طلب مساعدة - قنينة غاز-

[غالب]

طلب مساعدة - قنينة غاز -

لله يا محسنين - خلصت غاز - والسفير كمان فاضي - حدا من الشباب الطيبة بيقدر يساعدني في الحصول على قنينة لحتى دبر حالي واشتري بابور كاز او اعبي السفير او اجد قنينة بسعر السوق الصاروخية .

هاتفي 0933966489 ولكم الاجر والثواب .

تقبل المساعدات من المحافظات للايام الاثنين والثلاثاء والاربعاء .

[arnouri]

خليهم اتنين
عني وعنك:):)

[فراس السكري]

الله يرزقك قنينة غاز اخ غالب واخ ابومعاذ بس سؤال ماهو السفير
سعر القنينة بالسوق السوداء 20دولار الان والقنينة كاملةو 65دولار وعجبي

[مجد]

اشتري طباخ كهرطيسي (على الكهرباء)

[arnouri]

عندي وحدة في الفيلا
بس الطريق سالك بصعوبه جدا مع احتمال هطول حب عزيز

[غالب]

انت اخبر احمد وانا بكرا بروح بجيبها
ههههههههه

[غالب]

الله يرزقك قنينة غاز اخ غالب واخ ابومعاذ بس سؤال ماهو السفير
سعر القنينة بالسوق السوداء 20دولار الان والقنينة كاملةو 65دولار وعجبي

عجبي الا تعرف السفير

[فراس السكري]

عجبي الا تعرف السفيريمكن عرفته قصدك غاز الصغير

[غالب]

يمكن عرفته قصدك غاز الصغير

تم تسميته بالسفير لان اشهر ماركة فيه اسمها سفير وهو الغاز الصغير المتنقل

[hesham]

يوجد في القامشلي صديق لي لديه جرة غاز مليانة
وهو مستعد لاعارتك اياها كونه يحب عمل الخير
ويمكنك استئجار تكسي غدا والذهاب الى القامشلي لاستلامها
بشرط ان تعيد له اسطوانة اخرى خلال 3 ايام من استلامها
على ان يكون الاستلام والتسليم في القامشلي حصرا
ومن الضروري حضور وتوقيع اربع شهود على الاستلام والتعهد بالتسليم في الموعد المحدد
على ان يتم توثيق التعهد لدى الكاتب بالعدل

وفي حال قدومك الى طرطوس غدا يمكنك جلب غاز السفير معك وانا مستعد لتعبئته لك من قنينتي الغاز اكراما لقدومك واحتفاء بك

[Salam L]

هههههههههههههههههههههههههههههه


طيب اذا راحت شي صبية حلوة على مركز توزيع الغاز بيعطوها ياترى دور متقدم وبتحصل على المطلوب خلال دقائق؟؟

[غسان]

هههههههههههههههههههههههههههههه


طيب اذا راحت شي صبية حلوة على مركز توزيع الغاز بيعطوها ياترى دور متقدم وبتحصل على المطلوب خلال دقائق؟؟

لأ ....مابنصح العنصر النسائي يروح عالمركز ابدا ابدا
بالازمة الماضية والتي حدثت السنة الماضية
انقتلت رجال مشوربة مشان قنينة غاز وقت صار خناقة عالدور ( انقتلت يعني ماتت مواكلت اتلة)

[Tareq]

أبشر ابو النور. القنينة جاهزة ازا بتحب. اشتريت قنينة من فترة وبعدها مليانة ويلي عم يستخدموها بالبيت بدها فترة لتخلص. انا حاليا مو موجود بالشام بس ازا بتحب بدلك على البيت تاخدها لبين ما تخلص يلي عندي بتوقع ازمة الغاز بتنحل.

لك يلي عم يحرق قلبي انو هون عم يحرقو الغاز المرافق للنفط لانون ما بيستخدموه ولك أأأأأخ لو فيني عبيه. كمية الغاز يلي عم تنحرق يوميا بتغطي حاجة سوريا كلها.

[Tareq]

هههههههههههههههههههههههههههههه


طيب اذا راحت شي صبية حلوة على مركز توزيع الغاز بيعطوها ياترى دور متقدم وبتحصل على المطلوب خلال دقائق؟؟

والله يا اخت سلام ازا منخلي اي صبية تروح فعيب على الشوارب يلي بوجوهنا. منوقف ساعات ولا منحيجكون لهيك موقف.

[غسان]

أبشر ابو النور. القنينة جاهزة ازا بتحب. اشتريت قنينة من فترة وبعدها مليانة ويلي عم يستخدموها بالبيت بدها فترة لتخلص. انا حاليا مو موجود بالشام بس ازا بتحب بدلك على البيت تاخدها لبين ما تخلص يلي عندي بتوقع ازمة الغاز بتنحل.

لك يلي عم يحرق قلبي انو هون عم يحرقو الغاز المرافق للنفط لانون ما بيستخدموه ولك أأأأأخ لو فيني عبيه. كمية الغاز يلي عم تنحرق يوميا بتغطي حاجة سوريا كلها.

حبيبنا طارق لاينحرق قلبك ولاشي

مالعرب من ميت سنة عم يحرقوا الثروة يلي الله عطاها لهم وهالحرق عم يكون بمطارح واساليب مختلفة ....لنشوف لايمتى هالجنان ؟؟؟

طيب المرة الجاية جبلنا شوية غازمعك وانت جاية من البصرة ونتقاسمهم عند ابو شفيق:)

[Salam L]

لأ ....مابنصح العنصر النسائي يروح عالمركز ابدا ابدا
بالازمة الماضية والتي حدثت السنة الماضية
انقتلت رجال مشوربة مشان قنينة غاز وقت صار خناقة عالدور ( انقتلت يعني ماتت مواكلت اتلة)


ماتوا عن جد؟؟ اوف لهي الدرجة الحالة هنيك صعبة...

قلت لحالي اذا اجى شي عنصر نسائي بيبعدوله هالناح وهالناح وبيعطوه طريق .. وبيمدوله سجادة حمرا كمان هههه

بس يمكن عصر المعجزات انتهى من زمان ههههه

[Salam L]

والله يا اخت سلام ازا منخلي اي صبية تروح فعيب على الشوارب يلي بوجوهنا. منوقف ساعات ولا منحيجكون لهيك موقف.


هدول الناس اللي بيحكوا هيك للأسف صاروا عملة نادرة.... Big GrinBig Grin

أحيانا كتير بشوف بالليل على طريق بيتي نسوان وبنات صغار حاملين ربطات خبز جنب المخبز وواقفين عم يبيعوا... :eeek::eeek::eeek:

[M.Watson]

والله يا اخت سلام ازا منخلي اي صبية تروح فعيب على الشوارب يلي بوجوهنا. منوقف ساعات ولا منحيجكون لهيك موقف.


لفت نظري تعليقك مسيو ...حضرتك بالصورة مالك مربي شوارب بقا كيف قسمك بدو يتنفذ !!!! Big Grin

[M.Watson]

وانا بدي انينة

بس باعتقادي الازمة تمثيلية مشان يرفعوا السعر قنينة الغاز

بس ترتفع سعرها بتخلص الازمة لذلك محا وقف على الدور و دافش العالم

[غالب]

أبشر ابو النور. القنينة جاهزة ازا بتحب. اشتريت قنينة من فترة وبعدها مليانة ويلي عم يستخدموها بالبيت بدها فترة لتخلص. انا حاليا مو موجود بالشام بس ازا بتحب بدلك على البيت تاخدها لبين ما تخلص يلي عندي بتوقع ازمة الغاز بتنحل.

لك يلي عم يحرق قلبي انو هون عم يحرقو الغاز المرافق للنفط لانون ما بيستخدموه ولك أأأأأخ لو فيني عبيه. كمية الغاز يلي عم تنحرق يوميا بتغطي حاجة سوريا كلها.


اخي طارق شكرا لك موقفك نبيل - مو مثل بعض جماعة -

بعدين جماعة المنتدى بالمشروع مساويين نقطة تفتيش اي واحد غريب بيشلحوا قناني الغاز الفاضية والمليانة.
- بحمد الله تم تأمين قنينة امس عصرا عن طريق محل فروج جيراننا بالمنطقة بسعر 800 ليرة وهلء بتقضينا بين 25-30 يوم ولوقتها بيفرجها الله .

قصة حرق الغاز المصاحب للنفط يمكن فنيا مختلفة عن غاز الطبخ المنزلي وهذا بدو معامل لاستخراجه وتسييله وقصص فنية كثيرة .

وبدك تروح على كركوك وتشوف النار الازلية موجودة قبل ما يوجد الانسان ومستمرة منذ الاف السنين .
شكرا لك اخي طارق نرد لك اياها بالافراح .

[غالب]

لفت نظري تعليقك مسيو ...حضرتك بالصورة مالك مربي شوارب بقا كيف قسمك بدو يتنفذ !!!! Big grin




مسيو الشوارب موقف مو كام شعرة فوق الفم

[M.Watson]

مسيو الشوارب موقف مو كام شعرة فوق الفم


شي اكيد.....


قبل بعهد اجدادنا الاولين كانوا مايربوا شوارب بس كانت كلمتون كلمة للموت

بعدين على عصر جدي و جدك دخل الجهل صاروا يهتموا بالشوارب لدرجة كانوا يقولوا يلي مالو مربي شوارب مو رجال
بس عندون العهد بدرجة الشوارب يعني كلمتون كلمة

بعدين اجا عصرنا لا شوارب و لا عهد و لا كلمة ولا هم يحزنون

[Salam L]

اخي طارق شكرا لك موقفك نبيل - مو مثل بعض جماعة -

بعدين جماعة المنتدى بالمشروع مساويين نقطة تفتيش اي واحد غريب بيشلحوا قناني الغاز الفاضية والمليانة.
- بحمد الله تم تأمين قنينة امس عصرا عن طريق محل فروج جيراننا بالمنطقة بسعر 800 ليرة وهلء بتقضينا بين 25-30 يوم ولوقتها بيفرجها الله .

.


مبروك قنية الغاز ابو النور.. عقبال عنا يارب....Big GrinBig Grin

واكيد الاخ طارق كفو وكان رح يكون قد كلمته.... :):)

[غالب]

شي اكيد.....


قبل بعهد اجدادنا الاولين كانوا مايربوا شوارب بس كانت كلمتون كلمة للموت

بعدين على عصر جدي و جدك دخل الجهل صاروا يهتموا بالشوارب لدرجة كانوا يقولوا يلي مالو مربي شوارب مو رجال
بس عندون العهد بدرجة الشوارب يعني كلمتون كلمة

بعدين اجا عصرنا لا شوارب و لا عهد و لا كلمة ولا هم يحزنون





بالتاكيد ولكن التعميم خطأ دائما . لسه الدنيا بخير - والاخ طارق مواقفه قول وفعل ونحن نعرفه حق المعرفة ومجربينه وهو رجل اذا وعد وفى . شكرا لك .

[M.Watson]

بالتاكيد ولكن التعميم خطأ دائما . لسه الدنيا بخير - والاخ طارق مواقفه قول وفعل ونحن نعرفه حق المعرفة ومجربينه وهو رجل اذا وعد وفى . شكرا لك .


ارجوا انو ما تفهمني غلط كلامي مو موجه على الاخ طارق...!!!!

انتقادي لاسلوب والفاظ الاخ طارق ((القسم على الشوارب..!!!))

اما هو نحسن الظن به و بفعله

ومتل ماقلت ان خليت خربت

[غالب]

مبروك قنية الغاز ابو النور.. عقبال عنا يارب....big grinbig grin

واكيد الاخ طارق كفو وكان رح يكون قد كلمته.... :):)

اكيد ما انقطعتو مو وفي عندي السفير يعني الغاز الصفير فيه نصه بس تنقطعي انا حاضر

[Salam L]

اكيد ما انقطعتو مو وفي عندي السفير يعني الغاز الصفير فيه نصه بس تنقطعي انا حاضر


ههه

ابي عامل احتياطاته وجاب من زمان ببور كاز ! ابصر وين كان مخبيه مشان امي ما تخفيله ياه... :StickOutTongue:StickOutTongue

وحاليا عم قول للعائلة الكريمة انو يعتمدوا على المايكرويف قدر الأمكان ... حتى انو بالمستقبل اذا لزمنا فيه نظام طبخ وفك تجميد الخ وكتير ممكن يوفر او يحل ازمات .. طبعا انا جبته من فترة فيه هي الميزات marsa ... وفي عنا راسين كهرباء موجودين مع فرن الغاز...

[rainbow]

بأزمة الغاز في الشتاء الماضي عانيت من نفس الازمة وكان الحل عند سائق لمعرفته شخص بالمزة 86 وحمل اكثر من 40 جرة وحل الازمة موقتاً ، ولكنه تعهد أن لايذهب مرة آخرى لانه تعرض للضرب والاهانة على الحاجز

فأن كان لك معرفة بأحد الاشخاص بالمزة 86 أو مساكن الضباط فمن الممكن أنو يدبروك ،
أن تصل أزمة الغاز لداخل كل بيت في دمشق العاصمة من لن يكون بصالح النظام لا اقتصادياً ولا احتجاجياً

[iass]

كأني قاري هالموضوع من قبل؟. وفي نفس الردود تقريبا. بس وين؟؟ .. وين؟؟؟... وين؟؟؟...

[iass]

هههههههههههههههههههههههههههههه


طيب اذا راحت شي صبية حلوة على مركز توزيع الغاز بيعطوها ياترى دور متقدم وبتحصل على المطلوب خلال دقائق؟؟
اليوم مريت على مركز برزة. كان في وحدة عندها نفس هي النظرية. بعد شي نص ساعة حملت حالها ومشيت عقد ما تعرضت لغلاظة وقلة حيا. غير أنو كان في ضرب الناس بالعصي والقشط.

[مجرد إنسان]

ماتوا عن جد؟؟ اوف لهي الدرجة الحالة هنيك صعبة...

قلت لحالي اذا اجى شي عنصر نسائي بيبعدوله هالناح وهالناح وبيعطوه طريق .. وبيمدوله سجادة حمرا كمان هههه

بس يمكن عصر المعجزات انتهى من زمان ههههه

ههههههههههههههه
إذا بتروح صبية حلوة على مركز الغاز : بتنزل من السيارة ، رح تلاقي فورا شب يقلا عنك عنك ..
وبعد هيك ، بقلا هاتي عنك القنينة أنا إلي واسطة جوا ، بلا ما تبهدلي هالجمال بالعجقة ..
بقلا عطيني 400 ليرة حق القنينة بتعطيه 500 وبتقلو منتظراك هون، بقلا حبيبنا ثواني وبرجعلك
بياخد ال 500 ليرة وبياخد القنينة الفاضية وبيروح يعبيها ، وبتصير تدعيلو ، ويتقول زمن النخوة لسا ما انتهى ولسا في رجال معدلين، الله يبعتلي رجال قبضاي متلو ، بتنتظرو ، بس بطول شوي بتقول الغايب عذرو معو ..
ساعة ، 2 ، 3 ، 5 ، وما بيرجع بعدين بتدور الصبية الحلوة على أبو عنتر زمانو بيطلع أخد منا 500 ليرة وقنينة ثمنها 5000 ليرة واختفى كأنه فص ملح وداب ^_^
والعوض بسلامتك
و .. حدث مرة في مركز الغاز
هههههههههههه

[طالب البركة]

يا اخي ذكر السيد مدير شركة المحروقات مدري وزير النفـ(ط) بأن على المواطنين ان يجدوا حلول بديلة عن المازوت والغاز......

[rainbow]

على حد علمي انه الاوربيين وغيرهم ممن فرضوا عقوبات على النفط السوري استثنوا منه " الغاز " فكيف الحكومة والاعلام السوري عم يلحشها ع العقوبات . المهم بوجود الدولار يجب أن يوجد آي شيىء وعجز النظام عن تأمين خدمات للشعب فعلى الاقل عليه أن يجري تغيير وزاري ويخفف من الاجرائات الامنية التي باتت تعقد انتقال المواد الغذائية بين المحافاظات

[Salam L]

ههههههههههههههه
إذا بتروح صبية حلوة على مركز الغاز : بتنزل من السيارة ، رح تلاقي فورا شب يقلا عنك عنك ..
وبعد هيك ، بقلا هاتي عنك القنينة أنا إلي واسطة جوا ، بلا ما تبهدلي هالجمال بالعجقة ..
بقلا عطيني 400 ليرة حق القنينة بتعطيه 500 وبتقلو منتظراك هون، بقلا حبيبنا ثواني وبرجعلك
بياخد ال 500 ليرة وبياخد القنينة الفاضية وبيروح يعبيها ، وبتصير تدعيلو ، ويتقول زمن النخوة لسا ما انتهى ولسا في رجال معدلين، الله يبعتلي رجال قبضاي متلو ، بتنتظرو ، بس بطول شوي بتقول الغايب عذرو معو ..
ساعة ، 2 ، 3 ، 5 ، وما بيرجع بعدين بتدور الصبية الحلوة على أبو عنتر زمانو بيطلع أخد منا 500 ليرة وقنينة ثمنها 5000 ليرة واختفى كأنه فص ملح وداب ^_^
والعوض بسلامتك
و .. حدث مرة في مركز الغاز
هههههههههههه

هههههههه

معناها لازم نبعت صبية حلوة بس ذكية.... مو هبلا متل هي :StickOutTongue:StickOutTongue:StickOutTongue:Stic kOutTongue


ولو انه واضح انو حاليا مافي امل لا مع شب ولا مع بنت انو يحصل على قنينة الغاز السحرية

[لقماان]

طلب مساعدة - قنينة غاز -

لله يا محسنين - خلصت غاز - والسفير كمان فاضي - حدا من الشباب الطيبة بيقدر يساعدني في الحصول على قنينة لحتى دبر حالي واشتري بابور كاز او اعبي السفير او اجد قنينة بسعر السوق الصاروخية .

هاتفي 0933966489 ولكم الاجر والثواب .

تقبل المساعدات من المحافظات للايام الاثنين والثلاثاء والاربعاء .
مرحبا أبو النور في عندي قنينتين غاز تسليم ظهر السفينة
عفوا تسليم البيت (اذا كان لسا في بيت بحمص )
و اذا بدك كمان في بادونين مازوت سعة الواحد 25 لتر كمان تسليم حمص
و الدفع حصرا بالدولار باعتبار اليورو عميتبهدل .......

[غالب]

ان شاء الله ترجع لبيتك اخي لقمان وتلاقيه مثل ما هو بحفظ الله وتلاقي قنينتين غاز وبيدونين مازوت بانتظارك

[لقماان]

ان شاء الله ترجع لبيتك اخي لقمان وتلاقيه مثل ما هو بحفظ الله وتلاقي قنينتين غاز وبيدونين مازوت بانتظارك
و الله فكرتك بدك تؤول
تلائي أم حكيم و الولدين بانتظاري ....
منيح ما ألت أنينة غاز وحدة و بيدونين
كانت مشكلة

[غالب]

اخي لقمان بعد ما ترجع لحمص وتلاقي البيت مثل ما هو ان شاء الله
بتبعث ورا اختي ام حكيم والاولاد واذا ما رضيت تلحقك لحمص بتطرقها جوازة حمصية وهيك بيصير عندك نسوان ثنتين وبتصير تكتب لنا يوميات لقمان في حمص ويوميات لقمان في حلب اذا ضل في لقمان .

[لقماان]

اخي لقمان بعد ما ترجع لحمص وتلاقي البيت مثل ما هو ان شاء الله
بتبعث ورا اختي ام حكيم والاولاد واذا ما رضيت تلحقك لحمص بتطرقها جوازة حمصية وهيك بيصير عندك نسوان ثنتين وبتصير تكتب لنا يوميات لقمان في حمص ويوميات لقمان في حلب اذا ضل في لقمان .
لاء انت ناوي مو تنيمني بالبيت اليوم ...

[غالب]

لاء انت ناوي مو تنيمني بالبيت اليوم ...


احنا عبنقول اذا و اذا اداة شرط غير جازمة .

ما رح تسمح ام حكيم تصل الشغلة لهون اكيد اليوم بتنام بالبيت بعون الله اذا ما قريت ام الحكيم الحوار

[مجرد إنسان]

هههههههه

معناها لازم نبعت صبية حلوة بس ذكية.... مو هبلا متل هي :stickouttongue:stickouttongue:stickouttongue:stic kouttongue


ولو انه واضح انو حاليا مافي امل لا مع شب ولا مع بنت انو يحصل على قنينة الغاز السحرية

الحمد لله حصلنا وحدة اليوم ..
كانو الازمة خفت بعد الساعة 12.30 ..