المكالمة الهاتفية

[غسان]

انقطعت اخبار ابو الهول وابوسعد منذ فترة طويلة حتى اليوم.........

حيث استطاعت اجهزة التنصت اعتراض المكالمة الهاتفية التي جرت بينهما منذ قليل :

ابو سعد : لك كيفك ابو الهول ؟؟
...لك وينك يازلمة ؟؟؟
نعما شو ولد ؟؟؟
ليش ماعم تحاكيني ؟؟؟

ابو الهول : زلمة .....وولد ؟؟ :maad:
شلون زبطت معك ؟؟:eek:
يحرء حريشك ..طول عمرك سلبينا ؟؟؟Big Grin
ومع ذلك رح جاوبك ....ay1
بعد ماراح بيتي بالقص وسيارتي بالرص :maad::eek:
حملت عيلتي وحالي ونزلت عالشامmarsa واستأجرت غرفة عند ابو هشام:maad:

ابو سعد : له له له له ..!!!
طول عمرك منحوس ومنتوف ..؟
يخرب بيتو حظك.........!!!
وهلأ شو بدك تساوي ؟؟؟:confused2:

ابو الهول: ملوخية .....Big GrinBig Grin

شو بدي ساوووي يعني ...
بدي رشرش مي على باب البيت وبسط عوجا
واذا طولت شغلتي ببسط جانرك وبعدين صبارة ..وهيك شي ..!!!........ بياع مواسم يعني ...!!

ابو سعد : لك مو على اساس كنت محوش شغلة ...تلاتر بعميت الف ليرة لاخر عمرك شو صار فيون كمان راحوا بالقص ؟؟Big Grinay1

ابو الهول : لا والله ماراحوا بالقص
بس التقى لهم دوبارة تانية ؟؟؟
ابن اختي اخدوا جماعة زيارة لعندون ومارضيوا يرجعوا الا بسكرة وفهمك كفاية:mad:

ابو سعد : نعما شو هالنحس !!.... :eek:
عم اقول لحالي انتو الفقرا شلون بتروحو مصاريكون ؟؟؟ :eek:
وانا يلي كنت عم قول وين غاطط هالابو الهول ؟؟ ...
تاريك غاطط ببير مالو قرار ay1

ابو الهول : خليا لربك ......خليا بالقلب تجرح ولا تطلع لبرا وتفضح ..
انت شو اخبارك ؟؟؟

ابو سعد : ماشي حالي عم دفش ...:eek:
معلومك مطاعم الريف بلودان ومضايا .......ماعاد حدا يرضي يروح لعندون marsa
مشان هيك انعجئت.... وانجبرت كبر مطعمي
يلي بنص البلد بتعرفوا مو ؟
وحطيت اكتر من 100 مليون لاشتري البيت يلي جنبي وضمو لمطعمي
الله بيعوض ...بسيطة :coool::coool:

ابو الهول : ميت مليون ؟؟؟:eek::eek::eek:

ياحرام انت طلعت مصيبتك اكبر من مصيبتي بكتيييييييييييييييييير !!!!!!:maad::maad:
لاضحك بعبي لكن ......Big GrinBig Grin
بسيطة بسيطة الله يهونا عليك ...ay1ay1
(بقلبه الله ياخدك )

ابو سعد :: لك ابوالهول شو رأيك شغلك عندي ؟؟؟؟؟:confused2::confused2::confused2:...
بتغسل سيارت الزباين بيطلعك رزئة مرتبة .....:coool:
وببلاش ماباخد منك الا 5 الاف بالشهر
لانو الشغيل يلي عندي وخايمي ...
موعاجبني وعم يعطيني 6 الاف
بس عم يشتكوا منو الزباين وبدي ألعوا ..
شو رأيك نزلك محلوا ؟؟؟:confused2:

اذا موافق جيب معك 5 الاف واستلم الشغل بكرا .....وشو بتطالع حلال عليك؟
شوقلت ؟؟...


ابو الهول : تنعطى لطشة (بقلبو) ..:eek:
انا بدي اعطيك ولا انت بدك تعطيني؟؟؟ ...
شو مين بدو يشتغل عند التاني ؟؟؟

ابو سعد :لك طول عمري بدي ضل عم علم فيك ياغشيم ...؟؟
انت بدك تعطيني طبعا..لانو الرزئة حرزانة وكبيرة معلومك باخر الليل بيطلعوا الزباين مطفيين طفي ومابيفرقوا بين الخمسين والخمسمية ..؟؟
شبنا ابو الهول شايف مخك يلي راح بالقص كمان مو بس بيتك ..؟؟!!!
خلصني شو قلت ؟؟؟

ابو الهول :.........:mad:.........شو بدي قول ........؟؟

قلت الله يخلينا ياك ويكسر من امثالك ؟؟؟Big Grin

[arnouri]

شكرا لك
حوار يومي واقعي

[BROKER]

حلــــــــــــــــوة

[expert]

حوار حلو ومحبوك كويس
بس هال منشار انحريت منه والله اخخخخ المشكلة البلد معباية من هالنمرة

[Salam L]

ههههههه

كان بدها يعلق الخط على ارتين ... ويتسمع عليهن ويشارك بالحديث