سعر صرف الليرة السورية مقابل الدولار 4/8/2012 في السوق السوداء

[f.fatina]

يسعد صباحكن أخواني
شو ح يكون مصير الدولار وبعض أحياء العاصمة دمشق (الحبيبة) تقصف منذ البارحة ومازال القصف حتى اليوم؟؟؟؟؟

لكل من يحب أن يعرف أجواء القصف أنا كبتلكن ياها بموضوع عالرابط التالي
http://syria-stocks.com/forum/showthread.php?p=224063#post224063

[مجد]

[RIGHT] اقتباس:

المشاركة الأصلية كتبت بواسطة f.fatina



السلام عليكم ورحمة الله وبركاته
حابة اكتبلكن اليوم ريجيم جربتو قام نحفني 2 كغ بيومين بعد مايأست أن وزني ينزل بالرياضة والأكل الصحي، هاد الريجيم سوري بكل امتياز (مع شهادة جودة من روسيا والصين) وهو ريجيم فعال جدا جدا جدا


خطوات الريجيم:

لازم تكون ساكن بوحدة من المناطق الساخنة (أنا مثلا ساكنة بالتضامن).
الأستقياظ الساعة السابعة صباحا على صوت قنبلة مدفعية مروحة أحد البيوت عندكن بالحارة.
سماع أصوات الإشتباك تخت برندة بيتك على الريق.
سماع صوت الجيش الحر ينادي الله أكبر الله أكبر حي على الجهاد
بعد شوي القناص ببلش يشتغل ويقنص الناس
إذا مطنش القناص وواقف ع برندة بيتك بتشوف الناس بالعشرات من حارتك الصغيرة ضبت غراضا ونزلت عالشارع تنزح وهي مطنشة القناص متلك.
بتسمع أحد افراد الجيش الحر يصيح الله أكبر رفيقنا استشهد صار شقف نتف
وبعد شوي واحد مدني بالغلط بموت بحاولو الجيران يسعفوه بس مافي أمل بتقوم بتقرالو الفاتحة وبتقعد .
وانت مع كل ضربة مدفعية قلبك بصير يخفق خفق بتقوم بتتوضى وبتقعد تدعي وتتشاهد ع روحك ويمكن تقرا الفاتحة و المعوذات وتستخفر ربك عن كل ذنوبك وووووو (يعني بتجيك حالة الإيمان).
يمكن كمان من شدة المعركة توصي بورتتك من الليرة والدولار والدهب.
كل شوي بتقول هديت وبتصبر حالك وإذ القنبلة بتصير أقرب أقرب من بيتك.
هيك بتم المدفعيات والرشاشات والأربيجي والبيكيسي والدوشكا والمدري شو شغالة شي 9 ساعات.
هيك لتهدي شي ساعة وماعد تسمع شي
هون بقول خلصت المعركة ونبتطلع عالبرندة.
وإذ أصوات رشاشات ثقيلة وشغلات مو سامعها بحياتك هون بثانية يتصير بالغرفة الجوانية الجوانية لي مافيها منفس ولي دايما بتتكبر عليها بالعادة (بس بهيك أزمات بتصير رحمة هي والبيت القبو)
هون بفوت الجبش النظامي وهو عم يمشط الحارة طبعا لبين مايمشط خارتك الصغيرة بكون بدو شي نص ساعة اطلاق نار متواصل وانت قاعد برعب كييير عم تفكر بمصير سيارتك يلي صاففها تحت بيتك.
بس يخلص الجيش النظامي من حارتك بتحمد الله انك لسا عايش لأن خلص ماعد يزتو قنابل مدفعية لهون .
بتسمع أصوات القذائف والرشاشات صارت أبعد بشوي بتقول ألف الحمدلله يارب ألف الحمدلله وبنفس الوقت عم تقول الله يصبر الناس لي هنيك
وهيك بيخلص نهارك بشوية طأطاة عالخفيف
بتفيق تاني يوم الأسطوانة نفسها عم تنعاد بس كأن الأصوات أبعد (الوتر هو هو نفسو).
مسموح الأكل بكل أنواعه (طبعاً إذا إلك نفس) ومافي داعي تلعب رياضة بالمرة.

الأثار الجانبية للريجيم:

أولشي انت مابتعرف إذا ح تعيش لحتى تشوف حالك ستايل وجسمك حلو.
ممكن تصير (العفو منكن يعني) تعملها تحتك من الرعبة.
ممكن بيتك وسيارتك بأي لحظة يروحو بقذيفة طايشة (يعني شفط الدهون بعملية بيصفى أوفر)
ألم راس فظيع من كثر الضغط والهلع.

بالأخير ورغم فعالية هالريجيم السوري بتمنى ماحدا منكن يجربو أبداً لأني بحبكن كتييييييييييير
ودعولنا


[/right
كتبيت بواسطة مجد
بس اختي فاتنة .مين عم يقصف المدنيين بالطائرات والمدافع ويقتل وينهب ويغتصب ..واكيد هذا كابوس اختي فاطمة اقرصي حالك لتتاكدي كما يسووا بالمسلسلا ت! .بس اختي فاتنة ما اللغة التي يتكلمون بها الذين تحلمين بهم هل هم سوريون

[yara991979]

صباح الخير
.
.
.
قرأت مجدك
http://www.youtube.com/watch?v=eihjgxevATE&feature=related

قرأتُ مجدَكِ في قلبي و في الكُتُـبِ ---------- شَـآمُ ، ما المجدُ؟ أنتِ المجدُ لم يَغِبِ
إذا على بَـرَدَى حَـوْرٌ تأهَّل بي ---------- أحسسْتُ أعلامَكِ اختالتْ على الشّهُبِ
أيّـامَ عاصِمَةُ الدّنيا هُـنَا رَبطَـتْ ---------- بِـعَزمَتَي أُمَـويٍّ عَزْمَـةَ الحِقَـبِ
نادتْ فَهَـبَّ إلى هِنـدٍ و أنـدلُـسٍ ---------- كَغوطةٍ مِن شَبا المُـرَّانِ والقُضُـبِ
خلَّـتْ على قِمَمِ التّارِيـخِ طابَعَـها ---------- وعلّمَـتْ أنّـهُ بالفتْـكَـةِ العَجَـبِ
و إنما الشعـرُ شرطُ الفتكةِ ارتُجلَت ---------- على العُـلا و تَمَلَّـتْ رِفعَـةَ القِبَبِ
هذي لها النصرُ لا أبهى، فلا هُزمت ---------- وإن تهَـدّدها دَهـرٌ مـنَ النُـوَبِ
و الانتصارُ لعَـالي الـرّأسِ مُنْحَتِمٌ ---------- حُلواً كما المَوتُ،جئتَ المَوتَ لم تَهَبِ
شآمُ أرضَ الشّهاماتِ التي اصْطَبَغَتْ ---------- بِعَـنْدَمِيٍّ تَمَتْـهُ الشّـمْسُ مُنسَـكِبِ
ذكّرتكِ الخمسَ و العشـرينَ ثورتها ---------- ذاكَ النفيرُ إلى الدّنيا أنِ اضْطَـرِبي
فُكِّي الحديدَ يواعِـدْكِ الأُلى جَبَهـوا ---------- لدولةِ السّـيفِ سَـيفاً في القِتالِ رَبِي
و خلَّفُـوا قَاسـيوناً للأنـامِ غَـداً ---------- طُوراً كَسِـيناءَ ذاتِ اللّـوحِ والغلَبِ
شآمُ... لفظُ الشـآمِ اهتَـزَّ في خَلَدي ---------- كما اهتزازُ غصونِ الأرزِ في الهدُبِ
أنزلتُ حُبَّـكِ في آهِـي فشــدَّدَها ---------- طَرِبْتُ آهاً، فكُنتِ المجدَ في طَـرَبِي

[manar]

صباح الخير

[GoldMan$]

ارتفع سعر صرف الدولار مقابل الليرة السورية بالنشرة الاساسية للمركزي بالايام الماضية بوتيرة متسارعة حيث وصل سعر الصرف يوم الخميس الماضي الى 65,78 - 65,39 تحطيم رقم قياسي جديد ...!!!!
في حال استمر ارتفاع سعر الصرف بنفس الوتيرة بالايام القادمة واقترابه من سعر نشرة التدخل هل سنرى ارتفاع السعر بنشرة التدخل ؟؟؟؟

[فهد]

صباح الخير
شكراً لك انسة فاتنة
نتمنى ان تكوني بخير

[mak]

روسيا توافق على توريد كميات من النفط إلى سوريا و دمشق تطلب قرضاً مالياً لم تحدد قيمته

قال قدري جميل نائب رئيس الوزراء للشؤون الاقتصادية ووزير التجارة الداخلية وحماية المستهلك، اليوم الجمعة، إن موسكو ودمشق توصلتا إلى تفاهم بشأن توريد كميات معينة من مشتقات النفط ومن روسيا إلى سوريا، فيما سيتم قريباً تحديد قيمة القرض الذي ستطلبه دمشق من موسكو.

ونقلت وكالة الأنباء الروسية (نوفوستي) عن جميل قوله إن "موسكو ودمشق توصلتا إلى تفاهم بشأن توريد كميات معينة من مشتقات النفط ومنها المازوت من روسيا إلى سوريا لسد النقص الشديد في موارد الطاقة في السوق السورية".

من جهته اعترف عضو الوفد، وزير النفط سعيد هنيدي، أن حجم إنتاج النفط في سورية تقلص إلى أقل من 200 ألف برميل يومياً بعد أن سجل معدلات زادت عن 380 ألف برميل في الأعوام الماضية.

وأشار الوزير إلى أن المباحثات مع الجانب الروسي تناولت سبل تطوير التعاون الثنائي في مجال الطاقة والوقود من دون أن يعطي مزيداً من التفاصيل.

وأضاف "لقد توصلنا اليوم إلى اتفاق حول هذه المسألة.. وقد توصلنا إلى آلية، نأمل بأن نستطيع من خلالها تلبية احتياجات شعبنا للمشتقات النفطية".

وكشف وزير المالية محمد الجليلاتي الذي يشارك بالوفد، بدوره، إن بلاده طلبت من روسيا قرضاً ماليا بالعملة الصعبة، مضيفاً أن المسؤولين الروس وعدوا بدراسة الطلب من دون أن يفصح عن حجم القرض الذي طلبته دمشق.

وقال جميل إن سوريا لم تحدد بعد قيمة القرض الذي ستطلبه من روسيا، وأوضح "لم نحدد إطار القرض ولكننا نعلم ما سنناقشه في المستقبل القريب، وذلك في غضون بضعة أسابيع".

واعتبر أن أهم ما تم التوصل إليه خلال الزيارة هو "اختراق الحصار حول سورية والاستمرار في تصدير النفط ومشتقاته".

كما ذكّر أن روسيا تقوم بطبع العملة الوطنية السورية في مطابعها بعد أن رفضت دول غربية الوفاء بالتزاماتها بهذا الشأن.

وقالت وزارة الخارجية الروسية إن النائب الأول لوزير الخارجية الروسي اندريه دينيسوف بحث خلال لقائه جميل التعاون التجاري-الاقتصادي بين موسكو ودمشق.

وقالت الخارجية الروسية إن "التركيز الأساسي كان مخصصاً لبحث المسائل الملحة للتعاون التجاري الاقتصادي الثنائي في ضوء الإتفاقات المتخذة خلال الاجتماع الثامن في موسكو للمجلس العلمي-التقني الدائم للتعاون التجاري-الاقتصادي في 25 أيار".

عكس السير

هاد القرض للشعب السوري ولا ............. و هنن لازم يوفوه؟

[الطير المهاجر]

الغريب بالموضوع انو العاصمة السياسية دمشق تحت النار و العاصمة الاقتصادية حلب خارج التغطية
و مع هيك الدولار بسبعين ليرة
مو شغلة بتحط العقل بالكف

[ايمن شام]

الدولار الان الساعة 2.00
70
71
متوفر

[yara991979]

السعر في دمشق - الهرم
شراء : 70.50
مبيع : 71.50
متوفر

[GoldMan$]

شباب شغلة صغيرة ما فهمتها !!!
... ليش الاقتراض من ايران وروسيا ... ليش ما على اساس انو عنا احتياطي ضخم
وعنا ما بعرف كم مليار فقط لدعم سعر الليرة بالسوق
لكن ليش الاقتراض وتركب على حالها الدولة فوائد ومصاريف اقتراض ؟؟؟؟؟
وخاصة انو مافي مشاريع جديدة تسد تكاليف الاقتراض بالعملة الصعبة ؟؟؟؟

[محمود شادي]

اخي ابو طارق واختي فاتنة وجميع الاصدقاء هادا الوضع الي صاير عندكن بالشام عنا ياه من سنة في حماة فتخيلو يرعاكم الله اول شهرين بخاف الواحد وبعد شهرين بتعود وبعد شهرين بصيراقل من عادي صدقوني انا بنتي ما بتنام اذا ما سمعت رشاشات bkcبليل اللله يحمي الجميع ويختار الخير للبلد وهي نحن بحماة جنة عن جارتنا حمص صدقوني صار عنا حماصنة والرستن وشوي من حلب والشام وبيوتنا مفتوحة للكل بالرغم مع كل هل الضرب بس بتوقع حماة اامن محافظة في سورية رح ضل باذن اللله
اللله يحمي الشام وحلب وسورية كلا
والي حابب يجي لعنا هون بيتو التاني
لا تخافو اللله على الظالم