العيد و أسواق العيد [الأرشيف] - الأسهم السورية ( المضارب السوري)

abu mhd

21-10-2012, 09:00 PM

كل عاااااااااااام و أنتم جميعا بخيييييييير

أعلم أن الكل حزين و البلد حزين على أبنائه ولكن علينا أن نستمر ولا استمرار بدون أمل :)
هنالك أطفال هم حلم المستقبل :rolleyes2:
و نساء علينا أن نسعدهم فهم بناة جيل المستقبل
و حتى رجال علينا أن نواسيهم

أحببت أن أفتتح هذا الموضوع لنضع فيه أخبار العيد
و أخر أخبار الأسواق التجارية و العروض و الملبوسات
ويمكن للصبايا وضع صور وموديلات ان احبوا :StickOutTongue:StickOutTongue
و على أمل يكون بكرة أحلى
وفرج الله عن هذا البلد و أهله

Salam L

21-10-2012, 10:29 PM

ههههههه

والله ضحكتني يا ابو عمر.. خصوصي على قصة حط الصور...

هي قصة الاسواق كانت اختصاصي... سابقا...

ههههههههه

بس هلق اذا لقيت عروض اكيد رح قول للصبايا عليها... مع اني مابعرف تلات رباع الشعب الجديد هون

Salam L

21-10-2012, 10:35 PM

بالحقيقة اهم نصيحة طلعت معي حاليا هي التالية...

لا حدا يشتري شي هههه

اكيد هي رح تعجب الرجال...

بس انتظروا شوي.. لكمل الفكرة يعني لاتفرحوا كتير...

لاحدا يشتري شي من هلق لشهر 12 يعني بس بعد شهر.. لانو هو موعد التنزيلات المرتقب... بعتقد انو كمان في محلات رح تبلش ابكر... في مثلا سبورت ماستر تخيلوا انو بلش من هلق 50% على البضاعة الجديدة!! طبعا هو حاطط اسعار فلكية .. مثلا حق البيجاما المخمل 4500 ليرة... طبعا هاد السعر يمكن ما استمر اسبوعين او تلاتة... وبعدين فورا عمل 50%... فتخيلوا لو حدا شاري بالغالي قديش رح ينقهر...

ولاحدا يقلي مضطر على شي.. لا في فوتة ولا طلعة... وكل شي بيتأجل .. وعيد اساسا مافي وخزاينكن اكيد ملانة اواعي نصها مو مغسول لسا (يعني شبه جديد)

wasim

21-10-2012, 11:09 PM

Salam L

21-10-2012, 11:14 PM

سبورت ماستر اخت سلام متخصص ماشالله بالتنزيلات .....يعني اسعاره موضوعة بالاساس مشان يبيعها بال 50 بالمية و فهمك كفاية ......بالحقيقة الاسعار مرتفعة و بضاعة ما في كتير و تجار الجملة متحكمين بالسوق

اسعاره قبل ارتفاع الدولار كانت كتير معقولة... وبالتنزيلات تعتبر رخيصة...

بس اول مابلش يطلع الدولار وبلشت موجة التضخم صارت اسعاره فلكية.. شو مشان انو كنزة قطن ب 1800 ليرة مثلا؟؟؟
بس راح عمل عليهن خمسين بالمية فترة وبعدين عمل 70%... يمكن باع بهالحركة شي مليون كنزة... لا تستغرب الرقم انا شفت قديش رمى بضاعة بالسوق.... كل فرع خزيت العين مايهدي بعد السبعين... ونفس الفلم عمله محل free girl.... كمان عمل سبعين وباع بضايع بالهبل...

صمت الحملان

22-10-2012, 12:25 AM

بالحقيقة اهم نصيحة طلعت معي حاليا هي التالية...

لا حدا يشتري شي هههه

ولاحدا يقلي مضطر على شي..
لا في فوتة ولا طلعة..
. وكل شي بيتأجل ..
وعيد اساسا مافي وخزاينكن اكيد ملانة اواعي نصها مو مغسول لسا (يعني شبه جديد)

يبدو الأخت سلام كانت عم تسمع حواري مع الوالدة عالجوال من لحظات لأن نفس العبارات.:

لك أبني

1-لافي طلعة ولا فوتة
2-ماحدا فاضيلك هلأ خليك محلك
3-مابقى حدا فاضي لهيك قصص بهيك ظروف
4 -يا ابني شلون بدك تنزل ويشوفوك وتشوفن طيب ؟
( ولاعبالك تشوف الطيبين من الميلتين عطريق المطار قبلما تشوف هدوليكه Big Grin)
5-معقولة نخطبلك عالصورة يعني Frown11 " آخر ماكنت أفكر فيه !!"
6-استنى لتهدى الأحوال ( آخر نكتة ) Frown11

لحد الآن ما انفجعت .. بس يلي فجعني :
خالتي - :
7-هدوليك قال ما بيعطوا بنتن " دُرّة مكنونه" على " غربة مجنونه " Big Grin

إي خالتو إذا هيك قوليلن (( خليها تحت القصف أحسن..)) " بعيد الشر عن كل أهلنا طبعاً "

ويغلفوها بغطاء نايلون
لحتى ما تصدّي.... وموديلها يعدّي....*:eek:

* (( عبارة مشهورة في السعودية أطلقها الشباب قديماً على حملة مقاطعة بسبب ارتفاع أسعار السيارات الحديثه ))

و...ناطرين التنزيلات ... af7a1

صمت الحملان

22-10-2012, 12:29 AM

عمو الشرطي زكاتك لاتطوّل بتعميد المشاركه اتطمن مفلترة مابدها فلترة :)

Salam L

22-10-2012, 01:45 AM

يبدو الأخت سلام كانت عم تسمع حواري مع الوالدة عالجوال من لحظات لأن نفس العبارات.:

لك أبني

1-لافي طلعة ولا فوتة
2-ماحدا فاضيلك هلأ خليك محلك
3-مابقى حدا فاضي لهيك قصص بهيك ظروف
4 -يا ابني شلون بدك تنزل ويشوفوك وتشوفن طيب ؟
( ولاعبالك تشوف الطيبين من الميلتين عطريق المطار قبلما تشوف هدوليكه Big Grin)
5-معقولة نخطبلك عالصورة يعني Frown11 " آخر ماكنت أفكر فيه !!"
6-استنى لتهدى الأحوال ( آخر نكتة ) Frown11

لحد الآن ما انفجعت .. بس يلي فجعني :
خالتي - :
7-هدوليك قال ما بيعطوا بنتن " دُرّة مكنونه" على " غربة مجنونه " Big Grin

إي خالتو إذا هيك قوليلن (( خليها تحت القصف أحسن..)) " بعيد الشر عن كل أهلنا طبعاً "

ويغلفوها بغطاء نايلون
لحتى ما تصدّي.... وموديلها يعدّي....*:eek:

* (( عبارة مشهورة في السعودية أطلقها الشباب قديماً على حملة مقاطعة بسبب ارتفاع أسعار السيارات الحديثه ))

و...ناطرين التنزيلات ... af7a1

هههههههههههه عن جد ضحكتني بآخر هالليل..

احلى شي اي خلوها تحت القصف احسن ههههههه Big GrinBig Grin

لك الله لا يوفقه اللي حول حالنا لهالحال....

Tareq

22-10-2012, 02:27 AM

كان نفسي ساعدكون بموضوع الاسواق بس انا اخر شي بفهم فيه هو السوق وخاصة موديلات للصبايا بس خلال جولتي في اسواق تايلاند الشقيقة لقيت قديش التجار عنا حرمية ونصابين لا وبيحلفوا ايامين مغلظة ومنههون بيحلف بالطلاق انو الكلفة عالية وما بتوفي معو. بس كمان بهالجولة انبسطت لانو ما بينشرى شي لانو أطول تنورة لقيتها لا تتعدى ال 30 سم واتخن فستان موجود مساوينو بنص متر قماش فقط.

بس يلي بعرفو انو من وقت ما وعيت على الدنيا والسوق عنا ميت لدرجة صرت ادعي على رفقاتي بوجهون انو السوق يموت فعلا من كتر ما بيكزبو. سوق ميت وواحد بدي بمحل وخلال خمس سنين فتح اربعة غيرو.

Tareq

22-10-2012, 02:30 AM

يبدو الأخت سلام كانت عم تسمع حواري مع الوالدة عالجوال من لحظات لأن نفس العبارات.:

لك أبني

1-لافي طلعة ولا فوتة
2-ماحدا فاضيلك هلأ خليك محلك
3-مابقى حدا فاضي لهيك قصص بهيك ظروف
4 -يا ابني شلون بدك تنزل ويشوفوك وتشوفن طيب ؟
( ولاعبالك تشوف الطيبين من الميلتين عطريق المطار قبلما تشوف هدوليكه big grin)
5-معقولة نخطبلك عالصورة يعني frown11 " آخر ماكنت أفكر فيه !!"
6-استنى لتهدى الأحوال ( آخر نكتة ) frown11

لحد الآن ما انفجعت .. بس يلي فجعني :
خالتي - :
7-هدوليك قال ما بيعطوا بنتن " دُرّة مكنونه" على " غربة مجنونه " big grin

إي خالتو إذا هيك قوليلن (( خليها تحت القصف أحسن..)) " بعيد الشر عن كل أهلنا طبعاً "

ويغلفوها بغطاء نايلون
لحتى ما تصدّي.... وموديلها يعدّي....*:eek:

* (( عبارة مشهورة في السعودية أطلقها الشباب قديماً على حملة مقاطعة بسبب ارتفاع أسعار السيارات الحديثه ))

و...ناطرين التنزيلات ... Af7a1

أخي الكريم مريت بهالتجربة قبلك والله يعينك شو رح تشوف افلام وتسمع قصص لسا. خاصة انت لانك مغترب

Tareq

22-10-2012, 06:14 AM

كل عام وأنتم بخير وانشاء الله لا تنقضي أيام العيد والا ونحن نحتفل بعيد انتهاء الأزمة في بلدنا.

عندي اقتراح : بالنسبة للكبار سواء رجال أو نساء لو لبسنا الجديد من الحرير والذهب فلن نسعد بهذا العيد. فما رايكم ان نحصل على السعادة بادخالها على قلوب المحتاجين من الفقراء الكبار عوضا عنا من خزائننا تكاد تنفجر من الملبوس او الذي لم يلبس بعد.

بالنسبة للصغار لانملك ان نعقد حياتهم اكتر من تعقيدها اليوم فاقترح عند شراءنا لاطفالنا لاسعادهم ان نشتري للأيتام مثل أطفالنا ونسعدهم .

سابدا بنفسي: سنتحضر الان لقدوم المولود الاول وبعون الله هذا المولود القادم سيساهم بتجهيز مولود اخر بالتساوي.

أدعو الله ان يوصلنا لمرتبة الصحابة من الأنصار عندما أخاهم رسول الله مع المهاجرين.

economic opinion

22-10-2012, 10:04 AM

ابراهيم طاهر

22-10-2012, 01:10 PM

عجبتني كتييير الفكرة أخي أبو عمر جديدة وفيها نوع من الحياة التي نفتقدها :)

بالنسبة إلي أنا صرلي فترة عم انزل عالسوق كتير :rolleyes2:
في محل ice cube لهلأ عندو تنزيلات وبتلاقي عندو شغلات ظريفة وفيه تياب لكل الأعمار والأجناس وأسعارو جيدة جداً مقارنة بالسوق وفي عندو تياب أطفال كتييير أمورين جبت من عندو قيميصين لطفل عمرو سنة ونص وشكلون بيطير العقل :coool:
وبنصح خصيصاً بفرع الصالحية يلي قريب من ساحة المحافظة وفرع الصالحية يلي عالشارع قبال الحمرا

مرحبا" كل عام وانتم بخير
بالنسبة لارباح الالبسة عالية جدا" بحدود الضعفين واحيانا" اكثر
وذلك :
1-الصانع او الشغيل ياخذ اجرته دريهمات قليلة مقابل التصنيع .
2- مالك المصنع يبيع ماصنع بربح معقول نوعا" ما .
3- تاجر الجملة يربح ايضا" سعر كبير لكن معقول .
4- تاجر المفرق يكون ربحه فاحش يصل الى ثلاثة اضعاف مااشترى وهو قد يأخذ بضائعه من الصانع مباشرة وذلك احيانا" وكذلك لا يدفع كامل الثمن للبضاعة بل اسبوعيا" .
يعني اذا لاحقت سعر فستان جميل للانسة روان تلاحظ سعره من المصنع يبدأ 1500 ليرة يصل الى بائع المفرق ليبيعه 4000 ليرة او اكثر بعد ان يشده بخيط على الواجهة .

abu mhd

22-10-2012, 02:24 PM

على ذمة صديقة زوجتي انوا بالشام سنتر وغالبا بمحل مورجان
في تنزيلات كبيرة
و بالمول بشكل عام عاملين تخفيضات
هلأ بحطلكن الخبر اليقين من شاهدة العيان اختكم ام عمر

Salam L

22-10-2012, 08:48 PM

على ذمة صديقة زوجتي انوا بالشام سنتر وغالبا بمحل مورجان
في تنزيلات كبيرة
و بالمول بشكل عام عاملين تخفيضات
هلأ بحطلكن الخبر اليقين من شاهدة العيان اختكم ام عمر

مممم
مورغان عامل تنزيلات من زمان على الصيفي.. بس يمكن البضاعة الجديدة لساغالية

بس منزل نضارت شمسيةحلوة ورخيصة. وفحصتها عند محل نضارت تاني قلي ممتازين..

بالنسبة للسوبر ماركت انا نسخته من قائمتي لانو صارحرامي نظامي.. وبدلت الوجهة لزنوبيا اللي بالسيتي مول لانو ارخص خصوصي وقت تععمل بطاقة التسوق من عنده

بكل الاحوال ناطرين المزيد من ام عمر

abu mhd

23-10-2012, 09:31 AM

abu mhd

23-10-2012, 09:32 AM

اين المشاركات الرجالية ؟؟؟؟؟؟

على قولة غوار اللي ماله بدلة ماله عييييييييد

najm

23-10-2012, 04:22 PM

عـيدٌ بِـأَيَّةِ حـالٍ عُـدتَ يا عيدُ بِـما مَـضى أَم بِـأَمرٍ فيكَ تَجديدُ
أَمّـا الأَحِـبَّةُ فَـالبَيداءُ دونَـهُمُ فَـلَيتَ دونَـكَ بـيداً دونَها بيدُ

Salam L

23-10-2012, 06:42 PM

بالنسبة للشام سنتر لا شيء مميز كثيرا حسب الوصف
اخبرتني عن محل نسيت اسمه به كنزات نسائية صوف طويلة و جميلة بحدود \ 1500 \ ل.س
غير هيك كله عادي

بالدامسكينو لعشاق الكنادر الفاخرة كلارك عامل تخفيضات 50 %

:eek::eek: انا كيف كنت نسيانة محل كلارك اللي بالدامسكينو!!!

يمكن لاني بكرهه كتير ومابروح عليه الا نادرا..

بس المشكلة حتى بالتنزيلات هدول المحلات بدهن ميزانية منفصلة!!

خلص مارح روح احسن.....

abu mhd

23-10-2012, 07:48 PM

اليوم جولة مع اختكم ام عمر بالجسر الأبيض
في تشكيلة لابأس بها وفي اسعار من المقبولة للغالية

حقائب نسائية من 900 - 1500
حجاب \ لحشة \ مدري شو \ 400 - 500 \
في بآخر الجسر الأبيض مقابل دامر عند حيط المدرسة جول جمال روسيات و جرورجيات طبعا اعمارهم بال 60 ههههه مشان ما حدا يشطح بذهنه عم يبيعوا بضائع و البسة حلوة شغل تركيا و مدري وين و موديلات عنجد مميزة و ارخص من المحلات يعني اخر شي تركي موديل و سعر حلو

abu mhd

23-10-2012, 07:50 PM

:eek::eek: انا كيف كنت نسيانة محل كلارك اللي بالدامسكينو!!!
يمكن لاني بكرهه كتير ومابروح عليه الا نادرا..
بس المشكلة حتى بالتنزيلات هدول المحلات بدهن ميزانية منفصلة!!
خلص مارح روح احسن.....

اااااااخ
انا اشتريت مرتين من عنده ايام اللولو قبل ما يورطنا حمدان
كان عامل 50% اخدت الكندرة ب 5000 تقريبا
هلأ عم ندور على رخصة 50% من الصالحية تبع ال 1000

وائل77

23-10-2012, 11:02 PM

وضع الالبسة بهذا العيد مو طبيعي البضاعة كتير قليلة بسبب وضع حلب وحرستا ومعظم مناطق صناعة الالبسة وبالمقابل الاسعار جنون يعني صار صاحب المحل يعد للمئة قبل ان يشتري من اسواق الجملة خصوصا مع الوضع الصعب للناس الله يفرج

Salam L

24-10-2012, 11:56 PM

اااااااخ
انا اشتريت مرتين من عنده ايام اللولو قبل ما يورطنا حمدان
كان عامل 50% اخدت الكندرة ب 5000 تقريبا
هلأ عم ندور على رخصة 50% من الصالحية تبع ال 1000

شو الف ما الف... هي صرت لاقيها غالية ههههه :StickOutTongue بس اذا عليها تنزيلات بيكون معقول الوضع...

تخيل اني عم رتب هداك اليوم لقيت عندي شنطة ايد اشتريتها بالتنزيلات يمكن بشي 2400... رح يغط على قلبي كان وبقيت ساعة قول لك شلون انا اشتريتهاااااا بهيك سعر!!!! والله مابتسوى هالقد

الله لا يسامحك ياحمدان انت واللي كان السبب marsamarsamarsa