافتتاح حلب

87.5_______89

متوفر
معك حق أخي باسل
يا جماعة طولوا بالكون شوي ليبين سعر المركزي بالنشرة
لأنو لو كان هالحكي أكيد وصحيح كنا شفنا سعر السوق السوداء صار بالعلالي
وما لقيناه عم ينباع ب 89 وخاصة بمحافظة حلب

[GoldMan$]

صباح الخير جميعاً
يا جماعة حدا بيعرف شو أخبار إختنا باربي؟؟

والله سبقتيي بسؤالك ... كان عم يدور ببالي وينها غايبة أختنا باربي ... انشاء الله يكون غيابها خيرFrown11

[GoldMan$]

أسعار الذهب
2012-12-05

عيار 21 (1 غرام) : 4250
ليرة سورية عيار 18 (1 غرام) : 3643
ليرة سورية الليرة الذهبية (عيار 22) : 36000
ليرة سورية الليرة الذهبية (عيار 21) : 34400
ليرة سورية الليرة الرشادية : 32200
ليرة سورية الفضة الخام المحلي (1 غرام) :
ليرة سورية

[economic opinion]

والله سبقتيي بسؤالك ... كان عم يدور ببالي وينها غايبة أختنا باربي ... انشاء الله يكون غيابها خيرFrown11
صرلها زمان كتييير مو مبينة والله أنا قلقت Frown11Frown11

[GoldMan$]

اذا الذهب 4250 اليوم معناها محسوب على دولار ب 88,5 تقريبا ....!!!!

[النسر]

صباح الخير جميعاً
يا جماعة حدا بيعرف شو أخبار إختنا باربي؟؟

والله معك حق..لها مكان لا يملؤها غيرها في هذا المنتدى الكريم
بس حسب خبرتي.... الظاهر راحت فيها تشابه اسماء بين باربي وفلة لانو فلة مطلوبة..:)

[economic opinion]

مو قصة سياسة قطيع القصة انو التجار والصرافيين عم يلعبوا بالسوق على كيفهم ...
امبارح باللاذقية وصل البيع عند البعض لل 91 والشراء ما حدا دفع اكثر من 88 يعني فرق 3 ليرات بين السعرين ....
والواحد بطل يعرف يشتغل ببيع البضاعة اللي عندو فجأة بيجي يطلب بدالها بقله التاجر والله غليانه طلع الدولار ... وبعدين مع هي الحالة الواحد كيف بدو يشتغل ....
لك أخي يلي بدو يشتغل بيشتغل
يعني بدك تقنعني إنو باع بضاعتو واشترى بعدها بضاعه بسعر دولار 150 عالليرة "بعيد الشر يا رب" ورجع نزل سعر الدولار للـ 70 هو رح يرخص البضاعة يلي شاريها عالـ 150 ويخسر؟؟؟!!!!!! :rolleyes2:

[mahmoudtaan]

صباح الخير للجميع
سعر التجاري 87.10

[GoldMan$]

الدولار في السوق السوداء 92 ليرة وفي التجاري يقفز إلى 87 ليرة
تاريخ المقال: 2012-12-05
http://www.aliqtisadi.com/user_files/news/photo/%D8%A8%D9%8A%D9%84%D9%8A%D9%84%D8%A88701.jpg الاقتصادي – خاص:

ارتفع سعر الدولار في السوق السوداء اليوم، محققاً 92 ليرة للمبيع و90 ليرة للشراء، كما قفز سعر الدولار في "المصرف التجاري السوري" إلى 87.10 ليرة، مرتفعا نحو 4 ليرات عن أمس الثلاثاء.

وكان سعر الدولار في السوق السوداء حقق أمس، سعر 90 ليرة للمبيع و88 ليرة للشراء، فيما حقق الدولار في "المصرف التجاري السوري" سعر 83.25 ليرة.

وبقي سعر الدولار في النشرة الرسمية لـ"مصرف سورية المركزي" اليوم، ثابتا أمام الليرة السورية منذ الثلاثاء الماضي، وهو 71.28 للمبيع و70.86 للشراء.

وانخفض سعر مبيع الدولار في السوق السوداء تزامنا مع صدور قرار المركزي آواخر اشهر الماضي بحصر بيع القطع الأجنبي على "المصرف التجاري السوري"، ومالبث أن ارتفع تدريجيا من 81 ليرة إلى 92 ليرة خلال ايام، كما ارتفع سعر المبيع في "المصرف التجاري" من 81.16 إلى 87.10 ليرة اليوم.

فيما قال محللون إنه: "على الرغم من صدور قرار حصر بيع القطع الأجنبي بالمصرف التجاري لم يلحق سعر الدولار في السوق السوداء بسعر الدولار بالتجاري، بل على العكس ارتفع سعر الدولار في السوق السوداء ولحق به التجاري".

وكان مدير عام "المصرف التجاري السوري" أحمد دياب قال في وقت سابق، إنّ: "قرار تكليف المصرف التجاري السوري بالتدخل لبيع القطع الأجنبي بالدولار واليورو، سيتم وفقاً لأسعار السوق السوداء".

يشار إلى أن "مصرف سورية المركزي" أصدر مؤخراً، قرارا ينص على حصر عمليات بيع القطع الأجنبي لأغراض تمويل العمليات غير التجارية، وبمبلغ لا يتجاوز 5000 دولار أو يورو، في جهة واحدة وهي "المصرف التجاري السوري"، بعد أن كانت هذه العملية تقوم بها مكافة المصارف وشركات الصرافة.

[GoldMan$]

لك أخي يلي بدو يشتغل بيشتغل
يعني بدك تقنعني إنو باع بضاعتو واشترى بعدها بضاعه بسعر دولار 150 عالليرة "بعيد الشر يا رب" ورجع نزل سعر الدولار للـ 70 هو رح يرخص البضاعة يلي شاريها عالـ 150 ويخسر؟؟؟!!!!!! :rolleyes2:

انا معك بس المشكلة انو المستفيد من هذا الوضع هو التاجر الكبير اللي عندو بضاعة بمستودعاتو وعم يتحكم بالسعر على كيفو .....Frown11

[Salam L]

الووووووو.. شو السعر بالشام ياجماعة

[باسل غ]

مو قصة سياسة قطيع القصة انو التجار والصرافيين عم يلعبوا بالسوق على كيفهم ...
امبارح باللاذقية وصل البيع عند البعض لل 91 والشراء ما حدا دفع اكثر من 88 يعني فرق 3 ليرات بين السعرين ....
والواحد بطل يعرف يشتغل ببيع البضاعة اللي عندو فجأة بيجي يطلب بدالها بقله التاجر والله غليانه طلع الدولار ... وبعدين مع هي الحالة الواحد كيف بدو يشتغل ....

يسعد صباحك

اخي شراب قهوتك على رواء

وجرب ما تفكر لليوم طلع الدولار

او نزل كل التجار شاريه بضاعتها

على اقل من 80 وكل واحد بخبرك

غير هيك قله روح لعاب بعيد

من مصلحة المركزي وهوامير السوق

ينزل السعر بعد هل الطلوع كرمال

يلمو الدولار بسعر رخيص

المركزي بيعمل انجاز نزل سعرلصرف

والهوامير عملوا كم مليار

من اندفاع العالم وتأثرها بالعامل

النفسي (( راس المال جبان ))

[economic opinion]

والله معك حق..لها مكان لا يملؤها غيرها في هذا المنتدى الكريم
بس حسب خبرتي.... الظاهر راحت فيها تشابه اسماء بين باربي وفلة لانو فلة مطلوبة..:)
ههههههه
بعيد الشر
ياجماعة .... توجيه إنساني لكافة المتزوجين في سورية ... لو سمحتوا صار لازم يصير لكل طفل سوري اسم مميز لا يتكرر متل رقم الهوية ويعمل عليه الأهل حفظ ملكية عند كاتب بالعدل لأنو الموضوع ماعاد عم يتحمل Big Grin

[GoldMan$]

الووووووو.. شو السعر بالشام ياجماعة

ما تعذبي حالك شكلو ما بقي حدا بالشام ..... :eek::eek::eek:

[economic opinion]

صباح الخير للجميع
سعر التجاري 87.10

الدولار في السوق السوداء 92 ليرة وفي التجاري يقفز إلى 87 ليرة



لااااااااااااااااااااااء
لا تفعلها يا ميااااااااالة ay1

[باسل غ]

السعر الان

88_______89

فوق 10000 دولار88.75

حلب متوفر

[كانو]

الأزمات تصنع الثروات فالصرافون كواجهة ومن يقف خلفهم (لا أقصد المصرف المركزي ههههههههه) يربحون يومياً مليارات
أعجبني ثبات سعر الدولار في النشرة الرسمية, ولهذا الموضوع دلالاته
سامحونااااااااااااااااااا

[le liooooon]

هناك حالة ترقب في السوق الماليه حتى هذه اللحظه
لابيع ولا شراء
وكل مابتسال احد الصرافين عن السعر بيقلك انتظر حتى احكي تلفون

[abashi]

تازا نيوز

اللاذقية الآن


شراء 90.5

مبيع 92.5

[GoldMan$]

يسعد صباحك

اخي شراب قهوتك على رواء

وجرب ما تفكر لليوم طلع الدولار

او نزل كل التجار شاريه بضاعتها

على اقل من 80 وكل واحد بخبرك

غير هيك قله روح لعاب بعيد

من مصلحة المركزي وهوامير السوق

ينزل السعر بعد هل الطلوع كرمال

يلمو الدولار بسعر رخيص

المركزي بيعمل انجاز نزل سعرلصرف

والهوامير عملوا كم مليار

من اندفاع العالم وتأثرها بالعامل

النفسي (( راس المال جبان ))

كلامك تمام 100% بس وين الثقة بالليرة .... تبهدل مستوى الثقة بالليرة .... اه عفوا ماحدا سائل عن هادا الموضوع من اللي ذكرتهم حضرتك متل ما تفضلت بيلمولن كم مليار وتتبهدل الليرة...

[GoldMan$]

تازا نيوز

اللاذقية الآن


شراء 90.5

مبيع 92.5



حيووووتي اته ... شايفين شباب اللاذقية صايرين انشط من شباب الشام ...

بس أخي انا سألت وقالولي ما حدا عم يدفع اكثر من 88 لل 89 .. اما سعر البيع صحيح 92

[باسل غ]

صباح الخير للجميع
سعر التجاري 87.10

هيدا السعر ما بخوف لانو مرجعيه

تحديد سعر التجاري هو السوق

السوادء كرمال هيك عند بدهم

ينزلوه بينزل بتلفون

[الطير المهاجر]

شباب حلب ما بدهن يرفعوا السعر اليوم
ما دام الدولار تجاوز 88 و سكر فوقها لمدة يوميين معناها السعر متجه الى نقطة المقاومة التالية

[Salam L]

معقول ياجماعة صرلي ساعة بدي سعر الشام منكن وماحدا قدر يخدمني!!!

انا عصبت..

[Salam L]

في شب هون بده يبيعني قد مابدي ب89.. بس طبعا ممكن يكون نصاب

[svush]

تازا نيوز

اللاذقية الآن


شراء 90.5

مبيع 92.5


طيب و الشام أديش ؟؟ حدا يفيدنا

[باسل غ]

السعر الان

87.5 ______88.5

فوق 10000دولار 88.25

حلب متوفر

[le liooooon]

نصيحه
اليوم لاحدا يبيع

[أبو ايمان]

السلام عليكم
شباب حدا بيعرف سعر اليورو اليوم في حلب امبارحة كان اليورو في حلب شراء 114.5

[GoldMan$]

في شب هون بده يبيعني قد مابدي ب89.. بس طبعا ممكن يكون نصاب

بدك تديري بالك ما تطلعلك شي ورقة مضروووبة ... ما فيها مزح ورقة وحدة فيها 9الاف ليرة ...
اذا ما عندك خبرة منيحة لا تخاطري او افحصيهم ورقة ورقة ... والله يحميكي من ولاد الحرام ...

[Salam L]

بدك تديري بالك ما تطلعلك شي ورقة مضروووبة ... ما فيها مزح ورقة وحدة فيها 9الاف ليرة ...
اذا ما عندك خبرة منيحة لا تخاطري او افحصيهم ورقة ورقة ... والله يحميكي من ولاد الحرام ...

مارح خاطر.. ولو انه قلي بروح معك وين مابدك يفحصوهن... بس خفت الصراحة..

[mohamad owera]

السعر الان

87.5 ______88.5

فوق 10000دولار 88.25

حلب متوفر





وووووين بحلب؟؟؟؟؟؟؟؟

[محمد سامر]

اخر ما حرر... الجماعة هون بدهن مية دولار لفتح الحساب ههههه
عوجةay1

[كانو]

بدك تديري بالك ما تطلعلك شي ورقة مضروووبة ... ما فيها مزح ورقة وحدة فيها 9الاف ليرة ...
اذا ما عندك خبرة منيحة لا تخاطري او افحصيهم ورقة ورقة ... والله يحميكي من ولاد الحرام ...


خيتووووو
ديري بالك كمان, الصيف الماضي اشتريت كمية كبيرة من الدولارات من صراف بنص البلد ولما رحت عا البنك (حكومي للعلم) شي عشر ورقات (أم المائة) مارضي يستلمهم (بدعوى ان الدولار طبعة قديمة) ولما أخذت الدولارات معي على أمريكا صرفتهم هنيك بالاسواق والمولات ببساطة.
حبيت خبرك بس
سامحونااااااااااااااا

[ماهر محمد]

شو وينو ابراهيم طاهر؟
لازم يهزلنا بدنا شوي بكم كلمة
أو يضحك نا شوي

[ذكرى انسان]

السلام عليكم

شباب وصبايا انا اليوم أول مشاركة الي حبيت سلم عليكم وارجو ان تقبلوني صديق الكم


ومن شان سعر الصرف انا مقيم بالسعودية سعر الحوالة من هون (طبعا اشخاص) بيحسبو سعر الريال ب22 ليرة

بدون رسوم تحويل يعني بيحسبو الدولار ب82.5 ليرة

[louis_16th]

خيتووووو
ديري بالك كمان, الصيف الماضي اشتريت كمية كبيرة من الدولارت من صراف بنص البلد ولما رحت عا البنك (حكومي للعلم) شي عشر ورقات (أم المائة) مارضي يستلمهم (بدعوى ان الدولار طبعة قديمة) ولما أخذت الدولارات معي على أمريكا صرفتهم بالاسواق والمولات ببساطة.
حبيت خبرك بس
سامحونااااااااااااااا


انا صار معي نفس الشي .. مرة بدبي و مرة ببيروت
بس انا حتى بالمولات و الاسواق ما رضيوا يستلموهن !!
مع العلم انو الدولارات اللي معي صارفهن من بنك ( على اساس محترم ) بالشام !!

[Tarek alabed]

91-93
متوفر

[عابر مجيب]

في شب هون بده يبيعني قد مابدي ب89.. بس طبعا ممكن يكون نصاب

شغلتك كل مربحها بضع ليرات ولمرة واحدة ، ما تتخيلي رح تبقى للشهر القادم ، ضبي حالك وبوشك على شغلك ، خلي اللي شفتيه يضل حكايات بتحكيها بس تختيري وتلبسي شال وتقعدي جنب الصوبيا .
إذا كتير هفت نفسك ، اطلبي مساعدة أمين الصندوق . المخاطرة أكبر من المردود .
الله يلهمك الصح ، السعر حاليا وغير مؤكد فوق 91 ونص بس مو متوفر .

[متابع اردني1]

شباب حلب ما بدهن يرفعوا السعر اليوم
ما دام الدولار تجاوز 88 و سكر فوقها لمدة يوميين معناها السعر متجه الى نقطة المقاومة التالية

كلام سليم100/100 فقط تطورات الشام وخاصه (موضوع طريق المطار)هو المؤثر على السعر هبوطا او صعودا وبالنسبه لنقطه 88 صحيحه, والمرجح ارتفاع سعر الدولار في اخر المطاف

[متابع اردني1]

شو وينو ابراهيم طاهر؟
لازم يهزلنا بدنا شوي بكم كلمة
أو يضحك نا شوي


اخ ماهر....الاخ ابراهيم طاهر مو فاضي عم يبيع الدولار على سعر 50ليره لانه عليه ب47 بس يخلص بيع راح يرجع لا تخاف عليه...زلمه بعرف كيف يشتغل!!!!!!!!!!!!!!!!!!!!!!!!!!!

[Ziad AlRifae]

يا جماعة قال السحب من التجاري يتطلب توقيع على تعهد

[Salam L]

شغلتك كل مربحها بضع ليرات ولمرة واحدة ، ما تتخيلي رح تبقى للشهر القادم ، ضبي حالك وبوشك على شغلك ، خلي اللي شفتيه يضل حكايات بتحكيها بس تختيري وتلبسي شال وتقعدي جنب الصوبيا .
إذا كتير هفت نفسك ، اطلبي مساعدة أمين الصندوق . المخاطرة أكبر من المردود .
الله يلهمك الصح ، السعر حاليا وغير مؤكد فوق 91 ونص بس مو متوفر .


مشي الحال اكلت المقلب وخلص. الشغل راح. واكلنا هوا... وهاد الشب ابو 89 قلي انتي الخسرانة.. وانا هلق ركبت تكسي رايحة عفرع 11ومعصبة كتير كتير من كل شي.. من. العجقة والتكاسي والاسعار والحرب ا الخ

[svush]

2012-12-05

عيار 21 (1 غرام) : 4250 ليرة سورية
عيار 18 (1 غرام) : 3643 ليرة سورية
الليرة الذهبية (عيار 22) : 36000 ليرة سورية
الليرة الذهبية (عيار 21) : 34400 ليرة سورية
الليرة الرشادية : 32200 ليرة سورية
الفضة الخام المحلي (1 غرام) : 94.85 ليرة سورية

[GoldMan$]

مشي الحال اكلت المقلب وخلص. الشغل راح. واكلنا هوا... وهاد الشب ابو 89 قلي انتي الخسرانة.. وانا هلق ركبت تكسي رايحة عفرع 11ومعصبة كتير كتير من كل شي.. من. العجقة والتكاسي والاسعار والحرب ا الخ

طولي بالك أخت سلام ماحدا بياخد غير نصيبو ... وقد ما لفيتي وقد ما درتي مارح تاخدي غير رزقتك المكتوبة الك ... فروقي .. :StickOutTongue

[GoldMan$]

يا جماعة قال السحب من التجاري يتطلب توقيع على تعهد


تعهد عادي على ما اعتقد .. هو بس مشان موضوع تبييض الاموال وما بعرف شو ومشان تتعهد ما تسحب غير مرة وحدة بالشهر حسب القانون يعني روتييييين :StickOutTongue

[باسل غ]

السلام عليكم
شباب حدا بيعرف سعر اليورو اليوم في حلب امبارحة كان اليورو في حلب شراء 114.5

113.5 شراء بيع لاا يوجد

[fadi nour]

أخ باسل غ شكر خاص على معلوماتك و سرعة تنزيل الاخبار

[Big H]

السلام عليكم ورحمة الله وبركاته - صباح الخير
سؤال لو سمحتم لمن يستطيع أن يسأل أو لديه معلومة مؤكدة :
التحويل من الخارج يتم صرفه بالسعر النظامي للبنك المركزي
أم بسعر البنك التجاري المقارب للسوق السوداء ؟؟
أفيدونا مع جزيل الشكر سلفاً

[svush]

شو أخبار سعر الدولار الآن في دمشق ؟؟

[svush]

يبدو إنو في مفاجأة كبيييييييييرة رح نشوفها اليوم ولاشو؟؟!!!!

[svush]

91-93
متوفر

وين هالسعر بالشام؟؟

[الفهد السوري]

قد نرى مستوى 95 ومافوق في نهاية اليوم ..
واذا لحق التجاري بذلك الخميس سنرى 100 ومافوق طالما ان الدولة يكون تدخلها عبر التجاري للافراد .. والتجاري يلحق السوق السوداء .. فسنشاهد كارثة بالليرة السورية قريبا جدااا.....

[Tarek alabed]

بالشام متوفر فوق ال10000 دولار فقط

[متابع اردني1]

السلام عليكم ورحمة الله وبركاته - صباح الخير
سؤال لو سمحتم لمن يستطيع أن يسأل أو لديه معلومة مؤكدة :
التحويل من الخارج يتم صرفه بالسعر النظامي للبنك المركزي
أم بسعر البنك التجاري المقارب للسوق السوداء ؟؟
أفيدونا مع جزيل الشكر سلفاً

اخي خلي التحويل من الخارج الى سوريا عن طريق مكاتب التصريف الى مكاتب الحوالات متل السلطان او الاوربت او بيكو ...........وان يتم التحويل بالدولار والشخص بسوريا راح يستلمها بالدولار بدون عموله وهو حر بده يصرفها عندهم بصير...(اذا السعر عجبو بصرفو واذا بدو يحتفظ فيها دولار بيصير............).

[Tarek alabed]

وين هالسعر بالشام؟؟
بالشام متوفر فقط فوق ال5000

[متابع اردني1]

أخ باسل غ شكر خاص على معلوماتك و سرعة تنزيل الاخبار

فعلا اخ باسل الله يعطيك الف عافيه.....وعلامه التميز

[متابع اردني1]

السعر حلب يراوح نقطه ال 88 لغايه الساعه 2:00 كسعر حواله من الاردن

[seraj]

خطوة البنك التجاري كانت خطوة غبية لأنها نشطت السوق و سمحت للمضاربين بالعمل على هامش كبير من الربح و هذا ما سبب ارتفاع سعر الدولار و قد سمعت أن البنك التجاري أوقف التعامل بقرار الــ ( 5000) دولار و هذا سيؤدي إن كان صحيحا إلى هبوط الدولار بسبب الركود في السوق أرجو لمن يستطيع التأكد من هذه المعلومة و الرد فإذا كانت صحيحة فاليوم هو اليوم المناسب للبيع كما أعتقد

[ملك]

حلب

88
88.25

[مجد]

فعلا اخ باسل ولله يعطيك الف عافيه.....وعلامه التميز

المقصود الصرافة عم يشتروا ب 88

[Ziad AlRifae]

يا جماعة قال السحب من التجاري يتطلب توقيع على تعهد


تعهد عادي على ما اعتقد .. هو بس مشان موضوع تبييض الاموال وما بعرف شو ومشان تتعهد ما تسحب غير مرة وحدة بالشهر حسب القانون يعني روتييييين :stickouttongue


حسب ما سمعت : لعدم إعادة صرف المبلغ إلا من خلال المصرف

يعيني وكأن كمية الدولارات مودعة لدى المواطن وعليه إعادتها

وهنا تأتي إشاعة أن يقوم المصرف بخفض السعر وبالتالي عليك إعادة المبلغ للمصرف بسعر أقل من سعر الشراء

[Salam L]

بعد. موت احمر وصلت للفرع... دخلت بطريقة ملتوية لانو كان سكروا الباب...

وفوق اكتشفت الاكتشاف العجيب... طلبات اليوم بدها تروح للاربعا الجاية وبسعر مجهول...بدفع الاربعا وبستلم الخميس... وقال اللي بده دولار والله بده يتحمل!

والغريب انو شخص تاني قلي هلق بثبتلك بالحريقة بسعر 89 كيف مابعرف@

والشخص الاولاني ابو 89 قلي كسر السوق هلق ونزل استني لا تشتري...

كذب صدق مابعرف..


تعبت نفسيتي من كل هالقصة. فعلا بلدنا صارت بتبكي الحجر

[Salam L]

كتبوني تعهد وبصمتت عليه كمان... مكتوب فيه عدم التصرف بالمبلغ من غير فنوات رسمية او لاغراض تجارية.

[Salam L]

انا فضي شحني النفسي والكهربائي والانترنتي كلو سوا.... بنرجع بعد اعادة الشحن

[economic opinion]

بعد. موت احمر وصلت للفرع... دخلت بطريقة ملتوية لانو كان سكروا الباب...

وفوق اكتشفت الاكتشاف العجيب... طلبات اليوم بدها تروح للاربعا الجاية وبسعر مجهول...بدفع الاربعا وبستلم الخميس... وقال اللي بده دولار والله بده يتحمل!

والغريب انو شخص تاني قلي هلق بثبتلك بالحريقة بسعر 89 كيف مابعرف@

والشخص الاولاني ابو 89 قلي كسر السوق هلق ونزل استني لا تشتري...

كذب صدق مابعرف..


تعبت نفسيتي من كل هالقصة. فعلا بلدنا صارت بتبكي الحجر
اسمعي... احجزي دور وإذا كان السعر وقتها مو مناسب لا تدفعي قبل بيوم

[economic opinion]

كتبوني تعهد وبصمتت عليه كمان... مكتوب فيه عدم التصرف بالمبلغ من غير فنوات رسمية او لاغراض تجارية.
يبقوا يلاحقوكي :rolleyes2:Big Grin

[Accurate Man]

2012-12-05

عيار 21 (1 غرام) : 4250 ليرة سورية
عيار 18 (1 غرام) : 3643 ليرة سورية
الليرة الذهبية (عيار 22) : 36000 ليرة سورية
الليرة الذهبية (عيار 21) : 34400 ليرة سورية
الليرة الرشادية : 32200 ليرة سورية
الفضة الخام المحلي (1 غرام) : 94.85 ليرة سورية
أنا بدي أشتري ذهب بس ماني عارف اشتري من الأردن أم من سوريا

[Accurate Man]

سعر الحوالة من الأردن لدمشق لليوم 125

[Ziad AlRifae]

كتبوني تعهد وبصمتت عليه كمان... مكتوب فيه عدم التصرف بالمبلغ من غير فنوات رسمية او لاغراض تجارية.


يعني سجلتي وأودعتي بدون تحديد للسعر ؟؟!!

والتعهد ما في شي خطير ؟؟

وشو كمان من الإجراءات العظيمة المطلوبة ؟

[ملك]

عملي متل ما التلك روان باشا او انتظري
رفعة سعر اليوم مي طبيعية

[Accurate Man]

سعر غرام الذهب عيار 21 هو 34 دينار مع العلم أن سعر صياغة الغرام هو 2.5 دينار

[Big H]

اخي خلي التحويل من الخارج الى سوريا عن طريق مكاتب التصريف الى مكاتب الحوالات متل السلطان او الاوربت او بيكو ...........وان يتم التحويل بالدولار والشخص بسوريا راح يستلمها بالدولار بدون عموله وهو حر بده يصرفها عندهم بصير...(اذا السعر عجبو بصرفو واذا بدو يحتفظ فيها دولار بيصير............).

سيدي الفاضل
نحن مضطرون للتحويل بالليرة السورية لعدم وجود وكلاء في المدينة المحول منها
أحد الإخوة ذكر أنه يتم تحويل الريال بسعر 22 ل.س ..ولكن يبدو أنه يتم الأتفاق
على المبلغ بالسوري أثناء الدفع بالريال من السعودية ..
شكراً جزيلاً لك

[متابع اردني1]

أنا بدي أشتري ذهب بس ماني عارف اشتري من الأردن أم من سوريا

تقريبا السعر واحد ولكن اذا كنت بالاردن ومعك ليره سوري راح تخسري كتير اما بالدولار ما راح تفرق بظل شغله تشتري دهب وتروحي على الاردن خلال الطريق ما بتعرفي شو بصير القرار عائد لك

[Accurate Man]

شكرا جزيلا

[Big H]

السلام عليكم
شباب وصبايا انا اليوم أول مشاركة الي حبيت سلم عليكم وارجو ان تقبلوني صديق الكم
ومن شان سعر الصرف انا مقيم بالسعودية سعر الحوالة من هون (طبعا اشخاص) بيحسبو
سعر الريال ب22 ليرة بدون رسوم تحويل يعني بيحسبو الدولار ب82.5 ليرة

وعليكم السلام ورحمة الله وبركاته - أهلاً وسهلاً
سيدي الكريم .. هل لديك فكرة على أي أساس تم احتساب الريال ب 22 ل.س أي ما يعادل
82.5 ل.س للدولار لأن هذا السعر ليس بسعر البنك المركزي البالغ 71.28 ولاهو سعر
البنك التجاري البالغ 87.10 أم هو سعر التجاري السابق قبل الارتفاع ؟
سبب سؤالي هو وجود حوالة لي بمبلغ جيد ولمعرفة الرقم الصحيح حتى لا "نتخورف"
شكراً لك سلفاً

[متابع اردني1]

سيدي الفاضل
نحن مضطرون للتحويل بالليرة السورية لعدم وجود وكلاء في المدينة المحول منها
أحد الإخوة ذكر أنه يتم تحويل الريال بسعر 22 ل.س ..ولكن يبدو أنه يتم الأتفاق
على المبلغ بالسوري أثناء الدفع بالريال من السعودية ..
شكراً جزيلاً لك

الاصل ان لايقل الريال عن 23 ليره حتى لو تحويل يبقى هناك هامش 0.48قرش سوري مربح للمكتب لانه تقريباالريال23.48
التعامل والتحويل بالدولار افضل حتى لو هناك عموله قد تصل 5بالالف

[متابع اردني1]

بعد قليل انخفاض سعر الدولارممكن ان يصل مساء اليوم وغدا لمستوى ال86

[muthana]

انا اتوقع المركزي ينتظر التدخل في الوقت المناسب
وموضوع تدخل التجاري في عملية البيع كانت سيئة

[tareq555]

بعد قليل انخفاض سعر الدولارممكن ان يصل مساء اليوم وغدا لمستوى ال86

بناء على اي اساس هذا الكلام ؟؟

[عبيدة]

السلام عليكم هذه اول مشاركة لي في هذا المنتدى واتمنى ان استفيد من الخبرات الموجودة هنا مع التمنيات لوطننا بالاستقرار والامان

[muthana]

اعتقد انه لايوجد طلب كبير على شراء الدولار حاليا بما ان عملية الاستيراد شبه متوقفة والافراد اكتفت بالقطع الاجنبي اي اشترت سابقا ومحتفظة فيه

[متابع اردني1]

بناء على اي اساس هذا الكلام ؟؟

بناء على تعاملات السوق لان يوميا لنا حوالات لسوريا وقد انخفضت قيمه الحوالات عند الساعه 3:35 وتوقفت التحويلات على السعر القديم وذلك بناء على (اسعار الهوامير) اللي بسوريا ولم يتم ذكر مقدار الانخفاض ولكن كانخفاض بالسعر حصل............وعليه لم اذكر كم السعر كما لاحظت

[متابع اردني1]

اذا في حدا بقدر يخبرنا كم السعر الان خاصه بحلب
اخ باسل وينك( كنو الشباب ضربوك عين ....خيو)!!!!!!!!!!!؟

[Salam L]

عدنا الى المنزل... بعد ماهلكت وقرفت حياتي.... طبعا ماعدا 500 ليرة تكاسي..ههه
تخيلوا من عند كلية التربية لعند نورا طلع للتكسي 85 هههههههه

هلق بقرا تعليقاتكن.. بس الشخص الاولاني ابو 89 قلي انو السعر كسر لل 86.5... مابعرف من وين عم يجيب الاسعار بس شكله بيعرف حدا بشركة صرافة..

[Salam L]

اسمعي... احجزي دور وإذا كان السعر وقتها مو مناسب لا تدفعي قبل بيوم


هاد اللي صار... حجزت دور... طبعا مادفعت لانو قال الدفع يوم الاربعاء..

وفي احتمال كتير بسيط انو يصحلي ادفع بوكرة ..... بس مابعرف اذا القصة فيها خسارة او ربح...

[ذكرى انسان]

وعليكم السلام ورحمة الله وبركاته - أهلاً وسهلاً
سيدي الكريم .. هل لديك فكرة على أي أساس تم احتساب الريال ب 22 ل.س أي ما يعادل
82.5 ل.س للدولار لأن هذا السعر ليس بسعر البنك المركزي البالغ 71.28 ولاهو سعر
البنك التجاري البالغ 87.10 أم هو سعر التجاري السابق قبل الارتفاع ؟
سبب سؤالي هو وجود حوالة لي بمبلغ جيد ولمعرفة الرقم الصحيح حتى لا "نتخورف"
شكراً لك سلفاً




اولا شكرا لك ...

طريقة التحويل هون بطريقة بدائية يعني في صرافين بسوريا متعاملين مع ناس مقيمين باللمملكة

بياخد منك ريال بيقلك سعرو واصل لمكتب مثلا الهرم او اكس بريس بسعر 22 ليرة هو بياخد المبلغ

وبيحكي مع شريكو بسوريا بيحط الحوالة

بالفرع اللي بدكياه اللي مناسب الك ويروح الشخص يستلم


اما سعر صرف الليرة هون بيبيعوك اذا بدك ليرة سوري بالسعودية بيبيعوك ب21 للريال الواحد


يعني هن ربحهم من سعر فرق الدولار بيجمعو الريالات وبيقلبوها دولار وفي تجار بدهم كميات


فهدول شغلتهم بياخدو منك ب82.5 وبيبيعوه للتاجر بسعر سوق سوريا (السودا)


وماننسى انو في اشخاص كثر طلعو مصاريهم من سوريا بهي الطريقة ...


تحياتي

[NetPro]

اعتقد انه لايوجد طلب كبير على شراء الدولار حاليا بما ان عملية الاستيراد شبه متوقفة والافراد اكتفت بالقطع الاجنبي اي اشترت سابقا ومحتفظة فيه عندك فكرة الدخان لحالو كم مليون دولار يسحب من السوق باليوم ؟
هل تعلم الدواء المستورد والمهرب الذي لا يمكن الإستغناء عنه كم مليون دولار يسحب من السوق باليوم ؟
هل تعلم أن المواد الغذائية ستصبح مستوردة بعد توقف معامل ريف دمشق ومنها الدرة ؟
هل تعلم ..... الخ

أخي الإستيراد لن يتوقف بل سيزيد بشكل مضطرد مع توقف المعامل السورية

[Salam L]

يعني سجلتي وأودعتي بدون تحديد للسعر ؟؟!!

والتعهد ما في شي خطير ؟؟

وشو كمان من الإجراءات العظيمة المطلوبة ؟



الاجراءات قلتها اثناء رحلتي العظيمة لشراء الدولار هههه


بالمناسبة فتح الحساب كلف 220 ليرة... الى جانب المية دولار طبعا... وسمعت مديرة الفرع عم تقول للموظفات اذا اجى حدا يسكر حسابه ومالو مفتوح غير من يوم يومين لا تقبلوا... قال في تسكير حساب فوري...

وفهمت انو بيروح من المية عشر دولار لاحقا وقت الاغلاق...


حاسة كل هالقصة خسارة بخسارة.... مابعرف ليش هالهامور هو اللي دائما بيربح على حساب هالشعب المعتر....

[Salam L]

عندك فكرة الدخان لحالو كم مليون دولار يسحب من السوق باليوم ؟
هل تعلم أن المواد الغذائية ستصبح مستوردة بعد توقف معامل ريف دمشق ومنها الدرة ؟
هل تعلم ..... الخ

أخي الإستيراد لن يتوقف بل سيزيد بشكل مضطرد مع توقف المعامل السورية



كلامك صحيح.. الطلب عم يزيد على القطع الاجنبي...

واللي ماكان مقتنع يحول مصاريه لدولار هلق عم يحولهن... الناس فوق بعضها كانت بالبنك...

[NetPro]

يبقوا يلاحقوكي :rolleyes2:Big Grin مو انت رفيقتها !!! بتعيريها 5 آلاف بتقلن هي الـ 5 آلاف لساهن معي وما بدي بيع هلأ
وهكذا كل ما سألوها وين الـ 5 آلالف بتعيريها ياهن Big Grin

[Salam L]

عندي سؤال مهم جدا..

مبارح في شخص خبرني انو المركزي لساته عم يبيع قطع للمستوردين بالسعر الرسمي... فهل هاد الكلام صحيح؟

واذا كان صحيح.. فليش كل ماطلع ونزل السعر بالسوق السوداء بيقولوا التجار غلي الدولار وبيرفعوا الاسعار على كيفهن؟؟؟

[Salam L]

مو انت رفيقتها !!! بتعيريها 5 آلاف بتقلن هي الـ 5 آلاف لساهن معي وما بدي بيع هلأ
وهكذا كل ما سألوها وين الـ 5 آلالف بتعيريها ياهن big grin




هههههههههههههه

وشو مشان الارقام التسلسلية؟؟

بركي كشفونا انو هدول مو دولاراتي اللي باعوني ياهن نفسون.... فاضيين اشغال لانو يلاحقوا كل ممواطن معتر شو عمل بالمصاري...

بس لا تستغرب بيعملوها وبيعملوا ابوها.... خلوني ساكتة احسن

[احمداحمد]

السلام عليكم ورحمة الله وبركاته السعر الان
شراء 87- 87.5 مبيع 88-88.5
ولا يوجد جديد في السوق ولكن الطلب صباحا افضل

[muthana]

اخي التجار يشترون من المركزي ويبيعون بالسوق السوداء

[dodireg]

شو يلي صاير حدا يفهمنا؟؟
وقت التجاري بيرفع سعر الصرف سعر السوق السودا بينزل!!!
وقت ينزل السعر بالتجاري بيطلع بالسودا!!!
ما ظبطت معي؟؟ شكلو في شي قرار مفاجئ
بتشاركون بالرأي؟

[د وهيب]

السلام عليكم
سعر الصرف اليوم للدلار86.5ل س ببنك بيمو
طرطوس

[ذكرى انسان]

السلام عليكم
سعر الصرف اليوم للدلار86.5ل س ببنك بيمو
طرطوس



بيشترو منك صح ... بس ياهل ترى بيبيعو بكم؟؟؟

[باسل غ]

السلام عليكم

ما تواخذوني يا جماعه النت مقطوع

السعر الان 86.5 ____87

فوق 10000 دولار 86.75

حلب متوفر

[ذكرى انسان]

السلام عليكم

ما تواخذوني يا جماعه النت مقطوع

السعر الان 86.5 ____87

فوق 10000 دولار 86.75

حلب متوفر


وعليكم السلام ورحمة الله

يعني هبط سعرو ؟؟؟

يمكن التجار سامعين شي شغلة بالكواليس؟؟؟


شكراً اخ باسل (محسوبك جديد ماعندو زر شكر)

[باسل غ]

ذهب الكسر 4050 ____4075

حلب

[كانو]

ما زلت عند راي ان سعر السوق السوداء تحت السيطرة من قبل كبار الصرافين ومن خلفهم (كمان مرة لا أقصد المصرف المركزي هههههههههه)
والهدف هو السيولة وليس سعر الصرف
راي لايلزم احدا
سامحوناااااااااااااااااا

[مجد]

دمشق
اسطوانة الغاز 1600ليرة
مازوت 20ليتر 1400ليرة

[Salam L]

معناها الكلام اللي قلي ياه الشخص اليوم بالبنك صحيح وفعلا السعر انكسر شوي...

[GoldMan$]

عندي سؤال مهم جدا..

مبارح في شخص خبرني انو المركزي لساته عم يبيع قطع للمستوردين بالسعر الرسمي... فهل هاد الكلام صحيح؟

واذا كان صحيح.. فليش كل ماطلع ونزل السعر بالسوق السوداء بيقولوا التجار غلي الدولار وبيرفعوا الاسعار على كيفهن؟؟؟


التجار ما بيشتروا كل بضاعتهم من المركزي لانو بهيك حاله بيكشفوا اوراقهم واسعارهم وبيضطروا يدفعوا رسوم وضرائب ورسوم جمركية اضافية ... لهيك بياخدوا جزء من المركزي بيكونوا مصرحين عنو والباقي بياخدوه من السوق السوداء .... :coool:

[GoldMan$]

دمشق
اسطوانة الغاز 1600ليرة
مازوت 20ليتر 1400ليرة

مبرووووك :mad::mad::mad: ارتفاع سعر الطحين 20% كان الكيلو بـ 50 صار بـ 60 ليرة :mad::mad::mad:

[مجد]

من الملاجظ ان ارتفاع سعر الدولار بشكل كبير فجاة يتبعه بعض التصحيح ولكن لايرجع سعر الدولار الى ماكان عليه قبل الارتفاع .

[GoldMan$]

السلام عليكم

ما تواخذوني يا جماعه النت مقطوع

السعر الان 86.5 ____87

فوق 10000 دولار 86.75

حلب متوفر

:mad: اليوم كنت نازل بيع .... صرلي اشتري بـ 89 ... بدل ما بيع اشتريت :maad::maad::maad:
وهي ما اول مرة بشتري من هون وبينزل السعر من هون ....:maad::maad::maad:

[مجد]

ارتفاع اسعاركل شئ تقريبا بارتفاع سعر الدولار يؤكد الترابط بينهما .واي عتب على الذي يستبدلون ليراتهم بدولارات امر غيرمبرر

[ذكرى انسان]

دمشق
اسطوانة الغاز 1600ليرة
مازوت 20ليتر 1400ليرة


بتعرف انو يابلاش؟؟


انا من دير الزور عنا غاز مافي ولو بدك جرة غاز بيصل سعرها ل2800 ليرة

هي اذا لقيتها .... وبالنسبة لسعر المازوت اليوم وصل الليتر 210 ليرة

والطحين الكيس 50 كغ 3700 ليرة وياريت يلتقى ...

الله يعين الجميع.....

[alhamwi4invest]

أنباء عن توقف حوالات شركة الويسترن يونيون إلى سوريا - برسم التأكد -

[seraj]

دمشق
اسطوانة الغاز 1600ليرة
مازوت 20ليتر 1400ليرة
و أسفاه الدم السوري ببلاش

[dodireg]

بتعرف انو يابلاش؟؟


انا من دير الزور عنا غاز مافي ولو بدك جرة غاز بيصل سعرها ل2800 ليرة

هي اذا لقيتها .... وبالنسبة لسعر المازوت اليوم وصل الليتر 210 ليرة

والطحين الكيس 50 كغ 3700 ليرة وياريت يلتقى ...

الله يعين الجميع.....



بأذن الله فرطة الحكاية
بس بدها شوية صبر الايام قاسية عالجميع

[aboalfawares]

بتعرف انو يابلاش؟؟


انا من دير الزور عنا غاز مافي ولو بدك جرة غاز بيصل سعرها ل2800 ليرة

هي اذا لقيتها .... وبالنسبة لسعر المازوت اليوم وصل الليتر 210 ليرة

والطحين الكيس 50 كغ 3700 ليرة وياريت يلتقى ...

الله يعين الجميع.....


اللـــــــــــــــــــه يفرجا عليكم وعلينا

[gissa7]

هههههه هدا الناقص

[aboalfawares]

المركزي يبيع القطع لشركات الصرافة بسعر السوق
تاريخ المقال: 2012-12-05

الاقتصادي - وكالات:

أعلن حاكم "مصرف سورية المركزي" أديب ميالة عودة بيع القطع الأجنبي دون سقوف لمؤسسات الصرافة وفق السعر الرائج في السوق لتغطية كامل احتياجات القطع الأجنبي.

وأكد ميالة خلال اجتماعه مع مؤسسات الصرافة المرخصة، عزم المصرف الاستمرار بعملية التدخل وبيع القطع الأجنبي اللازم للسوق بهدف اعادة سعر الصرف إلى مستوياته الطبيعية.

وبحسب وكالة الأنباء الرسمية "سانا" فإن ميالة أكد قدرة المركزي على الحفاظ على سعر صرف الليرة السورية والحد من عمل السوق السوداء، مؤكدا ان مخزونه من القطع الأجنبي كاف لذلك.ا

يشار إلى أن "مصرف سورية المركزي" أصدر آواخر الشهر الماضي، قرارا ينص على حصر عمليات بيع القطع الأجنبي لأغراض تمويل العمليات غير التجارية، وبمبلغ لا يتجاوز 5000 دولار أو يورو، في جهة واحدة وهي "المصرف التجاري السوري"، بعد أن كانت هذه العملية تقوم بها مكافة المصارف وشركات الصرافة.

وكان المركزي أصدر قرارا يسمح للمصارف المرخص لها التعامل بالقطع الأجنبي ببيع القطع الأجنبي للمستوردين وفق سعر الصرف المعلن من قبل المصرف، وبما لا يتجاوز نشرة اسعار الصرف الصادرة عنه لأغراض التدخل، بهدف تمكينهم من الدفع المسبق لقيمة البضاعة المنوي استيرادها.
لنشوف شو حيصير...

[bebo]

.اخبار شبه مؤكدة من المصرف التجاري بوقف البيع للقطع الاجنبي الان

[GoldMan$]

شباب في أي اخبار عن الاسعار من دمشق ... انا سمعت انو باللاذقية ما نزل السعر الا شي بسيط ...
بس بصراحة ما رح حط السعر لانو ما تأكدت منه بشكل شخصي ....

[كانو]

المركزي يبيع القطع لشركات الصرافة بسعر السوق
تاريخ المقال: 2012-12-05

الاقتصادي - وكالات:

أعلن حاكم "مصرف سورية المركزي" أديب ميالة عودة بيع القطع الأجنبي دون سقوف لمؤسسات الصرافة وفق السعر الرائج في السوق لتغطية كامل احتياجات القطع الأجنبي.

وأكد ميالة خلال اجتماعه مع مؤسسات الصرافة المرخصة، عزم المصرف الاستمرار بعملية التدخل وبيع القطع الأجنبي اللازم للسوق بهدف اعادة سعر الصرف إلى مستوياته الطبيعية.

وبحسب وكالة الأنباء الرسمية "سانا" فإن ميالة أكد قدرة المركزي على الحفاظ على سعر صرف الليرة السورية والحد من عمل السوق السوداء، مؤكدا ان مخزونه من القطع الأجنبي كاف لذلك.ا

يشار إلى أن "مصرف سورية المركزي" أصدر آواخر الشهر الماضي، قرارا ينص على حصر عمليات بيع القطع الأجنبي لأغراض تمويل العمليات غير التجارية، وبمبلغ لا يتجاوز 5000 دولار أو يورو، في جهة واحدة وهي "المصرف التجاري السوري"، بعد أن كانت هذه العملية تقوم بها مكافة المصارف وشركات الصرافة.

وكان المركزي أصدر قرارا يسمح للمصارف المرخص لها التعامل بالقطع الأجنبي ببيع القطع الأجنبي للمستوردين وفق سعر الصرف المعلن من قبل المصرف، وبما لا يتجاوز نشرة اسعار الصرف الصادرة عنه لأغراض التدخل، بهدف تمكينهم من الدفع المسبق لقيمة البضاعة المنوي استيرادها.
لنشوف شو حيصير...


حلقة جديدة من المسلسل:
أرفع السعر بالسوق السوداء مع شائعات و دخان اعلامي, وابيع مايمكنني من دولارات....
وعندما انتهي من بيع ما خططت ان ابيعه, أقلب الحركة وأبدأ بطرح الدولارات التي لدي فينخفض سعر السوق السوداء بذلك أبيع ما اشتريته من دولارات بفرق 4-5 ليرات لكل دولار...
ينجح المصرف المركزي في ذلك (نسبياً) حتى الأن
الهدف المحافظة على السيولة وليس قيمة الدولار بالسوق السوداء
سامحوناااااااااا

[طارق أبو الذهب]

مساء الخير شباب شو تم اغلاق سعر السوق بالشام سمعت الظهر الساعة3 المبيع88،5الشراء77،5 بس ماحدا عم يشتري لانو ماستقر سعر المبيع اذا حدا بيعرف شو تم اغلاق السعر مساء ينورنا ولكم جزيل الشكر

[aboalfawares]

يعني المركزي عم يضارب على حساب الاقتصاد؟؟؟

[Salam L]

بفهم من هالحكي اني تبهدلت اليوم علفاضي؟؟

[Tareq]

لا أخت سلام الهبوط والارتفاع رح يصير موضة اخر كل شهر . الغريب أني سالت بدير وفؤاد وشركة صرافة تالتة على سعر الدولار لبيع قام قال لي ٧٠.١ فقلتلهون يحيا الذكاء

[dodireg]

بفهم من هالحكي اني تبهدلت اليوم علفاضي؟؟

انت اليوم بس... انا صرلي من الاحد عم اتبهدل عالفاضي ay1

[كانو]

بفهم من هالحكي اني تبهدلت اليوم علفاضي؟؟

خيتوووووووووو
من هون ليوم الاربعاء القادم يا عالم كيف يتحرك السعر
لو عجبك اشتريت
لو ما عجبك دولارات البنك بالبنك وليراتك معك
وبطلناااا
وسامحوناااااااا

[Salam L]

بفهم من هالحكي اني تبهدلت اليوم علفاضي؟؟

خيتوووووووووو
من هون ليوم الاربعاء القادم يا عالم كيف يتحرك السعر
لو عجبك اشتريت
لو ما عجبك دولارات البنك بالبنك وليراتك معك
وبطلناااا
وسامحوناااااااا

خيووو

عم يقولوا التجاري بطل يبيع... يعني على الفاضي.. فيما لو صح الحكي

[فهد]

شكراً جزيلاً لكل من يضع السعر
الاسبوع القادم سيناريو جديد
حسب معارك دمشق خلال الثلاثة أيام القادمة

[فهد]

بعد قليل انخفاض سعر الدولارممكن ان يصل مساء اليوم وغدا لمستوى ال86

معلللللللللللللللللّم

[د. همكي]

عندي سؤال مهم جدا..

مبارح في شخص خبرني انو المركزي لساته عم يبيع قطع للمستوردين بالسعر الرسمي... فهل هاد الكلام صحيح؟

واذا كان صحيح.. فليش كل ماطلع ونزل السعر بالسوق السوداء بيقولوا التجار غلي الدولار وبيرفعوا الاسعار على كيفهن؟؟؟


بحسب أحد الأصدقاء "الثقة" العاملين في قسم المشتريات في أحد مصانع ريف دمشق التي ماتزال تعمل حتى الآن والحمد لله، أن المركزي مازال يمول عمليات الاستيراد بالسعر الرسمي .... (هذه المعلومات من يوم الأحد الماضي)

[عابر مجيب]

سيهبط سعر الدولار بشكل سريع والأمور واضحة
بدأ السياح بالتدفق إلى سوريا بشكل كبير وقد حملوا أرواحهم على أكفهم وأكفانهم وهي سياحة جديدة سنطلق عليها سياحة المخاطرة والمغامرات . وقد تم توزيع قنابل مسيلة للدموع ليعيش السائح بالأجواء وقد نتقتللنا شي سائحين ثلاتة طبعا وشوية مجاريح .
الصناعة عادت إلى أوجها بمناسبة أن الحاجة أم الاختراع
تم اكتشاف الكثير من البترول
تم جني محصول البطاطا للتصدير وكذلك اخترعنا زراعة معكرونه نباتية للتصدير Big Grin
تأكدوا كم يوم بس وحتشوفو الدولار بالصور بس .

[Big H]

بفهم من هالحكي اني تبهدلت اليوم علفاضي؟؟

سلامتك من البهدله .. بس الشعب صرلو كذا سنه عم يتبهدل .. فتعوّد
وبعدين آنستي هيّ مو اسمها بهدله .. هيّ اسمها خبره ..لأنو الواحد
أو الوحده ما بيتعلّمو إلاّ من كيس حالونBig GrinBig Grin سلام