المساعد الشخصي الرقمي

مشاهدة النسخة كاملة : سؤال هام من لقمان الى أخونا القبطان ship world

لقماان
06-08-2012, 11:30 PM
مرحبا بأخونا القبطان ......
الي ساعة عمأكتبلك السؤال و و أنا عمأعمل نسخ مشان ما تضيع الكتابة زت حالوا عطاء علي و زاح المؤشر و عملت ديليت محل الكوبي ...و راح كل شي
بس أؤل الفكرة لساتا موجودة
و هللأ راح تنقطع الكهرباء فكر بالجواب ...لبين ما ارجع أأدر اكتبلك قصة السؤال ............
economic opinion
07-08-2012, 10:02 AM
بس كأنك كتيييير مصعب السؤال على قبطاننا أخي أبو حكيم:):)
Salam L
07-08-2012, 10:41 AM
هههههههههههههههههههههههههههه
غسان
07-08-2012, 12:42 PM
السؤال هون :

فين السؤال ؟؟؟؟؟؟

انا حط ايدي عالسؤال تلاقيني فوريرة على قولة مرسي الزيناتي

ابو حكيم تسلملي عينك ..........

النكتة بتطلع منك حلوة وخاصة لانها تصدر من قلب المعاناة


ابو حكيم غمض عيونك شوي وانسى كل شيء وصفون وخليك عم تصفن (بس اوعى تنام )


وهلأ فكر بالهسؤال قبل ماتجاوب :


انت بحمص ولا بعفرين ولا بحلب ولا بالشام ؟؟؟؟؟؟


معقول كل هاد منام وانت بالخالدية ؟؟؟؟؟؟؟



لاء شو حلب ماحلب وشو عفرين ما عفرين



ابو حكيم الغالي شكرا لك لانك مؤمن بقضاء الله ودائما كلمة الحمد لله هي الاساس في كلامك

وكل مايجري الان بالتاكيد سينتهي والخير قادم بمشيئة الله
فراس السكري
07-08-2012, 12:58 PM
والله ياخ لقمان على مااعتقد مابصير هذا جواب سؤالك
لانه بما ان السؤال موجه للقبطان فهو له علاقة بالبحر وبما انك تحب التنقل من منطقة الى منطقة وطبعا هذا ليس على خاطرك ولكنك مجبر به فكانك حابب تجرب البحر هالمرة
فهو افضل منطقة في ظل هذه الظروف ولكن ان ظبطت فستكون البحرمن امامك والعصابات المسلحة من خلفك فاين المفر فبراي تفكر في السؤال اللي بدك تساله ولاتخاطر
الله يعيد الجميع لبلده بخير وسلامة
f.fatina
07-08-2012, 02:09 PM
???????????????:confused::confused:
Salam L
07-08-2012, 02:11 PM
الله يرحم ايام اللي كنا نفوت على المنتدى نحكي ونضحك ونتناقش بالارباح...

اييه كانت ايام عز....

الله يرجعها على كل الناس يااارب....
BROKER
07-08-2012, 03:49 PM
ابو حكيم احترق قلبو بعد ما طااااار كل شي كتبو

فقال عليي ما عليي لكمل الموضوع ومالي لاغيه

والله يعينك يا قبطان
غسان
07-08-2012, 03:49 PM
[QUOTE=f.fatina;224911]???????????????:confused::confused:[/QUOT

انا بجاوبك عن ابو حكيم

شو يلي مافهمتيه وحاطا استفهام عليه ؟؟
غالب
07-08-2012, 05:06 PM
سؤال لقمان الى القبطان ؟؟؟

ما هو شعورك وانت كل كام يوم بتكون في بلد مختلف

والله هالشغلة انا شايفها صعبة كثير كثير (لقمان)

وما هو شعورك عندما تعود لبيتك الاساسي والدائم ؟؟؟
فراس السكري
07-08-2012, 07:39 PM
https://fbcdn-sphotos-c-a.akamaihd.net/hphotos-ak-snc7/s480x480/385394_345530855532225_1009110572_n.jpg
وانت اخ لقمان هي حبة السكر
فرج الله همك واعانك على مأختبرك
مجد
07-08-2012, 08:29 PM
البعض ينظر للازمة انها لن يصله بعض شررها .وينطبق عليه المثل (الصياد بيتقلى والعصفور يتسلى او العكس والمعنى واحد)
Tareq
07-08-2012, 11:07 PM
سلام الله عليكم من ارض الشام. اخ لقمان سؤالك وجيه كتيير ومنطقي وبدو تفكير عميق وجدي . بس انو يلي ما عم اقدر أفهمه سفرة بتستغرق ٣ ساعات تأخذ معي يومين ليش.

أخت سلام الحمد الله على سلامتك وين هال غيبة شغلتي بالنا فعلا الله يرجع ايام الضحك ولاقتصاد والربح بس مو الخسارة.
ام محي الدين
07-08-2012, 11:58 PM
اكيد اخي ابو حكيم كان بدو يسأل القبطان
عن سفراته الى روسيا كيف عم يتحملها
وكيف عم يتعامل مع الروس ؟؟
arnouri
08-08-2012, 01:27 AM
الحمد الله على السلامه اخ طارق
Tareq
08-08-2012, 01:41 AM
الله يسلمك ابو معاذ والله المشروع من دونكون اتغير . انشاء الله عن قريب بتقلي اطلع على المطار مشان استقبلك
Salam L
08-08-2012, 10:04 AM
انا والله موجودة.... مريت بشوية ظروف مشكلة (شقف وكباب)... وانقطعت عندي النت بالبيت (ولا تزال).. والدنية رمضان.. الخ الخ

الله يسلم الجميع.. والله ماحدا اله نفس يقول شي...

يارب..
لقماان
09-08-2012, 04:46 AM
بس كأنك كتيييير مصعب السؤال على قبطاننا أخي أبو حكيم:):)
طبعا أختي روان بدي صعب السؤال
هاد القبطان هاد .....مو حي الله
هاد القبطان هاد ....... مو لقمان

هههههههههههههههههههههههههههه
لماذا لا تضحكين باللغة العربية الفصحى
ها ها ها ها
نحن في موسم مسلسلات رمضان التاريخية
ما بيصير هيك الضحك بالعامة ...رمضان كريم
السؤال هون :

فين السؤال ؟؟؟؟؟؟

انا حط ايدي عالسؤال تلاقيني فوريرة على قولة مرسي الزيناتي

ابو حكيم تسلملي عينك ..........

النكتة بتطلع منك حلوة وخاصة لانها تصدر من قلب المعاناة


ابو حكيم غمض عيونك شوي وانسى كل شيء وصفون وخليك عم تصفن (بس اوعى تنام )


وهلأ فكر بالهسؤال قبل ماتجاوب :


انت بحمص ولا بعفرين ولا بحلب ولا بالشام ؟؟؟؟؟؟


معقول كل هاد منام وانت بالخالدية ؟؟؟؟؟؟؟



لاء شو حلب ماحلب وشو عفرين ما عفرين



ابو حكيم الغالي شكرا لك لانك مؤمن بقضاء الله ودائما كلمة الحمد لله هي الاساس في كلامك

وكل مايجري الان بالتاكيد سينتهي والخير قادم بمشيئة الله
و الله يا أخي أبو يزن لحد هللأ ماني مصدق الشي يلي عشتوا و شافتوا عيني
بتمنى يكون منام و لو كان كابوس ....
لأنو أكيد مهما طول الكابوس و مهما طولت النومة آخرتا راح نصحا...و لو بعد مدة متل أصحاب الكهف
والله ياخ لقمان على مااعتقد مابصير هذا جواب سؤالك
لانه بما ان السؤال موجه للقبطان فهو له علاقة بالبحر وبما انك تحب التنقل من منطقة الى منطقة وطبعا هذا ليس على خاطرك ولكنك مجبر به فكانك حابب تجرب البحر هالمرة
فهو افضل منطقة في ظل هذه الظروف ولكن ان ظبطت فستكون البحرمن امامك والعصابات المسلحة من خلفك فاين المفر فبراي تفكر في السؤال اللي بدك تساله ولاتخاطر
الله يعيد الجميع لبلده بخير وسلامة
أهلين أخي فراس ......
المشكلة اذا ركبت البحر لوين بدك تروح.....

???????????????:confused::confused:
الله يجزيكي الخير هي انت حطيتي اشارات الاستفهام يلي من المفترض أنو أنا نسيتون

الله يرحم ايام اللي كنا نفوت على المنتدى نحكي ونضحك ونتناقش بالارباح...

اييه كانت ايام عز....

الله يرجعها على كل الناس يااارب....
كنا غرئانين بالعسل أخت سلام .....
الله يعيشنا أيام أحسن من يلي عشناها و يكون الشي يلي شفناه درس لألنا .....

[quote=f.fatina;224911]???????????????:confused::confused:[/quot

انا بجاوبك عن ابو حكيم

شو يلي مافهمتيه وحاطا استفهام عليه ؟؟
أبو يزن شو كني كمان أنت ما عندك حرية ......
أخي غسان لايكون انت بدك حرية ....
بدك حرية .......يا بو يزن
....انت حر ...وين بدك تروح روح ....
بس وين ما رحت لاحئينك ...حتى و لو رحت على السعودية ..

سؤال لقمان الى القبطان ؟؟؟

ما هو شعورك وانت كل كام يوم بتكون في بلد مختلف

والله هالشغلة انا شايفها صعبة كثير كثير (لقمان)

وما هو شعورك عندما تعود لبيتك الاساسي والدائم ؟؟؟
و الله يا أخ غالب الفرء بيني و بين القبطان كبير.....مافي مجال للمقارنة بين المشاعر
لأنو هو عميترك بيتو و يتجول بكيفوا و ايمتا ما بدو بيرجع و بكيفوا ...
أنا أجبرت على أن أترك بيتي ...
وما عميصحلي شوف الحارة حتى مو انو أرجع على البيت لسا..........

https://fbcdn-sphotos-c-a.akamaihd.net/hphotos-ak-snc7/s480x480/385394_345530855532225_1009110572_n.jpg
وانت اخ لقمان هي حبة السكر
فرج الله همك واعانك على مأختبرك
انت السكر يا سكري ......
أصدي يا أخي يا فراس السكري

البعض ينظر للازمة انها لن يصله بعض شررها .وينطبق عليه المثل (الصياد بيتقلى والعصفور يتسلى او العكس والمعنى واحد)
لن يسلم من أذى الأزمة أي سوري مهما كان ولائه و أي كان مشربه........
سلام الله عليكم من ارض الشام. اخ لقمان سؤالك وجيه كتيير ومنطقي وبدو تفكير عميق وجدي . بس انو يلي ما عم اقدر أفهمه سفرة بتستغرق ٣ ساعات تأخذ معي يومين ليش.

أخت سلام الحمد الله على سلامتك وين هال غيبة شغلتي بالنا فعلا الله يرجع ايام الضحك ولاقتصاد والربح بس مو الخسارة.
الحمد لله على السلامة أخي طارق ...
و الله ألبك أوي العالم عمتفركا من الشام و انت هي وصلتك ........

اكيد اخي ابو حكيم كان بدو يسأل القبطان
عن سفراته الى روسيا كيف عم يتحملها
وكيف عم يتعامل مع الروس ؟؟
بتعرفي أختي أم محي الدين أنا ما عندي أي مأخذ على روسيا .....
لأنها عمتلحق مصلحتها و كمانة ما تفكري انو بريطانية و لا فرنسا و لا أمريكا أنظم ......
.....المعارضة كمان عندا سلاح روسي ...
مين بيدفع أكتر .....
أختي أم محي الدين ...المشكلة فينا نحن السوريين.....
لقماان
09-08-2012, 05:08 AM
ابو حكيم احترق قلبو بعد ما طااااار كل شي كتبو


فقال عليي ما عليي لكمل الموضوع ومالي لاغيه

والله يعينك يا قبطان

اي و الله يا أبو حازم احترق قلبي.....
و انقطعت الكهربا عندي أما فريق سيريا ستوكس ما شاء الله عنو الكهربا عندو تمام
لأنو من بعد ما فركا الحجاب في مناطق كتيرة خفت فيها أطع الكهربا ؟؟؟؟؟؟
الظاهر انو مفتاح أطع الكهرباء نسيانو حجاب بجيبتو وأت طلع .....
مشان تعرفوا مين كان سبب أطع الكهربا..
أما السؤال راح كملوا ..بس ليلتقوا سوا الكهربا و التغطية و الفكرة .......
f.fatina
09-08-2012, 09:19 AM
خلينا نعطيه لأخونا لقمان وسام الإبداع الستوكسي المهضوم (الحمصي) والله بيلبقلو هاد اللقب كتييييير
شو رأيك بروكرنا
لأن بعز تعبنا وقهرنا بترسملنا ضحكة كبيرة ع وجوهنا
الله يحميك ياأخي لقمان من كل شر
Ship World
25-08-2012, 03:17 PM
اخي لقمان الغالي
اسف على التاخر في الرد لعدم مشاهدة الموضوع
و هيك سؤال صعب بدي فترة حتى اقدر رد عليه فاعطيني مهلة حتى اجمعلك الجواب و رد و انا متاكد منه

و هي بعض الاقتراحات للسؤال المعصلج
1- هل فيه بحر قوي و انواء
2- كيف المعيشة برا
3- هل انت يعني انا مبسوط بشغلة السفر
4- هل مردود العمل بالسفن جيد

و على فكرة منشان شغلة سفر البحر او العمل على ظهر السفن هي منيحة بتشوف ما هب و دب
و شي ما بخطر على بالك

بس بنفس الوقت اذا ما كان خط ثابت فصعب تعمل اصدقاء و علاقات عامة و هذا ما يجعل المخ غير متجعد و طريقتك بالحياة قد تفسر بانها متعالية او طفش

و اي سؤال ثاني انا جاهز ابو حكيم الغالي rrr