سعر صرف العملات مقابل الليرة السورية ليوم الخميس 6-9-2012

[manar]

جلسة متابعة سعر صرف الدولار و العملات الأخرى مقابل الليرة السورية في السوق المحلية ليوم الخميس 6-9-2012

[manar]

أسعد الله صباحكم

[zinarez]

صباح الخير
بتوقع اليوم يستمر تحسن السعر بسبب مقررات الجامعة العربية، ولو حتى ضخ المركزي.

[manar]

اغلق السوق ليوم الامس على
71.00 71.50

[GoldMan$]

راي شخصي ... ان المركزي احتمال ان يكون يدرس مستوى جديد للتدخل ورفع السعر قليلا ...
وخاصة بعد اقتراب سعر الصرف الرسمي من سعر التدخل وشيء آخر ضعف بالكميات التي تضخ بالسوق بالاونة الاخيرة ومحاولة التملص من أغلب الصرافيين من البيع بسعر التدخل ؟؟؟؟ والله أعلم ....
الله يتطلف فينا وبالليرة المسكينة اللي كل يوم عن يوم عم تقل قيمتها الشرائية للاسف ....

[GoldMan$]

الذهب .....!!!!

Gold : 1703.8

[Barbie]

مبارح وبعد شي 100 اتصال مع البنك المركزي

بعتوني عند مونيتا للصرافة وقدرت اشتري حوالي 7 ألاف دولار بسعر التدخل على الهوية

[Abu Amr]

صباح الخير

هل صحيح ان شركات الصرافة باعت على سعر التدخل يوم امس بعد الساعة السابعة

[Barbie]

من قبل العيد وأنا عم حاول اشتري دولار بسعر التدخل


قبل العيد وعدوني لبعد العيد
وبعد العيد صارو يقولولي كل مرة لأخر الأسبوع

بس الشهادة لله مبارح دقيت لقسم الشكاوي المصرف المركزي عالرقم يلي عطاني ياه Mak(يسلم إيديك يارب) وبعد شي 100 إتصال ساعدوني كتر خيرن

[Barbie]

صباح الخير

هل صحيح ان شركات الصرافة باعت على سعر التدخل يوم امس بعد الساعة السابعة

مابعرف والله
بس أنا شتريت عالساعة 5

[GoldMan$]

مبارح وبعد شي 100 اتصال مع البنك المركزي

بعتوني عند مونيتا للصرافة وقدرت اشتري حوالي 7 ألاف دولار بسعر التدخل على الهوية

.. الف مبروك .. :) بدنا الحلوان ...:)

[أبوخالد]

مبارح وبعد شي 100 اتصال مع البنك المركزي

بعتوني عند مونيتا للصرافة وقدرت اشتري حوالي 7 ألاف دولار بسعر التدخل على الهوية


هلأ اتصلت بمونيتا و ماقبلوا يبيعوا عل الهوية

قال حصرا عن طريق البنك .. يعني بيكون حساب بأحد البنوك ثم ترسل حوالة بقيمة المبلغ الى مونيتا ثم يحولون لك بالدولار بعد أسبوع !!!!!!!!!

[أبوخالد]

مبارح وبعد شي 100 اتصال مع البنك المركزي

بعتوني عند مونيتا للصرافة وقدرت اشتري حوالي 7 ألاف دولار بسعر التدخل على الهوية


هلأ اتصلت بمونيتا و ماقبلوا يبيعوا عل الهوية

قال حصرا عن طريق البنك .. يعني بيكون حساب بأحد البنوك ثم ترسل حوالة بقيمة المبلغ الى مونيتا ثم يحولون لك بالدولار بعد أسبوع !!!!!!!!!

شو العمل .. أنا بدي خمسة ألاف ؟

[Barbie]

.. الف مبروك .. :) بدنا الحلوان ...:)

إي تكرمو
وهي أحلى حلوان تفضلوا

[rana-h]

صباح الخير
حبيت اسئل باربي يعني كم كان السعر النهائي للبيع الذي باعوكي به مع العموله وكم كان سعر شرائهم لو كنت تريد العكس ان تبيعي دولارات واين موقع هذا الصراف ولك الشكر

[rana-h]

الدولار الأمريكي البنك الحد الأعلى
الحد الأدنى
البنك المركزي 67.14
66.73
ليرة سورية سعر السوق - دمشق 71.50
71.00
ليرة سورية سعر السوق - حلب 71.50
70.50
ليرة سورية

[rana-h]

الذهب

عيار 21 (1 غرام) : 3350
ليرة سورية عيار 18 (1 غرام) : 2871
ليرة سورية الليرة الذهبية (عيار 22) : 28400
ليرة سورية الليرة الذهبية (عيار 21) : 27200
ليرة سورية الليرة الرشادية : 25500
ليرة سورية الفضة الخام المحلي (1 غرام) : 73.80
ليرة سورية

[manar]

لحياة ليست مشرقه دائما ,مشاكل الحياه لحظات نتوقف عندها .... شريطة أن نتخطّاها لنواصل المشوار ... فالحياه من حولنا لن تتوقف __ وعلينا أن نتحرك معها لنحول مشاكلنا من قوه سلبيه الى ايجابيه دافعه للامام ... إن دمعة اليوم تزيلها بسمة المستقبل ... فلتكن مشاكلنا هي خط الدفاع الاول فيما نقابله من تحديات

[Barbie]

صباح الخير
حبيت اسئل باربي يعني كم كان السعر النهائي للبيع الذي باعوكي به مع العموله وكم كان سعر شرائهم لو كنت تريد العكس ان تبيعي دولارات واين موقع هذا الصراف ولك الشكر


أنسة رنا صباح الورد
أولشي أنا شتريت بسعر 68.3 وأخدو عمولة حوالي 2 بالألف ، يعني بالأخر طلعت تكلفتن علي بحدود 68.4
تاني شي إذا بدك تبيعي دولار أنا بنصحك بالسوق السوداء بياخدوهن منك بسعر أعلى بكتير من سعر التدخل
يعني إذت بدك تبيعي بسعر التدخل بتاخدي الدولار 67.6 وإنتي فيكي تبيعيه بسعر السوق السوداء ب 71

تالت شي عنوان مونيتا للصرافة بالدخلة يلي وراء بناء المهندسين عند فندق الشام

[Barbie]

هلأ اتصلت بمونيتا و ماقبلوا يبيعوا عل الهوية

قال حصرا عن طريق البنك .. يعني بيكون حساب بأحد البنوك ثم ترسل حوالة بقيمة المبلغ الى مونيتا ثم يحولون لك بالدولار بعد أسبوع !!!!!!!!!

شو العمل .. أنا بدي خمسة ألاف ؟
إي انت دق للبنك المركزي قسم الشكاوي 2227740 وقلن أن دقيت لمونيتا وما قبلوا يعطوني دولار وأنا مضطر عالمصاري اليوم لأن بدي سافر

هن بحاكولك مونيتا وبيبعتوك لعندن
وبس تاخد الدولارات بدي حلوان :)

[rana-h]

مرسي للانسه باربي على الرد السريع بس انا مابدي بيع الان لاني اراه وقت غير مناسب ولكن سألت للعلم بالشئ
وبما انك بالشام على مايبدو مين احسن صراف بالسوق السوداءواسعاره جيده ومكانه ولك شكر ثاني

[Barbie]

مرسي للانسه باربي على الرد السريع بس انا مابدي بيع الان لاني اراه وقت غير مناسب ولكن سألت للعلم بالشئ
وبما انك بالشام على مايبدو مين احسن صراف بالسوق السوداءواسعاره جيده ومكانه ولك شكر ثاني

أنا بشوف عرنوس أحسن صراف بالسوق السوداء

طبعاً هاد رأيي الشخصي وإذا حدا عندو فكرة إذا في صراف أحسن منو يخبرنا

ع كل رقم عرنوس 2322702 - 2322767
وهو موجود بشارع بغداد بالدخلة يلي مقابيل نيوهورايزن

وإذا بدك في السحلول بس والله مابعرف رقمه
بس عنوانه بالحريقة وكل الناس بتعرفه هنيك

[Abu Amr]

عرنوس غالبا هوه احسن شي اسعاره بالسوق سواء بالبيع او الشراء

[GoldMan$]

شباب شو وضع السعر بالسوق بالنسبة لسعر الدولار ... بدمشق وحلب

سألت من شوي باللاذقية الساعة 12:00 ظهرا
$
شراء 71,00 - 71,15
بيع 72,00 - 72,25

والله شي بيحير الشباب ذكروا انو المركزي باع البارحة بسعر التدخل والسعر بالسوق كل مالو على طلوع ...؟؟؟

[Barbie]

الدولار في دمشق اليوم 70.75 - 71.25 متوفرررررررر

[Barbie]

شباب شو وضع السعر بالسوق بالنسبة لسعر الدولار ... بدمشق وحلب

سألت من شوي باللاذقية الساعة 12:00 ظهرا
$
شراء 71,00 - 71,15
بيع 72,00 - 72,25

والله شي بيحير الشباب ذكروا انو المركزي باع البارحة بسعر التدخل والسعر بالسوق كل مالو على طلوع ...؟؟؟

كأن عنا السعر بالشام أقل بليرة !!!!

[GoldMan$]

http://syria-stocks.com/forum/attachment.php?attachmentid=4396&stc=1&d=1346923184

[GoldMan$]

انا نازل على السوق وانشاء الله اذا في شي جديد بخبركم فورا ...

بس ياريت الشباب كمان ما يبخلوا علينا ويكتفوا بالقراءة ...

تحياتي للجميع ....

[احمداحمد]

السلام عليكم ورحمة الله وبركاته سعر الدولار الان شراء72.5 ومبيع 71.65

[GoldMan$]

اللاذقية ١،٣٠ ظهرا
دولار شراء 71,5
بيع 72,5
يورو شراء 89,5
بيع 91,00

[Fahd_z1980]

إي انت دق للبنك المركزي قسم الشكاوي 2227740 وقلن أن دقيت لمونيتا وما قبلوا يعطوني دولار وأنا مضطر عالمصاري اليوم لأن بدي سافر

هن بحاكولك مونيتا وبيبعتوك لعندن
وبس تاخد الدولارات بدي حلوان :)



والله أنتو بدكون تجننوهن لمونيتا

[احمداحمد]

اذاهممت للسجود
فبعث رسائلا للواحد المعبود
مدادها الدموع
وقراطيسها الخدود
وبريدها القبول
ووجهيها عرش الودود
ادخلوها بسلام ذالك يوم الخلود
(جمعه مباركه )

[best time]

دمشق 71 - 71.25

[mak]

من قبل العيد وأنا عم حاول اشتري دولار بسعر التدخل


قبل العيد وعدوني لبعد العيد
وبعد العيد صارو يقولولي كل مرة لأخر الأسبوع

بس الشهادة لله مبارح دقيت لقسم الشكاوي المصرف المركزي عالرقم يلي عطاني ياه mak(يسلم إيديك يارب) وبعد شي 100 إتصال ساعدوني كتر خيرن

ألف مبروك....عقبال عندي :)

[Barbie]

ألف مبروك....عقبال عندي :)

معقول عطيتني انت عطيتني الرقم وماقدرت تشتري ؟؟؟؟؟
أنا بنفس اليوم لي بلشت نق فيه عالمركزي اشتريت


عكل شكراً إلك لأنك انت عطيتني رقمن

ع كل انت دقلن جلطن متل مل أنا جلطتن :) لحتى عطوني

[mak]

معقول عطيتني انت عطيتني الرقم وماقدرت تشتري ؟؟؟؟؟
أنا بنفس اليوم لي بلشت نق فيه عالمركزي اشتريت


عكل شكراً إلك لأنك انت عطيتني رقمن

ع كل انت دقلن جلطن متل مل أنا جلطتن :) لحتى عطوني

لأ أنا اشتريت شوي من شي شهرين ...و طبعا مريت بالفلم تبعك...انو كلو ما عندو و مدري شو....و اتصلت عالرقم و انحلت القصة بأقل من ساعة و الحمدلله ....بس هلأ ناوي جيب شوي بس ما عم افضى انزل و شكلها الأمور صارت بدها نق أكتر و كان في اشاعات على انو المركزي وقف ضخ ....بس الحمدلله شكلها لسا الأمور ماشية

[Barbie]

لأ أنا اشتريت شوي من شي شهرين ...و طبعا مريت بالفلم تبعك...انو كلو ما عندو و مدري شو....و اتصلت عالرقم و انحلت القصة بأقل من ساعة و الحمدلله ....بس هلأ ناوي جيب شوي بس ما عم افضى انزل و شكلها الأمور صارت بدها نق أكتر و كان في اشاعات على انو المركزي وقف ضخ ....بس الحمدلله شكلها لسا الأمور ماشية

لا لسا عم يعطي بعض الشركات يعني مو كلن


يعني القصة خيار وفقوس هيك فهمت

[Humam]

شبيبة اذا بدي اشتري بسعر التدخل مبلغ صغير يعني ألف وألفين بيسألو شي عن أي ثبوتيات ولا بيكفي قلوهون أنو بدي دولار لأني طالع على بيروت أو الأردن؟

[mak]

شبيبة اذا بدي اشتري بسعر التدخل مبلغ صغير يعني ألف وألفين بيسألو شي عن أي ثبوتيات ولا بيكفي قلوهون أنو بدي دولار لأني طالع على بيروت أو الأردن؟

المطلوب صورة هوية و توضح السبب على الورقة التي توقع عليها

[Ziad AlRifae]

مبارح وبعد شي 100 اتصال مع البنك المركزي

بعتوني عند مونيتا للصرافة وقدرت اشتري حوالي 7 ألاف دولار بسعر التدخل على الهوية


ألف مبروك

وجهودك مشكورة

وشكراً للسؤال عني

[Barbie]

ألف مبروك


وجهودك مشكورة


وشكراً للسؤال عني

شكراً إلك
والحمدلله عالسلامة

وين هالغيبة ؟؟؟؟؟؟؟؟؟

إبقى طمنا عنك ع طول
إنشالله دايماَ بتكون بخير أخي زياد

[Ziad AlRifae]

شكراً إلك
والحمدلله عالسلامة

وين هالغيبة ؟؟؟؟؟؟؟؟؟

إبقى طمنا عنك ع طول
إنشالله دايماَ بتكون بخير أخي زياد

كنت حاضر دائماً بس مافي نفس لشي

وأنتو جميعاً دايماً إن شاالله بتضلو بخير

بس ماشاء الله حولك اليوم حركتي الموضوع

[Barbie]

كنت حاضر دائماً بس مافي نفس لشي


وأنتو جميعاً دايماً إن شاالله بتضلو بخير


بس ماشاء الله حولك اليوم حركتي الموضوع

اليوم حركت الموضوع
وامبارح جلطت المركزي Big Grin

[GoldMan$]

دمشق 71 - 71.25
:confused2: لكن ليش هيك جانن السعر عنا باللاذقية ....؟؟؟؟؟؟؟
بالعادة فرق نص ليرة ... اليوم فرق ليرة بسعر البيع .....؟؟؟؟ :confused2::confused2:

[BROKER]

اللاذقية ١،٣٠ ظهرا
دولار شراء 71,5
بيع 72,5
يورو شراء 89,5
بيع 91,00


فرق محرز بين دمشق واللاذقية

[BROKER]

اهلا اخونا زياد

والحمد لله على سلامة الجميع

اخوتنا بحلب الله يرجعكم بالسلامة

ومبروكين الدولارات للانسة "فلة" لانو باربي بطلت صارت قديمة.

شعور جميل بان تجد الحركة لاني احسست ان بلدي لا تزال حية ترزق .. الله يديمها