سعر صرف الليرة السورية مقابل الدولار ليوم الخميس 08/11/2012 في السوق السوداء

[arnouri]

سعر صرف الليرة السورية مقابل الدولار ليوم الخميس 08/11/2012 في السوق السوداء (http://syria-stocks.com/forum/showthread.php?t=13249)


رابط لمشاهدة مخطط سعر الليرة مقابل الدولار في السوق السوداء:
http://syria-stocks.com/syp-change/syp-dollar.html

[arnouri]

يوم الامس كان الدولار يترواح بين 77 و 78
وكان أكثر الصرافين يرفضون البيع .
وقد اختلف البيع والشراء بين محافظة والاخرى بليرة

[arnouri]

وفيما يخص حركة القطع الأجنبي لدى المصارف العاملة في السوق المحلية، فقد كشفت بيانات المركزي أمس عن ارتفاع الطلب إلى مستوى يعادل 8.5 ملايين دولار مقارنة بـ6.5 ملايين دولار أمس الأول.
وسجلت تعاملات المصارف فيما بينها مستويات صفرية مقارنة بمستوى 375 ألف دولار يوم أمس الأول،

[الباشا المهندس]

صباح الخير جميعا
على أمل أن يكون صباحا خيرا لبلدنا

[الباشا المهندس]

ما هي أسباب الارتفاع في الطلب على الدولار ؟
حالة نزوح جماعي من البلد ؟
أم وصول الأحداث لدمشق ؟

:confused::confused::confused:

[مجرد إنسان]

مؤشر سعر صرف الدولار حسب سعر المصرف المركزي ..
http://www.syria-stocks.com/forum/attachment.php?attachmentid=4988&stc=1&d=1352360653

[Salam L]

شو هاد الرقم بيرعب..

ياخفي الالطاف نجنا من مانخاف..

الله يستر

[Ziad AlRifae]

أسعد الله صباحكم

[Ziad AlRifae]

شو هاد الرقم بيرعب..

ياخفي الالطاف نجنا من مانخاف..

الله يستر

أنو رقم ؟!

ماخبرتينا شو صار معك ببركة

[mhdamer]

مين عم يبيع دولار ...انو صراف...ببيع

انا مبارح ب 78.60 وما حدا رضي يبيعني

[mak]

نشرة اليوم!!

دولار:69.69 / 70.38

يورو:89.22/89.84

[Barbie]

صباح الخير للكل


الدولار بنشرة المصرف المركزي 70.38 - 69.96
اليورو بنشرة المصرف المركزي 89.84 - 89.22


الله يجيرنا لوين رايحين

[syriacenter]

نسألك اللهم من خفي ألطافك، لطفا تهدي به قلوبنا فتفرح بالحق وتحبه وتألفه وترضاه وتثبت عليه، ولطفا تصرف به عنا ما يؤذينا أو يضرنا، ولطفا تدفع به عنا البلاء والفتن.
صباح الخير والأمان والفرح لسورية الغالية ولكل أصدقائي الأعزاء ....

[غسان]

صباح الخير
قفزات واسعة يخطوها الدولار ويبدو انه مستعجلا وكأنه يهرب من هول مايرى
الدولار يحب الامان وكلما علا صوت المعركة هرب وارتفع وحلق كالعصفور الخائف
الذي يبحث عن عش هادئ يضبه وكلما تخرب عش له طار لارتفاع اعلى عله يجد
الامان المنشود ومهما حاول الصياد ان يبث الامان الكاذب فلن يصدقه العصفور الجبان ولكن على العصفور ان يحذر من الطلقات الخلبية التي يكون هدفها خداعه فالحذر واجب

[Abu Amr]

سؤال اذا ممكن

اديش بيقدر يلي بدو يسافر ياخد دولار معو واديش بيحقلو ياخد على سعر المركزي وشرط يكون مسافر عن طريق مطار دمشق

[louis_16th]

سؤال اذا ممكن

اديش بيقدر يلي بدو يسافر ياخد دولار معو واديش بيحقلو ياخد على سعر المركزي وشرط يكون مسافر عن طريق مطار دمشق




1500$ اذا رايح على بلد عربي .. ما عدا لبنان و الاردن
3000$ اذا رايح على بلد اجنبي ..

و حصراً لازم تحول المصاري من كوة الصراف بمطار دمشق الدولي Frown11

[rana-h]

صباح الخيران ارتفاع سعر الدولار لأكثر من 70 ليرة سيرفع أسعار السلع
تاريخ المقال: 2012-11-08
http://www.aliqtisadi.com/user_files/news/photo/%D8%B3%D9%84%D8%B9_%D8%A7%D8%B3%D8%AA%D9%87%D9%84% D8%A7%D9%83%D9%8A%D8%A9322.jpg الاقتصادي ـ صحف:

شدد عضو مجلس إدارة "غرفة صناعة دمشق" أنطون بيتنجانة على ضرورة ألا يرتفع السعر الرسمي للدولار لأكثر من 70 ل.س، لأنه هيأ لارتفاع السعر في السوق السوداء الذي وصل إلى 76.5 ل.س، وحينها لن يحول أي إجراء حكومي دون ارتفاعات الأسعار ولن يستطيع أحد كبح لجامها.

مؤكداً بأن أسعار المواد والسلع الرئيسية لن تتأثر بوصول الدولار لـ76 ل.س فالتاجر يتحمل تذبذب السعر بنسبة من 5 إلى 10% فقط لكنه سيتأثر إن ارتفع لأكثر من ذلك، أضف إلى ذلك فإن ضعف الاستيراد والعمليات التجارية يقلل من نسبة تأثر التاجر بارتفاعات الدولار ضمن هذه الحدود.

ويؤكد بيتنجانة أن المشكلة باتت بتوفر المواد أكثر من ارتفاع سعرها، فهي متوفرة بحدود مقبولة بسبب الصعوبات التي يواجهها التاجر في استيرادها، كما أن السوق يحمل حتى الآن تذبذبات الدولار وسعر صرفه لكنه لن يحمله إن ارتفع لأكثر من ذلك وستقل المواد في السوق أكثر.

مشيراً إلى أن سعر الرز المفرق مستقر حالياً عند 75 ل.س ويباع بـ60 ل.س بالجملة، بينما يصل سعر السكر المفرق إلى 65 ل.س وبالجملة إلى 52 ل.س.

وبالمقابل تشير عضو مجلس إدارة "غرفة صناعة دمشق" مروة الأيتوني في حديثها لصحيفة "الوطن"، أن التاجر الذي سيشتري بضائعه بدولار 76 ل.س لن يبيع مواده إلا حسب السعر الجديد، وستتأثر بهذه الارتفاعات وخاصة المواد الأولية اللازمة للصناعة والتي يتم استيرادها من الخارج مثل الزيوت، وهذه المواد لن تتأثر بارتفاعات الدولار فقط بل بارتفاع سعر صرف العملات العربية التي يتعامل التاجر السوري بها.

وأكدت الأيتوني أن التاجر لم يعد يضمن انخفاض سعر الدولار بعد ارتفاعه لهذه الحدود ولهذا فهو لن ينتظر انخفاضه ليشتري المواد، أضف إلى ذلك فإنه ينتظر من 40 إلى 60 يوماً لوصول بضائعه وهذه الفترة كفيلة وحدها بارتفاع السعر.

لافتة إلى أن توفر المواد اليوم لم يعد كسابقه فالتاجر الذي كان يستورد حاوية من صنف واحد صار يشتري حاوية واحدة من عدة أصناف.

أما عضو مجلس إدارة "غرفة تجارة دمشق" محمد الحلاق فقد بيين أنه لم يجد دولاراً أمس فالصرافين يفضلون الحفاظ على مخزونهم من الدولار، ويرون أن قلة توفر القطع هو السبب وراء ارتفاعه، وأن الصراف مثله مثل أي تاجر آخر لا يبيع ما لم يكن قادراً على تغذية مخزونه وهو لا يفكر بالربح أو الخسارة بقدر حفاظه على إرثه من القطع.

منوهاً بأن أي تذبذب في أي سلعة سواء أكانت نقدية أم غيرها يؤثر على توفرها.

[Barbie]

الدولار الأن في دمشق 78 شراء
بيع لا يوجد

[Abu Amr]

1500$ اذا رايح على بلد عربي .. ما عدا لبنان و الاردن
3000$ اذا رايح على بلد اجنبي ..

و حصراً لازم تحول المصاري من كوة الصراف بمطار دمشق الدولي frown11

بس لازم يكون مسافر حصرا من مطار دمشق ليقدر ياخد دولار بسعر المركزي ولا بيكفي يكون معو تيكت طيارة ولو من مطار بيروت

[louis_16th]

بس لازم يكون مسافر حصرا من مطار دمشق ليقدر ياخد دولار بسعر المركزي ولا بيكفي يكون معو تيكت طيارة ولو من مطار بيروت





والله على علمي انو لازم يكون مسافر من مطار دمشق حصراً لانو الصراف ما بيصرفلك الا حتى يشوف البوردينغ :mad:

[faisal30]

دمشق الساعة 12:00
78
79

[$ABOUD]

سؤال اذا ممكن



اديش بيقدر يلي بدو يسافر ياخد دولار معو واديش بيحقلو ياخد على سعر المركزي وشرط يكون مسافر عن طريق مطار دمشق


جواب وصار معي حصرا" (اقسم بالله العظيم اني صادق )

عندك بالمطار بيبيعو البلد ب 1000 ليرة وكل ماكتر وكبر المبلغ اللي بدك تطالعو لازم ترشيهن وانا رح حطلك صورة واحد منهن اخد مني بالقوة 1000 ليرة لأني مطلع شوية مونة .

بشرط اتطلع بالصورة منيح هادا اللي لابس ازرق ويمكن يكون جمارك ومعو واحد لابس بدلة رسمي
ولما ياخدو منك المصاري بيقولولك تعا لورا الكاميرا ... خونة البلد هدول .

http://www.syria-stocks.com/forum/attachment.php?attachmentid=4991&stc=1&d=1352368908

[faisal30]

دمشق الساعة 12:00
78
79

[mhdamer]

لك وين الدولاااااااااااااااااررررررررررر

هلأ اذا الصراف قلك انو ما عندي دولار...شو يعني..

مخبي دولاراتو وخايف يبيعون...ولا شو يعني

[mhdamer]

دمشق الساعة 12:00
78
79

وين عم ينباع 79؟

[Barbie]

بس لازم يكون مسافر حصرا من مطار دمشق ليقدر ياخد دولار بسعر المركزي ولا بيكفي يكون معو تيكت طيارة ولو من مطار بيروت




لا طبعاً من مطار دمشق حصراً

[fadi1974]

الرجاء من الأخوة في هذا المنتدى أن يخبروني عن مكتب صرافة يصرف لي 3000 يوان (عملة صينية) و ماهو سعر الصرف؟
و شكرا"

[الطير المهاجر]

الله يعطيكم العافية
الرجاء عند ذكر سعر الدولار تحديد اسم الصراف

[الطير المهاجر]

لأنه فيه صرافين عم يعطو سعر على التليفون و لما بتروح لعندهم عم يقولو انو ما في دولار للبيع

[Barbie]

لايوجد بيع أبدا تحت ال69.5 إلا إذا بتعرف حدا شخصي يبيعك

[faisal30]

وين عم ينباع 79؟

قلعجي _ بدير _ سلطان

[Abu Amr]

لايوجد بيع أبدا تحت ال69.5 إلا إذا بتعرف حدا شخصي يبيعك

والله مو اذا بيعرف حدا شخصيا اذا كان ابوه ما بيبيعوا ياه ب 69.5

طبعا القصد 79.5 بس خطا مطبعي

[الفهد السوري]

هل نشهد الان بداية انهيار الليرة السورية ؟؟؟ قلنا لكم ان التخويف من المتظاهرين السلمين في بداية الثورة ونعتهم بالعصابات المسلحة سيجلب الدمار للبلد .. رأس النظام دمر سوريا هذه هي الحقيقة المطلقة ولكن الجميع لايجرؤ على ذكرها ....

[Barbie]

أسفة عالخطأ المطبعي

بس في حدا يبيع دولار ب 79.5 إذا بدكن بعتولي عالخاص لأعطيكن رقمو

[mhdamer]

سؤال اذا بدي اشتري دولار من السلطان او قلعجي او بدير

ببيعوني فورا .. ولا لازم استخدم حدا بعرفو


لانو مبارح سألت السلطان وقلي نحن ما منبيع دولار

[Salam L]

أنو رقم ؟!

ماخبرتينا شو صار معك ببركة


اتصلت بالبركة

وقال اذا عندي حساب بيبعوني الف دولار مباشرة ومن أي فرع. ولازم الالف مرة وحدة يعني مابيصير اذا هلق اخدت 500 مثلا ترجع تاخد 500 بعدين..

رح روح خلال يومين وكمل الموضوع...

بس المشكلة مافي كاش حاليا...

[Ziad AlRifae]

اتصلت بالبركة

وقال اذا عندي حساب بيبعوني الف دولار مباشرة ومن أي فرع. ولازم الالف مرة وحدة يعني مابيصير اذا هلق اخدت 500 مثلا ترجع تاخد 500 بعدين..

رح روح خلال يومين وكمل الموضوع...

بس المشكلة مافي كاش حاليا...

إذا بدك شي نحنا بالخدمة

راح اليوم قريبي لعند بركة ما عنده حساب عندن قال يمكن بيصرفوله بس بعد فترة منيحة ليقدر يستلمهن ، علما أنو ع التلفون كان الحديث غير هيك . :confused:

[Salam L]

إذا بدك شي نحنا بالخدمة

راح اليوم قريبي لعند بركة ما عنده حساب عندن قال يمكن بيصرفوله بس بعد فترة منيحة ليقدر يستلمهن ، علما أنو ع التلفون كان الحديث غير هيك . :confused:

على التلفون قالتلي الموظفة بينزلوا بحسابك الالف دولار..

قلتلها طيب بقدر اسحبهن فورا! قال ايه...

بس على الواقع مابعرف شو بيعملوا


وقال كمان مافي الف يورو.. حصرا الف دولار...

[louis_16th]

إذا بدك شي نحنا بالخدمة

راح اليوم قريبي لعند بركة ما عنده حساب عندن قال يمكن بيصرفوله بس بعد فترة منيحة ليقدر يستلمهن ، علما أنو ع التلفون كان الحديث غير هيك . :confused:

والله انا كنت اليوم على اساس انزل لعندهن و افتح حسابين جداد بأسماء قرايبيني .. معناها ما رح يمشي الحال و يعطونا فوراً ؟؟ منيح ما نزلت و تعذبت !! :mad:Frown11

[Salam L]

راحت القصة ليوم الأحد..

بركي بحاول الاحد انزل على البنك وبخبركن شو بيصير معي... بس معقول مايقبضوني المبلغ فورا؟؟

استاذ زياد ممكن تتأكدلنا من الموضوع

هاد اذا عشنا ليوم الاحد الجاية خخخخخخخ

[محمد s]

السعر الان 78 شراء بيع 78.60 شركة شاهين للصرافة في حلب

[pilot]

السعر الان 78 شراء بيع 78.60 شركة شاهين للصرافة في حلب

أخي محمد أين هو مكتب شاهين وأبو غدة ؟ حيث لايوجد سوى مكتب في الموكامبو ويبيع بسعر عالي
أو هل بإمكانك تعطيني رقم هاتف أو أي شيء

[ملك]

حلب

78.5
78.9

[majd99]

اسرد عليكم ما جرى معي شخصياُ بالنسبة الي 1000 دولار او 1000 يورو

بداية سألت البنك التجاري السوري وقالي ليست لديه التعليمات بصرف هذه الالف يعني مافي

البنك العقاري يصرف هذه الالف لكن يجب ان تسجل في الدور في بداية الصباح ومن ثم تاخذ الالف عند الظهيرة وهناك حشود

بنك البركة تعاملت معو لان مافي عجئة بس المطلوب يكون عندكم حساب فيه و تعطيون فاتورة خليوي او ثابت و بقبضوكون ياها مباشرة
بس لا تنسو التاكيد على قبض الالف يورو اذا كنتوا حابين تقبضوها لأن عم عصلجوا شوي .....

[valley]

كل المؤشرات تدل على أن الدولار سيتخطى حاجز 100 بداية الاسبوع القادم
الله يستر

[Ziad AlRifae]

اسرد عليكم ما جرى معي شخصياُ بالنسبة الي 1000 دولار او 1000 يورو


بداية سألت البنك التجاري السوري وقالي ليست لديه التعليمات بصرف هذه الالف يعني مافي

البنك العقاري يصرف هذه الالف لكن يجب ان تسجل في الدور في بداية الصباح ومن ثم تاخذ الالف عند الظهيرة وهناك حشود

بنك البركة تعاملت معو لان مافي عجئة بس المطلوب يكون عندكم حساب فيه و تعطيون فاتورة خليوي او ثابت و بقبضوكون ياها مباشرة
بس لا تنسو التاكيد على قبض الالف يورو اذا كنتوا حابين تقبضوها لأن عم عصلجوا شوي .....






فتحت الحساب مباشرة ؟

وإن كان قديم ، كم عمره ، وعليه حركات ؟

وشكراً ، ومبروكين عليك .

[majd99]

فتحت الحساب مباشرة ؟

وإن كان قديم ، كم عمره ، وعليه حركات ؟

وشكراً ، ومبروكين عليك .


اي مباشرة فتحتوا بس استغرق معي يومين لفتحوا بسبب عطل بلشبكة عندون باليوم الاول

يوم لفتح الحساب ويوم قبضة 1000 علماً ان تسليم ال 1000 بين الساعة 11.5 اي عند صدور نشرة المركزي الي الساعة 2 فقط اي الوقت ضيئ شوي

طبعا ماعليه حركة

الله يبارك بعمرك ....عئبال ما نفرح فيك انت كمان Big Grin

[Salam L]

اسرد عليكم ما جرى معي شخصياُ بالنسبة الي 1000 دولار او 1000 يورو

بداية سألت البنك التجاري السوري وقالي ليست لديه التعليمات بصرف هذه الالف يعني مافي

البنك العقاري يصرف هذه الالف لكن يجب ان تسجل في الدور في بداية الصباح ومن ثم تاخذ الالف عند الظهيرة وهناك حشود

بنك البركة تعاملت معو لان مافي عجئة بس المطلوب يكون عندكم حساب فيه و تعطيون فاتورة خليوي او ثابت و بقبضوكون ياها مباشرة
بس لا تنسو التاكيد على قبض الالف يورو اذا كنتوا حابين تقبضوها لأن عم عصلجوا شوي .....





بنك البركة على التلفون قالولي مافي الف يورو...
وسألتهن على فاتورة التلفون قال مافي داعي...

بالنسبة للمصرف العقاري انا مريت من كم يوم مشان غير قصة.. كان في عجقة طلاب مشان استرجاع سلفة الموازي.. بس ماشفت او سمعت شي عن قصة الالف يورو او دولار..

اذا العقاري بيعطي الف يورو بتكون هي ميزته عن البركة والله اعلم... بالمناسبة فتح حساب بالبركة كتير سهل..

[GOLDMAN]

ما هو السعر في حلب
وبالنسبة للجنيه الاسترليني حدا عندو فكره عن سعرو

[tarek]

سعر الدهب الكسر 3685 3710

[tarek]

Dالسعر الان 78 شراء بيع 78.60 شركة شاهين للصرافة في حلب

يا ريت تبعتلي رقمو او محلو على الحاص لو سمحت

[ملك]

حلب
افضل سعر

78.25
78.50

[أبوسلطآن]

السلام عليكم ورحمة الله

أسأل الله ان يحمي الشعب السوري ويتقبل شهداءهم

يااخوان عندي سؤال خارج عن الموضوع واعتذر اذا ازعجتكم

في ضل الاوضاع الحالية كم المبلغ اللي بيساعد عائلة صغيرة بدمشق شهريا

1000 ريال او 1500 او 2000ريال

وشاكر لكم مقدما وتحياتي للجميع

[shereen]

السلام عليكم ورحمة الله

أسأل الله ان يحمي الشعب السوري ويتقبل شهداءهم

يااخوان عندي سؤال خارج عن الموضوع واعتذر اذا ازعجتكم

في ضل الاوضاع الحالية كم المبلغ اللي بيساعد عائلة صغيرة بدمشق شهريا

1000 ريال او 1500 او 2000ريال

وشاكر لكم مقدما وتحياتي للجميع
2000 ريال اقل شي لانو التضخم اصبح 150 بالمية والتجار الشرفاء عم يحاولو ينهبو الشعب باقصى طاقة ممكنة اعطيك بعد الامثلة علبة شاي ليبتون كانت 40 هللق 85 البروستد حوالي 725 ليرة سندويشة اسكالوب من عند تايم اوت ب 180 ليرة للسندويشة الواحدة فقط القهاوي خلف الشام سنتر الاركيلة ب 250 ليرة لتر زيت الزيتون كان ب100 ليرة هللق 275 فاقل شي لعيلة مؤلفة من 4 اشخاص متل عليتنا بدك 40 الف بالشهر يعني 2000ريال وشكرا

[najm]

السلام عليكم ورحمة الله

أسأل الله ان يحمي الشعب السوري ويتقبل شهداءهم

يااخوان عندي سؤال خارج عن الموضوع واعتذر اذا ازعجتكم

في ضل الاوضاع الحالية كم المبلغ اللي بيساعد عائلة صغيرة بدمشق شهريا

1000 ريال او 1500 او 2000ريال

وشاكر لكم مقدما وتحياتي للجميع
جزاك الله خيرا و لا خير في الاقوال ما لمْ تقترنْ بخوالصِ النيّاتِ والأفعال
ان شئت ان تساعد ممكن أن تقدم 2000 لعائلتين بدل عائلة واحدة .

[باسل غ]

78.25_______78.65

حلب متوفر

[GOLDMAN]

2000 علبة شاي ليبتون كانت 40 هللق 85 البروستد حوالي 725 ليرة سندويشة اسكالوب من عند تايم اوت ب 180 ليرة للسندويشة الواحدة

ما عرفت شو لاكتب بس حبيت اقتبس مو اكتر

[najm]

هلء يمكن الدرويش الله يكون بعونه ما عميفكر لا بأركيلة ولا بأسكلوب :rolleyes2:

[majd99]

بنك البركة على التلفون قالولي مافي الف يورو...
وسألتهن على فاتورة التلفون قال مافي داعي...

بالنسبة للمصرف العقاري انا مريت من كم يوم مشان غير قصة.. كان في عجقة طلاب مشان استرجاع سلفة الموازي.. بس ماشفت او سمعت شي عن قصة الالف يورو او دولار..

اذا العقاري بيعطي الف يورو بتكون هي ميزته عن البركة والله اعلم... بالمناسبة فتح حساب بالبركة كتير سهل..


بالنسبة الي الف يورو ما حكيتلكون بالتفصيل الممل يلي صار معي
رحت سالتون لقسم فتح الحسابات عن الالف يورو قالوا مافي.... قلتلون ليش مافي قال القانون يا الف دولار او ما يعادله باليورو قلتون عندكون نص القرار قالولي ما عنا روح لعند امين صندوق هو اعلم

رحت لعند تبع الصندوق قلتلو نفس الكلام ام قلي النص اجا يا الف دولار يا الف يورو ونحنا فسرنا ان ما يعادل قلتلوا بس العقاري سمعت انو عم يعطي الف يورو قالي اوكي منعطيك الالف يورو مافي مشكلة ...Big Grin

يعني التعى قلبي .....بس ما خلص الفلم :confused2:

اجيت عملت الطلب و بعتوا واجيت لما بدي استلم قالتهلها لأمينة الصندوق شو بدك تقبضيني قالتي دولار :eek:

قلتلها بس انا طلبت يورو مو دولار قالتي والله يا استاذ بعتذر خربطت ..ومافيني ارجع بالطلب لان انبعت و تمت الموافقة عليه و مشي الحالي ....قلتلها طيب مو مشكلة ....درنا ولفينا وماخدنا غير نصيبنا....عذرتها لان ملامح وشها يدل على خطائها الغير مقصود و التمس لاخيك سبعين عذراً و الله اعلم

مشان فاتورة الهاتف ضرورية لان باخدوها و بخرزوها مع الطلب وببعتوها حتى يتم الموافقة عليه وفي بصم و توقيق شي خمس وراء

[majd99]

2000 ريال اقل شي لانو التضخم اصبح 150 بالمية والتجار الشرفاء عم يحاولو ينهبو الشعب باقصى طاقة ممكنة اعطيك بعد الامثلة علبة شاي ليبتون كانت 40 هللق 85 البروستد حوالي 725 ليرة سندويشة اسكالوب من عند تايم اوت ب 180 ليرة للسندويشة الواحدة فقط القهاوي خلف الشام سنتر الاركيلة ب 250 ليرة لتر زيت الزيتون كان ب100 ليرة هللق 275 فاقل شي لعيلة مؤلفة من 4 اشخاص متل عليتنا بدك 40 الف بالشهر يعني 2000ريال وشكرا


كلشي كوم وسعر المارتديلا يلي ارتفع كوم تاني ..!!!!!

كيف بدنا نعيش بدون مارتديلا النا الله ;)

[مجد]

شباب من اول رمضان كانت الاسعار عندنا قريبة من الاسعار مصر الاسعار في مصر.وبعد ثلاثة اشهر ونصف تقريبا ارتفعت الاسعار هنا بشكل لايصدق .وصارت الاسعار شلف وطبعا نقول ان السبب هو التاجرولكن لنكن دقيقين انا اقول ان السبب هو المستورد بالدرجة الاولى وكلنا نعرف ان غالبية البضائع اما مستوردة او يدخل في مكوناتها مواد مستوردة!!!

[shereen]

مساء الخير للجميع حدا بيقدر يفهمني شو عم يصير بالمزة او كفرسوسة او اللي حوليهم اصوات غير طبيعية وبتتوقعو بكرة يكون فينا ننزل من البيت او لح بيصير متل رمضان شي 15 يوم قاعدين بالبيت وشكرا

[باسل غ]

مؤشر الذهب Amex Gold Bugs Index : $HUI - الممثل لاكبر 15 شركة منقبة عن الذهب - اعطي اشارة طيبة ايجابية، وهاك التفاصيل.
خلال العام 2012 تمكن المؤشر من تكوين قاعدة مزدوجة متوسطة المدى واضحة المعالم على شارت الاسبوع. القاعدة المزدوجة المتوسطة المدى تحضّر بحسب التفسير التقليدي السليم لترند صعودي بالمدى المتوسط. الموجة الاولى للترند هذا تحققت.
بعد الموجة الاولى وخلال اسابيع سبعة شهدنا تصحيحا يقارب محطة دفاع عالية الاهمية داعمة للسوق على ال 462 نقطة وهي متمثلة بخط ال 200 اسبوع.
التفسير السليم يسمح بتوقع ارتفاع بموجة جديدة باتجاه ال 700 نقطة.
مسيرة المؤشر المذكور ومؤشر الذهب يتقاربان في مسيرتيهما.
ايضا الرسم البياني للذهب يتم الان تفسيره ايجابا بالمدى المتوسط.
ما تقدم يعني:
مؤشر الذهب عنصر داعم للذهب بالنسبة لمن ينتظر معطى مشجع للدخول في السوق.
المؤشر Amex Gold Bugs Index : $HUI بحد ذاته يعطي اشارة شراء طيبة وعالية الاجابية يمكن لكل من يعمل على المؤشرات ان يستغلها.

[mak]

جزاك الله خيرا و لا خير في الاقوال ما لمْ تقترنْ بخوالصِ النيّاتِ والأفعال
ان شئت ان تساعد ممكن أن تقدم 2000 لعائلتين بدل عائلة واحدة .

أنا اتفق مع الأخ نجم لأن عدد العائلات المنكوبة كبير للأسف رغم أن ما ذكرته الأخت شيرين صحيح من حيث ارتفاع تكاليف المعيشة خصوصا لمن يحتاج الى ان يستأجر بيت......ربما مبلغ 1200 يكون أفضل لدعم كل اسرة و لدعم أكبر عدد ممكن....مع ملاحظة انه في هذه الايام يوجد تجمع أكبر حيث تعيش كل اسرتين او ثلاثة في بيت واحد اذا توفر ذلك البيت ..رغم صعوبة هذا الوضع الا انه سيؤدي الى امكانية الإستفادة بشكل اكبر من المساعدات و تقليل اي هدر..طبعا هذا في حال تم تأمين الحد الادنى من الدخل لكل اسرة

[mak]

شباب من اول رمضان كانت الاسعار عندنا قريبة من الاسعار مصر الاسعار في مصر.وبعد ثلاثة اشهر ونصف تقريبا ارتفعت الاسعار هنا بشكل لايصدق .وصارت الاسعار شلف وطبعا نقول ان السبب هو التاجرولكن لنكن دقيقين انا اقول ان السبب هو المستورد بالدرجة الاولى وكلنا نعرف ان غالبية البضائع اما مستوردة او يدخل في مكوناتها مواد مستوردة!!!


أخي مجد...من جهتي لا أجد فرق كبير بين الإثنين....فالمستوردون هم التجار الكبار ..او الحيتان ...و هم الذين يتحكمون بحياة المواطن قبل و بعد الأزمة بما يضمن مصلحتهم و أكبر استغلال ممكن للمواطن....أما صغار التجار فهم مثل بقية الشعب هناك من يهتم لأمر الناس و يتقي الله في تجارته و هناك من يستغل الفرصة و يساهم في زيادة المحنة و الشدة على المواطن المسكين ....مع العلم انه المشكلة الأساسية هو تزاوج السلطة مع المال مما جعل التشريعات و القوانين تصب في مصلحة الحيتان المحتكرين ليبنوا ثرواتهم على حساب الشعب....و لو أن الدولة كانت صادقة في محاولة التخفيف عن المواطن لقامت باستيراد المواد الاساسية و طرحا في الاسواق بارباح معقولة لتضمن كسر الاحتكار و الاستغلال

[tarek]

مساء الخير للجميع حدا بيقدر يفهمني شو عم يصير بالمزة او كفرسوسة او اللي حوليهم اصوات غير طبيعية وبتتوقعو بكرة يكون فينا ننزل من البيت او لح بيصير متل رمضان شي 15 يوم قاعدين بالبيت وشكرا
الله يحفظ الشام واهلها ... الهيئة قصة حلب رح تتكرر عندكون لذلك عندي شوية نصائح لعل وعسى حدا يستفيد منها :
تجهيز الملاجئ وتنظيفها ووضع الحاجيات الضرورية فيها مدات حرامات ماء معلبات شموع شواحن اسعافات اولية ...
لصق الزجاج الخارجي بشريط لاصق ويفضل يكون على شكل علامة x
تجهيز مخزون من المياه الصالحة للشرب بكميات معقولة ..
تجهيز الاوراق المهمة في حقيبة تكون في مكان سهل الو صول اليه في حال الاضطرار للخروج من المنزل .
تجهيز كميات من المعلبات السهلة الاستخدام والطويلة الاجل بالاضافة للمواد الغذائية الرئيسية رز سكر برغل
شحن الموبايلات واجهزة الانارة
عدم اغلاق النوافذ الخارجية اغلاق محكم وترك مجال لامتصاص الصدمات
تجهيز حقائب لبعض الحاجيات الرئيسية التي من الممكن ان يحتاجها الانسان فيما لو اضطر لمغادرة المنزل
اخفاء الامور الشخصية عن ان تصل اليها ايدي العابثين مثل صور الزفاف وما شابه
هلا هي الشغلات اللي متذكرها بس يا ريت الاخ لقمان يضيف من عندوا بحكم عندو خبرة في النزوح والتعتير .....

[لقماان]

الله يحفظ الشام واهلها ... الهيئة قصة حلب رح تتكرر عندكون لذلك عندي شوية نصائح لعل وعسى حدا يستفيد منها :
تجهيز الملاجئ وتنظيفها ووضع الحاجيات الضرورية فيها مدات حرامات ماء معلبات شموع شواحن اسعافات اولية ...
لصق الزجاج الخارجي بشريط لاصق ويفضل يكون على شكل علامة x
تجهيز مخزون من المياه الصالحة للشرب بكميات معقولة ..
تجهيز الاوراق المهمة في حقيبة تكون في مكان سهل الو صول اليه في حال الاضطرار للخروج من المنزل .
تجهيز كميات من المعلبات السهلة الاستخدام والطويلة الاجل بالاضافة للمواد الغذائية الرئيسية رز سكر برغل
شحن الموبايلات واجهزة الانارة
عدم اغلاق النوافذ الخارجية اغلاق محكم وترك مجال لامتصاص الصدمات
تجهيز حقائب لبعض الحاجيات الرئيسية التي من الممكن ان يحتاجها الانسان فيما لو اضطر لمغادرة المنزل
اخفاء الامور الشخصية عن ان تصل اليها ايدي العابثين مثل صور الزفاف وما شابه
هلا هي الشغلات اللي متذكرها بس يا ريت الاخ لقمان يضيف من عندوا بحكم عندو خبرة في النزوح والتعتير .....

لا تنس تخبي أحلامك تحت مخدتك على تختك يلي هو ببيتك .................و كبر شنتاية آلامك مشان تساع منيح..لأنو هي الوحيدة يلي بتزيد من كل بيت بتغيروا بينقص كتير من الشي يلي بدك تاخدوا معاك ..الا هالشنتاية سبحان الله كل مانها عمتكبير ....اي شنتاية الآلام ....................

[لقماان]

صحيح على علمكون أدي كان سعر الدولار ليوم الجمعة مساء

[tarek]

صحيح على علمكون أدي كان سعر الدولار ليوم الجمعة مساء

اخ لقمان اخر سعر سالت عليه كان العصر 25'78 65'78