سعر صرف الليرة السورية مقابل الدولار ليوم الثلاثاء 9-10-2012 في السوق السوداء

[Barbie]

السلام عليكم ورحمة الله وبركاته
صباح الخير صباح الورد والفل والياسمين


شو أخباركن طمنونا عنكن بعد الليلة الحامية يلي صارت مبارح

[GoldMan$]

صباااااح الخير جميعا ...

ليش شو صاير عندكم بدمشق امبارح بليل ...؟؟؟ الله يتلطف بالجميع ..

وليش موضوع امبارح ....بح ... فاضي مافيه غير المشاركة الاولى ...!!!!....؟؟؟؟

[mak]

صباااااح الخير جميعا ...

ليش شو صاير عندكم بدمشق امبارح بليل ...؟؟؟ الله يتلطف بالجميع ..

وليش موضوع امبارح ....بح ... فاضي مافيه غير المشاركة الاولى ...!!!!....؟؟؟؟

صباح الخير جميعا....هلأ شو صاير فعليا ما حدا بيعرف ...بس اصوات الاشتباكات كانت طول الليل و مسموعة بأغلب المناطق ...حتى كانت رائحة البارود بالجو....طبعا غير النفجار الضخم يللي استهدف مقر المخابرات الجوية و تضرر عدد من البيوت في حرستا و القابون و عربين من شدة الإنفجار....بس الحمدلله حسب تصريحات مصدر أمني سوري لقناة المنار ما في خسائر بالأرواح!

و شكلو موقع سيرياستوكس عم يتعرض كمانم لهجوم لأنو هي الصفحة ما كانت عم تفتح ....بس هلأ فتحت.....و مشان الدولار بتوقع ينزل اليوم بسبب كل هالكركبة و مشان الدولة تفرجينا انو قادرة على السيطرة على سعر الدولار......على كلن نستنا لبعد الظهر و بنشوف

[economic opinion]

قريتلكون خبر اليوم :)


بنوك خاصة تشتري الدولار بأقل من سعر التدخل والرسمي
تاريخ المقال: 2012-10-08

http://syria-stocks.com/forum/user_files/news/photo/عملة4709.jpg
الاقتصادي - خاص:



لايزال الدولار الأميركي يواصل الصعود أمام الليرة السورية في السوق الموازية وكذلك في نشرة "مصرف سورية المركزي" الرسمية، إذ بلغ اليوم في النشرة 68.51 ليرة للمبيع و68.10 ليرة للشراء.

فيما واصل دولار السوق السوداء الارتفاع بدوره حيث بلغ اليوم 73.50 ليرة للمبيع و73 ليرة للشراء، مرتفعا من 73.25 ليرة مبيع.

ولوحظ أن بعض المصارف الخاصة ومن خلال نشراتها الاسترشادية التي تسعر بموجبها العملات أمام الليرة ان الحد الأدنى (شراء) لسعر الدولار الأميركي واليورو اليوم أقل من سعر التدخل الذي يحدده المركزي في حالة الشراء وهذا مخالف للقانون كونها تشتري الدولار من المواطنين والسوق بأقل من سعر التدخل الرسمي.

وبلغ سعر الدولار التدخلي اليوم 68.51 ليرة مبيع و68.10 ليرة شراء، أما اليورو فبلغ 88.96 ليرة مبيع و88.34 ليرة شراء.

فيما كان الحد الأدنى لسعر الدولار واليورو في النشرات الصادرة عن المصارف أقل من سعر التدخل الرسمي في حالة الشراء أي الحد الأدنى.

وحققت وحدة حقوق السحب الخاص رقما قياسيا جديدا أمام الليرة بلغ 105.62 ليرة .

[f.fatina]

صباح الخير للجميع ولياسمينة الحلوة بالذات

[economic opinion]

صباح الخير للجميع ولياسمينة الحلوة بالذات
صباح الخير للجميع وإلك إختي فاتنة ولأختنا الحلوة باربي :)

[محمد سامر]

صباح الخير للجميع
يبدو أنه الموقع ما عم يشتغل منيح اليوم
الصبح ما كانت عم تفتح الصفحة و هلىء السعر المثبت للدولار بأعلى الشاشة هوسعر يوم الأحد 7/10/2012

[Trader]

قديش الواحد بدو وقت ليأخذ من الصراف بسعر المركزي
ومين أحسن صراف بهالموضوع

[Barbie]

صباااااح الخير جميعا ...

ليش شو صاير عندكم بدمشق امبارح بليل ...؟؟؟ الله يتلطف بالجميع ..

وليش موضوع امبارح ....بح ... فاضي مافيه غير المشاركة الاولى ...!!!!....؟؟؟؟
والله يا أخي مبارح بعد التفجير يلي صار بحرستا خربت الدني

صار كل نص ساعة تفجير
أنا غفيت الساعة 2 ولسا في تفجيرات وماكنا نعرف من وين

لهيك هاد يلي صار

هاجم مقاتلو المعارضة السورية، فجر الثلاثاء، حواجز تابعة للجيش النظامي في الأحياء الجنوبية للعاصمة دمشق.
من جانبه، قال المركز الإعلامي السوري في بيان إن "مجموعة من كتائب الجيش الحر قامت بضرب عدّة حواجز في الأحياء الجنوبية للعاصمة دمشق".
وأشار المركز إلى اندلاع "اشتباكات عنيفة في العاصمة بين الجيش الحر و عناصر الأمن و الشبيحة استمرت لأكثر من ساعة".
كما وقعت اشتباكات بين الجيشين السوري والحر عند الحاجز الموجود على اوتوستراد درعا، وتمكن الجيش الحر من تدمير 5 دبابات.
من جهة أخرى، قتل عشرات الأشخاص في الهجوم الانتحاري المزدوج الذي استهدف الفرع الرئيسي للمخابرات الجوية في مدينة حرستا بريف دمشق، بحسب ما افاد مدير المرصد السوري لحقوق الانسان رامي عبد الرحمن.

[BROKER]

صباحكم امان وسلام
الحمد لله على سلامتكم

[Barbie]

الدولار الأن 73.00 - 73.75

[ياسمين]

صباح الخير للجميع ولياسمينة الحلوة بالذات
تسلميلي ياسنفورة ... بس اليوم مدري شو قصتو المنتدى ما كان عم يفتح الصبح ... وهلق لاقدرت فوت لصبح مدري مسيBig Grin على صبايا وشباب المنتدى ....:)

[f.fatina]

صباح الخير للجميع وإلك إختي فاتنة :)

أهلا وسهلا ومية السلامة فيكي

[NetPro]

دمشق الساعة 2
73 - 73.75

[Barbie]

عنجد شكراً كتييييييييييير عالوسام
وباللون يلي بحبو كمان
شو هالرواق

[issam alkhouri]

الله يحمي سوريا

[Barbie]

الله يحمي سوريا

أمين
الله يحمي الشرفاء بس ويلي بحبو هي البلد

والله ينتقم من كل واحد بدو يضر هالبلد

[محمود1986]

اليورو باللاذقية اليوم 95,5 مبيع

[tarek]

حلب الدولار 73.8 - 74 متوفر
اليورو 95 - 95.5
الذهب الكسر 3600 - 3625 بيع غير متوفر

[mak]

عنجد شكراً كتييييييييييير عالوسام
وباللون يلي بحبو كمان
شو هالرواق

انشالله الف مبروك.....ايمتا الحلوان؟

[Romeo]

الحمد لله عسلامتكن يا أهل الشام والله يصرف البلا عنا وعنكن وعن شعب سورية الصامد

[Romeo]

عنجد شكراً كتييييييييييير عالوسام
وباللون يلي بحبو كمان
شو هالرواق
انشالله ألف مبروك ياباربية الحلوة عنجد انت بتستاهلي عمجهودك بالمنتدى
بعدين كما تقول الحكمة لكل مجتهد نصيب

[فراس السكري]

مبروك باربي الوسام تستحقيه واللقب ايضا
وشكر لوضع الاسعار التي يستفيد منها الجميع
خبي دولارك الابيض ليومك الاسود

[غسان]

الدولار التونسي
كم كنت عبقريا يازين العابدين حين استكشفت المستقبل وحزمت دولاراتك في حقيبة ودفتر شيكاتك
واستشعرت مصير سيء محروق اليمن ولامبارك مسجون مصر ولا معمر مقتول ليبيا
وركبت طائرتك الى منفاك الاختياري
فكنت زين الهاربين العرب