ماذا فعلت بـ الخمسين الف ليرة التي ادخترها؟ [الأرشيف]

مشاهدة النسخة كاملة : ماذا فعلت بـ الخمسين الف ليرة التي ادخترها؟

expert

21-03-2012, 06:03 PM

ماذا فعلت بـ الخمسين الف ليرة التي ادخترها؟
قبل ان اتحدث :للتوضيح انا معيل لاسرة.
قبل ان يرتفع سعر الدولار من السبعينات الى التسعينات (يعني من حوالي الاسبوعين) كنت ناوي اشتري دولار للحفاظ على قيمتهم
لكن و بعد الارتفاع الشديد و المفاجئ غيرت خطتي
قررت ان اشتري :
-مواد تموينية للاستهلاك تكفيني بضع اشهر
على ان لا تكون بحاجة الى ثلاجة(لانو الكهرباء تنقطع)وقد تتفاقم الانقطاعات؟
شوية رز وسكر -برغل -وشاي وسمنة و زيت قلي و زيت زيتون و معجون طماطم و معكرونة و مربيات
ومواد تنظيف
- ادوية تستهلك بشكل متكرر
سيتامول -حب التهاب-خافضات حرارة-مسكنات الم- ادوية اطفال
بحيث انو اخد من كل مادة كمية انا قادر على استهلاكها خلال ست اشهر الى سنة على اقصى حد
-شوية مازوت يللي استطعت تامينها -حوالي 80 لتر من السوق السوداء طبعا و بسعر فوق الثلاثين ليرة لانوي متاكد انو مارح يتوفر باقل من هاد السعر السنة القادمة حتى
وبعد مارجع سعرالدولار شوي اشتريت بالباقي ريالات سعودية خوفا من تزوير الدولار لاني مالي شاطر فيهم ولانو سعر الريال ثابت على الدولار وممكن استخدمهم السنة القادمة لو حدا من العائلة راح عمرة
او في حال انهيار للعملة المحلية-لا سمح الله.

HoMeLeSs

21-03-2012, 07:12 PM

expert

21-03-2012, 11:12 PM

موضوع رائع يعبر عن فكرة اساسها جوهري بالمقارنة مع الوضع الحالي ...

بالنسبة لي من اول شهر من الازمة صرفت ما ادخرت و تعبت لأجله الى الدولار فورا ...

عرفان الامور بدها توصل لهون بس مو لهي الدرجة من التطرف و السوء

المشكلة عندي انا كمان بعرف بس المصاري ما كانت معي ولما حصلتها
كان الفاس وقع بالراس
ملاحظة نسيت اقلكم انو اشتريت معلبات كتير
ويلي رح يقول كنو انت جوعان
بقله انا حلبيBig Grin

فراس السكري

21-03-2012, 11:15 PM

انت اخي الرابح في هذه العملية حيث من اشترى بالخمسين الف مواد غذائية ربح اضعافا عن من حوله دولار ساضرب مثال 50000 كان يشتري زيت قلي خمسين تنكة الان اصبحت حقهم 125000
ام من حول الى دولار عندما كان في 60 فقد حولهم834 وثمنهم الان 65866 اي ربح 15000 بينما في المواد الغذائية ربح 75000 وهذه النصيحة التي نصحت الاكثرية اذا كان المبلغ ليس كبير فليحوله للمواد غذائية افضل من الدولار فتمتع اخي بالمونة التي عندك لان الاسعار اصبحت لاتطاق

$ABOUD

22-03-2012, 10:49 AM

لاحول ولاقوة الا بالله
كلو بيرجع بأذن الله بس نخلص من بلاوينا ... للأسف كان الفقر مشرش مع الفساد مع انو بلدنا وخاصة بالشام بتبيع شوية اوكسجين وبتطلع مصاري - الله اكبر.

iass

22-03-2012, 03:43 PM

كتير الفكرة حلوة. أنا كان معي شوية مصاري متدينهن بانتظار أقبض من شغلي بعد فترة.( وما كانت تخلص هالفترة)، اشتريت انفرتر وبطارية سيارة. كلفوني 26 ألف ليرة. هلق الباقي راح مصروف للبيت :-)
بس فكرة الريالات السعودية كتير مهمة. يعني يلي بيشتري ريال كأنو بيشتري دولار. حتى لو راح على أوروبا بيقدر يصرفو بسهولة. كل الصرافين بيصرفو ريال سعودي.
شغلة تانية أخي فراس السكري. هلق أنا من بداية الأحداث مونت. والمشكلة وقت بتمون بتمون بعبوات كبيرة. يعني الرز. مونت كيسين خمسة كيلو. السمنة علبة خمسة كيلو. الزيت تنكة. هادا كلو. أول الشي في مشكلة تخزين لأنو يبدو أنو الأوضاع رح تضل مستمرة لفترة طولة نسبيا. لهيك مثلا. فتحت المونة. وبالتالي عم أرجع أشتري من السوق. لأنو المونة رح تخلص مدتها. في كمان شغلة نسيت قولها. إذا رح تستمر الأوضاع لسة كمان سنة. لازم نفكر نركب فلتر مي.
عندي مشكلة بالشاي. الشاي يلي بحبو انفقد بالسوق. بحب أحمد تي الأحمر.

iass

22-03-2012, 03:45 PM

يمكن هاد النقاش مهم أنو نحكي كيف لازم نمون. وشو المواد يلي لازم نمونها. ونوع العبوات. يعني أنا مثلا ضد المعلبات بكافة أنواعها. مع أنو المعلبات مثلا أغلى ب20 % من المجمدات.

expert

22-03-2012, 06:24 PM

يمكن هاد النقاش مهم أنو نحكي كيف لازم نمون. وشو المواد يلي لازم نمونها. ونوع العبوات. يعني أنا مثلا ضد المعلبات بكافة أنواعها. مع أنو المعلبات مثلا أغلى ب20 % من المجمدات.
اخي المجمدات بحاجة لبراد و البراد بده كهرباؤ و الكهرباء بدها نفط و النفط على الطريق و الطريق مقطوع قطعوه.................................Big Grin عفوا انقطعن النت عنديBig Grin

iass

22-03-2012, 06:54 PM

mak

22-03-2012, 07:28 PM

شكرا على المشاركة المفيدة, أنا عملت تقريبا نفس الشي بس حبيت اذكر بعض الأغراض يللي بظن انتا ضرورية كمان.....يمكن تأخر الوقت و غليت هلأ بس بظن انو الوضع لسا رح يصير أسوأ و يمكن مو بس تغلى يمكن تنفقد (طبعا انشالله كون غلطان بس الإحتياط أحسن)

دواء مغص للأطفال - خافض حرارة للأطفال -حفوضات - محارم للبيت و الحمام و المطبخ- دواء لمرضى السكري لمدة عام- طبعا بالإضافة لما ذكره الأخ من رز وسكر وبرغل ومعلبات و منظفات

angel

22-03-2012, 07:47 PM

انا كمان مونت شويت رز وشويت زيت قلي لان صار اغلى من الزيت البلدي بهل ايام وحليب لابني وشوية ادوية ولا تنسو تجيبو معكرونة خاصة اللي عندو ولاد لان هي اكلة مفضلة ومربى لان ما بدو براد يعني لازم نجيب مواد جافة غير قابلة للتلف او مواد لا تحتاج للبراد وجبت احمد تي احمر :) لسا ما انفقد عنا لان

expert

24-03-2012, 05:01 PM

الى الادارة

اذا في امكانية انو تنقل الادارة الموضوع
الى قسم
اقتصاد سوريا (http://syria-stocks.com/forum/forumdisplay.php?f=14)
لاني اظن انو الموضوع يلائم ذلك القسم اكثر:smile:

نضال العلي

24-03-2012, 08:08 PM

اخي المجمدات بحاجة لبراد و البراد بده كهرباؤ و الكهرباء بدها نفط و النفط على الطريق و الطريق مقطوع قطعوه.................................big grin عفوا انقطعن النت عنديbig grin
حلوة كتير،
حسيت بالموسقى التصويرية انت و عم تكتب المشاركة.
بس نسينا أنو لازم يكون مع الناس مصاري لحتى تخزن مواد تموينية.
طيب و اللي عايش أول بأول؟

expert

24-03-2012, 11:23 PM

حلوة كتير،
حسيت بالموسقى التصويرية انت و عم تكتب المشاركة.
بس نسينا أنو لازم يكون مع الناس مصاري لحتى تخزن مواد تموينية.
طيب و اللي عايش أول بأول؟
والله معك حق
الله يعين الدرويش
والله الجوع كافر
وفي ناس بديت تجوع بعدين بيقولو ليش كترت الجرائم؟

محمد ابو علي

25-03-2012, 12:39 AM

الافضل بالطبع وعلى طريقة الاسهم
هو تنويع المحفظة وعدم وضع جميع المال في صنف واحد
دولار مثلا أو ذهب او ابقاءه عملة محلية
لن يوفر هذا ربحا خياليا
لكنه بالتأكيد سيحد من الخسارة الفاجعة
اللهم فرج همنا ونفّس كربنا وارحم ضعفاءنا

expert

25-03-2012, 02:43 PM

الأدهم

21-05-2012, 03:32 PM

أنا كنت مصمد المصاري ع شكل أسهم
ولما نزلت الأسهم رحت بعتن واشتريت دهب الغرام ب 4000
شو رأيكن
خسرت مرتين مرة بالأسهم ومرة بالدهب

Salam L

21-05-2012, 04:40 PM

Uأنا كنت مصمد المصاري ع شكل أسهم
ولما نزلت الأسهم رحت بعتن واشتريت دهب الغرام ب 4000
شو رأيكن
خسرت مرتين مرة بالأسهم ومرة بالدهب

عادي كتير صار هيك معهن...

الموت مع الناس رحمة... ومعظم الشعب السوري خسران متلك متله.. بكتير نواحي طبعا

مجرد إنسان

21-05-2012, 05:56 PM

أنا كنت مصمد المصاري ع شكل أسهم
ولما نزلت الأسهم رحت بعتن واشتريت دهب الغرام ب 4000
شو رأيكن
خسرت مرتين مرة بالأسهم ومرة بالدهب

الله يعوضك خير
اصبر ، واذا جن السوق لا تجن معو
الذهب يتأثر بكثير جدا من العوامل في العالم وعنا يوجد تأثير كبير جدا لسعر الدولار