متابعة جلسة تداول الخميس 19/11/2009

[BROKER]

متابعة جلسة تداول الخميس 19/11/2009


أولاًَ:نصـــــــــــائح مــهمــة عند بداية دخولك للسوق:




http://www.gasb.ly/images/logo.jpg



-دعـــاء دخـــول الــــسوق ....



-الاستغفار دائما وأبدا والحمد والشكر لله الكريم على نعمه التي لا تعد ولا تحصى ...




-حب لأخيك ماتحبة لنفسك وذلك اقتداء بقائدنا وحبيبنا ونبينا محمد صلى الله عليه وسلم ...


- لا تقدم على عمليات شراء فورية عند نزول السوق ....


- لا تقدم على عمليات بيع فورية عند ارتفاع السوق ....


- دائما اشتر السهم على دفعات بحيث في حالة نزول السهم توجد امكانية للتعديل ....


- تابع سهمك وذلك بمعرفة نقاط الدعم والمقاومة له ....


- اشتر على اشاعة السوق ( القوية ) وبع عند إعلان الخبر....


- حاول اقتناص الفرص في حا لة النزول وفكر في الاسهم الاستثمارية التي لها محفزات والشراء كما قلنا على دفعات ...



وتفاءلوا دائما بالخير تجدوه إن شاء الله ....



- دائما شارك وتفاعل معنا بحيث تفيد وتستفيد واعتبر نفسك من رواد المتابعة اللحظية ونحن معك دائما ....



- لا لا لا للبيع بخسارة واذا كنت خايف من السهم بع النصف واشتر في النصف الاخر عند نزول السهم ....



- تــابـعوا افتتاح السوق بتركيز واغلاقه وركز على ســــــــهمك ....



- الـتــوكـــل على الله عــــز وجـــل ....



شــارك مـعنا فــي الــمتابعة اللــحظية لـكـي تـعـم الـفائـدة للــجميـــع




;):rolleyes::confused:



سيريا ستوكس
syria-stocks

[BROKER]

أسماء الشركات المدرجة ورموزها ....



- المتحدة للتأمين uic

- الشركة الأهلية لصناعة الزيوت avoc

- بنك سوريا الدولي الاسلامي siib

- الشركة الهندسية الزراعية للاستثماراتnama

- البنك الدولي للتجارة والتمويل ibtf

- البنك العربي سورية arabs

- بنك بيمو السعودي الفرنسي bbsf

- بنك سورية والمهجر bso

- بنك عودة سوريا basy

- المجموعة المتحدة ug

- الشركة الأهلية للنقل ahy



لمزيد من المعلومات حول الشركات المدرجة .... الرجاء زيارة الرابط :
http://www.syria-stocks.com/forum/t191.html (http://www.syria-stocks.com/forum/t191.html)

[BROKER]

للإفادة ...... إليكم شركات الوساطة المرخصة ..... العاملة في سوريا


- الشركة العالمية الأولى للاستثمارات المالية : 963.21.2643258+

- بايونيرز للاستثمارات المالية هاتف : 963.11.6131888+

- شركة بيمو السعودي الفرنسي المالية : 963.11.3354111+

- الشركة الاولى للاستثمارت المالية : 963.11.2450079 +

- شركة ايفا للخدمات المالية : 963.11.6631415+

- شركة شام كابيتال المحدودة : 963.11.3311311+

- شركة سورية والمهجر للخدمات المالية : 963.11.2460400+







لأي تفاصيل أخرى حول شركات الوساطة العاملة في سورية ... الرجاء زيارة الرابط التالي :



http://www.syria-stocks.com/forum/t8.html#post746 (http://www.syria-stocks.com/forum/t8.html#post746)

[BROKER]

صباح الخير أحلى شباب ..... blue1

[saeed]

أحلى صباح لأحلى بروكر
أديش سعر المهجر وهل تنصح بالشراء

[BROKER]

عروض البيع كبيرة على الاسلامي ... والطلبات بأحجام ضغيرة وأسعار بأدنى مستوى ...!!!!!

فهل ستبيعون الاسلامي ؟؟؟؟؟؟

[BROKER]

أحلى صباح لأحلى بروكر
أديش سعر المهجر وهل تنصح بالشراء


أهلا سعيد ..

سهم سورية والمهجر 1105 ل.س ... فيك تطلب على 1108 - 1110

[ranakar]

صباح الخير على الجميع
كيف هي أوضاع سهم سورية الاسلامي هل تنصحونني بالبيع وعلى أي سعر ...
انا طلبت البيع على 1100 ل.س هل هذا السعر مناسب

[saeed]

سعر الشراء 1105
وسعر البيع 1112
وانا بدي اشتري اديش اطلب سعر

[BROKER]

على سورية والمهجر طلبات شراء كثيرة ولكنها صغيرة ... آخر صفقة على 1105 والمطلوب 150×1105 ...

[البلخي]

ياشباب كيف ممكن اعرف اذا البروكر نفذ لي الصفقة المطلوبة

[NetPro]

صباح الخير على الجميع
كيف هي أوضاع سهم سورية الاسلامي هل تنصحونني بالبيع وعلى أي سعر ...
انا طلبت البيع على 1100 ل.س هل هذا السعر مناسبأنا طلبت بيع على 1109 ولكن بصراحة لا أتوقع أن أبيع .... سأنتظر حتى نصف الجلسة وأقرر.
بخبرك.

[ranakar]

أنا طلبت بيع على 1109 ولكن بصراحة لا أتوقع أن أبيع .... سأنتظر حتى نصف الجلسة وأقرر.


بخبرك.

أنا أظن أن البيع اليوم أفضل من الجلسة القادمة ...على كل الاحوال أنت متواجد على الخط أكثر مني ...أنتظر منك المشورة وشكرا

[BROKER]

صباح الخير على الجميع
كيف هي أوضاع سهم سورية الاسلامي هل تنصحونني بالبيع وعلى أي سعر ...
انا طلبت البيع على 1100 ل.س هل هذا السعر مناسب


صباح الخير ...

إذا كان ولا بد قرارك بالبيع ... فلا أعتقد أنو سعر 1100 مناسب ..

في الجلسة السابقة كان المرجعي 1093 وما طلع فوقها ...

فإذا كنت ترغب بالبيع المحتم خفض السعر الى سعره المرجعي ... اما إذا البيع ليس بالضروري انتظر آخر الجلسة فربما يأتي شاري عرضك ...

[NetPro]

أنا أظن أن البيع اليوم أفضل من الجلسة القادمة ...على كل الاحوال أنت متواجد على الخط أكثر مني ...أنتظر منك المشورة وشكرابعد الاتصال مع الوسيط تبين وجود عرض بيع حوالي 5000 وفراطة على تقريباً الـ 1098 على ما أذكر أو أقل شوي وبالتالي أنصحك تعرضي تحته .... يعني أقترح أن تعدلي عرض البيع ليصير 1090 أو 1089 وتنتظري شوي لنشوف.

[BROKER]

ياشباب كيف ممكن اعرف اذا البروكر نفذ لي الصفقة المطلوبة
أفضل وأسرع الحلول إنك تتصل فيه وتسألو

[BROKER]

شباب مطلوب على الاسلامي ... 10.000 سهم على 1080 !!!!!!!!

[NetPro]

بعد الاتصال مع الوسيط تبين وجود عرض بيع حوالي 5000 وفراطة على تقريباً الـ 1098 على ما أذكر أو أقل شوي وبالتالي أنصحك تعرضي تحته .... يعني أقترح أن تعدلي عرض البيع ليصير 1090 أو 1089 وتنتظري شوي لنشوف.أختي أنا بعت بهذه اللحظة بـ 1084
وأنصحك تنزلي السعر لـ 1081 فوراً إذا الكمية كبيرة ... إذا صغيرة انزلي تحت المعروض ليرة واحدة يعني اعرضي بـ 1088

[NetPro]

ياشباب كيف ممكن اعرف اذا البروكر نفذ لي الصفقة المطلوبة إذا سعر الصفقات المنفذة تجاوز سعر صفقتك = صفقتك تمت.
إذا لم يتجاوزها أو الكمية ضخمة وربما انت من ضمنها فعليك الاتصال بالوسيط أو الانتظار لبعد انتهاء الصفقة فتصلك مسج على موبايلك تثبت عملية البيع. (هكذا تجربتي مع بايونيرز).

[Bebars]

akh1صباح الخير
شو بتعني قائمة افضل شراء و افضل بيع بلوحة السوقakh1akh1

[NetPro]

صباح الخير
شو بتعني قائمة افضل شراء و افضل بيع بلوحة السوقيعني أقل سعر معروض للبيع وما يقابله من أعلى سعر مطلوب للشراء مع أحجامهم.
على كل حال بعد متابعتك لبضع جلسات ستتضح الصورة وتصبح مفهومة لك.

[NetPro]

أنا أظن أن البيع اليوم أفضل من الجلسة القادمة ...على كل الاحوال أنت متواجد على الخط أكثر مني ...أنتظر منك المشورة وشكراطمنينا شو صار معك ... إذا لسا ما بعت معروض عالـ 1089 .... أنصحك تعرضي بـ 1088 وبسرعة لأن السهم رجع أحمر من لحظة واحتمال ما تلحقي تبيعي باخر الجلسة إذا الكل نزل بسعره للحد الأدنى لأن عروض البيع كبيرة.

[BROKER]

سعر 1089 هاد تبعي .... فعلا نصيحة نت برو ... بخفض السعر 1088 مظبوط ...

أنا نزلت من 1090 الى 1089 لأنو المعروض على 1090 حجمو كبير ...

[أبو الروض]

صباح الخير لاحلى شباب سهم المهجر نحو الصعود انشاالله

[Aziz]

صباح الخير شباب

[Aziz]

شو عميصير اليوم
ممكن تعطونا فكرة

[BROKER]

صباح الخير لاحلى شباب سهم المهجر نحو الصعود انشاالله


صباح الخيرات حبيبنا رود assalam1

[BROKER]

شو عميصير اليوم
ممكن تعطونا فكرة


صباح الخيرات أخ عبد العزيز

من جهة سهم الاسلامي تمت عمليات بيع كبيرة على أقل م نسعره المرجعي ووصلت الى 1079 وبدأ البائع يرفع السعر فوصل أقصى سعر الى 1090 - 1089 ل.س..

الآن السهم على 1088 - 1087 وحسب السوق منسوق ...

[NetPro]

سعر 1089 هاد تبعي .... فعلا نصيحة نت برو ... بخفض السعر 1088 مظبوط ...

أنا نزلت من 1090 الى 1089 لأنو المعروض على 1090 حجمو كبير ...أخي بروكر إذا لسا ما بعت تحرك بسرعة وبرأيي بهاللحظة اعرض على 1085 ... مافي غير كمية صغيرة مطلوبة عالـ 1085 وبعدها فوراً مطلوب عالـ 1080

[BROKER]

أخي بروكر إذا لسا ما بعت تحرك بسرعة وبرأيي بهاللحظة اعرض على 1085 ... مافي غير كمية صغيرة مطلوبة عالـ 1085 وبعدها فوراً مطلوب عالـ 1080


حبيبنا نت برو الورد أنا بعت على 1089

[NetPro]

أخي بروكر إذا لسا ما بعت تحرك بسرعة وبرأيي بهاللحظة اعرض على 1085 ... مافي غير كمية صغيرة مطلوبة عالـ 1085 وبعدها فوراً مطلوب عالـ 1080بما أنه أفضل بيع حالياً على 1090 معناها بروكر باع على 1089 .... مبروك وأتوقع أنك فعلت حسناً لأن الجلسة القادمة نزول بالتأكيد.

[Aziz]

ابيع على 1085
شو رأيكم

[ranakar]

أخي بروكر إذا لسا ما بعت تحرك بسرعة وبرأيي بهاللحظة اعرض على 1085 ... مافي غير كمية صغيرة مطلوبة عالـ 1085 وبعدها فوراً مطلوب عالـ 1080

انا كنت مثبتة على 1089 عندي 180 سهم الظاهر لازم أنزل أكثر
بس سؤال اولوية البيع حسب الزمن ولا حسب الكمية

[BROKER]

انا كنت مثبتة على 1089 عندي 180 سهم الظاهر لازم أنزل أكثر
بس سؤال اولوية البيع حسب الزمن ولا حسب الكمية

العرض الآن على 1090 والحجم كبير جدا فوق 6000 سهم ..

إذا وضعت عرض بيع على 1089 سوف يتم ظهور الصفقة كأفضل بيع ....

[NetPro]

انا كنت مثبتة على 1089 عندي 180 سهم الظاهر لازم أنزل أكثر
بس سؤال اولوية البيع حسب الزمن ولا حسب الكميةفيني قلك مبروك ... انت بعتي على 1089 أحسن مني أنا بعت على 1084 لأني كنت متوقع نزول سريع للسهم ولكن يبدو في شد ورد عالسهم.
ولكن لاحظي انه من دقيقتين كان أفضل بيع على 1090 = الكميات المعروضة على 1089 مشيت كلها.
على الأغلب انت بعتي مع زميلنا بروكر
على كل حال تأكدي بالاتصال مع الوسيط وإذا لسا ما بعتي اعرضي فوراً على 1085

[BROKER]

العرض الآن على 1090 والحجم كبير جدا فوق 6000 سهم ..

إذا وضعت عرض بيع على 1089 سوف يتم ظهور الصفقة كأفضل بيع ....


وعلى الأغلب ما دامك طالبة على 1089 أكيد الصفقة تمت .... مبروووك

[ranakar]

وعلى الأغلب ما دامك طالبة على 1089 أكيد الصفقة تمت .... مبروووك
شكرا للجميع
لسا ما وصلني تأكيد البيع ....بس ان شاء الله تم البيع

[BROKER]

شكرا للجميع
لسا ما وصلني تأكيد البيع ....بس ان شاء الله تم البيع


بيصلك التأكيد بعد إغلاق السوق ... على الموبايل

[Bebars]

عندي خمسين سهم اسلامي .. عاضهم ع 1087 .... شو رأيكم اعمل العرض الجديد

[Aziz]

شكرا للجميع
لسا ما وصلني تأكيد البيع ....بس ان شاء الله تم البيع
مبروك سعر كويس
أنا بعت على 1085

[BROKER]

عندي خمسين سهم اسلامي .. عاضهم ع 1087 .... شو رأيكم اعمل العرض الجديد

عدل السعر الى 1084 - 1083 بما أنو الحجم صغير

[Salem_mestow]

مرحبا شباب

[Aziz]

مرحبا شباب
اهلين يا خيو

[Salem_mestow]

هلأ يلي عم يبيع الاسلامي ينتبه إذا هو بدو استثمار مو جني ارباح يمكن يطلع برا لأنوا من الممكن السهم ما ينزل عن 1140 -1150 و هيك بكون صار برا اللعبة

[Bebars]

مشي الحال و بعت ع 1087
شكرا الكم
و الله كتير استفدت من تعليقاتكم ... شكرا الكم مرة تانية

[BROKER]

مرحبا شباب


أهلا وسهلا أخ ليدر ... شو قصتك دائما بتفوت آخر الجلسة ؟؟؟؟؟

[omar]

السلام عليكم

مازال جني الارباح المسيطر وبقوة على سهم سوريا الدولي الاسلامي

ومازال التجميع المسيطر وبقوة على سهم سوريا والمهجر


افضل واذكى خطوة يمكن القيام بها هو الانتقال من سهم سوريا الدولي الى سهم سورية والمهجر

وشكرا

[NetPro]

هلأ يلي عم يبيع الاسلامي ينتبه إذا هو بدو استثمار مو جني ارباح يمكن يطلع برا لأنوا من الممكن السهم ما ينزل عن 1140 -1150 و هيك بكون صار برا اللعبةيبدو قصدك 1040 وليس 1140 لأن السهم لسا بتاريخه ما طلع عن الـ 1100 على كل حال شكراً لنصيحتك.
نصيحتي:
لكل الزملاء الكل يبيع فوراً والسهم واذا نزل للـ 1040 كما قال زميلنا يعني نكسب فرق 40 ليرة بالسهم. مع وجود احتمال نزول للـ 1000 - 1020.

[العربي]

assalam1جميعا

[BROKER]

هلأ يلي عم يبيع الاسلامي ينتبه إذا هو بدو استثمار مو جني ارباح يمكن يطلع برا لأنوا من الممكن السهم ما ينزل عن 1140 -1150 و هيك بكون صار برا اللعبة

كلامك مظبوط انا معك ....

[omar]

السلام عليكم

مازال جني الارباح المسيطر وبقوة على سهم سوريا الدولي الاسلامي

ومازال التجميع المسيطر وبقوة على سهم سوريا والمهجر


افضل واذكى خطوة يمكن القيام بها هو الانتقال من سهم سوريا الدولي الى سهم سورية والمهجر

وشكرا

هذه توصية اخر 15 دقيقة

[Salem_mestow]

أهلا وسهلا أخ ليدر ... شو قصتك دائما بتفوت آخر الجلسة
؟؟؟؟؟

اهلين آخ borker انا بشتغل مهندس شبكات و احياناً بجيني ضغط شغل فابتآخر لحتى انضم
و تحياتي للشباب

[BROKER]

assalam1جميعا


وعليكم السلام ....

أستاذنا و أخونا العربي .... :):)

[Salem_mestow]

نصيحتي:

لكل الزملاء الكل يبيع فوراً والسهم واذا نزل للـ 1040 كما قال زميلنا يعني نكسب فرق 40 ليرة بالسهم. مع وجود احتمال نزول للـ 1000 - 1020.
[/quote]

مظبوط خطأ مطبعي و شكراً للتصحيح 1040 مو 1140 على كلن انا نصيحيتي ليلي حابين يستثمرو استثمار طويل المدى و اسهمن لا تتعدى 1000 سهم

[BROKER]

هذه توصية اخر 15 دقيقة


شكرا سيد عمر الحبيب ...

[omar]

لا شكر على الواجب اخونا بروكر

[NetPro]

نصيحتي:

لكل الزملاء الكل يبيع فوراً والسهم واذا نزل للـ 1040 كما قال زميلنا يعني نكسب فرق 40 ليرة بالسهم. مع وجود احتمال نزول للـ 1000 - 1020.


مظبوط خطأ مطبعي و شكراً للتصحيح 1040 مو 1140 على كلن انا نصيحيتي ليلي حابين يستثمرو استثمار طويل المدى و اسهمن لا تتعدى 1000 سهم[/quote]أخي طالما النزول واضح وضوح عين الشمس ... فما المانع من البيع هذه الجلسة وإعادة الشراء بعد 3 أو 4 جلسات.
أرجو أن لاتخوف العالم ... حالياً الموضوع صار واضح تمام هي ثاني جلسة السهم عالأحمر يعني الهبوط بدأ.
على كل حال اختلاف الاراء يغني الخيارات للزملاء.

[العربي]

التداول على الدولي الاسلامي فوق20 الف كسر 1080 علامة تأكيد الخروج مبروك للي باع

[Salem_mestow]

مظبوط خطأ مطبعي و شكراً للتصحيح 1040 مو 1140 على كلن انا نصيحيتي ليلي حابين يستثمرو استثمار طويل المدى و اسهمن لا تتعدى 1000 سهمأخي طالما النزول واضح وضوح عين الشمس ... فما المانع من البيع هذه الجلسة وإعادة الشراء بعد 3 أو 4 جلسات.

أرجو أن لاتخوف العالم ... حالياً الموضوع صار واضح تمام هي ثاني جلسة السهم عالأحمر يعني الهبوط بدأ.

على كل حال اختلاف الاراء يغني الخيارات للزملاء.
[/quote]

عفواً انا ما قصدي خوف العالم انا عم اتبادل أفكار و بالنهاية الاستفادة من تجارب الاخرين وآراءهم لتعم الفائدة للجميع

[BROKER]

مظبوط خطأ مطبعي و شكراً للتصحيح 1040 مو 1140 على كلن انا نصيحيتي ليلي حابين يستثمرو استثمار طويل المدى و اسهمن لا تتعدى 1000 سهمأخي طالما النزول واضح وضوح عين الشمس ... فما المانع من البيع هذه الجلسة وإعادة الشراء بعد 3 أو 4 جلسات.

أرجو أن لاتخوف العالم ... حالياً الموضوع صار واضح تمام هي ثاني جلسة السهم عالأحمر يعني الهبوط بدأ.

على كل حال اختلاف الاراء يغني الخيارات للزملاء.
[/quote]


الأخ ليدر كان بيقصد على الاستثمار الطويل لا المضاربة .... وبهيك حالة بترجع القصة نفسها

[NetPro]

التداول على الدولي الاسلامي فوق20 الف كسر 1080 علامة تأكيد الخروج مبروك للي باعطيب شو رأيك بتداول سهم الزيوت حوالي 8000 سهم بالأحمر

[Salem_mestow]

[

أخي طالما النزول واضح وضوح عين الشمس ... فما المانع من البيع هذه الجلسة وإعادة الشراء بعد 3 أو 4 جلسات.


أرجو أن لاتخوف العالم ... حالياً الموضوع صار واضح تمام هي ثاني جلسة السهم عالأحمر يعني الهبوط بدأ.

على كل حال اختلاف الاراء يغني الخيارات للزملاء.




الأخ ليدر كان بيقصد على الاستثمار الطويل لا المضاربة .... وبهيك حالة بترجع القصة نفسها
[/quote]

تمام انا هاد تحليلي يلي بدي وصلو للجميع مع الشكر

[Bebars]

عندي كمان 400 سهم اسلامي ... رأيكم ببيعهم هلأ و للا بتركهم لأنو مو مضطر ع بيعهم .. معي 6 شهور

[Salem_mestow]

عندي كمان 400 سهم اسلامي ... رأيكم ببيعهم هلأ و للا بتركهم لأنو مو مضطر ع بيعهم .. معي 6 شهور

انا برآي خليهن معك بيكون وصل السهم ترقيباً 1400 -1450
على كلن شوف آراء الخبراء مو غلط و بالنهاية انت صاحب القرار والمصلحة
لأنو االبورصة بدها قلب قوي

[العربي]

طيب شو رأيك بتداول سهم الزيوت حوالي 8000 سهم بالأحمر



غير ايجابي و لكن لم يعطي اشارة خروج
الطلب موجود على السهم
السهم يميل لاتخاذ مسار افقي متذبذب

[NetPro]

عندي كمان 400 سهم اسلامي ... رأيكم ببيعهم هلأ و للا بتركهم لأنو مو مضطر ع بيعهم .. معي 6 شهورمثل ما لاحظت من النقاش الي دار بيننا أنا مع البيع اليوم بما أنه الهبوط كان واضح ويمكن إعادة الشراء بعد عدة جلسات مثل ما رح أعمل أنا.
النصيحة:
بيع الجلسة القادمة واشتري بعد بضع جلسات ... وتابع النصائح عالمنتدى من زميلنا عمر والعربي وبشر.

[omar]

عندي كمان 400 سهم اسلامي ... رأيكم ببيعهم هلأ و للا بتركهم لأنو مو مضطر ع بيعهم .. معي 6 شهور

البيع والشراء بعد 4 - 5 جلسات تداول

تفرق معك 8%

[BROKER]

عندي كمان 400 سهم اسلامي ... رأيكم ببيعهم هلأ و للا بتركهم لأنو مو مضطر ع بيعهم .. معي 6 شهور


السوق سكر هلا ... يلي ضرب ضرب ويلي هرب هرب ....

إذا معك 6 شهور ... فالسهم سوف يرتد خلال شهر أو أكثر بقليل ...

وإذاحبيب تبيع .. فجلسة الإثنين المقبل أقرب وقت للبيع ... السعر رح يفتح 1082.64 ... وأكيد حتبيع على أقل من هالسعر أو مثله ...

[ranakar]

مثل ما لاحظت من النقاش الي دار بيننا أنا مع البيع اليوم بما أنه الهبوط كان واضح ويمكن إعادة الشراء بعد عدة جلسات مثل ما رح أعمل أنا.

النصيحة:

بيع الجلسة القادمة واشتري بعد بضع جلسات ... وتابع النصائح عالمنتدى من زميلنا عمر والعربي وبشر.

ان شاء الله هذا يلي ناوية أساويه ...من شان هيك خلونا على تواصل ...ولاغنى عن نصائحكم ...ولما بيكون السعر مناسب ادعمونا بآرائكم مثل اليوم
وشكرا

[omar]

غير ايجابي و لكن لم يعطي اشارة خروج
الطلب موجود على السهم
السهم يميل لاتخاذ مسار افقي متذبذب

وانا معك بهذه النقطة

[البلخي]

اليس من المفترض صعود اقوى لسوريا و المهجر ؟
و هل هذا برأيكم متوقع في الجلسات القادمة مع الشكر

[Aziz]

عندي كمان 400 سهم اسلامي ... رأيكم ببيعهم هلأ و للا بتركهم لأنو مو مضطر ع بيعهم .. معي 6 شهور
بيع نص وخلي نص
ورجاع اشتري بعد 3 نزلات

[Aziz]

اليس من المفترض صعود اقوى لسوريا و المهجر ؟
و هل هذا برأيكم متوقع في الجلسات القادمة مع الشكر
وانا بسأل نفس السؤال ليش ما عميطلع السهم بقوة
رغم ان ارباحه عالية وحقوق المساهمين فيه عالية بحدود 4 مليار

[ziyad]

بدأ المهجر الصعود والاهتمام به خاصة مع بدأ هبوط الدولي الاسلامي واعلان الاهلية للزيوت عن خسائرها لذلك يبق المهجر افضل سهم بسبب ارباحه الكبيرة

[Salam L]

مرحبا ياجماعة
شو تفسير انو السهم كان نازل والاخ نت برو باع يمكن بسعر 1084 وبعدها رجع ناس باعوا بعده بسعر اعلى؟؟ يعني بناء على شو بيحدد الشخص الي بدو يبيع السعر الي بيطلبه؟ انا شايفة انو بالسعر العالي تم البيع وبالسعر الاقل تم كمان.

[Aziz]

مرحبا ياجماعة
شو تفسير انو السهم كان نازل والاخ نت برو باع يمكن بسعر 1084 وبعدها رجع ناس باعوا بعده بسعر اعلى؟؟ يعني بناء على شو بيحدد الشخص الي بدو يبيع السعر الي بيطلبه؟ انا شايفة انو بالسعر العالي تم البيع وبالسعر الاقل تم كمان.
مرحبا اخت سلام
هذا يرجع إلى العرض والطلب والاشخاص
ففي اشخاص بدها تبيع بسرعة وفي اشخاص بدها تشتري بسرعة

[ziyad]

السيد البلخي العزيز كل التحاليل تشير الى صعود سورية والمهجر خاصة مع تراجع سعر سهم الدولي الاسلامي اتوقع بجلسة الاثنين سيكون الطلب عليه كبير

[BROKER]

مرحبا ياجماعة
شو تفسير انو السهم كان نازل والاخ نت برو باع يمكن بسعر 1084 وبعدها رجع ناس باعوا بعده بسعر اعلى؟؟ يعني بناء على شو بيحدد الشخص الي بدو يبيع السعر الي بيطلبه؟ انا شايفة انو بالسعر العالي تم البيع وبالسعر الاقل تم كمان.


أهلا وسهلا أختنا العزيزة سلام ...

ببداية جلسة التداول كانت طلبات الشراء لا ترتفع عن 1080 - 1082 وبطلبات ضخمة و كان العرض لا يتجاوز 1084 - 1085 بالكتير .... وبعدها جاء طلب 10.000 سهم على 1080 ...

فكان الفرصة للبيع بأكثر من هذا السعر فرصة ممتازة .... يعني يلي باع عالــ 1084 وما فوق يعتبر أنه تصرف حسن التصرف .....

- من ناحية أخرى أنا اتصلت بشركة الوساطة وسألتون عن عروض البيع عندون قال لي 10710الى 1107 ... حطيت الأوردر تبعي عالــ 1090 ولما شفت عرض بيع 5400 سهم عالــ 1090 فورا نزلت السعر 1089 حتى تنفذ الصفقة ... وهكذا ...

وسلاااام يا سلااام ...