حواريات حكيم مع أبو حكيم.......

[لقماان]

أبو حكيم :حكيم بابا مين كسر المكواية مبارح
حكيم :بابا هدول المسلحينات ...
أبو حكيم : بابا يعني كل شي بلاوي بتصير بهادنيا بدك تحطلي ياها برئبة المسلحينات
شو جاب المسلحينات على المكواية ....
حكيم : بابا لا تتفلفس عليني ما بتشوف قناة الدنيا ...كل شي مشي الحال معاك و المكواية ما عاد تمشيا .....
أبو حكيم : يا أم حكيم ما التلك ما تخلي حكيم يتفرج على الاخبار ......
حكيم : بابا انت عمرتوا شي...
أبو حكيم :ما فهمت عليك بابا كيف يعني
حكيم :هيهي علينا ...
مو انت بابا.....
أبو حكيم :اي
حكيم :اي بالتلفزيون عميؤولوا
بابا عمرو ....
حكيم : يعني انت عمرتوا ....
أبو حكيم :عمرت مين بابا ....

حكيم : ما بعرف هاداا السؤال يلي بدي اسألو .....
بابا لا تكون انت ما عمرتوا ....لا تكون انت دمرتوا ........
أبو حكيم : آآآآهللأ فهمت عليك
هي منطقة بحمص يا حبيبي يا حكيم
كان اسما بابا عمرو
و هالاسم الو أصة أديمة ....
الأصة:
انو كان في ولد صغير من أبناء المغول
حكيم : شو هاد مغول بابا
أبو حكيم :حبيبي خليني كممل حكي ما ضروري انت تفهم .....
حكيم : لكان بداك مين يفهم عليك
أبو حكيم :ابني المغول هدول عالم كانوا ما منيحين بيدمروا كل شي
في واحد منون ابنوا كتير بيحب يحكي كتير و ينسب كل شي لأبو ..كتير معجب بأبو ....
المهم ..........
فسألو رفآتوا على بيت حلوا معمر بالبساتين غربي حمص
لمين هادا البيت
آم رد الولد و آللون
هادا البيت لألنا هادا بابا عمرو
يعني كان آصد انو أبو هو يلي عمر البيت
حكيم : بابا ما انت عمتؤول انو المغول هدول عالم مو منيحة و بتدمر كل شي معمر ....
معمر يعني مبني ما معمر تبع من أنتم ....والله هداك لازم يكون اسموا مدمر ...
المهم
شلون هيك عمرو..لهالبيت
أبو حكيم : و الله هالحكيم مو سهل بنوب
حكيم : بابا انت من العصابات الارهابية شي
أبو حكيم :لاه يا بابا هي آخرتا معاك
حكيم : بلشنا شو آخرتا ما آخرتا كل عمري تلت سنين و نص ...هاد الحكي بتحكي بعد ما تكبرني و تدرسني و تجوزني كمان ....آل آخرتا آل ...
أبو حكيم :لا يكون الولد عشآن من هللأ عميرتب للجازة ...ما شاء جيل آخر زمان...
طيب ابني لي عمتسأل انو أنا من العصابات الارهابية .....
حكيم :لأني شفت بالأخبار السورية انو المنطقة يلي سميتلي ياها بابا عمرو
دمرا الارهابيين...
و حسب نظريتك و أصتك تبعيت المغول ...
لازم يكون اسم الشارع بابا دمروا ....
لأنو هيك صار كلو دمار ....
و انت بابا .....
و الارهابيين دمروا .....
اذا انت دمرتوا يا بابا ....
هيك يا بابا هيك
اذا المغول يلي هنن مغول و على أولتك واحد منون عمروا
بتجي هيك انت بتدمروا ....
و لاء و لسا ما عجبك انو المسلحينات هنن يلي كسروا المكواية كمان ...........
ولاء ساويتني عمفبرك على كيفي .....
أبو حكيم : بالفعل يا بابا .....
يلي أبلنا آلوا انوا بابا عمروا ...لأنوا واحد منون عمرو
و راح يطلع عنا واحد و يؤول ..بابا دمروا أو بابا هدموا.....
.......روح نام بابا حكيم تاري ما خرج الواحد ياخد و يعطي معاك ...
حكيم :آل روح نام آل.....
اي انت مانك عرفان الخمسة من الطمسة و جاية انت تتفلفس علي ....
شفت شلون أقنعتك .......
أبو حكيم : بابا عمرو ...بابا دمرو
كلوا فداء الوطن بابا ........
حكيم : ماما كام مرة التلك ما تخلي البابا يتفرج على قناة الدنيا ....
بس انزنق ما عاد يعرف شو بدويحكي بيؤول متل حكايتون
كلو فداء للوطن .......كلوا فداء للوطن ...

[مجرد إنسان]

تسمية بابا عمرو ..
سميت بهذا الاسم نسبة الى الصحابي عمرو بن معد يكرب رضي الله عنه وهو من ابطال العرب في الجاهلية ومن ابطال الاسلام في عصر الاسلام ، كان يقاتل قتال الشجعان الابطال ..
كاد أن يقتل أكثر من مرة؛ إذ أصابته فجأة نشابة فأمسكها في ثنية قوسه، فحمل على من رماه بها فطعنه ودق صلبه، ونزل إليه فأخذ سلبه6.
ويروى أنه حمل في هذا اليوم وحده، وجعل يضرب الفرس حتى لحق به المسلمون، وقد أحدق به الأعداء وهو يضرب فيهم بسيفه، فنحوهم عنه7. كما يذكر أنه كانت له طريقة بارعة وعجيبة في قتال الفرس؛ إذ يقاتل فارسًا ثم يقتحم عن فرسه فيربط مقوده في حقوه، فيقاتل آخر، وهكذا كان يفعل بالعدو الأفاعيل1. وأنه شد في نفر من المسلمين يضربون خراطيم الفيلة حتى بلغوا رستم فضرب فيله فجذم عرقوبيه فسقط، وسقط رستم، وحمل على فرس

[فراس السكري]

مشكور ابو سفيان فبكلامك عن الصحابي الجليل لفتت الانتباه عليه وانا متاكد ان الاكثرية سيبحثون عنه وماذا فعل ولهذاساكتب قصيتده في الصالون
وشكر لك اخ لقمان فرج الله على الجميع واحل كربتنا

[مجرد إنسان]

مشكور أخي فراس ، وان اردتم بعضا من شعره فنضع ما تحبون ، وحتى قصته مع ابيه في قبيلته
- وينو حكيم الله يحميه يشوفنا اليوم يا ابو حكيم ، والركض شغال ، واخوك رغم وزنه : كانت رجليه عم تسبقو ^_^
عملنا درس رياضة عجيب ، الله العليم شو كان رح يحكي
نسأل الله تعالى أن يحفظ جميع السوريين ويرحم من استشهد منهم

[لقماان]

خلينا نؤول ....انو كتبت فانتازيا تاريخية ....
أي ليست من باب التوثيق ..........
يعني تركت العنان لخيالي في شرح
اسم بابا دمروا أو بابا عمرو الحقيقي.......
صحيح ...شو السبب انو الواحد بيحب يكتب بطريقة فانتازية
في الغالب .......................

[سندباد]

خلينا نؤول ....انو كتبت فانتازيا تاريخية ....
أي ليست من باب التوثيق ..........
يعني تركت العنان لخيالي في شرح
اسم بابا دمروا أو بابا عمرو الحقيقي.......
صحيح ...شو السبب انو الواحد بيحب يكتب بطريقة فانتازية
في الغالب .......................


سبب لانك انت مو اي واحد انت فنان وابن اصول ((على الاقل حسب مشاهدتي لكتابتاتك حتى لا اتالى على الله)) ....الله يحميك انت و عيلتك و كل شريف بهي البلد امين يارب العالمين

[لقماان]

سبب لانك انت مو اي واحد انت فنان وابن اصول ((على الاقل حسب مشاهدتي لكتابتاتك حتى لا اتالى على الله)) ....الله يحميك انت و عيلتك و كل شريف بهي البلد امين يارب العالمين


الله يبارك فيك أخي سندباد .....
انت ابن الأصول....
لأنو ابن الأصل بيشوف
كل العالم ولاد أصل........
صحيح أخي سندباد انت أبو شو بينادولك ..
يعني ابنك بكرة شو بدو يعيطلك
بابا .......؟؟؟؟؟؟

[سندباد]

الله يبارك فيك أخي سندباد .....
انت ابن الأصول....
لأنو ابن الأصل بيشوف
كل العالم ولاد أصل........
صحيح أخي سندباد انت أبو شو بينادولك ..
يعني ابنك بكرة شو بدو يعيطلك
بابا .......؟؟؟؟؟؟


تسلم يا غالي .... لا مو كل العالم بشوفها ولاد اصل .....;)

هههههه سؤال ذكي :eek:

ممممم في كتير اسماء بحبها عم دور بمخيلتي بس للاسف لما بنادولي بنادولي باسمي او تدليع اسمي Big Grin

طيب اختار من هي الاسماء شي اسم بناسبني و ناديلي فيه

((عبد الرحمن- محمد- ابراهيم -عمر- ((ماريا)) او نهى اذا كان اول ولد بنت ))

[غالب]

اهلين ابو ماريا
اهلين ابو ابراهيم

[لقماان]

................حوارية الحرية ........
حكيم : بابا شو هي الحرية وهللأ الحرية شغلة منيحة يعني ....
أبو حكيم : طبعا حكيمو الحرية أغلى شي بهالدنيا .....
حكيم :بابا يعني الحرية أغلى من ماما عطول بسمعك بتؤول لماما انت أغلى شي بهالدنيا .....
أبو حكيم : حكيمو شو سمعتني عمأحكي أنا و الماما كمان ....حكيمو انت بس سمعت هي و لا سمعت شي تاني؟؟؟؟؟؟
حكيم : لاه يا بابا ..لي هيك خفت و فزعت ليك عيونكشلون فنجرت ....لا تكون عمتحكي بالسياسة يا باباب..دير بالك ها ...أنا رضعت مع الحليب الوطنية و رضعت انو السياسة ضد الوطنية ......و يلي بيحكي بالسياسة خاين لطلائع البعث و الصفقة الطلائعية ........
أبو حكيم : الحمد لله رب العالمين الولد لساتو صغير و ما سمع شي ما لازم يسمعوا ....
حكيم : بابا ما بس ما سمعت و ما شفت كمان ...............
أبو حكيم يدمدم هامسا : الحرية أغلى من الماما ...لي ضل في عندي حرية من وأت ما شرفت الماما .....و الله يا حكيمو فوتتني بستمية حيط .....
حكيم : اي منيح تاركلك حيطان تفوت فيا و انت عمتحكي عن الحرية ...غيرك حكا عن الحرية لا ضل حيط عندون و لا سقف ...........
حكيم متابعا :بابا ركز معي انت بتحب الحرية أبو حكيم :طبعا يا حكيمو هي الحرية هي عبر التاريخ الناس بتتغنى فيا ....
حكيم : و لحد هللأ ما خلصوا تغني فيا ...معناتوا لهللأ ما أخدوا للحرية ....... سألني ليش بابا
أبو حكيم :لي حكيمو
حكيم : هللأ أنا وأت بؤللك بابا جبلي بسكليتة و بتؤوم انت بتجيب البسكليتة وأتا ببطل أؤل جبلي بسكليتة بصير أؤول بابا جيبلي سيارة ....يعني ببطل اتغنى فيا ......
أبو حكيم :و الله انت فهمان يا حكيمو المهم ...شلون ما بدي حب الحرية و أنا الي أربعين سنة و بؤول أمة عربية واحدة وذات رسالة خالدة و أهدافنا وحدة و حرية و اشتراكية مع اني أنا كردي ......
حكيم :بابا شو هي أهدافنا شايفك عمتؤول أسماء أندية الدوري السوري ...طيب وين الكرامة ..مو الكرامة كمان فريق سوري حمصي و بالدوري مو لازم يكون ضمن أهدافنا ......و لا حمص مو من ضمن أهدافنا ....عفوا ...الكرامة مو من ضمن أهدافنا .....
أبو حكيم : حكيمو لي عمتحكي كلمة من الشرق و كلمة من الغرب ركز معي باباو من وين جايبلي هي كلمة عفوا بتحكي فيا متل ما بدك بعدين آل بتؤول عفوا ..........
حكيم : باب راح ركز معاك بشكل كتير كبير .....بابا انت بدك حرية .......بابا انت بدك حرية ......
أبو حكيم و هو عمتيفرج على الشباك انو مسكر و ما حدن سمعانوا .......آل .....بأعلى صوتوا ....اي بدي حرية .....متل فيلم بريف هارد فريدووووووم.......
حكيم : يرفس والده دون أن يرف له جفن ...............
نعم يرفس والده بدون أن يرف له جفن ...................
و يقول هي مشان الحرية .....
أبو حكيم متألما ..لاه يا حكيموا ...لاه يا ابني لي عمترفسني ....لك آه ...لاه يا حكيمو ......أنا أبوك و هيك عمتعمل فيي....لاه يا حكيم ..تخنتا بآآ
حكيم :مو انت بدك حرية ...و مو للحرية الحمراء باب بكل يد مضرجة يدق .....و مو انت بداك الحرية .....هيك شفتون بالتلفزيون الاخوة عمتعطي لبعضون الحرية ......و هي شوية حرية كمانة يا بابا باعتبارك بتحبا .....يعني لازم يكون عيارك أكتر من عيار الاخوة بالحرية ....
أبو حكيم و هو متألم ......بس يا بابا ...ما عاد بدي حرية ....
حكيم : ايوا .....يعني صار بدك كرامة .....لأني أنا كتير بحب فريق الكرامة لأنو بيشوط الطابة بالحمصي و بيحطا بالكووووووول.....................لازم الكل يكون بدو الكرامة ..........................
لأنو وأت الكل بيحب الكرامة بيصير فينو يجيب الحرية ...يعني يجيب نادي الحرية الحلبي مشان يلعب مع الكرامة الحمصي .....يا سلام يا بابا ما أحلى هاللعبة........ الحرية عمتلعب مع الكرامة ......؟؟؟؟؟؟؟؟؟؟؟؟؟؟؟؟؟؟؟؟؟
أبو حكيم : حكيموا اذا بدك تضل تحاورني بهالطريقة شايفلك راح يجي فريق الجيش و فريق الشرطة من الشام مشان يلعبوا مع فريق الكرامة تبعك ....................
ايه.... شو بدا تكون لعبة يابابا.......

[ام محي الدين]

اه يا اخي ابو حكيم اه
ياريت تخبر حكيم عن فريق الوحدة الدمشقي
بركي بيلعبلوا شي مباراة كمان
( بالفعل ببلدي في اسماء كتير حلوة ومعبرة
بس في مسافة كبيرة بينها وبين تطبيقها )
الله كريم وكبير
انت اخي كيفك وشو اخبارك وكيف الاهل ؟

[غسان]

مبدع كعادتك دائما ابو حكيم الورد

وكلمات نابعة من اعماق القلب لتصل للقلب مباشرة

[لقماان]

خالوو لقمان تحية كبيرة الك ولصغيرك ..احكيله بسلم عليك خالوو لؤي وبقولك زمان التكلم بالرمزية كان النا ولابائنا .. اما جيلكم فصار لازم نسمعله بكل وضوح وبدون مواربه
خالو لؤي بيسلم عليك حكيم و بيؤلك يرحم أمواتك..(هو ما بيغرف شو معنى هالكلمة بس بيردد شو بيسمعني بحكي من الحكي يلي بتعجبوا نغمتوا بس .....)
متل ما ألت صار لازم تسمعولوابكل وضوح و بدون مواربة ...لأنو هو عميحكي هيك بس آل انو جيلكون هو طول عمروا بسمع يلي بدوا يا و بيطنش غن يلي بدو يا ...
يعني هاد كان ردوا لحكيم ....

[العربي]

حلوة أبو حكيم مبدع كعادتك

[لقماان]

حلوة أبو حكيم مبدع كعادتك

مبدع كعادتك دائما ابو حكيم الورد

وكلمات نابعة من اعماق القلب لتصل للقلب مباشرة
شكرا لكم اخوتي أبو يزن و الأخ فاروق
و ان جاز أن انعت بالحكيم أو المبدع
فأتمنى من الله سبحانه و تعالى أن أجد طريقا
لاستثمار ما قلتم عني
في مساعدة نفسي (أولا بكل صراحة )
و مقدرتي على مساعدة الآخرين.......

[لقماان]

.............التغريبة الحمصية ...............

حكيم الدين ..بابا...هللأ
حلم العودة ...مو قصيدة فلسطينية ...
أبو حكيم : اي بابا فلسطينية
حكيم الدين: طيب بابا..
ايمتا بدنا نرجع على بيتنا عند سيدي خالد؟؟؟
أبو حكيم : ما راح نرجع يا عيون بابا....
حكيم الدين : ليش هيك استسلمت يا بابا
أبو حكيم : ابني شو شايفني شايل روسية و لا رشاش دوشكا و لا عندي صواريخ حتى عمتؤلي استسلمت......أنا استسلمت لرب العالمين...
حكيم الدين : بابا لي ما استسلمت من الأول لرب العالمين ....
لي ضليتك تنطر لحد ما روحت بيتنا و سيارتنا و ألعابنا و أسهمنا بالبورصة أنا و عطاء
مو هدول أرزاقنا طبعا من بعد عمر طويل يا بابا
مو نحنا ورثتك الوحيدين على حد علمنا ....
ليش يا بابا تأخرت لتستسلم لرب العالمين ......
لي ما استسلمت أبل ......ضروري كل مرة نبهك على أخطائك ...اي يلعن شيطانك رفعتلي ضغطي
هات شي خمسين ليرة لأشتري هي شوكلاطة فوء اللسان ..مشان ينزل ضغطي شوي .....
أوبهات آخر زمن....اي استسلم و كل شي عندك
شو كان صرلك ........شبو الاستسلام
أؤوم عطاء ...أؤوم خيو نشتري شوكلاطة ...
آل لسا البابا ما عاجبوا حكينا و عطول بيعمل حالوا حكيم على راسنا ......
من الأول كون حكيم و خاف الله بحئ و حئيئ
و استسلم لرب العالمين.....
بس بتتشاطر عليني و تسميني حكيم....
أبو حكيم :
اي والله يا ابني يا حكيم ....اي والله
رأس الحكمة مخافة الله ...و مخافة الله توجب الاستسلام الكامل لله....والله عمتحكوا درر يا ولاد
حكيم الدين و عطاء الله : لكان بابا شو مفكر ..نحنا عطول بنحكي درر..بس أدنك ما بتسمعك غير الضرر
حكيم الدين : بابا ...بتعرف حلم العودة شو
حلم العودة هي قصيدة حمصية.........
مو قصيدة فلسطينية ...
مانك عمتحلم انت و جيرانا انو ترجعوا ....
اي خليكون عمتحلموا ...................

[لقماان]

من روائع أدب الأزمة
قصيدة للشاعر الكبير لقمان


عندما .....عندما ؟؟؟؟؟؟
عندما يرتشف الصبح فنجان القهوة ...
قهوة ثقافية بدون سكر ...يعني قهوة مرة......
و أناجي و أقول :
يا حبيبتي ................يا أميرة ...يا جرة ......
أرجوك اشتعلي .......و لو لآخر مرة .......
اما تشعرين بشعور السيجارة .....
انها تحترق لأجلنا في باب الحارة ........
و السيجارة بدون قهوة ......
كالبيت المخملي ....؟؟؟؟؟؟كالبيت الخملي ؟؟؟؟
كالبيت المخملي بدون هرة ........!!!!!!!
خطرت على بالي فكرة ؟؟؟!!!!!!!!
بربكم ألست شاعرا مبدعا بالفطرة .................
هل فهمتم على قصيدتي الحديثة ......
أم كالحمام الذي ضاعت به الطويسة......

-----------------------------
دراسة تفصيلية لقصيدة الشاعر الكبير لقمان:
بقلم الناقد الأدبي أبو حكيم على سنو رمح......
سأدخل لكم في المعنى المباشر لهذه التحفة الانسانية الوجدانية الشاعرية الكبيرة مباشرة بدون أن أقطع عليكم متعة القيدة بالاطالة:
عندما يرتشف الصبح فنجان القهوة : الله أعلم بمراد الشاعر منها لعبقرية شعرية عنده قل نظيرها عند المتشعورين الجدد......
جرة : جرة الغاز و هنا مشاركة وجدانية للشاعر مع هموم الانسان السوري.....
أما تشعرين بشعور السيجارة : وجدانية الشاعر و عذاب ضميرة لأنه يدخن و نصيحة الى الأجيال القادمة بأن تمتنع عن التدخين ...و فاقد الشيئ ....هنا و بعبقرية الشاعر فاقد الشيئ يعطيه
البيت المخملي : حنين الشاعر الى بيته الأصلي .....على شاكلة :أمن منزل قفر تعفت رسومه
بدون هرة : الرجوع الى فترة الطفولة و الولع بتربية الأطاط و اشارة الى جمالية و براءة الطفولة
خطرت ببالي فكرة : سؤال للفخر...فالشاعر يثبت هنا أنه انسان متل غيرو بتجيه نوبة العنطزةأحيانا
ألست شاعرا مبدعا بالفطرة : ....... هذا هو السؤال الأبدي مثل سؤال شكسبير ....
الطويسة : تصغير الطاسة و هي كناية عن الحمام الذي صاعت طاسته..
و هي دلالة على تمسك الشاعر و فخره الكبير بتراث أمته
-------------------------------------------
رد الشاعر لقمان على الدراسة في كواليسه :
تحرم عليكي السمنة يا نمورة ....
هاد حكيم كان عميتعلم القراءة و الكتابة
و منشان شجعوا التلوا بابا انا راح احكي و انت كتوب وراي....
فكل عشرة كلمات أؤولون....
يكتب حكيم شي كلمة منون ...و على كيفو بأسلوبوا الطفولي ......
و بالصدفة وصلت الورقة للاعلام و هيك صار ......
بس شو بدنا نعمل : مرة خلدها التاريخ و صارت تراث انساني......
يعني ما عادت صارت ملكي......

[لقماان]

با عتبار عطاء الله و حكيم الدين التنين ولادي
الله يبارك فيون و يبارك بيلي عنكون و يطعمكون...
باعتبارون التنين ولادي
و مشان ما يصرعني عطاء بس يكبر و يتهمني بالتفريق و التمييز
بينو و بين أخوه ...
قررت أكتب أحد الحوارات يلي دارت بيني و بين عطاء ...
هللأ هو حوار ما حلو بحئي ...بس حفاظا على المصداقية و الأمانة التاريخية
راح اكتبوا هون على مضض:
-------------------------------------------
------------------------------------------
عنوان الحوارية
عطاء الله ...يغار من حكيم الدين ....
======
أبو حكيم مخاطبا عطاء : بابا شو اسمك ....
عطاء ببراءة :اسمي عطاء الدين .....
أبو حكيم و هو عميبتسم :
لاء بابا ...اسمك عطاء الله ...أخوك اسمو حكيم الدين
عطاء و هو في حالة تقطيب للجبين :
لاااااء
أنا عطاء الدين ....و هو حكيم الله .....
أبو حكيم على أساس عميربي ولادو تربية حديثة:
لاء بابا ......انت اسمك حلو ...
وانت اسمك عطااااء الله...و أخوك ,,,حكيم الدييين ....
عطاء و كأنو آخد حبة هلوسة :
لاااااء
أنا عطاء الدين يا أيوان .......
و انفجر عطاء باكيا ....
سألت امه ...شو معنى كلمة أيوان ...
حتى آلا عطاء ,,,و هو صارع الدنيا ببكيتوا و صراخو ...
ردت أم حكيم ...
عطاء ما بيطلع معو حرف الحي...
أبو حكيم و كأنو انصب على راسو طاسة مي باردة بكانون 2:
حرف الحي ..ما بيطلع مع عطاء ....
حرف الحيي .......و أيوان ...
أيوان اذا حطينا بدال الهمزة .. حرف الحي
اي ايه .....والله بتطلع كلمة مو حلوة بنوب بحقي ....
هيك صار موقفي ضعيف كتير و راح تنهز صورتي؟؟؟!!!
ادام اتباعي ...
عملت حالي و لا كأنو سمعت شي ...هيك متل واحد مخدر حالو
حطيت راسي مشان نام و الدخنة عمتطلع من آداني...
و أنا نايم صرت كوبس ...
و طلعلي الشيطان و العياذ بالله منو بالمنام ...
و هو عميضحك ...آللي يا غشيييم ....
شلون عطاء ما عميطلع معو حرف الحي ب أيوان ...
و هو عميؤلك ....على أخوه هداك ..حكيم الله.....
صحااا على حالك يا أيوان .....
فئت منتفضا و ألت أعوذ بالله من الشيطان الرجيم
و من همزاتهم و ما يحضرون .....
و الدخنة عمتطلع من آذاني كمانة ...
و عملت حالي كأني ما شفت شي بالمنام ....