مواضيع سياسية خالصة

[غالب]

تحياتي

اقترح ان نصوت هنا هل تؤيدون فتح مواضيع سياسية خالصة للمناقشة ضمن استراحة المضاربين - المنتدى السياسي . ونترك باقي المواضيع اقتصادية على حالها . نرجو التصويت .

[arnouri]

أخي ابو النور السياسية هي جزء من مكونات الحياة
ان كانت الاقتصادية أو الاجتماعية ان كانت تتعلق بالحياة العامة أو الخاصة
وحتى العلاقات بين الاسرة الواحدة تدخل بها السياسيه
أليست السياسيه من ساسه يسوس

ماذا تقصد بالمواضيع السياسيه الخالصة
هل متل قناة الدنيا أو اخبارية السورية
أم متل قنوات الاخرى المعاكسة الى رأيها
ان النقاشات السياسية الخالصة ماذا تعني بها - معارض مؤيد -
-عميل مندس -
انك هنا تدعو الى المهاترات الشارعية وليس المناقشات البنائة الهادفة لرفع وتقدم البلد وخصوصا انك لاتعرف مع من تناقش وهل هو خارج البلد وما هي اتجاهاته ومن اي بلد يناقش
كأنك تدعو الى زيادة الانشقاق أكثر وليس الى الحوار
ان النقاشات السياسية ضمن مواضيع الاقتصادية فيكون ضمن هذا الموضوع -مثل موضوع تدخل البنك -

اننا ندعو الى الحوار البناء وليس الى الخوار الهادم
دمتم
تحية سورية خالصة بالمحبة والكرامة

[ابو هاشم]

الاستاذ غالب المحترم
تحية حب
اخي موضوعك ممتاز اذا ضمت انه لن يزيد الفرقة
لذا لقترح ان يكون هناك موضوع اوقسم عن البلد ...
((((( بمعنى كيف تحب ان يكون بلدك وكيف تعمل من اجل ذلك))))
لنختلف في توجهاتنا .... ونتفق على حب البلد
ولك مني الشكر والاحترام

[bassem]

احتراماتي للجميع ولكل سخص له رأيه
وانما المجتمع السوري هو قسمين إما مع أو ضد وما بينهما فهو ضد الاثنين
لذلك ما الجدوى من كلام استمر سنة كاملة وسمعناه جميعا ولا يستطيع احد منا في هذا المنتدى تغيير شيئ
فأرجو من الجميع الالتفاف حول جماعة تعتنق أفكارها وتناقش من يسمع لها دون حساسيات
وترك الاخر بشانه لانه لا جدوى من النقاش
والاختلاف يفسد كلِ من الود والقضية
(( هذا رأيي انا وارجو ان تتقبلوه من بدون ازعاج لاني اريد الراحة للجميع))

[عابر مجيب]

صباح الخير استاذ غالب
أنا صوتت بلا للأسباب التالية :
لم يتم رفع القبضة الأمنية عن الرأي ولذلك طرف سيضع رأيه بحرية وطرف سيبقى متحفظا ، خصوصا من دخل باسمه الصريح .
لن يكون من العدل أن يبالغ بالصراحة من لا يهمه أو من هو خارج البلد أو من دخل باسم مستعار ومعلومات مغمضة . فهذا قد يحمل المشرفين مسؤولية .
لا مجال للحوار عن تجربة فالموالي أشبه بمن يحب أمه وتأتي لتذكر له عيوبها وتريده أن يرى واقعها .
يقول المثل : أدعي على ولدي ، وأكره كل من يقول آمين .
تحياتي .

[loai]

- صفة المنتدى الاقتصادية لا يمنعها من فتح مجالا للصالة السياسية .. والا فان الاختصاص يحتم عليكم اغلاق عدة صالات موجودة فعلا بالمنتدى
- الخوف من الفرقة والاختلاف .. هي دوما الحجة التي يخاف منها المنتدى .. مثل ما انوو كل من يتظاهر في سوريا هو ارهابي او مندس او او .. بحسب حجج الاعلام الرسمي
- ان كل ما يهتم بالشان السياسي سيقرأه في هذا الموقع او غيره.. ما دامت الامور تحصيل حاصل فالاولى فتحه هنا خصوصا انه قد يعطي بعض المصداقية لبعض الاخبار(اذكركم التعديل الذي وضعه لي الاخ لقمان في ملف اغلاق مصنع السكر .. والذي قدم لي الحجة على تصديقه اكثر من مصدر الخبر وهو رويتر)
- الاخ بسام قال: وانما المجتمع السوري هو قسمين إما مع أو ضد وما بينهما فهو ضد الاثنين.. وارجو ان اقدم رايي : فالشعب السوري اما مع .. يستطيع التكلم.. واما ضد .. يخاف ان يتكلم.. فهل بذلك تستقيم الامور؟؟
- بالطبع ستحصل بعض الخلافات وبعض المشادات (يعني ناس بتختلف على سعر الليرة ما بدهم يختلفوا في الامر السياسي) .. لم يصل لعلمي عبر التاريخ .. ان هناك امة لا تختلف .. فان كنا متفقين فما الذي يحصل بالعالم.. الخلاف موجود بالطبع الانساني .. لكننا ننقله من دواخلنا .. الى الخارج.. وفي ذلك انطلاق لكل المبدعين الساكتين .. ولكل المقتنعين المتحجرين.. حتى لو ادى الى خلافات في البداية الا ان الامور ستستقيم بقبول السماع الى راي الكل..
- ان بقيت الصالة السياسة محجور عليها فمتى ستفتح ؟؟ بعد خراب ماطا
- المنتدى عبارة عن مجتمع افتراضي .. فهل معقول ان هناك من يخاف في المجتمعات الافتراضية ..
- رحمك الله يا درويش(سقط القناع) ..وليس هناك ما يخبأ ..

[economic opinion]

من خلال تجربتي الدائمة يلي عايشتها بشكل يومي فبدي كون صريحة وقول بكل صراحة إنو في كتييييييير ناس ماعم تقدر تتقبل الإختلاف بالرأي وبأحسن الحالات "أنا هاد الجزء من رأيك بقبلو، بس هاد الجزء ما بقبلو" ودائماً للأسف الحكي بالسياسة ماعم يخلو من التجريح بحق أشخاص سياسيين أو كيانات سياسية" "قد تنزعج من التجريح بهم"
أنا فعلاً ثبتلي بهلأزمة أن الاختلاف يفسد للود قضية
طبعاً مع الأخذ بعين الإعتبار إنو أد ما تناقشنا وأد ما حاولنا نشرح وجهات نظرنا فهاد الشي ما رح يغير من الواقع أو من يلي بدو يصير أي شي
اعذروني بس حبيت احكي رأيي بصراحة مطلقة ولأني بحب وبحترم الجميع لأقصى درجة وما بيهون عليي أبداً حدا يتجرح فيه ويصير زعل بين الأخوة بسبب اسلوب استهزاء أو حتى كلام جارح يستخدمه البعض لأ وكرمال شو؟؟؟ كرمال أمر قد قضي ccc

[سندباد]

شكرا لاقتراحك اخي الكريم

بس طرحك وكانوا نحنا قاعدين بسويسرا ......!!!

[economic opinion]

بس خليني رد عالأستاذ لؤي والسيد السندباد المحترمين
الحقيقة أنا أرى إنو حاجز "ما منقدر نحكي" انكسر
بدليل إنو كل يوم منقعد مع مؤيدين ومعارضين والحمد لله ما حدا بيخاف من حدا ولا حدا بيقصر
وأكبر دليل على هالشي فتاح الفيس بوك وشوف العالم شو عم تكتب وبأسماءها الحقيقية كمان
"بغض النظر عن رأيي الشخصي بإمكانية النقض من قبل أو لأ"
يا جماعة بكون قاعدة أيام بالميكرو وبالمطاعم بسمع العالم عم تتخانق بمواضيع سياسية وحتى بالشغل... لك صايرة كل العالم ما عم تحكي غير بهالقصص
وعلى فكرة دليل على صحة كلامي كمان إنو تقريباً كلنا هون بالمنتدى منعرف توجهات وآراء بعض تماماً مع إنو مو كلنا تقابلنا

[BROKER]

بس خليني رد عالأستاذ لؤي والسيد السندباد المحترمين
الحقيقة أنا أرى إنو حاجز "ما منقدر نحكي" انكسر
بدليل إنو كل يوم منقعد مع مؤيدين ومعارضين والحمد لله ما حدا بيخاف من حدا ولا حدا بيقصر
وأكبر دليل على هالشي فتاح الفيس بوك وشوف العالم شو عم تكتب وبأسماءها الحقيقية كمان
"بغض النظر عن رأيي الشخصي بإمكانية النقض من قبل أو لأ"
يا جماعة بكون قاعدة أيام بالميكرو وبالمطاعم بسمع العالم عم تتخانق بمواضيع سياسية وحتى بالشغل... لك صايرة كل العالم ما عم تحكي غير بهالقصص
وعلى فكرة دليل على صحة كلامي كمان إنو تقريباً كلنا هون بالمنتدى منعرف توجهات وآراء بعض تماماً مع إنو مو كلنا تقابلنا



خبر جيد

الشكر لمن سمح لنا بهذا او لمن كسر الحاجز

[Salam L]

انا صوتت بلا ...

[Salam L]

بس خليني رد عالأستاذ لؤي والسيد السندباد المحترمين
الحقيقة أنا أرى إنو حاجز "ما منقدر نحكي" انكسر
بدليل إنو كل يوم منقعد مع مؤيدين ومعارضين والحمد لله ما حدا بيخاف من حدا ولا حدا بيقصر
وأكبر دليل على هالشي فتاح الفيس بوك وشوف العالم شو عم تكتب وبأسماءها الحقيقية كمان
"بغض النظر عن رأيي الشخصي بإمكانية النقض من قبل أو لأ"
يا جماعة بكون قاعدة أيام بالميكرو وبالمطاعم بسمع العالم عم تتخانق بمواضيع سياسية وحتى بالشغل... لك صايرة كل العالم ما عم تحكي غير بهالقصص
وعلى فكرة دليل على صحة كلامي كمان إنو تقريباً كلنا هون بالمنتدى منعرف توجهات وآراء بعض تماماً مع إنو مو كلنا تقابلنا


تذكرت لقطة من مسرحية قديمة لعادل امام...

وقت يسأله الشرطي مدري القاضي..

اسمك وسنك وعنوانك.... Big GrinBig GrinBig Grin

[arnouri]

أبو النور الحبيب
استطلاع لطرح ونقاش سياسي خالص
هي فكرة قد صحيحة لاشخاص غير افتراضيين وتصويت افتراضي لايمت
للحقيقة بصلة
يستطيع أي شخص مؤيد لفكرة أو معارض لها
أن يسجل 40 اسم أو أكثر ويصوت لصالح رأيه . قد انت منهم أو انا
لذلك أخي الكريم الفكرة غلط بغلط
اذا كنا في العالم الحقيقي يزور فكيف العالم الافتراضي
ويمكن أي شخص أن يسجل باسمين أو أكثر ويقوم أفكار معاكسة لبعضها البعض ويسب الطرفين
ويهدف فقط لاثارة الانشاق والفتنة والتحريض
ونحن نريد التوفيق والمحبة
أخي الكريم الفكرة غلط بغلط

- النقاش يجب يكون ضمن الاشخاص الحقيقيين -

رحم الله شهداء سوريا
ولئم جراح المصابين

[فراس السكري]

أبو النور الحبيب
استطلاع لطرح ونقاش سياسي خالص
هي فكرة قد صحيحة لاشخاص غير افتراضيين وتصويت افتراضي لايمت
للحقيقة بصلة
يستطيع أي شخص مؤيد لفكرة أو معارض لها
أن يسجل 40 اسم أو أكثر ويصوت لصالح رأيه . قد انت منهم أو انا
لذلك أخي الكريم الفكرة غلط بغلط
اذا كنا في العالم الحقيقي يزور فكيف العالم الافتراضي
ويمكن أي شخص أن يسجل باسمين أو أكثر ويقوم أفكار معاكسة لبعضها البعض ويسب الطرفين
ويهدف فقط لاثارة الانشاق والفتنة والتحريض
ونحن نريد التوفيق والمحبة
أخي الكريم الفكرة غلط بغلط

- النقاش يجب يكون ضمن الاشخاص الحقيقيين -

رحم الله شهداء سوريا
ولئم جراح المصابين
حلوة الفكرة ابو معاذ فعلا يجب من يبدي راي ان يكون باسماء وشخصيات حقيقية ليس مجرد اسم مستعار المهم فقط ان يخالف وانا اؤيد فتح المواضيع واؤيد فكرتك ابو معاذ

[عابر مجيب]

أبو النور الحبيب
استطلاع لطرح ونقاش سياسي خالص
هي فكرة قد صحيحة لاشخاص غير افتراضيين وتصويت افتراضي لايمت
للحقيقة بصلة
يستطيع أي شخص مؤيد لفكرة أو معارض لها
أن يسجل 40 اسم أو أكثر ويصوت لصالح رأيه . قد انت منهم أو انا
لذلك أخي الكريم الفكرة غلط بغلط
اذا كنا في العالم الحقيقي يزور فكيف العالم الافتراضي
ويمكن أي شخص أن يسجل باسمين أو أكثر ويقوم أفكار معاكسة لبعضها البعض ويسب الطرفين
ويهدف فقط لاثارة الانشاق والفتنة والتحريض
ونحن نريد التوفيق والمحبة
أخي الكريم الفكرة غلط بغلط

- النقاش يجب يكون ضمن الاشخاص الحقيقيين -

رحم الله شهداء سوريا
ولئم جراح المصابين

اللي رح يدخل بأكتر من اسم ليصوت هو عبارة عن واحد مصر أكتر من الآخرين ، فينا نعتبرو مصوت قوي والبقية مصوتين ضعاف . وبالتالي هو محتاج ينفس عن حالو بشده تركولو مجال .

بالنتيجة الأمر بيعود للإدارة وممكن يطلعوا النتيجة اللي بيريدوها 99.9 % للرأي المرغوب ;)

وبعدين دخيلك هو الهدف فشة خلق من طرف وتنوير لوجهات النظر ليعرف اللي ما كان بدو يعرف شو السبب اللي خلى الناس تجن هالجنان وتهجم على الموت ، عيب بقا نقول طالع يموت منشان ألف أو ألفين أو حتى ميت ألف .

وبعدين الآراء لموالين أو معارضين ، شو طالع بأيدهم ؟ لا نحنا بلشناها ولا فينا نوقفها ، فلا لزوم للعداء بين الطرفين سواء كان معروفا أو لا .

يعني سامر، أبو عبدو، الملاك، الساهر، النجم الأحمر .... أي أسم إذا طرح رأيا هل يهم أن نعرفه شخصيا ؟ قد يهتم هو نفسه لو كان يرغب باتخاذ موقع له في الكراسي المتقدمة إذا نجح .

بيضل رأي مو تنزيل .
تحياتي .

[مجرد إنسان]

لا
لانه رح يجينا وجع راس كتير ، وناس كتير رح تنحذف مشاركاتن وناس ما رح يقدروا المشرفين يحذفوا مشاركاتن (حتى لو ارادوا) ..
وسوى ذلك : حرصا على سلامة المشرفين ، وبكفي انو عم نحكي بشي ممنوع حسب القانون "المضاربة بالعملات الاجنبية والذهب"!
وحسب المثل : اللي ما بشوف من خرم الابرة أعمى !

[El Dmashqi]

قسم للسياسية .؟! "يالطيف "
معناها ترقبوا حجب وقصف وحملة مداهمات للمنتدى والأعضاء
من جهتي مابدي اطلع على قناة الدنيا ( تم القبض على المحرض والممول للمؤامرة الكونية ) ويتم اتهام اصحاب الموقع بتأسيس إمارة سلفية عنصرية تحريضية اخونجية ( 4 بواحد )
فخلينا بالأقتصاد والبورصة اضمن .. وهي منساهم بالأزمة بطريقة تانية
كما اطالب بانسحاب العصابات المسلحة من المنتدى التي سيكتشفونها

[Ali-roaidi]

فكرة حلوة لأن بالأساس عم تنفتح مواضيع سياسية في مشاركات أخرى
بس برأي لازمها تنظيم و قوانين لان بطبيعة الحال اي شيء غير منظم يُحكم عليه بالفشل
وبدل ما انا اتخيل المعارض عبارة عن مسخ فضائي خائن عميل مندس عرعوري سلفي خوجني مغرض مغرر به ...
و بدل ما المعارض يرى الموالي موظف في شركة سيريتيل أو عنصر من حزب الله او من الحرث الثوري الاراني او شبيح او مستفيد او بوق ...

من الممكن ان نتعرف على افكار بعضنا بشفافية اكثر و تنقشع الافكار السوداء التي اخذناها مسبقا و نكتشف في اخر المطاف اننا نحمل نفس الهوية .. الهوية السورية العزيزة

[ام محي الدين]

بصراحة عجبتي الفكرة كتير بس قرأت المشاركات قبل التصويت
وقارنتها مع نفسي فوجدتني مرغمة ان اكون مع الصامتين
فقررت عدم التصويت مع علمي بميولي ولكن
حتى اخذ مكاني الصحيح وبعدها يمكنني التصويت

[محمد ابو علي]

أظن العبرة الحقيقية هي بالفكرة وليس بالشخص وهويته
وانا اؤيد الفكرة لسببين
الاول:ان لاتختلط بالصالات الاخرى مما يؤدي لضياع الفائدة (كما في صالة العملات وسعر الدولار والذهب اذ نقلب الصالة كلها لنجد سعر الصرف مختبئا ومختنقا بين السجالات السياسية)
الثاني:الترابط الكبير بين الوضع السياسي والوضع الاقتصادي وانعكاس الاول على الثاني بشكل كبير
تحياتي للجميع

[عابر مجيب]

بالحوار السياسي ممكن الواحد يرجح فكرة على فكرة أنا بدي حكم اشتراكي انت بدك حكم ملكي دستوري وهداك بدو جمهورية ديمقراطية ، وهيك ما في مشكلة .وكل واحد بيورد دليله من التاريخ وببين نجاعة الطرح .
دخيلك نحنا هون إذا بدنا نناقش ، ما وصلنا لسا لأكثر من :
هالحكي كذب والطرح ما ألو أصل وهادا ماكان هيك .
يعني بدنا نفند الاعلام ونصوب الكذبات ، وهي ما في حدا بيقبلها . لأنو بنكون لغينا دور الاعلام الهادف والتوجيه السياسي والمعنوي الوطني وشوشنا على المواطن وتشاركنا مع العدو في فساد تربية شعبنا وعلمناهم على التدخين والسهر .
أون ذي آظر هاند بقا اللي بيقرأ هون لا هو مقاتل ورح تبرد همته ولا هو من التنسيقيات اللي مومستنية رأينا . اللي شغالين داخل المعركة عارفين الحقيقة ، اللي رح يتوعى هون هنن بس المهابيل اللي لا بيقدموا ولا بأخرو .
تمت .

[NetPro]

أنا فعلاً ثبتلي بهلأزمة أن الاختلاف يفسد للود قضية هو بالحالة العامة لا يفسد للود قضية
ولكننا اليوم لسنا أمام (نحن رأينا كذا وهم رأيهم كذا وأنا أحب فلان ولا أحب علان)
نحن أمام قتل نفس
قتل نفس ونجد البعض هنا منهمك بالدفاع عن العملة (ولا يهمه إلا الجيبة) ويتهم البعض بأنهم سبب الانهيار وانه هذا مو انهيار و و و و ... الخ
بينما ناس تقتل وتهجر من بيوتها ومدن تقصف وأطفال تيتم.
لك اي يلعن أبو المصاري أما هيك مأساة إنسانية
وتعليمنا وتربيتنا تقول أنه أمام القتل لا يجب أن يكون هناك رأيين والكل يجب أن يرفض القتل
بينما البعض ينكر حصول شيء (كلو فبركة)
وهنا سيفسد الود

[loai]

من الردود اللي سمعتها بحكي للاستاذ ايكونوميك انو الخوف ما زال سيد الموقف .. فمنهم من خائف على وضعه ومنهم من خائف على اداريي المنتدى .. يعني الشغلة امنية بامتياز .. اما الحديث عن اختلاف .. فالحديث عنه امر مستهجن .. ومحاولة للهروب عن لب الموضوع الاصلي .. لانه امر الاختلاف امر مفروغ منه ولا بد منه .. والا ما فائدة النقاش والحوار وحتى الخصومة ان لم يكن هناك اختلاف

[economic opinion]

من الردود اللي سمعتها بحكي للاستاذ ايكونوميك انو الخوف ما زال سيد الموقف .. فمنهم من خائف على وضعه ومنهم من خائف على اداريي المنتدى .. يعني الشغلة امنية بامتياز .. اما الحديث عن اختلاف .. فالحديث عنه امر مستهجن .. ومحاولة للهروب عن لب الموضوع الاصلي .. لانه امر الاختلاف امر مفروغ منه ولا بد منه .. والا ما فائدة النقاش والحوار وحتى الخصومة ان لم يكن هناك اختلاف
فعلاً معك حق أستاذ لؤي
أنا فعلاً وبدون مبالغة بستغرب جداً من الناس يلي بتضل خايفة، أنا بحياتي ما خفت إحكي رأيي الصريح بأي شي بس أكيد أنا خبرتي أقل من غيري
فعلاً ما انكسر الحاجز :rolleyes2:

[economic opinion]

هو بالحالة العامة لا يفسد للود قضية
ولكننا اليوم لسنا أمام (نحن رأينا كذا وهم رأيهم كذا وأنا أحب فلان ولا أحب علان)
نحن أمام قتل نفس
قتل نفس ونجد البعض هنا منهمك بالدفاع عن العملة (ولا يهمه إلا الجيبة) ويتهم البعض بأنهم سبب الانهيار وانه هذا مو انهيار و و و و ... الخ
بينما ناس تقتل وتهجر من بيوتها ومدن تقصف وأطفال تيتم.
لك اي يلعن أبو المصاري أما هيك مأساة إنسانية
وتعليمنا وتربيتنا تقول أنه أمام القتل لا يجب أن يكون هناك رأيين والكل يجب أن يرفض القتل
بينما البعض ينكر حصول شيء (كلو فبركة)
وهنا سيفسد الود

صباح الخير أخي العزيز
طبعاً قصة "كلو فبركة" بتنطبق عالطرفين فمتل ما حضرتك بتتهم طرف بأنو بيشوف كل شي فبركة فكمان الطرف التاني بيتهم طرفك بنفس التهمة
أما إنو نبني أحكامنا بقتل النفس وبالدم بس على مبدأ الإستنباط فأنا بشوف إنو هالشي كتيييير غلط لأنو نحنا هون عم تحكي عن دماء وقتل ونفوس زكية وطاهرة وإنك تلزق التهمة بأي طرف بدون ما تكون شايف بعينك ومتأكد بتكون غلطان "هاد دم أخي الغالي مو شغلة سهلة نبنيها على مبدأ استنباطي مشان هيك أخي الكريم أنا تلت رباع هالجرايم يلي عم نشوفها ما بتخذ فيها قرار بإلقاء اللوم على الطرف المتهم بالقضية لشوف إعتراف أو أدلة مادية عن هي الجريمة بالذات
حتقللي ممكن يكونو عم يفبركو ويكذبو عليكي لأنو هنة شغلتون كذب وفبركة، فبقلك رب العالمين مارح يحاسبني لأنون كذبو عليي رح يحاسبون إلون لأنون كذبو عليي وأنا هي الحقائق يلي كانت عندي
وعموماً أنا لا أؤمن بوجود الملائكة على الأرض وأكيد أبدأ بنفسي
مع إني والله ما بدي فوت بهالجدال
تقبل مني خالص تحياتي واحترامي الشديدين لشخصك الكريم المحترم

[loai]

صباح الخير أخي العزيز
طبعاً قصة "كلو فبركة" بتنطبق عالطرفين فمتل ما حضرتك بتتهم طرف بأنو بيشوف كل شي فبركة فكمان الطرف التاني بيتهم طرفك بنفس التهمة
أما إنو نبني أحكامنا بقتل النفس وبالدم بس على مبدأ الإستنباط فأنا بشوف إنو هالشي كتيييير غلط لأنو نحنا هون عم تحكي عن دماء وقتل ونفوس زكية وطاهرة وإنك تلزق التهمة بأي طرف بدون ما تكون شايف بعينك ومتأكد بتكون غلطان "هاد دم أخي الغالي مو شغلة سهلة نبنيها على مبدأ استنباطي مشان هيك أخي الكريم أنا تلت رباع هالجرايم يلي عم نشوفها ما بتخذ فيها قرار بإلقاء اللوم على الطرف المتهم بالقضية لشوف إعتراف أو أدلة مادية عن هي الجريمة بالذات
حتقللي ممكن يكونو عم يفبركو ويكذبو عليكي لأنو هنة شغلتون كذب وفبركة، فبقلك رب العالمين مارح يحاسبني لأنون كذبو عليي رح يحاسبون إلون لأنون كذبو عليي وأنا هي الحقائق يلي كانت عندي
وعموماً أنا لا أؤمن بوجود الملائكة على الأرض وأكيد أبدأ بنفسي
مع إني والله ما بدي فوت بهالجدال
تقبل مني خالص تحياتي واحترامي الشديدين لشخصك الكريم المحترم

والله انا معجب بادبك جدا يا خالووو
بس نحكي جد شوي... طيب ازا الطرفين عم يفبركوا .. ليش ما يصير نقل للاخبار السياسية في هذا المنتدى اللي اغلب اعضاءه من سوريا.. وبعدها بنعرف مين اللي فبرك .. انا ضربتلك مثل بمصنع السكر اللي قمت بنقله عن رويتر.. وكيف الاخ لقمان وهو مطلع على الموضوع اقنعني ان الخبر صحيح لكنه غير دقيق .. وفورا انا اقتنعت بكلامه
هاد شي.. الشي التاني يا خالوو لعبة الفبركات ودوامتها اللي دخلنا فيها هو النظام واعلامه ومن اول يوم وانت عارف هالشي.. اصلا ما في شي اسموو فبركات .. لو لم تكن هناك احداث على الارض والله كل تقنيات امريكا ما قدرت تحرك حجر بسوريا.. بس اللي قاعد بصير .. انوو بدهم يفرضوا عليك انوو ما في شي.. وان اثبتلهم انوو في شي .. قالولك هدول تبعون الجزيرة والعربية.. وان جبتلهم دليل تاني.. قالولك هدول شوية مندسين(الارض بتفقس مندسين) وان اثبتلهم انوو هاد الشعب مو مندسين .. قالولك انوو هدول القاعدة(قاعدة في سوريا والله شغلة جديدة) وان اثبتلهم انوو هدول شعب مو قاعدة حكولك هدول شوية منشقين من الجيش لانهم حاقدين وتبين انهم جواسيس ..
لاحظ هاي الدوامة النظام بطلب انك تكون بداخلها يوميا لغاية ما تزهق ملابسك وتقول لا بدي سياسة ولا بدي بطيخ ولا بدي تغيير

يريد ان يدخلك في كل هالتفاصيل وادقها وينقلك من موضوع الى موضوع الى ان يهزمك لاربعين سنة اخرى..
في بعض البلدان الحق والباطل قد يكون بينهما شعرة.. اما في سوريا فبينهما وادي عريض لا يلتبس فيهما امر.. الحق حدسك يا خالوو تعرف الحق والصواب
ولك مني احترامي الشديد

[Gladiator]

طبعاً قصة "كلو فبركة" بتنطبق عالطرفين فمتل ما حضرتك بتتهم طرف بأنو بيشوف كل شي فبركة فكمان الطرف التاني بيتهم طرفك بنفس التهمة اي صحيح سيقولوا لك كلو كتشب أما إنو نبني أحكامنا بقتل النفس وبالدم بس على مبدأ الإستنباط فأنا بشوف إنو هالشي كتيييير غلط لأنو نحنا هون عم تحكي عن دماء وقتل ونفوس زكية وطاهرة وإنك تلزق التهمة بأي طرف بدون ما تكون شايف بعينك الله ما شفناه بالعين.انت شفتيه بعينك شي ؟
وانا على هالقياس بقلك بفلسطين كلو فبركة واسرائيل ما قتلت الفلسطيني !!! كلو فبركة من الجزيرة والعربية و ... انت شفتي بعينك شي ؟
شو رأيك حتى نتأكد مما يحصل نروح كلنا على فلسطين لنتأكد ولما نرجع ونحكي لجيرانا لازم كمان ما يصدقونا لأن ما شافو بعينهم وبالتالي لازم كمان يروحوا مشان يشوفو بعينهم والاجيال القادمة كمان لازم تشوف بعينها
اختي هي قصة (انت شفت بعينك شي) مجرد كذبة اخترعها أزلام النظام وأبواقه وينشروها في مجتمعنا وأرجو أن لا تنطلي عليكي
ومنذ متى كان الحكم على أي شي يجب أن يكون بالعين وإلا فلماذا خلق الله لنا باقي الحواس وخلق لنا العقل ؟
شدد الإسلام على التثبت من تهمة الزنا واشترط وجود 4 شهود رؤى العين للحادثة، فهل رأى القاضي بعينه الزنا ؟
وعممي ذلك على كل قضايا القتل والسرقة وغيره.
لماذا نقبل بتصوير كامرا موجودة في محل لإثبات السارق ولا نقول أنها فبركة ؟؟؟؟ وماذا نقول لآلاف الشهود من حمص ؟؟؟ حتقللي ممكن يكونو عم يفبركو ويكذبو عليكي لأنو هنة شغلتون كذب وفبركة، فبقلك رب العالمين مارح يحاسبني لأنون كذبو عليي رح يحاسبون إلون لأنون كذبو عليي وأنا هي الحقائق يلي كانت عندي غطاء ومبرر للشريحة الصامتة، وما أدراك أن الله لن يسألك لماذا لم تستخدمي عقلك الذي منحتك إياه لتعرفي أين الظالم وأين المظلوم ؟ طيب اختي لو قال لك فرعون أنا ربك الأعلى وقدم لك دليل بأنه يحيي ويميت حيث أتى بشخص فقتله وأتى بآخر محكوم إعدام وأفرج عنه ... عندها هل ستصدقي أنه الله ؟؟

[Gladiator]

انا ضربتلك مثل بمصنع السكر اللي قمت بنقله عن رويتر.. وكيف الاخ لقمان وهو مطلع على الموضوع اقنعني ان الخبر صحيح لكنه غير دقيق .. وفورا انا اقتنعت بكلامه ولا تتحمل المسؤولية رويترز بل يتحملها من منع رويترز من الوجود على الأرض ودفع بوسائل الإعلام للحصول على أخبار غير دقيقة
يحق بل يجب على وسائل الإعلام جزيرة وغيرها إيصال الخبر لشريحة واسعة جداً من متابعيها وعندما منع النظام الوكالات من التغطية (إلا على مراقو وبالمكان والزمان الذي يريد) عندها اضطرت الوكالات لاستقبال شهود عيان. ولولا شهود العيان لتكررت مجزرة حماه.
أخي فليسمحوا لوكالات الإعلام بالنزول إلى الأرض بمراسلها الرسمي وعندها إذا نقلت خبر خطأ نحن كمعارضة من سيهاجمها قبل أي أحد آخر.

[Gladiator]

حاجز "ما منقدر نحكي" انكسر يا جماعة بكون قاعدة أيام بالميكرو وبالمطاعم بسمع العالم عم تتخانق بمواضيع سياسية وحتى بالشغل... لك صايرة كل العالم ما عم تحكي غير بهالقصص وعلى فكرة دليل على صحة كلامي كمان إنو تقريباً كلنا هون بالمنتدى منعرف توجهات وآراء بعض تماماً مع إنو مو كلنا تقابلنالو افترضنا أن لقمان دخل وأعاد صياغة موضوعه عن حمص وسمى الأطراف بمسمياتها
أو لو افترضنا أن زميلنا من الميدان أو المزة أو كفرسوسة أو برزة أو دوما أو حرستا أو ... كتب رأيه المبني على تجربة حصلت معه أو مع جيرانه وسمى أن الأمن قوص على المتظاهرين أو اقتحم بيت الجيران وكسر محتوياته وكب المونة على الأرض وخلط السكر بالزر بالزيت وكب فوقهم مي
هل تضمني انت على مسؤوليتك أن شيء من الأذى لن يلحق بصاحب المنتدى رامي العطار وبصاحب المشاركة؟

[economic opinion]

والله انا معجب بادبك جدا يا خالووو
بس نحكي جد شوي... طيب ازا الطرفين عم يفبركوا .. ليش ما يصير نقل للاخبار السياسية في هذا المنتدى اللي اغلب اعضاءه من سوريا.. وبعدها بنعرف مين اللي فبرك .. انا ضربتلك مثل بمصنع السكر اللي قمت بنقله عن رويتر.. وكيف الاخ لقمان وهو مطلع على الموضوع اقنعني ان الخبر صحيح لكنه غير دقيق .. وفورا انا اقتنعت بكلامه
هاد شي.. الشي التاني يا خالوو لعبة الفبركات ودوامتها اللي دخلنا فيها هو النظام واعلامه ومن اول يوم وانت عارف هالشي.. اصلا ما في شي اسموو فبركات .. لو لم تكن هناك احداث على الارض والله كل تقنيات امريكا ما قدرت تحرك حجر بسوريا.. بس اللي قاعد بصير .. انوو بدهم يفرضوا عليك انوو ما في شي.. وان اثبتلهم انوو في شي .. قالولك هدول تبعون الجزيرة والعربية.. وان جبتلهم دليل تاني.. قالولك هدول شوية مندسين(الارض بتفقس مندسين) وان اثبتلهم انوو هاد الشعب مو مندسين .. قالولك انوو هدول القاعدة(قاعدة في سوريا والله شغلة جديدة) وان اثبتلهم انوو هدول شعب مو قاعدة حكولك هدول شوية منشقين من الجيش لانهم حاقدين وتبين انهم جواسيس ..
لاحظ هاي الدوامة النظام بطلب انك تكون بداخلها يوميا لغاية ما تزهق ملابسك وتقول لا بدي سياسة ولا بدي بطيخ ولا بدي تغيير

يريد ان يدخلك في كل هالتفاصيل وادقها وينقلك من موضوع الى موضوع الى ان يهزمك لاربعين سنة اخرى..
في بعض البلدان الحق والباطل قد يكون بينهما شعرة.. اما في سوريا فبينهما وادي عريض لا يلتبس فيهما امر.. الحق حدسك يا خالوو تعرف الحق والصواب
ولك مني احترامي الشديد
بتعرف أستاذ لؤي حضرتك معك حق 100% وأنا على طول بقول إنو أكيييييد الدولة مخبصة كتير وياما سمعنا وشفنا قصص
وأكبر دليل أنا بلمسو بواقعي هو الفرق بين عدد المؤيدين بأول الأزمة بشهر 2 يمكن السنة الماضية وعددون اليوم
أنا عن نفسي كل يلي حواليي كانو مؤيدين هلأ في ناس منون قلبو معارضين، طب ليش؟؟؟ وعلى فكرة بنفس الوقت بعرف ناس من درعا وحمص كانو رفقاتي من وقت الجامعة كانو معارضين قبل ما تبلش الأحداث من أساسها وقلبو مؤيدين بس بلشت البلبلة وفي ناس كانت تتظاهر أول بعدين وقفت والله مو خوف من الرصاص وإنما خوف عالبلد وأهلها
بتعرف خالو أنا كتييير بيزعلني الوضع والغلاء يلي وصلنالو على طول بتطلع على صفوف الولاد يلي واقفين عالكازيات مشان يعبولون بيدون مازوت، والله كانت أيام سقيع وهنة واقفين كل واحد فيون متكوم على حالو شكل مشان يعبي لتر 15 أو بأيام الأزمة يعبي لتر بأد ما كان
أنا يمكن لأني بشتغل بالمجال الإقتصادي فبعرف بالضبط شو يعني عقوبات إقتصادية ومع إحترامي الشديد للجميع بس يلي مفكر إنو العقوبات الإقتصادية وهبوط الليرة وغلاء الأسعار رح يأثر عالفاسدين والظالمين ويلي معون مليارات بيكون كتييييير غلطان هي كلها مو طالعة غير من رقبتنا وكل ما كان الشخص أفقر بينأذى أكتر، ناهيك عن إنو المعامل يلي فلست ويلي وقفت قطعت الدخل عن آلاف العائلات السورية
بعدين والله أنا ما عم قول الدولة مافيها فساد، لك والله ملياااااانة بس أنا بآمن إنو هي "الثورة" إذا بدي سميها هيك المفروض تكون هزت مجتمع كاملة، نحنا والحمد لله طلع الشعب عنا ، ومع احترامي للجميع وأنا والله ما بدي عمم" بس في جزء كبيييير منو فاسد أكتر من الدولة بذاتها، أنا بعرف زلمة عندو كازية كان عم يطلع كل يوم بعز الأزمة 500000 ليرة سوري وبدون أدنى مبالغة وعلى اعترافو لأنو كان ياخد من الدولة 14.5 ويبيع بـ 22 ولما بدو يعبي خزان شي شودير بيسرقلو فوق هاد كم لتر، بتصدق إنو أول الأزمة كانت كازيتو مليانة مازوت بس كان يقول للعالم "ماعندي" لأنو بوقتها عرض يعبيلنا 12000 لتر لما قلنالو بدنا 2000 ومو ملاقين بسعر مناسب
وغيرو وغيرو ... والله بعرف كومة عالم قالولي إنو بيتحججوابارتفاع الدولار مع إنو ما واقفة عليهون المنتوجات بهالغلاء الفاحش بس قال فرصة هلأ عندون وعم يربحو أكتر من قبل باعتراف أحد أقربائي يلي بببيع أحبار طابعات
أنا بشوف خالو إنو المشكلة فينا نحنا بتربيتنا الغلط
وبعدين ليش 40 سنة تانيات خالو؟؟ والله أنا بعرف إنو إلنا تجارب سابقة فاشلة مع النظام بس هلأ كل يلي بقيانين سنتين للإنتخابات الرئاسية وبلشت هلأ إنتخابات مجلس الشعب
يا خالو يلي صبر 40 سنة مارح يقبل يصبر سنتين تانيات؟؟ معليش بقلك لحاق "الحباب" Big Grin لورا الباب
مو أحسن ما نخرب بلدنا ونجوع أهلنا ونمسك أهلنا للغريب؟؟
شكراً إلك والله يا خالو على أسلوبك الراقي بالحوار
"مع إني صوتت إني ما بدي نقاش سياسي بس دخلت بنص النقاش"Big Grin
والله يا خالو نعمة الأمن والأمان يلي كنا عايشينا طلعت كتير كبيرة وما لنا حاسين، هلأ خفت القبضة الأمنية شوي بلش النهب والسرقة والخطف والمطالبة بالفديات، يا ترى إذا راح الأمن بالمرة شو ممكن يصير؟؟؟

[economic opinion]

أخي العزيز gladiator إنت من حقك الطبيعي تستنبط وتحلل وتفكر وتعتنق أفكرك أنا ما منعتك، أنا كنت عم أكتب عن نفسي، إنت بفلسطين عم تحكي عن العدو الإسرائيلي يلي ما بيختلفو عليه اتنين فينا بس هون عم تحكي على أخوك بالدم يلي واضح إنو في خلاف عليه
مشان الله لا تقللي مكل المؤيدين هنة شي بيدفعلون النظام أو فاسدين أو شبيحة أو أهالي مسؤولين أو......أو..... بس مو سوريين شرفاء
على فكرة أنا مع فكرة مستفدين لأني بصراحة أنا مستفيدة ، مستفيدة من الأمن الأمان يلي بتحققلي الدولة" فيك تحاسبني بهالتهمة إذا بدك :)
ولا تقلق عليي لدي ما أقوله بإذن الله لرب العالمين وبشكرك كتير على قلقك عليي بهالنقطة
وكمان بشكرك على نقاشك المحترم

[Gladiator]

وبعدين ليش 40 سنة تانيات خالو؟؟ والله أنا بعرف إنو إلنا تجارب سابقة فاشلة مع النظام بس هلأ كل يلي بقيانين سنتين للإنتخابات الرئاسية وبلشت هلأ إنتخابات مجلس الشعب انتخابات من والناس نايمين.
وقفي القتل + محاسبة القتلة + انتخابات فورية بوجود مراقبين مستقلين لأننا لا نثق بانتخابات هذا النظام المخابراتي + السماح بالعبير عن الرأي والتظاهر بدون ما يهجموا علينا الكلاب المسعورة يعني مثل ما أمثالك بينزلو على السبع بحرات المفروض امثالي يقدروا يطلعوا بشي مكان بدون ما يتعرضوا للضرب بالعصي على الرأس والتعبايي بطبون السيارة، طبعاً حالياً لم تعد العصي مستخدمة هلأ فوراً رصاص
مو أحسن ما نخرب بلدنا ونجوع أهلنا ونمسك أهلنا للغريب؟؟ هذا الكلام صحيح ولكنه يوجه للنظام وليس للشعب
الشعب عنده مطالب محقة واجهها النظام بالرصاص
فإذا كان رأيك هو تهديد الشعب بخربان البلد ، يعني مثل ما كتبوا ........ عنا عالحيط (سوريا الأسد أو سوريا الدم) فالجواب قد وصل لمن أراد أن يسمع
الموت ولا المذلة والله يا خالو نعمة الأمن والأمان يلي كنا عايشينا طلعت كتير كبيرة وما لنا حاسين، هلأ خفت القبضة الأمنية شوي بلش النهب والسرقة والخطف والمطالبة بالفديات، يا ترى إذا راح الأمن بالمرة شو ممكن يصير؟؟؟ ونحن لسنا ضد الحفاظ على أمن البلد من اللصوص ولكننا ضد ان يهين عنصر الأمن المواطن بدون أن يستطيع المواطن أن يشتكي عليه
أساساً هدف النظام من إطلاق سراح المجرمين وإفلات الأمن هو إيصالك لمرحلة تقولي فيها ، مشان الله خلص ما بدنا شي بس رجعوا لنا الأمن.

[ابراهيم طاهر]

لن نرتاح الا اذا انتصرنا على انفسنا فمنهم من يقوده طمعه ومنهم من تقوده شهواته وملذاته ومنهم من يقوده دينه ( اي دين) وهو ورثه مع المنزل ومنهم من يقوده الرياء والمفاخره ومنهم من تقوده .......... الخ
واتوقع ان من يقوده العلم يسلم وتسلم الناس من حوله
ورايي ان لا مانع ان يخوض الانسان في السياسة بشرط ان يكون موضوعي في جملة محيطية معزولة عن الضغوط والمصالح والانتماءات المذهبية والعرقية والطائفية البغيضة

[Gladiator]

إنت بفلسطين عم تحكي عن العدو الإسرائيلي يلي ما بيختلفو عليه اتنين فينا بس هون عم تحكي على أخوك بالدم يلي واضح إنو في خلاف عليه انت عمتحوري الموضوع
أنا اعترضت على مقولة (انت شفت بعينك) ولم أدخل بتقييم نظرة العالم لاسرائيل وأثبت لك (على ما أعتقد)أن تلك المقولة خاطئة.
وانني يمكنني بطريقة مماثلة أن أقول لك أن ما يحصل بفلسطين هو فبركة إعلامية (انت شفتي بعينك) وأن اسرائيل لا تقتل الفلسطيني ... هذا كلو فبركة من الجزيرة والعربية وهذا كتشب مو دم
إذا بتقيلي هيك يصير القياس معناها على الدنيا السلام. في أدلة واضحة ولا يمكن فبركتها والفيديو لا يمكن تزويره وما حصل في ساحة البيضا هو في بانياس وليس في البشمركة و و و الخ. أما عن اخي بالدم، فساعديني بالطلب من النظام بوقف القصف والتهجير وحصار المناطق.
نحن لا نريد سوى حقنا الطبيعي بالتعبير عن رأينا كما يحق لهم بكتابة (إما الأسد أو لا أحد) يجب أن يحق لنا قول (مافي للأبد)
وسنستمر بالنضال حتى نحصل على حقنا العادل بحربة التعبير عن الرأي والتظاهر يجب أن لا يكون حكراً على المنحبكجية وتأليه الفرد الواحد الأحد

[غالب]

سيبقى التصويت مفتوحا لغاية صباح الثلاثاء الساعة 8.46 ليكون قد مضى عليه 48 ساعة

لسا ما بلشنا او قررنا بلشتو ببعضكم

بدكم ديمقراطية انتظروا نتيجة التصويت

[Ali-roaidi]

gladiator تاريخ التسجيل 19-3-2012 "اليوم" ... و فورا طحش عل سياسة
محتار مين من الأعضاء عامل حساب جديد :rolleyes2:

[economic opinion]

أخي العزيز glaiator موفق من كل قلبي بإيجاد الجنة يلي عم تدور عليها
"مطالب محقة" أكتر كلمة لمت النظام على استخدامها لأنو الكمال لله وحده ورب العالمين هو العادل الأوحد
وصدقني بأكثر المواطن بياضاً رح تلاقي حدا عندو مطالب محقة
والله يا أخي لو الدولة بإيدي كان تكرم عينك كنت خليتك تروح وتتجمع على كيفك أسوةً بإخواتك السوريين يلي بيخالفوك بالرأي وبيقدرو يتجمعو بالسبع بحرات
شكراً لك على صبرك وطرح وجهة نظرك :)

[economic opinion]

سيبقى التصويت مفتوحا لغاية صباح الثلاثاء الساعة 8.46 ليكون قد مضى عليه 48 ساعة

لسا ما بلشنا او قررنا بلشتو ببعضكم

بدكم ديمقراطية انتظروا نتيجة التصويت
شايف شايف يا أستاذ غالب ما لحقنا :rolleyes2:;)
الله يسامحك يا أستاذ غالب أكيد حضرتك مروق هلأ لأنو بلش حكي السياسة:coool:
دهورتنا أنا صوتت لأ لأني ما بدي هالنقاش Big Grin

[economic opinion]

ولييييي يا جماعة قربت النسب من بعضها :rolleyes2:
صوتو لا Big Grin
بس على فكرة خالو لؤي أنا مع فكرة إنو ننقل يلي منشوفو بعيوننا لأنو هاد الإعلام الوحيد الصادق ويعتمد عليه برأيي :)

[فراس السكري]

انا على فكرة خطر على بالي ماقاله الاخ رامي مرة حاولت ان ادورعلى المشاركة ولكن لم تظهر معي ولكني اتذكرها حين قال نحن لانريد فتح النقاش السياسي وذكر السبب لانه لايستطيع الطرف الثاني ان يتكلم بحرية فالنقاش سيكون من طرف واحد والثاني محروم وتكلم ايضا انه ايضا في حال اصبح الطرف الاول ساكت والطرف الثاني يتكلم فيما بعد انه ايضا سيمنع النقاش لان احدهم سيكون مسلوب الحرية بالكلام
وبما ان الان الطرفين يتكلمان بحرية وحتى الطرف الثاني اصبح يتكلم بحرية مطلقة فخوفي ياخ رامي ان يهفت صوت الطرف الاول وتنعاد القصة من جديد والطرف الثاني فقط هو من يتكلم وعندها لانعرف ماذا ربحنا

[Ali-roaidi]

انت عمتحوري الموضوع
أنا اعترضت على مقولة (انت شفت بعينك) ولم أدخل بتقييم نظرة العالم لاسرائيل وأثبت لك (على ما أعتقد)أن تلك المقولة خاطئة.
وانني يمكنني بطريقة مماثلة أن أقول لك أن ما يحصل بفلسطين هو فبركة إعلامية (انت شفتي بعينك) وأن اسرائيل لا تقتل الفلسطيني ... هذا كلو فبركة من الجزيرة والعربية وهذا كتشب مو دم
إذا بتقيلي هيك يصير القياس معناها على الدنيا السلام. في أدلة واضحة ولا يمكن فبركتها والفيديو لا يمكن تزويره وما حصل في ساحة البيضا هو في بانياس وليس في البشمركة و و و الخ. أما عن اخي بالدم، فساعديني بالطلب من النظام بوقف القصف والتهجير وحصار المناطق.
نحن لا نريد سوى حقنا الطبيعي بالتعبير عن رأينا كما يحق لهم بكتابة (إما الأسد أو لا أحد) يجب أن يحق لنا قول (مافي للأبد)
وسنستمر بالنضال حتى نحصل على حقنا العادل بحربة التعبير عن الرأي والتظاهر يجب أن لا يكون حكراً على المنحبكجية وتأليه الفرد الواحد الأحد


انتخبات فورية ؟ نضال ؟ شو كمان بدك مشان سجلك
حبيبي مافي شي اسمه الانتخابات الفورية ... ما حدا قلك من قبل تستفتي بنعم ! .... تقلي تزوير بقلك الدليل؟
النضال ما بيكون الارتماء في الاحضان التركية "الي حتلونا 450 سنة" و الفرنسية "الي حتلونا 23سنة" و الامريكية و الاسرائلية "الغنية عن التعريف"
و لا يكون برفع علم الاحتلال الفرنسي
و لا يكون بالخطف و القتل و قطع الطرقات و ضرب البنية التحتية .... ادا بتقلي النظام يضرب البنية التحتية سعتها للاسف بصير من الموضوعي انا ناقشاك انو المخلوقات الفضائية ممكن كمان الي عم تدمر البنية التحتية و المقرات الامنية....
ثورة ؟
مين قوادها قرضاوي ومالوا؟ يموت تلت الشعب
او الطائفي عرعور ؟ او عبد السلام الخليلي؟
قطر و سعودية ؟ في عندهن دستور الشباب ؟ و شو عم تساوي الكتائب السعودية في بحرين؟!
قناة الجزيرة ؟ تبع خبر انشقاقات مهمة و نوعية في صفوف معسكرات طلائع البعث
او تحت بيتي بيكون في 15 واحد عم يهتفوا بطلعوا عل جزيرة الاف و ربما عشارات الاف يتظاهرون و نبئ عن قصفهم بالمدفعية و الطيران من قبل النظام السوري
" لم اتطرق بعد الى بردى و صفا و وصال وو وو و و و و "

الحكومة بتقلكن تعوا حاوروا يا حبيباتي .... انتوا لا ما منحاور ليسقط النظام
:confused: ايه شو المفروض ياسقطوا حالون؟ مشانك؟ او مشان لانو كلينتون و كاميرون و جوبيه بدون هيك؟
لا تنسى في ملايين المواطنين مع هذا النظام الشغلة مانها تفاحة نيوتن حتى تسقط بهذه البساطة
-عرض سريع للاصلاحات ..
اعادة تشكيل الحكومة
رفع حالة الطوارئ
السماح بتعددية حزبية و الترخيص لاحزاب جديدة
طرح دستور جديد و الاستفتاء عليه
اهم ما ورد في الدستور الجديد هو حذف المادة الثامنة و تحديد ولاية الرئيس
يعني اكتر من الي الناس طلعت منشانو
بس الفساد ليس بكبست زر يتم محيه و التطبيق ليس بالعصة السحرية
بس شعب مايع !
انا 100 مرة باليوم بتمنى يجي يحكمنا يوسف ستالين شغلة كم سنة بركي الشعب بحس شوي
اقراء التاريخ!

[economic opinion]

gladiator تاريخ التسجيل 19-3-2012 "اليوم" ... و فورا طحش عل سياسة
محتار مين من الأعضاء عامل حساب جديد :rolleyes2:
مع إنو شكلو بيعرفنا منيح وعرف إني بنت مع إنو الخال لؤي يلي أقدم منو ما عرف :rolleyes2:
بس بغض النظر عن هويتو هو عم يشرح وجهة نظرو :)
وممكن يكون متابع قديم بس قرر يسجل هلأ لأنو حفزتو ردودي Big Grinmarsa

[Ali-roaidi]

بس الي ماشي على مبدأ الموت و لا المذلة ليش لحتى يخاف و يعمل حساب وهمي ؟ :)

[مجرد إنسان]

بالحوار السياسي ممكن الواحد يرجح فكرة على فكرة أنا بدي حكم اشتراكي انت بدك حكم ملكي دستوري وهداك بدو جمهورية ديمقراطية ، وهيك ما في مشكلة .وكل واحد بيورد دليله من التاريخ وببين نجاعة الطرح .
دخيلك نحنا هون إذا بدنا نناقش ، ما وصلنا لسا لأكثر من :
هالحكي كذب والطرح ما ألو أصل وهادا ماكان هيك .
يعني بدنا نفند الاعلام ونصوب الكذبات ، وهي ما في حدا بيقبلها . لأنو بنكون لغينا دور الاعلام الهادف والتوجيه السياسي والمعنوي الوطني وشوشنا على المواطن وتشاركنا مع العدو في فساد تربية شعبنا وعلمناهم على التدخين والسهر .
أون ذي آظر هاند بقا اللي بيقرأ هون لا هو مقاتل ورح تبرد همته ولا هو من التنسيقيات اللي مومستنية رأينا . اللي شغالين داخل المعركة عارفين الحقيقة ، اللي رح يتوعى هون هنن بس المهابيل اللي لا بيقدموا ولا بأخرو .
تمت .


دائما معبر أخي العزيز : وتعابيرك في الصميم ، ما اجمل الحوار الذي نسمع فيه أول اجابة : كله كذب ، غير منطقي ، كلام بلا مضمون ، مو صحيح ، كلام فارغ ... الخ
فكيف يمكن أن نكوّن حوارا بناءاً؟
أكثرنا يناقش أفكاره بين من هم مثله ومن خلف أبواب موصدة - وسبب ذلك لا يخفى عليكم - ولم نعتد أن نناقش قضايانا المصيرية على الملأ ...
يجب أن نتعلم أولا كيفية المناقشة وان كنا من أطياف متناحرة ومن ثم فلنبدأ ...
أسأل الله تعالى أن يرحم شهداء سوريا وأن يعين من بقي من أحيائها على ما سيأتي
وحسبنا الله ونعم الوكيل

[مجرد إنسان]

من يرى كيف تحول اسلوب النقاش هنا سيعرف أن السباب هو النهاية -تم التقرير - .
لما بدنا رأي أي طرف منروح على قناته منتفرج عليها وبنشوف يا بنصدق ، يا أما ما بنصدق ، وبلا ما نخرب المنتدى ، بدون شي الواحد مو قادر يسكت ورح يطق ..
بالتوفيق في حوار الطرشان !

حسبنا الله ونعم الوكيل

[مجرد إنسان]

انتخبات فورية ؟ نضال ؟ شو كمان بدك مشان سجلك
حبيبي مافي شي اسمه الانتخابات الفورية ... ما حدا قلك من قبل تستفتي بنعم ! .... تقلي تزوير بقلك الدليل؟
النضال ما بيكون الارتماء في الاحضان التركية "الي حتلونا 450 سنة" و الفرنسية "الي حتلونا 23سنة" و الامريكية و الاسرائلية "الغنية عن التعريف"
و لا يكون برفع علم الاحتلال الفرنسي
و لا يكون بالخطف و القتل و قطع الطرقات و ضرب البنية التحتية .... ادا بتقلي النظام يضرب البنية التحتية سعتها للاسف بصير من الموضوعي انا ناقشاك انو المخلوقات الفضائية ممكن كمان الي عم تدمر البنية التحتية و المقرات الامنية....
ثورة ؟
مين قوادها قرضاوي ومالوا؟ يموت تلت الشعب
او الطائفي عرعور ؟ او عبد السلام الخليلي؟
قطر و سعودية ؟ في عندهن دستور الشباب ؟ و شو عم تساوي الكتائب السعودية في بحرين؟!
قناة الجزيرة ؟ تبع خبر انشقاقات مهمة و نوعية في صفوف معسكرات طلائع البعث
او تحت بيتي بيكون في 15 واحد عم يعوا بطلعوا عل جزيرة الاف و ربما عشارات الاف يتظاهرون و نبئ عن قصفهم بالمدفعية و الطيران من قبل النظام السوري
" لم اتطرق بعد الى بردى و صفا و وصال وو وو و و و و "

الحكومة بتقلكن تعوا حاوروا يا حبيباتي .... انتوا لا ما منحاور ليسقط النظام
:confused: ايه شو المفروض ياسقطوا حالون؟ مشانك؟ او مشان لانو كلينتون و كاميرون و جوبيه بدون هيك؟
لا تنسى في ملايين المواطنين مع هذا النظام الشغلة مانها تفاحة نيوتن حتى تسقط بهذه البساطة
-عرض سريع للاصلاحات ..
اعادة تشكيل الحكومة
رفع حالة الطوارئ
السماح بتعددية حزبية و الترخيص لاحزاب جديدة
طرح دستور جديد و الاستفتاء عليه
اهم ما ورد في الدستور الجديد هو حذف المادة الثامنة و تحديد ولاية الرئيس
يعني اكتر من الي الناس طلعت منشانو
بس الفساد ليس بكبست زر يتم محيه و التطبيق ليس بالعصة السحرية
بس شعب مايع !
انا 100 مرة باليوم بتمنى يجي يحكمنا يوسف ستالين شغلة كم سنة بركي الشعب بحس شوي
اقراء التاريخ!


ما شاء الله ، الله أكبر !
كلام سهل الرد عليه وفتح نقاش واضح فيه يلزم الخصم بأشياء لا قبل له بها ، ولكن لنغض الطرف عن أي كلام وما يهمنا هو :
الشعب مايع ؟؟
الشعب هو مصدر السلطات ولا يحق لأي شخص أن يحاسبه على رأيه أو توجهه أياً كان !
وبدون هذا الشعب لا يوجد شرعية لاي شخص كائنا من كان..
احترم شعبك !
هذا الشعب هو شجرة الليمون : كل ليمونة ستنجب طفلا ....... ومحال ان ينتهي الليمون
أخرتا بدو يجينا واحد يطالب بتغيير الشعب لحتى يرضى النظام ، يمكن بلشوا يستوردو شعب من ايران وروسيا بدالنا ^_^
ههههههههههه

[BROKER]

يا جماعة انتم هنا في مساحة لكي تقوموا بالتصويت لأن القرار لكم في هذا الموقع وليس للإدارة

فإن قمتم بالتصويت على رغبتكم بأن نسمح للحوار والنقاش السياسي بدون تجريح فسوف نسمح بذلك
وان صوتم بـ لا فسوف تبقى المواضيع المخصصة للسياسة ممنوعة وفقا لما صوتم له .. وسيبقى السماح بالمشاركات في قلب كل المواضيع كون السياسة لا تنفصل عن الحياة اليومية والاقتصادية .


-- اما هذه المساحة من الحوار التي قمتم بفتحها هنا في هذا الموضوع فسوف نمررها فقط لاننا اعتبرنا ان هذا الموضوع كالمنظقة الحرة فلكم ان تتحاروا ريثما ينتهي موعد التصويت ...

ولكن ارجوكم ان تحترموا بعضكم "هنالك من الاخوة" من اتهم طرف باتهام لا يليق نتمنى ان تتحاورا كمختلفين دون اهانة حتى يتم اقفال الموضوع ..... ونعدكم اننا سوف نمرر كل المشاركات وبكل الاراء .

[BROKER]

للتذكر:
هذه المرة الثالثة التي يتم فيها فتح باب التصويت لنفس الموضوع من بداية الثورة الى اليوم .

[مجد]

للتذكر:
هذه المرة الثالثة التي يتم فيها فتح باب التصويت لنفس الموضوع من بداية الثورة الى اليوم .


!

[mahermmmm]

قواعد الحوار:
1- تجنب التشويش على رأي الخصم وضرب آرائه بعضها ببعض
2- الاجتهاد في فهم آراء الخصم ضمن مرجعيتها والتزام العدل والنزاهة في الاستشهاد بها
3- الاعتراف بالآخر وعدم التنكر لما يستفيده الإنسان من خصومه
4- التزام الأمانة العلمية: اي نقل المعلومة كما هي ومع كافة مراجعها وعدم اخفاء الجوانب التي لا تروق للناقل

[Ali-roaidi]

للتذكر:
هذه المرة الثالثة التي يتم فيها فتح باب التصويت لنفس الموضوع من بداية الثورة الى اليوم .


لا أوافقك بمصطلح الثورة

[Ali-roaidi]

انا لا أؤيد الحديث السياسي هنا كثيرا لعدم فعليته ...
ولكن تنظيمه في زاوية خاصة من الموقع افضل من انتشاره في جميع الردود و المشاركات الاخرى والتشويش عليها

[Ali-roaidi]

ما شاء الله ، الله أكبر !
كلام سهل الرد عليه وفتح نقاش واضح فيه يلزم الخصم بأشياء لا قبل له بها ، ولكن لنغض الطرف عن أي كلام وما يهمنا هو :
الشعب مايع ؟؟
الشعب هو مصدر السلطات ولا يحق لأي شخص أن يحاسبه على رأيه أو توجهه أياً كان !
وبدون هذا الشعب لا يوجد شرعية لاي شخص كائنا من كان..
احترم شعبك !
هذا الشعب هو شجرة الليمون : كل ليمونة ستنجب طفلا ....... ومحال ان ينتهي الليمون
أخرتا بدو يجينا واحد يطالب بتغيير الشعب لحتى يرضى النظام ، يمكن بلشوا يستوردو شعب من ايران وروسيا بدالنا ^_^
ههههههههههه


ايه متل ما سمعت شعب مايع !!
متل ما تحبوا تقارنوا حكومات الدول ببعضها
جربوا تقارنوا شعوب العالم ببعضها في عدد من المراحلة و المطبات التاريخية

هههه ليش هيك عندكون هوس من ايران؟ عنجد؟

[ام محي الدين]

للتذكر:
هذه المرة الثالثة التي يتم فيها فتح باب التصويت لنفس الموضوع من بداية الثورة الى اليوم .



لا أوافقك بمصطلح الثورة
هذا هو الخلاف فحتى التسمية نختلف عليها
ودائماً هناك من يصارد رأيك !!!!
وهذا يعود لعدة اسباب واهمها
الفرق الكبير بين الطرفين
(السلطة والقوة )عند طرف واحد
وان سلمنا للحوار فلن يكون عادل
فهناك من يقول رأيه وهو مختبء
خلف اسم مستعار والاخر يقول رأيه ويقرر
بل ويتصرف بناءً على القوة التي يمتلكها
وقد قررت التصويت بلا حتى تتساوى الاطراف
وحتى ذلك الوقت دمتم بخير

[عابر مجيب]

لا أوافقك بمصطلح الثورة

ما الاسم الذي تريد ؟
سوء تفاهم مثلا ؟
والآن :
ماذا تغيير على الأرض ؟
ضع نقطتين على ورقة عباد الشمس هل تغيير اللون ؟
أعد التجربة باضافة بهارات ماذا تلاحظ ؟
ناقش نتائجك مع مدرسك ثم ، حاول فهم الأمثلة المحلولة.
صباح الخير جميعا

[غالب]

الاخوة الاحبة جميعا شكرا لكم

تم اغلاق التصويت والخلاصة :

60% ضد فتح مواضيع سياسية خالصة في المنتدى لاسباب مختلفة

40 % مع فتح مواضيع سياسية خالصة

لذلك من المفيد واستجابة للاكثرية عدم فتح مواضيع سياسية خالصة.

رجائي الخاص عدم فتح النقاشات السياسية اصلا الا بقدر ارتباطها بمواضيعنا الاقتصادية واعرف انها كثيرة ومتصلة .

نرجو عدم شخصنة النقاش .

احترام بعضنا البعض .

احترام وجهة نظر الاخر مهما تكون بعيدة عن وجهة نظرنا .

عدم الاستهزاء بالاخرين لان الاخرين ان قرروا ان يستهزءوا بك ليسوا اقل قدرة على ذلك .

بالنهاية كلنا سوريين ولا يجب التشكيك بوطنية احد لان التشكيك لا يبني اوطانا للجميع .

لن نعيد هذا التصويت قبل مرور ثلاثة اشهر .

اصبح من حقنا وحق الديمقراطية علينا حذف اي نقاشات خارجة عن الموضوع الاساسي لا تلومونا.

ملاحظة اخيرة : كل شخص غير معروف بالمنتدى لن تؤخذ اراوءه على محمل الجدية كما هي للاشخاص المعروفة شخصياتهم واسماءهم الصريحة وان كانت له اسبابه لعدم الظهور نرجو منه عدم ادخالنا في متاهات السياسة وما يحيط بها في ظروف مثل ظروفنا .

ليحترم علنيتنا ونحترم عدم ظهور شخصيته الحقيقية .

شكرا لكل من ساهم معنا شكرا لكم .