برقية تحية وشكر خالص لأخونا مجد (أبو طارق)

[f.fatina]

أنا حابة عبر منبر سيريا ستوكس أشكر أخونا مجد (أبو طارق) كتيييييييييييير
لأن مبارح أمنلنا بيت بمنطقة أمنة حتى ننزح من التضامن
عنجد كتر خيرك

وحابة قول الله يكتر من أمثالك بهالبلد
وانشالله بكافيك بالأفراح مو بمتل هي الظروف الصعبة

إلهي يحميك ويجزيك الخير يارب
ماما مبارح دعتلك من جوات قلبها وأنا أخدت عهد ع حالي تم ادعيلك كل يوم عالإفطار
انشالله مابتشوف شر يارب

حبيت أكتب هالشي هون بركي بقدر جازيه شوي عالمعروف الكبير لي عمله معي :)

[Fahd_z1980]

الدنيا بخير
والله يجزي السيد مجد عنك كل خير
وكتر خير هالمنتدى يلي خلانا نتواصل مع بعض بعزّ الأزمة

[abu mhd]

اخونا ابو طارق ايده للخير وما بيقصر بإذن الله ولو عن بعد
الله يديم المحبة و المودة
هي هية عيلة سيرياستوكس اللي بيحقلنا بإذن الله نفتخر فيها

[arnouri]

شكرا ابو طارق
شكرا لكل سوري شريف

[BROKER]

نحنا كلنا عائلة واحدة

والله مارح يسامح يلي بيحتاج اي مساعدة وما بخبر

كلنا هون اخوة اكلنا وسهرنا وحكينا وسافرنا مع بعضنا

واصل تواجدنا بهاد المكان هو النفع والانتفاع بكل شيء ....


وعليكي عقوبة انسة فاتنة لانك ما حكيتي لازم تدفعيها فوراً

والشكر لأبو طارق صاحب القلب الطيب

وعينك عالقطط :)

[BROKER]

وأنا أخدت عهد ع حالي تم ادعيلك كل يوم عالإفطار

لحقينا بطرطوشة

[Ship World]

مشكور ابو طارق العزيز
والله يديم الخير بين الناس
و يعيد البسمة الى قلوب الجميع

[ام محي الدين]

الحمد لله والله يديم المحبة والمعروف بين
افراد الشعب الواحد وابو طارق من اكثر الناس
المعروفين بصدقهم واخلاصهم على الصعيدين العملي والاجتماعي نسأل الله ان يجزيه خير الجزاء
اختي فاتنة او السنفورة بسيريا ستوكس سوف تجدي الاخ والاخت والاب والام وصديق والصديقة وانت مطمأنة فهنا العائلة الحقيقية
ويمكنك ان تعتبريني اخت وصديقة لك

[BROKER]

قبطاننا الغالي .. طمنا عنك اشتقنالك
طولت الغيبة .... ولا البحر احلى من الارض لانها امتزجت مع الدم ؟

[best time]

مشكور ابو طارق

[loai]

والله عمااااااااااااااااااااار يا سوريااا

[f.fatina]

نحنا كلنا عائلة واحدة


والله مارح يسامح يلي بيحتاج اي مساعدة وما بخبر

كلنا هون اخوة اكلنا وسهرنا وحكينا وسافرنا مع بعضنا

واصل تواجدنا بهاد المكان هو النفع والانتفاع بكل شيء ....


وعليكي عقوبة انسة فاتنة لانك ما حكيتي لازم تدفعيها فوراً

والشكر لأبو طارق صاحب القلب الطيب

وعينك عالقطط :)

هدول القطط لحالن عملولها رعب لماما ههههههههههههههههه

امبارح جبتن من الشارع وحطيتن معنا بالتراس
هاد أخونا أبو طارق كاين مدللن كتير
لأن كانو يتركو كل التراس ويجو ويقعدو بحضني وإذا بدك صارو بدن يطلعو ع رقبتي كمان

هلأ هن ظراف بس ماما ماقدرت تخلين معنا
لهيك ردينا نزلناهن عالشارع وأنا كال يوم ح حطلن اكل

سامحني أبو طارق بس ماما ماستحملتن بالمرة

مع أنن كتيييييييييييير ظراف :)

[Abu Amr]

الله يجزيك الخير يا سيد ابو طارق

بهل الوقت المقرف يلي صرنا فيه صار هيك خبر بيرجع بيرسم بسمة على وجوهنا
اولا اطمنا على وحدة من اخواتنا هيه واهلها
تانيا انه العالم لسا فيها خير لان الحمد لله صارت الاجارات اربح من الدولار واربح من البورصة والعالم عم بتتاجر بازمة غيرها وتستغلهم والله يفرج

[Tareq]

أنا حابة عبر منبر سيريا ستوكس أشكر أخونا مجد (أبو طارق) كتيييييييييييير
لأن مبارح أمنلنا بيت بمنطقة أمنة حتى ننزح من التضامن
عنجد كتر خيرك

وحابة قول الله يكتر من أمثالك بهالبلد
وانشالله بكافيك بالأفراح مو بمتل هي الظروف الصعبة

إلهي يحميك ويجزيك الخير يارب
ماما مبارح دعتلك من جوات قلبها وأنا أخدت عهد ع حالي تم ادعيلك كل يوم عالإفطار
انشالله مابتشوف شر يارب

حبيت أكتب هالشي هون بركي بقدر جازيه شوي عالمعروف الكبير لي عمله معي :)


والله مالها غريبة عن ابو طارق من اول مرة اتصلت فيه من الغربة منذ اكثر من سنة حسيت انو طبيعتو بيحب يعطي ويفيد من دون انتظار اي مقابل. الله يجزيك الخير ابو طارق ما منعك البعد عن انك تمد يد العون. أخت فاتنة الحمد لله على سلامتك وسلامة الأهل وإنشاء الله ايامكون وأيام بلدنا بتكون كلها خير وأمان. يوم عن يوم عم أتأكد انو هال منتدى بطل اقتصادي واصبح منتدى عائلي وأخوي والعائلة الافتراضية تحولت لعائلة حقيقة . الله يجمع شملنا كلنا عن قريب.

[مجد]

هدول القطط لحالن عملولها رعب لماما ههههههههههههههههه

امبارح جبتن من الشارع وحطيتن معنا بالتراس
هاد أخونا أبو طارق كاين مدللن كتير
لأن كانو يتركو كل التراس ويجو ويقعدو بحضني وإذا بدك صارو بدن يطلعو ع رقبتي كمان

هلأ هن ظراف بس ماما ماقدرت تخلين معنا
لهيك ردينا نزلناهن عالشارع وأنا كال يوم ح حطلن اكل

سامحني أبو طارق بس ماما ماستحملتن بالمرة

مع أنن كتيييييييييييير ظراف :)

والله يااختي فاتنه .انا لم احضر قطط هم يتوالدوا باسطوحنا .وما بقدر اودرهم الا بعد مايكبروا.بيكون
المحترمة امهم جايبه غيرهم والله هلكونا .بس هم يعتبروا التراس بيتهم واخر شئ قسيت قلبي وودرت امهم بعد ماكبروا شوي .يعني كلما قرات الاية الكريمة (وَمَا مِنْ دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ):لم اقدر اودرهم وهم صغار .المهم ان حتى هذه القطط تشرددت بين القطط الزعران بالحديقة بسبب هذاالقصف العشوائي .لانه هو من جعلنا نترك بلدنا(بس بكل الاحوال هم ظراف كتير

[najm]

شكرا انسة فاتنة لسؤالك عني باحدى صفحات الدولار
وعن بقية الشباب والحمد لله على سلامتك وسلامة اهلك .
حالي متل حال كتار ممن يقرأ ويعرف بفقية التفاصيل انا صرت تارك بيتي مرتين معي مفتاح بيت تاجر شامي قريبي مسافر عطاني ياه قبل ما يروح للضرورة وقبل مني كان فيه اسرة من حي الميدان سكنوا فيه مؤقتا متلي وبدون مقابل الله الشاهد لهيك لازم ذكر محاسن الشرفاء قبل مساوئ السفهاء دائما منين ما كانوا حتى ما تموت النخوة ويصحى الكره .
وشكرا لمجد

[لقماان]

أنا حابة عبر منبر سيريا ستوكس أشكر أخونا مجد (أبو طارق) كتيييييييييييير
لأن مبارح أمنلنا بيت بمنطقة أمنة حتى ننزح من التضامن
عنجد كتر خيرك

وحابة قول الله يكتر من أمثالك بهالبلد
وانشالله بكافيك بالأفراح مو بمتل هي الظروف الصعبة

إلهي يحميك ويجزيك الخير يارب
ماما مبارح دعتلك من جوات قلبها وأنا أخدت عهد ع حالي تم ادعيلك كل يوم عالإفطار
انشالله مابتشوف شر يارب

حبيت أكتب هالشي هون بركي بقدر جازيه شوي عالمعروف الكبير لي عمله معي :)



نحنا كلنا عائلة واحدة



والله مارح يسامح يلي بيحتاج اي مساعدة وما بخبر

كلنا هون اخوة اكلنا وسهرنا وحكينا وسافرنا مع بعضنا

واصل تواجدنا بهاد المكان هو النفع والانتفاع بكل شيء ....


وعليكي عقوبة انسة فاتنة لانك ما حكيتي لازم تدفعيها فوراً

والشكر لأبو طارق صاحب القلب الطيب

وعينك عالقطط :)

و الله يا أخت فاتنة من تجربة شخصية مع أهل المنتدى بؤلك انو هنيئا لك أنك أصبحت فردا جديدا في عائلة سيريا ستوكس ...هذا المنتدى صاحب السر العجيب في المحبة ....هو كصاحب فكرته الأخ رامي ...الذي تكتشف وده من ابتسامته ......
أختي فاتنة الأخ أبو طارق كل شي فيو حلو سبحان الله.....
الا اسمه هالأيام.............

[f.fatina]

والله انت يا أخي لقمان (الحمصي) أكتر واحد دمك خفيف بكل سيريا ستوكس

مع محبتي واحترامي للكل بس أخونا لقمان مو طبيعي بنوب
خفة الدم عندك مو طبيعية أبداً

أنا كل مااقرا مشاركاتك بضحك
حتى يومياتك المحزنه كنت تكتبها بأسلوب خفيف

عنجد انتو الحماصنة غييييييييير شكل
بترفعوا الراس