قاموس عربي - لهجات عربية

[غسان]

العبارات الشامية في يومين من دون معلم ...

ضربة على وجهه: لوالو حنكو

كلام فاضي لا معنى له: شروي غروي

تقول عن طعام حد : مشلفط شلفطة

... ... تتكبر أو تبالغ: روح لعاب بعيد

أذهب بدون مشاكل: أرجيني عرض كتافك

بحث عن شيء: بحبش عنو

حالة الإنزعاج الشديد: سملي بدني

أساء أستعمالها : هلك نعمتها

تفاجأ من أمر: أجتو الجمده

لما الواحد ييكرر أمر لدرجة الملل: طلع بلعو

زار مريضا : شأيت عليه

عنيد: تنح او راسو يابس

عدم الموافقة على العطاء: ينعطى لطشة

الشخص الجائع الذي لم يأكل منذ الصباح: على لحم بطنو

مصطلح يستعمل مع الضمير الغائب للتعبير

عن عدم الإهتمام: ينمحيء او ينباع بالعزا

غضب و شتم: ردح

أكل و تناول الطعام : أتدولق

أسرف : تشبرء

مبلول : مساسأ

وسخ نفسه: أم أم حالو

لا قيمة ولا هيئة: حشت نشت

لا وجود لأحد في المكان: مافي الدومري

عملية الاختباء في مكان غير مرئي: لطى

صار بين الأيادي كثير منه: أنمعط

شخص جلس مسترخيا بطريقة مريحة: تفرفد

إعجنها و إخلطها جيدا: معكا

ترك شخصا ينتظره لمدة طويلة: لطعو

محاولة التقرب: إتدحوش

بقي في مكان ما لحد غيرطبيعي: بلط

إنشغل بأمر مفاجئ: إلتبش

إنزعج من الفوضى: إنطوش

إنتهت سعادة بشيء ما بسبب أمر مزعج: طلع من عيونو عامص

الشخص الذي يصيبه فرح شديد: زحل عئلو

مصطلح للتساؤل و الإفتراض: بلكي

وصف مجازي لحالة العطش الشديد: طأطئت جوزه حلقو

الفتاة الصغيرة التي تقلد من هن أكبر منها : مدهرنة

صبية جميلة : خسة

الشخص المهووس بالنظانفة : موسوس

الشخص البخيل : كحته

قصير و سمين : مدربس

سيء الصيت : ثرثري

تستخدم لوصف الشيء السلس : متل السلطة او متل الحلاوة او متل الفستق

مرتب: مرستأ

غادر ولا يرى طريقه لأمر هام : على ملات وشو

نظيف جدا لدرجة اللمعان : عم يوج وج

وصف للعلاقة الخالية من التكاليف : خوش بوش

قطعة من الدهن و اللحم لا يأكلها الإنسان : شختة

جزء أو قطعة من شيء أو فتاة جميلة : شأفة

دراجة هوائية : بسكليته

وقع أو سقط : سلت

مغرور : مأنبز

اختلاط الأمور عليه : فتل راسو

أظهر استياءه من أمر ما : انطمز

مصطلح يستعمل أحدهم في سياق حديثه للتعبر عن الغير : انضرب عألبو

التحف و تدثر بغطاء : تكمكر

تصرف معه بطريقة مهينة : مسح فيه الأرض

طال حديثه لدرجة سبب له الملل : لعالو ألبو

صفات الطفل صغير بالسن : فصعون

فقد صبره : نطف ألبو

وصف الشخص المستاء : لاوي بوزه

التصرف بإسلوب غير متزن : طأو فيوزاتو

قال ما كان يخفيه : نكت الخمير و الفطير

مصطلح يستخدم للتقليل من شأن ما : آل يعني

القيل و القال : عي

قسم يستخدم لضمان عدم الالتزام به : عليي ما عليي

مصطلح للمفاصلة : من هون لهون

قسم غير مباشر لصحة القول : ما بزل عليك

إستمر بطلب ما من أحد لدرجة سبب له الأزعاج: نخر بدنو

[غالب]

شكرا اخي غسان

الظاهر بلشنا عصر الانحطاط اللغوي

حيث سابدا بتاليف قاموس عراقي - سوري قريبا

[غسان]

شكرا اخي غسان

الظاهر بلشنا عصر الانحطاط اللغوي

حيث سابدا بتاليف قاموس عراقي - سوري قريبا

حلو عطينا من عندك شوية تعابير عراقية
مشان العولمة ماتزعل منا

[غالب]

جاملغ= رفراف السيارة
جقمجة = حقيبة الكفوف في السيارة الي بنحط فيها كلشي عنا الا الكفوف

[غالب]

شاكو ماكو = شو في ما في
بيش الساعة = قديش الساعة يعني كم الوقت وليس السؤال عن سعرها

[غالب]

دفرة = رفسة = لبطة
باجة = قوادم ورؤوس

[غالب]

غسان رح تروح لي بهجة القاموس بدو شغل كثير كثير ويمكن يكون مفيدا للعراقيين اكثر من السوريين ويفيد التجار السوريين الذين يتاجرون مع العراقيين .

[beautiful life]

ظريفين .... مشكور :)

[غالب]

كص = تلفظ بحرف القاف الحوارنية وتعني شاورما

وفي كمان كص دجاج وكص لحم

والاغلب هو 90 %كص لحم و10 % كص دجاج

[عابر مجيب]

حشاة الدكر
( اتحاشى الذكر والمقصود ذكر الله ) وعادة تستعمل عند القسم الذي لايجوز ذكر الله فيه لوضاعة الشيء ، وتستعمل للسخرية أيضا من أحد على اساس انه لا يستحق ذكر الله عند ورود ذكره أو ازماعه على القيام بتصرف ما أوتهديد أحد . كقولهم بالله ؟ حشاة الدكر خوفتني !

غسل فيه المزابل
عندما يشتم شخص ويسرف أحدهم في تهزيئه وشتمه .
اسمالله ويكيلكسنا ما ترك كتير صار صعب الواحد يلاقي كمان .
تحياتي .

[BROKER]

انبلشت وانا عم اقرأ العبارات .... وانسلق بدني من كم وحدة ..... وزحل عقلي من المفردات العراقية

[غسان]

اخ ياجماعة لما يجيك واحد يحكي شروي غروي ويلعيلك قلبك وبتعمل معو منيحة وبتحاول تفهمو وتشربوا ياها بالمعلقة بعدين بتحس انو كل شي كتبتوا
انت والقبضايات راح فافوش والزلمة متنح واخد الشغلة هيلمة يمكن تندم على تعبك بس يمكن هيك يعرف انواذا هوة لاطيلينا نحنا صحيانيلوا
شو رايك اخي عابر ندمت على تعبك شي مرة ؟

[najm]

ورد معي في مخطوط كشف اللثام عن أحوال دمشق الشام لخورشيد أفندي قوله في باب نقائض اللهجات : من جملة طباع الدمشقيين المفطورين عليها التبكيت على لهجت أهل حلب ، مع ان لهجتهم من اقبح اللهجات واذا سمعتهم يتكلمون تخال أن فكهم السفلي مرتخي الأعصاب أو مختل تركيبه الطبيعي فينطقون الكاف ألفا والجيم زايا والشين سينا في بعض الاحوال ( وبلفعل سمعنا في بعض مسلسلات دريد لحام القديمة بعض هذه الألفاظ وكنت أظنها تنكيت الى ان مر معي في كتاب أخر بأنه بقيت بعض الألفاظ موجودة في بعض المناطق لفترة ليست بعيدة كبرزة مثلا وقال لي أحد الكبارية بأن القبضايات ظلو يغيرون بعض الأحرف تميزا عن غيرهم من العامة كما سمعنا من أبو صخر بمسلسل حمام الهنا يقول لغوار لا أنت لا تزي ) وبلعودة الى نقائد اللهجات وقد كنت في مجلس منهم فأرادوا أن يخجلوني كما هي عادتهم مع كل غريب فقلت لهم قبل كل شيئ أقرأوا لنا قوله تعالى : والشمس وضحاها ثم قل أعوذ برب الفلق فقرؤها من غير ان يغيروا شيئا من مخارجها فقلت لهم يظهر لي بأن كل أهل الشام متصنعون يحبون التخنث لانهم يغيرون مخارج الحروف عمدا تشبها بلاحداث فهب أن الغلمان أو البنات اذا قال أحدهم : ؤمت أبل السمس . ربما يستعذب منهم سماع تلك الالفاظ ولكن من يطيق ان يسمعها من أهل الذقون أو عجائز النساء ؟ فخرسوا عن الجواب وكأنهم ألقموا حجرا وأخذوا بالضحك وحولوا الحديث الى غير موضوع . ( الحرف ز من الدخيل على الأبجدية العثمانية القديمة يلفظ جيما مرققة وهذا ليس من العربية بشيئ )

[رندة]

شكراً أخ غسان لشرح المفردات مع انو بسمعن كتير وبستعمل معظمن بس لما قريتن ضحكت كتيير :)
وانا خلال جولة الفيسبوك لقيت معلومات لست مسؤولة عن صحتها اوردها كما هي

لكل حي في دمشق صفات خاصة به وأحياناً لهجة خاصة ..
- الشواغرة نزقين ولهجتهن فيها حرارة ويفخمون الرقيق من الكلمات فيقولون مثلاً قطعة صلاح بدلاً من سلاح والرصول بدلا من الرسول (صلى الله عليه وعلى آله وسلم).

- والميداني كان يقال عنه ان اصبعه تخينة دليل أنه وازن ويعطي لنفسه ثقلاً مبالغاً فيه.

- والصوالحة ينسبون إليهم الكلام الرخو مثل السمس بدل الشمس والزوزة بدل الجوزة.

- وفي المهاجرين كانت التركية غالبة على العربية لكثرة المهاجرين الأتراك فيها.

- والأرمني يخطئ بإنتظام شديد في المذكر والمؤنث فكل مذكر يخاطبه بالتأنيث وكل مؤنث يخاطبه بالتذكير .. ولا يخطئ بهذا الخطأ ولا مرة واحدة أبدا لأن لغتهم خالية من المذكر والمؤنث.

- ولهجة أهل القصاع وباب توما تختلف نوعاً ما عن سائر المدينة .. وهي نفسها مزيج من عدة لهجات.

- كما كان اليهود يمطون آخر الكلمات بحيث يختفي آخر حرف من الكلمة بالتالي .. فيقولون لكااااا بدل لكان وهذا يعود الى خبث اليهودي المعروف بحيث يمكنه التهرب من الكلمة أو التفكير فيها أثناء اطلاقها بأن يمطها
كل شي عن الشام (https://www.facebook.com/AllAboutDamascus)

[najm]

ما أكثر اللهجات في سوريا وكل لهجة أحلا من التانية ربي يديم المحبة بين كل أبناء الوطن

[economic opinion]

يو الواه الواه : تفيد الإستنكار والتقليل بأهمية شيء أو شخص في الأغلب
سلالي عافيتي: أي طقق قلبي من كتر النقاش والصد والرد
يحرق حريشك:بعتقد فيني قول "إشارة تعجب"
يوه: اشارة استفهام وإشارتين تعجب
تجيكي موجة: مسبَة :StickOutTongue

[najm]

يحرق حريشك:بعتقد فيني قول "إشارة تعجب"



هي أصلها مسبة
يحرق حريمك
أي الى جهنم

[غسان]

يبعتلك الهنا روان .........حلوين يسلمو

[economic opinion]

هي أصلها مسبة
يحرق حريمك
أي الى جهنم
:patch_comm::patch_galc:

[najm]

غيرو بدك ترجمة كمان

[غسان]

اضافات

باطلة ومحولة .......تقال عند الندم على فعل شيء

يعدمني ياك ...........شتيمة

تتحورء................مسبة

متلبس....... تقال لمن كان ينافق او يواري الحقيقة

مبروك ....تقال لمن يظن به مباركة من الله وتتبارك به الناس

مكولك .........ثرثار

[economic opinion]

تذكرت كمان وحدة :)
مد إيدو مدراية: أي فتح يده عن آخرها ليأخذ من شخص
وفي كمان
مسيح جوخ: يعني متملّق

[najm]

تتحورء................مسبة




شو معناها معلم ؟

[najm]

تذكرت كمان وحدة :)
مد إيدو مدراية: أي فتح يده عن آخرها ليأخذ من شخص
المدراية مرت معنا بالأمثال
العصى اللي بيساوو فيها الصمغ

[غسان]

شو معناها معلم ؟

تتحورء .....مشتقة من تنحرق

[najm]

بعدما احتل العثمانين بلادنا أربعة قرون شوهوا لغتنا العربية
وخلطوا الحابل بالنابل
وكان يخلطون بين الخ والج
وال ياء وال باء
حمار خمار
الخزينة خربانة ... الخزينة .............

[BROKER]

التعى قلبي اليوم من الحكي بين الشام وعمان ورد عالرسائل والافلام ....

[BROKER]

شرحولنا شو يعني ( بئا ) ؟؟؟

مثال في الجملة التالية :: ( ليش بئالة )

هلأ صح انا بقولها كتيير بس ما بعرف اصلها وفصلها لتقوم تطلع مسبة كمانة .... تقبشو قلبي

[غالب]

التعى قلبي اليوم من الحكي بين الشام وعمان ورد عالرسائل والافلام ....





اخي انا شايف عمان ما عبتوالمك رجاع لعنا احسن لنا خلينا نجمع حالنا ونساوي مكتب صرافة رسمي احسن شيء .

[beautiful life]

بعدما احتل العثمانين بلادنا أربعة قرون شوهوا لغتنا العربية
وخلطوا الحابل بالنابل
وكان يخلطون بين الخ والج
وال ياء وال باء
حمار خمار
الخزينة خربانة ... الخزينة .............

العثمانيين هنة السبب بتشويه اللغة العربية؟؟!!!
وأنا بعرف أنها خلافة إسلامية ما احتلال متلها متل الخلافه العباسية .. الأموية ... !!

[غسان]

شرحولنا شو يعني ( بئا ) ؟؟؟

مثال في الجملة التالية :: ( ليش بئالة )

هلأ صح انا بقولها كتيير بس ما بعرف اصلها وفصلها لتقوم تطلع مسبة كمانة .... تقبشو قلبي

لاء مو مسبة

بئا من بقى........بقي

متل القول مابئي شي لاجي


يعني لم يبق الا قليلا لاعود




بس بد نا بطل يعرف كلمة منوب من اي كلمة اشتقت

منوب يعني ابدا

[najm]

العثمانيين هنة السبب بتشويه اللغة العربية؟؟!!!
وأنا بعرف أنها خلافة إسلامية ما احتلال متلها متل الخلافه العباسية .. الأموية ... !!
صحيح هكذا اسموها قصدي الاتراك وبرأي نعم كان احتلال وعانت الشعوب العربية منهم الامريين .

[Tareq]

طيب ما حدت احسن من حدا. هي بعض العبارات الفلسطينة مع ترجمتها للشامية:

ولك غس بالك بها الكسم: وتعني بالشامي.... يقطع عمرك ما اغلظك.

عزا صباح الشوم. تستخدم للاستنكار التعجبي والتهكمي.

استكلونا وكانو كلال . بلهجة اهل قلقلية. تعني اسقلو عددنا وكان هم قليلين.

[غالب]

اقترح تغيير الاسم من تعلم الشامية بدون معلم الى

قاموس عربي - لهجات عربية

[غسان]

مع الموافقة

[najm]

كلمات عامية سورية من أصل تركي (بيقين):

كزلك (أي نظارات).

صوبيا (أي مدفأة).

شنتاية (حقيبة).

اركيلة (شيشة).

دوندرمة (المثلجات).

كركوز (مهرج) ولكن اعتقد ان لها معنى آخر في التركية غير المهرج.

كرخانة (بيت الدعارة).

خاشوقة (ملعقة) تستخدم في بعض مناطق حلب.

ورق سكمبيل (ورق اللعب) تستخدم في بعض مناطق حلب.

كلمات سورية مشكوك بأن تكون من اصل تركي:

زمك .. سحنوك (هزيل).

هردبشت ( شخص ثيابه رثة).

شاضومة (امرأة زعرة).

سك (حقيبة شبك).


كلمات عامية سورية من اصل فارسي:

خانم (سيدة).

همشري (أي رجل رث الثياب).

[najm]

بابا حسن: أتت من قاطع الطرق الشهير الشاطر حسن من الحشاشين، وكان يلقب بالبابا حسن، وأصبحت مسبة للإنسان الأزعر في الشام.

[غالب]

تاسومة = حذاء
بالعراقي قندرة = حذاء تستعمل كمان للمسبة حيث يقول له لك قندرة
جايخانة = اي المقهى = الذي يقدم فيه الشاي والقهوة والاركيلة وتلعب فيه الطاولة
بالمصري اكزخانة = صيدلية
بالحوراني قوم غاد = اذهب بعيدا
بلهجة جبل العرب يا قباري = تقبرني = تدفنني

[غالب]

الجطل = الشوكة = شوكة الطعام حصرا
البنزين خانة = محطة بيع الوقود من بانزين ومازوت

ستيرن = دركسيون = المقود
تاير = دولار السيارة
واير = شريط الكهرباء
خاشوكة = ملعقة او معلقة
اهل الموصل في العراق يلفظونها قاشوغة = ملعقة

[najm]

بلكي / بركي : من التركية الفارسية (بلكه) أداة توقع بمعنى ربما
بويا : بوياغ أي الطلاء
ششمة : صنبور الماء اطلقت على المرحاض
تنبل : الكسلان البليد
خوش بوش : كلمتان خوش اصلها فارسي وبوش تركي 1 حسن المعشر 2 خالي من الطمع
برطوشة : عتبة

[غالب]

بريك = فرام السيارة
كليج=دوبرياج
سبير = ستبنة = دولار احتياط في السيارة
دهن = زيت - يستعمل للقلي وزيت السيارة وكله دهن ويوجددهن حر يعني سمن عربي ودهن سيارات ودهن جامد سمنة نباتية ودهن سائل زيت عادي
ميز = طاولة
مزة = مقبلات
قوري = ابريق الشاي او يسمى شايدان
كتلي = ابريق الشاي ايضا او اي وعاء لغلي الماء يسمى كتلي بما فيه السخان الكهربائي للماء المغلي فقط
كيزر = سخان ماء الحمام = قازان
حاسبة = الة = الة حاسبة
بردة = برداية الحائط
بند=ماعون ورق = صحن ورق = طبق ورق
بنكة = مروحة وهناك بنكة سقفية وبنكة جدارية وبنكة عامودية وبنكة منضدية .يعني منضدية = مروحة طاولة
ساحبة = اسبيرتور =مفرغة هواء = شفاط
سنك = مجلى
دبة غاز = قنينة غاز
جليكان = بيدون الماء
فرع = حارة ( عراقي في سوريا ركب تكسي وقال له للمكان الفلاني وعند وصوله قال له طب بالفرع قصده العراقي بالحارة فقال له السوري دخيل عرضك اي فرع ما بدخل قله العراقي يا اخي طب بالفرع ولا تخاف .)
الحرام = البطانية
الزولية = سجادة . سجادة الارض وسجادة الصلاة

[najm]

شختورة
شنته
جزمة
ببور
كنبه
تخت
كريك

كلها اصل تركي وهناك مالا حصى أوليست العربية أجمل؟!

[yara991979]

وهاي أدوات إشارة خاصة بالحلبيّة خيووووووووو

كوهنه ... للمذكر القريب
كيهنه .. للمؤنث القريب
كوهاك .. للمذكر البعيد
كيهاك .. للمؤنث البعيد
كوهاكيي .. لجمع المذكر البعدين
كيهاكين .. لجمع المؤنث البعدين
كوهنن .. لجمع المذكر القريب
كيهنن .. لجمع المؤنث القريب


كو .. اختصار المذكر القريب
كي.. اختصار المؤنث القريب

[economic opinion]

والله صعبين المصطلحات الحلبية والعراقية كمان أستاذ غالب نصون ما عرفت اقرأهون

[غالب]

والله صعبين المصطلحات الحلبية والعراقية كمان أستاذ غالب نصون ما عرفت اقرأهون

انسة روان سالفظهم مباشرة عندما يتسنى لنا ان نلتقي يوما ما تكرم عيونك .

المشكلة المنتدى ما فيه رسالة صوتية كان ارفقنا اللفظ مع الكتابة

[yara991979]

والله صعبين المصطلحات الحلبية والعراقية كمان أستاذ غالب نصون ما عرفت اقرأهون

أستنوا لسا ماخلصت إشبكووووون، في كمان "إشبيييييييك"



شأساعه .. كم الساعة الأن
إشلك فصتون .. شو بدك فيون
ونانتي .. وجدتي



اي أنا إش بعرفني...

[economic opinion]

طبعاً في كمان عندكون سيري الغزل الشامي "الغزل المؤذي" أنا هيك بسميه :rolleyes2:
نذكر منه على سبيل المثال لا الحصر Big Grin
تقبرني- تكفّني - تطلع على قبري - تشكل آسي -.....
وفي عندكون كمان مصطلحات الإستحسان " كمان استحسان مؤذي" :rolleyes2:
وفعلاً أنا كتييير بدايقني لما يتوجهلي مثلاً أو حتى ينحكى لحدا قدامي "لأنو المفروض نقول "ما شاء الله الله أكبر " بدالو :coool: كمان على سبيل المثال لا الحصر:
تتقطعي على هالعيون - ولي عليكي على هالعيون - تتفرمي على هالعيون......:eek:
أنا بحس إنو بس حدا يستخدم هالمصطلحات ما بيكون قصدو يمدح الجمال عنجد وإنما بيكون الموضوع يمكن فيه شوية غيرة :eek:Frown11

[economic opinion]

أستنوا لسا ماخلصت إشبكووووون، في كمان "إشبيييييييك"



شأساعه .. كم الساعةالأن
إشلك فصتون .. شو بدك فيون
ونانتي .. وجدتي



اي أنا إشبعرفني...


يارا صار انتي كمان لازم تلفظيلي ياهون إذا شفتك يوم من الأيام :rolleyes2:Big Grin
إنتي من حلب :)

[غالب]

انسة يارا على راسي الحلبية ولهجتهم

انا مغرم باللهجات ولدي قدرة كبيرة لتعلم اللهجات

فانا اتكلم خمس لجات بشكل تقريبي

- اتقن الحورانية
- لهجة اهل جبل العرب
- لهجة حلب ( نصي الثاني حلبي )
-لهجة الشام ( هلء الشباب كلن بيعترضوا ) لانو ما بعرف احكي شامي .
- اللهجة العراقية اتقان بنسبة 95% ونادرا ما يعرفني عراقي انني لست عراقيا

[yara991979]

طبعاً في كمان عندكون سيري الغزل الشامي "الغزل المؤذي" أنا هيك بسميه :rolleyes2:
نذكر منه على سبيل المثال لا الحصر big grin
تقبرني- تكفّني - تطلع على قبري - تشكل آسي -.....
وفي عندكون كمان مصطلحات الإستحسان " كمان استحسان مؤذي" :rolleyes2:
وفعلاً أنا كتييير بدايقني لما يتوجهلي مثلاً أو حتى ينحكى لحدا قدامي "لأنو المفروض نقول "ما شاء الله الله أكبر " بدالو :coool: كمان على سبيل المثال لا الحصر:
تتقطعي على هالعيون - ولي عليكي على هالعيون - تتفرمي على هالعيون......:eek:
أنا بحس إنو بس حدا يستخدم هالمصطلحات ما بيكون قصدو يمدح الجمال عنجد وإنما بيكون الموضوع يمكن فيه شوية غيرة :eek:frown11

شو مشان
"إن شاء الله ما بحترمك"

غريبة هالدعوة ويجوز تفسيرها بوجهين مخالفين تماماً لبعضهما البعض

[economic opinion]

شو مشان
"إن شاء الله ما بحترمك"

غريبة هالدعوة ويجوز تفسيرها بوجهين مخالفين تماماً لبعضهما البعض


والله العظيم متل ماعم قلك عالأصلي لهلأ في بنات رفقاتي بيحكو بهي الطريقة "مع إنون جامعيات:rolleyes2:"
وبتعرفي إذا بتعدي بين عماتي 5 دقايق بتفرطي من الضحك على الطريقة يلي بيردحو فيها لبعض :StickOutTongue

[yara991979]

يارا صار انتي كمان لازم تلفظيلي ياهون إذا شفتك يوم من الأيام :rolleyes2:big grin
إنتي من حلب :)
تكرم عيونك روان، بس اللّفظ من الحلبية غييييييير
أنا من الشام بس كتير بحب روح عـ حلب

[غالب]

أستنوا لسا ماخلصت إشبكووووون، في كمان "إشبيييييييك"



شأساعه .. كم الساعةالأن
إشلك فصتون .. شو بدك فيون
ونانتي .. وجدتي



اي أنا إشبعرفني...



شأساعة = شأد الساعة =شقد الساعة =شكد الساعة = بيش الساعة= قديش الساعة كلها نفس المعنى

[economic opinion]

تكرم عيونك روان، بس اللّفظ من الحلبية غييييييير
أنا من الشام بس كتير بحب روح عـ حلب


خلص منعمللنا طلعة على حلب ;)
ذكرتيني بأخي شادي أبو الجود كان على أساس في أكلة زليبية بيناتنا بدو يعزمنا عليها الأستاذ غالب :rolleyes2:
إإإإإإيه وين غاطط يا شادي :rolleyes2: ياخوفي يكون طلع على حلب وأكل زليبية لحالو :eeek:Frown11:mad:
بالمناسبة أستاذ غالب شو صار بالزليبية :rolleyes2:Big Grin

[najm]

والله العظيم متل ماعم قلك عالأصلي لهلأ في بنات رفقاتي بيحكو بهي الطريقة "مع إنون جامعيات:rolleyes2:"
وبتعرفي إذا بتعدي بين عماتي 5 دقايق بتفرطي من الضحك على الطريقة يلي بيردحو فيها لبعض :stickouttongue

في ناس بيعتبروا المبالغة بالحكي العامي جهل أو تخلف أو بقولو حكيه بلدي شو رأيكم ؟

[yara991979]

انسة يارا على راسي الحلبية ولهجتهم

انا مغرم باللهجات ولدي قدرة كبيرة لتعلم اللهجات

فانا اتكلم خمس لهجات بشكل تقريبي

- اتقن الحورانية
- لهجة اهل جبل العرب
- لهجة حلب ( نصي الثاني حلبي )
-لهجة الشام ( هلء الشباب كلن بيعترضوا ) لانو ما بعرف احكي شامي .
- اللهجة العراقية اتقان بنسبة 95% ونادرا ما يعرفني عراقي انني لست عراقيا
أخي غالب
أنت من أهل السويداء "أهل الكرم": لهجة حوران وجبل العرب
زوجتك "أدامها الله لك" من حلب "والنّعم" : اللهجة الحلبية
مقيم ولديك محل ألبسة في جرمانا "ما شفنا شي" : لهجة الشوام
عملت سابقاً في العراق "منيح يلي رجعت سالم" : اللهجة العراقية
معرفة لهجات متعددة بتناغمها الجميل يدل على إنسان نشط وحرك وفاعل

[economic opinion]

أخي عمر عم نحكي عاللهجة الحلبية
شو تعليقك بما إنك من فسط حلب ;)
هاتلك كم مصطلح :)

[economic opinion]

في ناس بيعتبروا المبالغة بالحكي العامي جهل أو تخلف أو بقولو حكيه بلدي شو رأيكم ؟
أهلاً نجم استفأدنالك :)
أنا بصراحة بحسها بحكم العادة وما إلها علاقة بالعلم أو الجهل :rolleyes2::)

[economic opinion]

يلا عن إذنكون أنا لازم اطلع بشوفكون المسا :)

[yara991979]

خلص منعمللنا طلعة على حلب ;)
ذكرتيني بأخي شادي أبو الجود كان على أساس في أكلة زليبية بيناتنا بدو يعزمنا عليها الأستاذ غالب :rolleyes2:
إإإإإإيه وين غاطط يا شادي :rolleyes2: ياخوفي يكون طلع على حلب وأكل زليبية لحالو :eeek:frown11:mad:
بالمناسبة أستاذ غالب شو صار بالزليبية :rolleyes2:big grin
الله يفرّج الأمور ويهدّي الأحوال ومنطلع وين ما بدّك!!!
وينوووووووووووووون الأخ شادي أبو الجود والأخ غالب - مطلوووووووووبيييييين
والله الزليبية أكلة............ شط ريقي
ليش الصفيحة الحلبية (عنتبلية وحلبية) وليييييييييي

[غسان]

اخت يارا انا عدلت في مشاركتك طريقة كتابة

ان شاء الله

لان كتابتها بطريقة انشاء ....غير صحيحة وفيها تغيير بالمعنى

[غالب]

أخي غالب
أنت من أهل السويداء "أهل الكرم": لهجة حوران وجبل العرب
زوجتك "أدامها الله لك" من حلب "والنّعم" : اللهجة الحلبية
مقيم ولديك محل ألبسة في جرمانا "ما شفنا شي" : لهجة الشوام
عملت سابقاً في العراق "منيح يلي رجعت سالم" : اللهجة العراقية
معرفة لهجات متعددة بتناغمها الجميل يدل على إنسان نشط وحرك وفاعل



الاخت يارا كله صحيح والحمد لله
بقيت في العراق بشكل دائم 26 سنة متواصلة لم ازور سوريا خلالها وسافرت للعراق عمري 18 سنة .

المحل في دويلعة والسكن في جرمانا

[Tareq]

خلص منعمللنا طلعة على حلب ;)
ذكرتيني بأخي شادي أبو الجود كان على أساس في أكلة زليبية بيناتنا بدو يعزمنا عليها الأستاذ غالب :rolleyes2:
إإإإإإيه وين غاطط يا شادي :rolleyes2: ياخوفي يكون طلع على حلب وأكل زليبية لحالو :eeek:frown11:mad:
بالمناسبة أستاذ غالب شو صار بالزليبية :rolleyes2:big grin


له له يا اخت روان الله ليش ما اتزكرتي الزليبية من اكم يوم. قلتلكون يلي حابب شي من حلب يخبرني. اكلت منها لارتميت على ضهري

[Tareq]

الله يفرّج الأمور ويهدّي الأحوال ومنطلع وين ما بدّك!!!
وينوووووووووووووون الأخ شادي أبو الجود والأخ غالب - مطلوووووووووبيييييين
والله الزليبية أكلة............ شط ريقي
ليش الصفيحة الحلبية (عنتبلية وحلبية) وليييييييييي



أخت يارا يلى تفضلوا جبت معي صفيحة حلبية بس للاسف نسيت الزليبية

[najm]

يلا عن إذنكون أنا لازم اطلع بشوفكون المسا :)

رحتي بدون احم ولا دستور كنت مونستينا ومأنستينا يشوفك الهنى هي صرنا المسى / هاد حكي شامي :)

[economic opinion]

رحتي بدون احم ولا دستور كنت مونستينا ومأنستينا يشوفك الهنى هي صرنا المسى / هاد حكي شامي :)
تشتقلك العافية وما تفارقك أخي نجم :)
وهي أنا رجعت المسا ;)

[economic opinion]

أخت يارا يلى تفضلوا جبت معي صفيحة حلبية بس للاسف نسيت الزليبية
والله إنك كفو يا أخي ياطارق وما بتقصر
تسلم وصحتين وعافية على ألبك
الله يجبلك البسط والهنا على طول :)

[yara991979]

أخت يارا يلى تفضلوا جبت معي صفيحة حلبية بس للاسف نسيت الزليبية
شكراً أخي طارق وإن شاء الله صحّة وهنا......
خيووو بروك شوي (أجلس قليلاً)
إش ضألّك (شو بدي قلّك) نحنا ما دنعزبك (ما بدنا نعزبك) طاول طاول (أبداً) ولا نفتح عليك بواب قدّام الخلىء (العالم)
إش كنّي (يعني) جييي (جئت) ومعك مصراط (نقود) كتير مرزومة رزم بالـ لصطيكة (مطاطة) وبدّك تبعزقا يوب...

هلأ اذا مصّر تضّوقنا (تطعمنا) لحم بعجين (صفيحة)، بس تطلع من محل صهري غالب بالدويلعة بتنجقم (بتلف) عاليمين وبضلّك ريييح (رايح) سيوي سيوي (دغري) وعند تيني (ثاني) عوجة (مفرق) عاليسارفي محل أبو عبدووووو لبيع الترانشكوتات (معاطف) والدوينات (الكفوف) -بضاعتو كتييييير كويسة (جيّدة) بس أبو (علامة تدعو للتعجّب والتأكيد) شقدو (قديش) حرامي- وفوقو بالطابق التيني (الثاني) بتلاقينا أنا وروان بس بشرط بتبرك (تجلس) بتاكل معنا، مو تنهزم (تهرب) أخوي...

[najm]

من مذكرات فاطمة بنت محمد سعيد البديوي 1869 – 1958
نقلا عن كاتب المذكرات حفيدها الدكتور عدنان ابن القاضي محمد اق بيق
راح لي تلات ولاد !
وين ... أنا راح لي محمود وجيهان وزهرة
وطرح بعيون الشيطان خمسة
شو جيهان متل الياسمين ......
حلوه كنت اعملها ضفاير ,
وعملت لها بسفلهم جواريخ حمر . وتوئعد بكتبية الليوان ,
وتبئى أرطة وتؤول لروح عالعثة وأنكثها ..
عمرها تلات سنين طلعنا على الجديدة وسكنا باخر البلد ,
وفي بيت الحناوي بجنب هلي سكنا عندها ام احمد وهيي بيت الحناوي عينها صيابة
قامت نضرت الولدين وتكرفتوا هالاولاد ,
ونزلنا من الجديدة بين الولد والولد عشرين يوم
محمود متل الخاروف ,
وزهرررة ا نشا الله فالها معها ....اه , ا نشا الله بلاقيهم بالجنة .
جيهان كنت عم اغسل , وعاطيتها كم ملبسة وهي قاعدة ,
وما لقيتها الا لوت رأبتها وسلمتها , ولساها كامشة الملبسات بايدها .
ووقت توفت شفت حالي كأني بقصر وعليه روشن طلعت عليه جيهان
وشها مجلال ببرنجكة قصب ووشها عم يشعل شعل
ووقت كانوا جيهان ومحمود ضعفا قاعدة على حفة المربع
وما لقيت الا واحد فات بلفة بيضة
وقال لي : هلأ بتريدي هاد ولا هاد ؟ .. وأنا ما كنت أسخى بهاد ولا بهاد.
ياحصرتي علينا

لا زالت اللوعة من كلمات الام الثكلى على صحائفنا هذه بعد وفات اولادها بقرابة القرن ووفاتها هي ب 44 عاما
كانت وفاة جيهان بالحميرة
الكلام للكاتب أحمد أيبش


تعريف للكلمات بالاحمر لو سمحتو؟

[economic opinion]

نضرت: سفقتون عين (حطيت عينا عليهون)
حفة المربع: المربع يلي أنا بعرفو هو أحد الغرف يلي موجودة بالبيت العربي وهو هلأ على ما اعتقد بيحل محلو عنا غرفة القعدة، يعني قعدت بطرف الغرفة "حفة المربع"
بس الباقي ما عرفتون Frown11

[economic opinion]

متأخر بالسهرة اليوم أخي نجم :)
كيفك وكيف الولاد؟ ما بدك تورجينا صور البقية :)

[najm]

بس بد نا بطل يعرف كلمة منوب من اي كلمة اشتقت

منوب يعني ابدا

حيرتني هالكلمة الحلبية بكرروها كتير !

[economic opinion]

حيرتني هالكلمة الحلبية بكرروها كتير !
والشوام بيحكوها كتيييير :rolleyes2:
وفي ناس من أقربائي بيقولوها
بنوب

[najm]

والشوام بيحكوها كتيييير :rolleyes2:
وفي ناس من أقربائي بيقولوها
بنوب
لكن تشاطري وقوليلنا شو اصلها :maad:

[economic opinion]

لكن تشاطري وقوليلنا شو اصلها :maad:
Frown11akh1

[najm]

الانترنت صايرة منوب مو منيحة

[غسان]

حاولت كتير وفكرت كتير قبلكم ماطلع معي شي منوب بنوبBig Grin

[najm]

حاولت كتير وفكرت كتير قبلكم ماطلع معي شي منوب بنوبBig Grin

منوب :eeek: كنا متأملين فيك تفكنا الشيفرة تبعهاFrown11

[غسان]

اليوم صار عنا



مسطيجة: العصاية الطويلة


بلا معلمية عليك : يعني انا افهم منك بهالموضوع
خليك ع جنب : يعني لا تتدخل

عروسة : سندويشة
طشمة يعني اجدب
كربوج يعني أطؤط

داء النئرزان :؟؟؟؟؟

على قفا مين يشيل
كناية عن كثرة الشيء وشيوعه

مأنّف
يعني لا يعجبه العجب ولا الصيام برجب


قلبه عميقول حق بق (كما أن القاف تقرأ ء)
يعني أنه يريد أمراً بشدّة لكنه يضمره إضماراً ولا يظهره إظهاراً


ولي على كسرتو
تعبير يفيد التحسّر على شخص ما مع لومه على ما فعل

كِ ــــــنْ
بكسر الكاف وتسكين النون يعني اهدأ أحسنلك

كروج
يعني دربل، وبتعبير أفصح افرنقع من هنا، وادحال مثلها

فــز...على حيلك
كمان بكسر الفاء يعني قوم (أوقف وانت بتكلمني)

[مجرد إنسان]

جواريخ : ربطات حمر ، مطاطات :)
العثة وانكثها : السقيفة أو الخزانة .. انكثها : انكتها : اقلبها والعب فيها
نضرت : بمعنى حسدت الولدين
حفة المربع : المربع هي غرفة فوق السطح كانوا يضعون فيها ما يزيد من حاجيات وأثاث : متل السقيفة
برنجكة :
روشن :

[najm]

من وين جابولنا كلمة
أواعي !؟:)