مشروع بمليون ليرة

[احمد ابو عدنان]

سلام من الله ورحمة

يا جماعة لي صديق تقاعد ويبحث الان عن مشروع بمبلغ مليون ليرة
عمر صديقي 60
يعني يا ريت المشروع يناسب عمرو وتكون مخاطرو قليلة
يعني يتحلى ويتسلى
ارجو من صحاب الخبرة المساعدة بأفكارون
طبعا غير فكرة انو يشتري بيت ويأجروay1 !! لأنو مردودها ضعيف

ولكم الشكر

[gold_syria]

مسا الخير اخي الكريم هلأ في اكتر من مشروع بس لح اعطيك واحد مفيد لصديقك يستأجر محل ويفتح سوبر ماركت مرابح يومية وشغلة سهلة ونظيفة وخفيفة ولا فيها مخاطرة ولا خوف بس اهم شي يختار موقع ممتاز علاء خرمة

[احمد ابو عدنان]

تفاجئت انه هناك مئة شخص قرأو استشارتي حتى الآن ومافي غير واحد جاوب
هل معناها انو مافي مشاريع بالبلد ؟؟؟
ام مافي خبراء
ام المبلغ قليل
ارجو انو ما يكون الاول
على كل حال شكرا اخي علاء على اجابتك
لكن متل ما بتعرف المبلغ لا يكفي لشراء دكان وبضائع بنفس الوقت
يعني بدا شي 1.5 مليون لدكان بمنطق عادية (مو ميتة) عدا قيمة البضاعة
الف شكر

[الطير المهاجر]

أخي الكريم
أنا بنصحو يشتري دهب و ينام عليه , رغم انو المبلغ قليل بس أحسن من انو يعمل شي مشروع و يطيروا المصريات

[عابر مجيب]

تفاجئت انه هناك مئة شخص قرأو استشارتي حتى الآن ومافي غير واحد جاوب
هل معناها انو مافي مشاريع بالبلد ؟؟؟
ام مافي خبراء
ام المبلغ قليل
ارجو انو ما يكون الاول
على كل حال شكرا اخي علاء على اجابتك
لكن متل ما بتعرف المبلغ لا يكفي لشراء دكان وبضائع بنفس الوقت
يعني بدا شي 1.5 مليون لدكان بمنطق عادية (مو ميتة) عدا قيمة البضاعة
الف شكر

السؤال مفتوح على كل الاحتمالات .
هنالك موضوع المكان من سكان أي منطقة ؟
نوعية عمل الشخص ومعلوماته ومهاراته
مدى اعتماده على الدخل من المشروع
مدى امكاناته الأخرى ( وساطات )
قوته الجسدية .
بيئته الاجتماعية .

أفضل مشروع ضمن الغموض حول هذه الأمور ، سيارة أجرة أو الأفضل ميكروباص ، كامل اوشراكة ، وطالما انه متفرغ ممكن يطالع عيون السائق بالطول والعرض .
اذا ما فهم سبب الأسئلة لا توجع راسك ، يحطهم بالبنك ، أو يسلمهم لشركة وساطة ماليه يشغلوهم بالبورصة . خلال شهرين بينجلط وبترتاح منو :)
عدم المؤاخذة ، الاستشارة مجانية ؟

[احمد ابو عدنان]

والله ياعابر فكرتك رهيبة!!!

على كل حال التكسي فيها مخاطرة(حوادث - خطف ....الخ
يسكن منطقة شعبية
صحته تتناسب مع عمرو ويريد ان تدر له دخل بأقرب ما يمكن

[احمد ابو عدنان]

أخي الكريم
أنا بنصحو يشتري دهب و ينام عليه , رغم انو المبلغ قليل بس أحسن من انو يعمل شي مشروع و يطيروا المصريات

والله يا صاحبي معلومك الدهب عم ينزل
واصلا سعرو متضخم
في ناس شترو من فترة والان ندمانين
بظن في شي احسن من الدهب والدولار

[غسان]

اخي احمد .....الخيارات محدودة

اما ان يضعهم مع شخص موثوق ويأخذ ارباحهم

او ان يشارك شخص صاحب مهنة مطلوبة ويمكن ان يشارك بالدوام بمحل الشراكة

ممكن وضع المبلغ وديعة ولكن الارباح قليلة ..

بقي موضوع التكسي يمكن ان تدر ربحا اكثر من ما ذكرت ولكن لها مشاكلها الكثيرة

[BROKER]

حسب ما فهمت ان صديقك لا يريد عوائد فقط بل يريد التسلية والحركة ايضاً

ربما ان اي فكرة لاستئجار محل وفتحه بمهنة لا تريد راس مال كبير حتى ان هنالك مصالح لا تتطلب المليون ( موبايلات - عطورات وهدايا - موالح وبن وشوكولا - مكتبة لوازم مدرسية ..... الخ المهم ان تكون مصلحة متخصصة )

وبذلك لا يحتاج لمحل كبير او آجاره غالي ... يمكن ان يكون بمنطقة سكنية شعبية او متوسطة ....

والخسائر محدودة في تلك الافكار

[gold_syria]

مسا الخير للجميع اخي الكريم مبلغ مليون بيكفي لفتح سوبر ماركت بمنطقة شعبية واكيد بيكون ناجح وانا من كم يوم فتحت سوبر ماركت بمنطقة السيدة زينب لصديقي بمبلغ 800الف ولمبلغ كان كتير منيح وهلأ عم يشتغل لدرجة انو بيفتح 24 ساعة وما بسكر بيتناوب هوا وأبنو وانا جاهز لأي مساعدة علاء خرمة

[Salam L]

فكرة السوبرماركت كتير حلوة...
واذا صار يأمن معها بعض اللوازم الناقصة لاصحاب الشارع.. مثلا ممكن يحط الة نسخ اذا في شي مكان قريب بيلزم تصوير او جنب شي مدرسة... ممكن يحول وحدات موبايل... ممكن يبلش يتعرف على اصحاب الشارع ويشتغل دلال... ممكن يجيب صبيان يوصلوا الطلبات على البيوت خصوصي اذا في نسوان او ارامل كبيرة بالعمر بالشارع وهيك بيعتمدوا عليه اذا لقوه ادمي وبيصير مع الوقت بيدفعلهن فواتير الكهرباء والمي الخ....

ولا تنسى تخبره يحط الة لوكي كريم بالمحل... هي بتجيب بلاوي ههههههههههههه

[Salam L]

طبعا حتى شغلة السوبرماركت بدها واحد مخه مفتح لا تفكر القصة سهلة...

لازم يعرف كيف يجيب بضاعة جيدة... ويقنع الزبائن بالماركات اللي عنده... والاهم يلاقيها بسعر منيح لحتى يقدر يبيعها بربح معقول.. وكل ما حط مجهود اكبر لايجاد بضاعة بسعر ارخص (او حتى بضاعة مع عروض) ممكن يزيد ربحه...

[Salam L]

( موبايلات - عطورات وهدايا - موالح وبن وشوكولا - مكتبة لوازم مدرسية ..... الخ المهم ان تكون مصلحة متخصصة )






ممممممممم

الموبايلات بظن الها اهلها.. واللي مابيفهم كتير بالتكنولوجيا مارح ينجح ورح يضيع.. وبدال مايقدر ينصح الزباين هنن رح يحاولوا يعلموه...

العطورات والهدايا مو دائما شغالة.... خصوصي بهي الظروف....

الموالح والبن والشوكلاه كمان الها اهل الاختصاص.... بس اذا كان شخص ذواق وبيفهم بالنكهات رح يعرف يشتغل صح وممكن تنجح معه.... ركز على كلمة ممكن...

مكتبة لوازم مدرسية الها مواسم.... شو بده يعمل بالاوقات اللي مافيها مدارس؟؟ رح يتراجع دخله كتير....

برأي بيببقى السوبر ماركت شغال اكتر... بحمص لهلق وبعز الحرب والقتل والضرب اكتر محلات عم تفتح هي اللي عم تبيع مواد غذائية لأنو الناس مافيها تعيش بلا زيت ورز وسكر الخ...... وكل اهل حارة بيشتروا من السمان الموجود تحت بيتهن ... المغزى انو شو ماصار ممكن يبقى شغال.... بإذن الله طبعا....

[فراس السكري]

حسب ما فهمت ان صديقك لا يريد عوائد فقط بل يريد التسلية والحركة ايضاً

ربما ان اي فكرة لاستئجار محل وفتحه بمهنة لا تريد راس مال كبير حتى ان هنالك مصالح لا تتطلب المليون ( موبايلات - عطورات وهدايا - موالح وبن وشوكولا - مكتبة لوازم مدرسية ..... الخ المهم ان تكون مصلحة متخصصة )

وبذلك لا يحتاج لمحل كبير او آجاره غالي ... يمكن ان يكون بمنطقة سكنية شعبية او متوسطة ....

والخسائر محدودة في تلك الافكار

بروكرنا ملك البورصة ولاينصح الان بالبورصة رغم وعد الصندوق هذا يضع لدينا اشارة استفهام اوليس كذلك تعرفني اخونا رامي احب الاسئلة التوضحية

[Salam L]

بروكرنا ملك البورصة ولاينصح الان بالبورصة رغم وعد الصندوق هذا يضع لدينا اشارة استفهام اوليس كذلك تعرفني اخونا رامي احب الاسئلة التوضحية


البورصة بتخالف شرطين من شروط صاحب رأس المال..

اولا الحركة والتسلية... حرام عليك شو بدك تجبله جلطة من القعدة على الكرسي ورا الشاشة :StickOutTongue:StickOutTongue

ثانيا المخاطر القليلة.... مو شايف لحد الان قديش القصة بالبورصة فيها مخاطرة؟؟

اي خسرنا تلات رباع اموالنا ونحنا لسا عم نقول رح نربح!!

[BROKER]

بروكرنا ملك البورصة ولاينصح الان بالبورصة رغم وعد الصندوق هذا يضع لدينا اشارة استفهام اوليس كذلك تعرفني اخونا رامي احب الاسئلة التوضحية


بتذكر ذكرت باول المشاركة شروط صديق الاخ عدنان

انه يريد التسلية اكثر مما يريد الربح

ولو الشرط غير موجود لنصت بالاسهم او الدولار والذهب كالعادة :)

[BROKER]

انسة سلام يمكن نسيتي ان صاحب المشروع عمره 60 سنة

بس بتعرفي اكتشفت فيكي انك شخص تجاري وعملي جداً ...

[فراس السكري]

بتذكر ذكرت باول المشاركة شروط صديق الاخ عدنان

انه يريد التسلية اكثر مما يريد الربح

ولو الشرط غير موجود لنصت بالاسهم او الدولار والذهب كالعادة :)

شكر للتوضيح يعني المليون اذا مافي الشرط اللي علمته بالاحمر ماذا تنصح الواحد يساوي فيه مع تحديد النسبة :coool:ومشكور مقدما

[Salam L]

انسة سلام يمكن نسيتي ان صاحب المشروع عمره 60 سنة

بس بتعرفي اكتشفت فيكي انك شخص تجاري وعملي جداً ...




ههههه هلق لاكتشفت....Big GrinBig Grin

بس انتبه انو ولا شغلة بدها ركض ونطوطة من ارنة لارنة... باستنثاء قصة البحث عن بضاعة بالسعر الارخص ( ولو انو هي ممكن تكون مفتاح الربح)

بس باقي الامور كلها بتصير من المحل بس كلها الها علاقة بالادارة.. تحويل الوحدات...آلة التصوير... توصيل الطلبات عن طريق صبيان...

والاهم.... آلة اللوكي كريم.... هي لحالها اذا مشيت بتجيب قد المحل كله... ههههه

بشوية علاقات اجتماعية واذا عنده شي شب يساعده عمره صغير شوي وثقة بتمشي كل الامور...


وهلق خطرلي ممكن يبيع طوابع كمان اذا جنب شي دائرة ههههه

[عابر مجيب]

هنالك أحلام حلوة ولكنها لا تتعدي الخيال وكمثال لا الحصر :
لو كان ممن يمكنه القيام بما تم اقتراحه من الآنسة سلام مثلا ( اسمالله غلاية ونشيطة ) نعم كان ما احتاج بسأل حدا .
مثال عن مستحيل آخر : بياع طوابع اذا بيقعد على كرسي بس جنب اي دائرة حكومية ، بيشمطو رقبتو . وإذا محل بهيك منطقة عرض متر وعمق وقوف شخص واحد ، بيسوى 10 ملايين .
هنالك اماكن نفوذ :
موظفي السفارات ( سائق ، طباخ ، خدامة ، مو تفكرو قصدي سفير مثلا )
عتالين بمعمل الاسمنت
كتاب العوارض ( العرضحالجية )
وأصعبها البسطات
أما ملوك الاحتكار فهم المتسولين .

ليش سألت على امكانياتو ( واسطاتو ) يعني من تبعات اتركو يا زلمة فقيييييييييييييير ؟ إذا هيك ممكن يقبر الفقر وغير هيك رح ينقبر هوه .
ليش سألت عن المنطقة ؟ المنطقة الشعبية بيلاقي فيها ناس جايين يعرضوا عليه بضاعة . وممكن هنن يدفعولو الفواتيروياخدو منو بقشيش مو العكس .
يودي طلبات لنسوان الحجر الأسود مثلا ؟!
أقل واحدة فيهون بتحمل غسالة على راسها وبتاخدها على التصليح !
المناطق اللي بدها الطلبات ! كرتونة على الرصيف ، بتكلف أكتر من مليون .
الله يسامحك لوكي كريم ! هادا متل الفازلين يعني ولا مرهم :)
شفتو كيف صاحب المال تعبان Big Grin

[عابر مجيب]

محسومة سرفيس على خط بارد ، داخلي يعني وبعيد عن الخطف ، مو بارد بالشغل .
خط مزة جبل ، مهاجرين جادات ، فيلات غربية ، مسبق الصنع ، طبعا الأفضل يكون قريب الخط على محل سكنو بس مو تقلي الزلمة دوماني :rolleyes2:
ممكن يحط كرسي ويتفرج على الميكرو كل ما مر بسفراتو، على تفاهتها مسلية ، وكل مرة بيستوقف السائق وبيسألو شديت البراغي ؟ زيتت الباب ؟ عم تكفيك الفراطة ؟ أو أي سؤال بايخ ، وممكن كل كم مره يطلع دورة ويحلف على زبون ما يدفع ، أوياخد الكرسي القداماني ويشعل سيجارة ، ببين أنو هو صاحب الميكرو .

[غسان]

صباح الخير اخي عابر


ضحكت كتير لما قريت انو الوحدة منون بتحمل غسالة على راسا ههههههههه

تذكرت الصورة يلي حاطا من فترة ابو النور عن زلمة راكب بسكليت وحاطط فوق راسو جرة غاز وفوقا بطيخة

فعلا هناك قدرات عجيبة لبعض البشر او الحاجة والعادة وتكرار الامر يهونانه على النفس فتقبله

طبعا نرى بااستغراب من يحمل براد على ظهره من القياس الكبير الى الطابق العاشر على فرد نفس وركض كمان كانو حامل شنتاية ولد صغير

اعتذر للخروج عن الموضوع
ولكن صديق الاخ احمد كما ذكرت سابقا خيارته محدودة جدا

وذكرت له حل واقعي عن طريق شراكة مع صاحب مهنة مثل معلم مطابخ او نجار واعرف من شاركهم وربح ربحا جيدا يعني كنسبة اذا مليون ربحت ٣٠٠ الف سنويا

ولكن الصعوبة بايجاد هذا الرجل والتاكد ان رجل امين وصادق

باختصار اي طريقة لايجاد ربح من المبلغ له حسنات وسيئات

ويلعب الحظ دورا كبيرا في نتيجة القرار

[مجرد إنسان]

سلام مفكرة في محل بنص البلد بمليون ليرة :)
متل ما قال أخونا عابر مجيب .. حسب المنطقة ..
لا التوصيل ولا الآيس كريم ولا مكنة القهوة بتشتغل وين ماكان ..
وبغض النظر عن أي شي ، المحل فيه تعب وبدو دوام كامل من 7 صبح لل 1 صباحا ..
وطول النهار قايم قاعد يناول ويبيع
وبدو حركة قوية ليلاقي أسعار رخيصة
وبالمناطق الشعبية "خصوصي" بتلاقي محلات سمانة فوق ما بتتخيلوا وبدو وقت ليربي زبونات ، والمفروض يكون محل ملك لحتى ما يخسر كتير اذا ما عجبو الوضع ، اجرة المحل متل القرض وممكن تصير خسارة صافية
مشروع السرفيس أو التكسي ممتاز كمان وكل شي إلو مخاطر ( مشروع خدمي تقريبا )

[عابر مجيب]

صباح الخير اخي عابر


ضحكت كتير لما قريت انو الوحدة منون بتحمل غسالة على راسا ههههههههه

تذكرت الصورة يلي حاطا من فترة ابو النور عن زلمة راكب بسكليت وحاطط فوق راسو جرة غاز وفوقا بطيخة

فعلا هناك قدرات عجيبة لبعض البشر او الحاجة والعادة وتكرار الامر يهونانه على النفس فتقبله

طبعا نرى بااستغراب من يحمل براد على ظهره من القياس الكبير الى الطابق العاشر على فرد نفس وركض كمان كانو حامل شنتاية ولد صغير

اعتذر للخروج عن الموضوع
ولكن صديق الاخ احمد كما ذكرت سابقا خيارته محدودة جدا

وذكرت له حل واقعي عن طريق شراكة مع صاحب مهنة مثل معلم مطابخ او نجار واعرف من شاركهم وربح ربحا جيدا يعني كنسبة اذا مليون ربحت ٣٠٠ الف سنويا

ولكن الصعوبة بايجاد هذا الرجل والتاكد ان رجل امين وصادق

باختصار اي طريقة لايجاد ربح من المبلغ له حسنات وسيئات

ويلعب الحظ دورا كبيرا في نتيجة القرار

الله يضحكك ويفرحك دائما يارب .
الغسالة شوف عيوني حقيقة ، طبعا اللي بتشبه البرميل مو اتوماتيك .
شغلة المطابخ تفصيلاتها كتيرة من حيث المواد والتفصيل والتركيب ، سيقتصر الموضوع على تشغيل المال دون بيان التفاصيل ، أريح للطرفين .ولا تنسى جمود الأعمال حاليا .

[Salam L]

هنالك أحلام حلوة ولكنها لا تتعدي الخيال وكمثال لا الحصر :
لو كان ممن يمكنه القيام بما تم اقتراحه من الآنسة سلام مثلا ( اسمالله غلاية ونشيطة ) نعم كان ما احتاج بسأل حدا .
مثال عن مستحيل آخر : بياع طوابع اذا بيقعد على كرسي بس جنب اي دائرة حكومية ، بيشمطو رقبتو . وإذا محل بهيك منطقة عرض متر وعمق وقوف شخص واحد ، بيسوى 10 ملايين .
هنالك اماكن نفوذ :
موظفي السفارات ( سائق ، طباخ ، خدامة ، مو تفكرو قصدي سفير مثلا )
عتالين بمعمل الاسمنت
كتاب العوارض ( العرضحالجية )
وأصعبها البسطات
أما ملوك الاحتكار فهم المتسولين .

ليش سألت على امكانياتو ( واسطاتو ) يعني من تبعات اتركو يا زلمة فقيييييييييييييير ؟ إذا هيك ممكن يقبر الفقر وغير هيك رح ينقبر هوه .
ليش سألت عن المنطقة ؟ المنطقة الشعبية بيلاقي فيها ناس جايين يعرضوا عليه بضاعة . وممكن هنن يدفعولو الفواتيروياخدو منو بقشيش مو العكس .
يودي طلبات لنسوان الحجر الأسود مثلا ؟!
أقل واحدة فيهون بتحمل غسالة على راسها وبتاخدها على التصليح !
المناطق اللي بدها الطلبات ! كرتونة على الرصيف ، بتكلف أكتر من مليون .
الله يسامحك لوكي كريم ! هادا متل الفازلين يعني ولا مرهم :)
شفتو كيف صاحب المال تعبان big grin

هههههههههههههههههههههههه


الصراحة الصراحة... خبرة العمر الها قيمتها .... ههههههههههههههههههههه

[abo haydara]

اخي طالما القصة للتسلاية و هول زلمي كبير يعني حركتو محدوة ..يستأجر محل صغير يكون اجارو معقول و يفتح مركز توزيع دخان صغير و شوية معسل و تنبك و حباشاتون و اذا كم اركيلة ظريفة و اكسسوارتون ..شغلة خفيفة نضيفة ما بدها تعب و لا جهد و اذا حب فيه يجيب خط توزيع وحدات بالاضافة للدخان ..ساعتها اللي بدو يشتري باكيت ممكن يعبي وحدات كمان ..الله يوفقك و يوفقو انشالله

[عابر مجيب]

هههههههههههههههههههههههه


الصراحة الصراحة... خبرة العمر الها قيمتها .... ههههههههههههههههههههه

انت بنت بيت وآدمية ، واذا موظفة بمكتب ، من فين بدك تشوفي هالشوفات ؟! :)
بتذكر مرة بمسلسل قديم يمكن عم تحكي وحدة عن عبلة كامل وكانت آخده دور بمسلسل القط بياكل عشاها، صبية أول طلعتها وطيوبة ، وكان في حدا عم يشكي من جهلها ، فقالت لأ يابنتي دي مش جاهلة بس دنياها صغيرة .
الفكرة كتير قوية ومعبرة عن البنت المحافظة من جهة، ومن جهة بيتنا كلو مغرم بعبلة كامل .

[abo haydara]

انت بنت بيت وآدمية ، واذا موظفة بمكتب ، من فين بدك تشوفي هالشوفات ؟! :)
بتذكر مرة بمسلسل قديم يمكن عم تحكي وحدة عن عبلة كامل وكانت آخده دور بمسلسل القط بياكل عشاها، صبية أول طلعتها وطيوبة ، وكان في حدا عم يشكي من جهلها ، فقالت لأ يابنتي دي مش جاهلة بس دنياها صغيرة .
الفكرة كتير قوية ومعبرة عن البنت المحافظة من جهة، ومن جهة بيتنا كلو مغرم بعبلة كامل .
اخي عابر مجيب يعطيك العافية ...هادا المسلسل يمكن هو (امرأة من زمن الحب) سميرة احمد و عبلة كامل و كان من اجمل المسلسلات ..

[عابر مجيب]

صباح الخير
يظن البعض أن الله يسر لهم فرصة فريدة، وأن القسمة والنصيب دفعا فلانا أو ألهما علانا ، بقول او فعل .
هذا الكلام يصح أحيانا ، ولكن أتمنى التعقل وعدم الانجراف وراء عواطف ومعتقدات غير مؤكدة على كافة الصعد . خصوصا إذا كان الأمر يخص قرارا خطيرا ، كاستثمار الانسان لكل ما يملك في مشروع ، لمجرد أنه فكر بشراء فرن وفي اليوم التالي ، وجد فرنا للبيع . فاعتبر أن الله يسر له . إن الله ييسر في العموميات ولا يدخل في التفصيلات، التي أمرنا باعمال العقل لها .
انتهت المقدمة .
صباح اليوم لاحظت لافتة على ميكرو لون فضي خط مزة جبل كراجات . على هذه اللافتة رقم هاتف جوال والميكرو للبيع . رقم الهاتف 0933252003 .
اتصلت وسألت: الميكرو نوع كيا ، عليه مجموعة مازدا ، مرسم لسنة كاملة مؤخرا ، أصله 10 ركاب مثبت عليه 12 في الميكانيك . ثمنه 10050000 مليون وخمسين ألف ، الخمسين عادة للمساومة .
ربما في كل يوم هنالك عشرات العروض و لا ننتبه لها ولكن تفكيري بالموضوع جعلني انتبه .
طبعا العبارة الأخيرة تعزيز للمقدمة :rolleyes2:
الله الموفق.

[najm]

يخطط فيهم لسفرة الى احدى دول الهجرة
Frown11

[احمد ابو عدنان]

بتذكر ذكرت باول المشاركة شروط صديق الاخ عدنان

انه يريد التسلية اكثر مما يريد الربح

ولو الشرط غير موجود لنصت بالاسهم او الدولار والذهب كالعادة :)




الحقيقة تفاجئت وانبسطت من كم الاجابات
شكرا للجميع فقد آنستوني بأفكاركن
بخصوص التسلاي يعني الرجل ما عندو مانع انو يشارك حدى (او اسهم )ويجلس في المنزل او يلف على الاصدقاء والشغل يمشي لحلو
بس المشكلة بزوجته
يعني جلوس الرجل بوش مرتو طول النهار مشكلة للطرفينay1
وخاصة بهالعمر:coool:

موضوع الدخان وحبشاتو غير ظريف (مع احترامي لاجتهادك وكل الشكر لك)
وذلك لأسباب شرعية وصحية
خاصة انو الرجل ترك التدخين ايام الانتفاضة التانية كرمال فلسطين

[احمد ابو عدنان]

سأخبره بباقي الافكار
مشكلة السوبر ماركت انو تفاصيلو كتيرة
وبين الواحد والواحد واحد
مع ذلك سأطرحه

الرجل يأمل دخل صافي 15 الف على الاقل

بعد التشاور مع الطيبين من امثالكم
هناك مشروعين سأشاوركم بهم
الاول محل لتأجير البسكليتات
بس المشكلة التعامل مع اولاد (قاضي الاولاد شنق حالو)
تانيا كيف بدو يضمن ما يلطشو البسكليت
مو معقول اخذ رهن 2000-4000
____________________
التاني استأجار محل وفتحه البسة ولادي
بس الخبرة ضعيفة
وخاصة المحل آجار
يعني بدو همة وخبرة عالية لأنو الزمن ماشي

شو رأيكون

[eng.mdkh]

الحقيقة تفاجئت وانبسطت من كم الاجابات
شكرا للجميع فقد آنستوني بأفكاركن
بخصوص التسلاي يعني الرجل ما عندو مانع انو يشارك حدى (او اسهم )ويجلس في المنزل او يلف على الاصدقاء والشغل يمشي لحلو
بس المشكلة بزوجته
يعني جلوس الرجل بوش مرتو طول النهار مشكلة للطرفينay1
وخاصة بهالعمر:coool:

موضوع الدخان وحبشاتو غير ظريف (مع احترامي لاجتهادك وكل الشكر لك)
وذلك لأسباب شرعية وصحية
خاصة انو الرجل ترك التدخين ايام الانتفاضة التانية كرمال فلسطين
تكسي ... أحسن شي
خاصة إذا اشتراها مستعملة ... هيك إيمتى ما كان بيقدر يسترد رأس مالو بدون ما يخسر إن شاء الله.

في فكرة تانية بتعبيلو وقتو تمام!!!
أنو يصرف المليون ليرة خمسينات و يعد المليون ، و كل ما خربط يرجع يعدون مرة تانية.
يعدين بس يخلص يرجع يصرف المليون لفائة المائة ليرة و يبلش يعد ...
و الله شغلة بتبسط لأنو رح يحسون كتار و حلوين....
مزحة .... خلي روحك حلوة و تقبلها

[احمد ابو عدنان]

كنت عمشوف برنامج خواطر 7
يا اخي تتضارب المشاعر لما شوف هل برنامج
1-الشعور الاول انو (في امل) يعني (التفاؤل)
يعني ناس عملت شيئ من لا شيئ
وخاصة بتركية ...شغل ومشاريع وتطوير
2-شعور تاني هو (الاحباط)
يعني انو نحنا وين والناس وين
3-شعور تالت هو العجز
لأنو بدها ارادة عليا
4-شعور رابع واخير
هوة انو الشغلة صار بدها (مظاهرة) من اجل التغيير

ما تخافو بس هاي مجرد مشاعر وخواطر فقط

[غسان]

اخي احمد بالنسبة لتأجير البسكليتات ممكن يشتغل بالصيف لكن بالشتاء وايام المدرسة لايعمل .....
وكما ذكرت ممكن تنسرق الدراجة ....

بالنسبة للمحل ممكن يكون احتمال افضل وملابس الولادي ربحها افضل من باقي انواع الالبسة

اذا كان احد الاقارب او المعارف ابن حلال وثقة
ممكن المشاركة باي عمل جيد ورابح ...

بقي عندي حل ايضا ان يبادر صديقك الى عرض مشاركة من ضمن معارفه في عمل قائم قد يحتاج صاحبه الى توسيع العمل ..او تكون الفكرة لاتخطر على باله ..وعن طريق تلك المبادرة يمكن ان يتشارك الطرفين بالعمل
(تبقى نقطة مهمة وهي اختيار الشريك ....بدقة )

[Salam L]

انا شايفة بهي الايام محلات الاكل ماشية اكتر شي.... لانو الناس ممكن تبطل تشتري اواعي بس مو ممكن تبطل تشتري اكل....

ممكن يتشارك مع حدا ويبيعوا فلافل سوا

[احمد ابو عدنان]

انا شايفة بهي الايام محلات الاكل ماشية اكتر شي.... لانو الناس ممكن تبطل تشتري اواعي بس مو ممكن تبطل تشتري اكل....

ممكن يتشارك مع حدا ويبيعوا فلافل سوا

على سيرة الاكل
صار عند صديقي فكرة محل موالح وضيافة
ما بعرف شو حببو فيها
قاااااال فيها ارباح
بس مابعرف بهالظروف بحس انو الموالح شغل بطر
يعني مو اساسية
الناس خايفة من بكرة مارح تشتري موالح
بس يبدو انو هوة بحب الموالح:confused2:

كنت متمني اعطي فكرة تكون (غير شكل )
يعني شغلة جديدة فيها تنمية اقتصاية للبلد:StickOutTongue
مثلا فتح جنبنا محل تأجير بدلات سهرة نسائي
بدل الزوج ما يدفع ثمن بدلة لمرتو لحفلة خطوبة بنت خالتها 5000
بيستأجرها ب500
يعني توفير قطع نادر :coool:
او شيئ مشابه
في الخليج هناك شركات لتأجير العدد من مثاقب وحفارات وبلدوزرات وتركسات ومداحل وخلافو
اسهم هاي الشركات في البورصة
ممكن يكون في هيك فكرة على مستوى صغير


على كل حال جاري البحث وسأطلعكم على التطورات

[مجرد إنسان]

على سيرة الاكل
صار عند صديقي فكرة محل موالح وضيافة
ما بعرف شو حببو فيها
قاااااال فيها ارباح
بس مابعرف بهالظروف بحس انو الموالح شغل بطر
يعني مو اساسية
الناس خايفة من بكرة مارح تشتري موالح
بس يبدو انو هوة بحب الموالح:confused2:

كنت متمني اعطي فكرة تكون (غير شكل )
يعني شغلة جديدة فيها تنمية اقتصاية للبلد:stickouttongue
مثلا فتح جنبنا محل تأجير بدلات سهرة نسائي
بدل الزوج ما يدفع ثمن بدلة لمرتو لحفلة خطوبة بنت خالتها 5000
بيستأجرها ب500
يعني توفير قطع نادر :coool:
او شيئ مشابه
في الخليج هناك شركات لتأجير العدد من مثاقب وحفارات وبلدوزرات وتركسات ومداحل وخلافو
اسهم هاي الشركات في البورصة
ممكن يكون في هيك فكرة على مستوى صغير


على كل حال جاري البحث وسأطلعكم على التطورات

محل تأجير بسكليتات بدو يكون بمنطقة سياحية ، وتكون البلد هادية وشغالة وهلأ ما بظن الوضع مؤهل لهيك شي .
ومحلات الالبسة حلوة بس هلأ أغلب الناس ما عم تشتري أكتر من ضرورة الضرورة .. واللي حالتو على قدا ما عم يلحق أكتر من الأكل
محلات الأكل هي أكتر شي شغال قولا واحد ، بعرف واحد جارنا كان فاتح محل فلافل : يشتغل فيه هو وأخوه عمر من ورا محل الفلافل 4 طوابق 160 متر
أو مشروع خدمي وهو الاكثر جدوى مادية : سرفيس أو سيارة أجرة ، واذا بيقدر يدخل شريك بباص نقل خارجي أو سيارة شحن بيكون أخد مشروع عمره
شغلة العدد والآليات موجودة عنا : روح على دوما واتفرج ... الله يرحم أيام دوما كان فيها كل شي وكل صحاب المصالح الحريفة ، وان شاء الله بترجع ايامها
وبالتوفيق

[عمار اللامي]

الان اشتري ذهب اليوم 17/5/2012 تذكر سعر الذهب الان 3110 في السوق

[مجرد إنسان]

الان اشتري ذهب اليوم 17/5/2012 تذكر سعر الذهب الان 3110 في السوق

الذهب ممكن يجيب جلطة اذا نزل ..خصوصي انو عنا مرتبط بالدولار اللي عم ينزل عنا كمان
وضعو بخوف وبدو قلب قوي ، ما فيه تسلاية منوب :)