المساعد الشخصي الرقمي

مشاهدة النسخة كاملة : حنيني إلى شامنا !

Dnouri
15-02-2012, 12:16 AM
الشام لو يعرفو شو الشام ؟؟؟؟؟
الشام شامة الدني ..... الشام الربوة وقهوة ابو شفيق وصخرة اذكريني ....
الشام سيران يوم الجمعة عند مورا ببلودان يا عند ابو وحيد بالفيجة .....
الشام كسدورة على طريق المطار او القعدة بالهوياات بقاسيوون ....
الشام روحة بعد السهرة عالميدان العشا بالمحبة او سندويشة شاورما عالماشي ..
الشام تفتيلة بالشعلان او باب توما والاحلى بالشام العتيقة والارجيلة بالنوفرة وعشا ...ببيت جبري ...

الشام الشباب الطيبة الاصيلة والصبايا الحلوات الذكيات ....
الشام سهر برمضان للصبح وسهرة راس السنة الغير شكل ...الشام الجار جار حتى لو جار ...
الشام صوت بياع الغاز وصوت سيارة المازوت وترغلة بياع الخضرة ..الشام سوق الهال والحميدية وبكداش... الشام قلعة دمشق والبوابات السبع... الشام نزار قباني..
الشام بردى ..الشام الياسمين والتفاح والكرز والجوري والزنبق البلدي..
الشام يلي بس تطلع منها نهار بتحس بالغربة...الشام تقبريني ياشام...
الشام لمة الشباب بقهوة الروضة وبعده نروح لناكل الصبارة...
الشام سيران الشباب يوم الجمعة عالمسبح ولمة الصبايا على صحن تبولة...
الشام مخيم فلسطين ومخيم يرموك وحارة الشراكس وركن الدين وحارة الجوره وشارع الامين وباب توما وميدان شارع30 ...

الشام فنجان قهوة مع فيروز وكسر سفرة بمكدوسة وكاسة شاي وخبزة مقمرة عالصوبيا...
االشام الغدا ساعة3 صحن حراء باصبعو وكوسا محشي...
الشام تشعل شمعة بدير صيدنايا وطعمي الحمامات بساحة جامع الاموي...
الشام ضجة الاولاد بالباحة....الشام معرض دمشق الدولي وفيروز عم تصدح سنرجع يوما..
الشام مايطلبه الجمهور وغدا نلتقي ومجلة التلفزيون...
الشام العرس للصبح...الشام لقاء العشاق بالسبكي والجاحظ وجنينة الطلائع...
الشام عربيات فول نابت...الشام صح النوم ..الشام حمام الهنا وكاسك ياوطن...
الشام امي وامك...
أرضي وأرضك .. حصني وحصنك...
عرضي وعرضك....دمي ودمك....إبني وإبنك...بلدي وبلدك...

الشام العجئة بطلعة جسر الثورة والقطايف والكنافيه من عند نبيل نفيسة والزحمة بسوق الحميدية..
الشام غزل البنات...الشام يلي مابتنقفل بوجه لاغريب ولاقريب...
الشام العجئة تحت جسر الرئيس بعز الشوب والتكسي عداد ونص عالمشروع...
الشام فلافل بيسان وبن كنفش...الشام احلى سوق التنابل والهابي لاند...
الشام بسطات الفستق الحلبي بأيلول وطرطشت السيارات بمطرة تشرين وطابات التلج المرصوصة رص بكوانين...
الشام السبع بحرات والمزة والشيخ سعد وكفرسوسة والبيوت العتيقة المعربش عليها الياسمين وسبيل المي يلي مابيخلي حدا عطشان...
الشام حبنا الاول ونجاحنا الاول وفرحنا الاول قوتنا وقدرتنا...
الشام كل شي بيكفي انها شام اولها كلام واخرو....
الشام الناس بتسلم عليك بالطريق كأنها بتعرفك من مية سنة..
الشام لمة الجيران عالاسطوح للصبح ولعب شدة الشغال باصرة كونكان طرنيب وعلى كيف كيفك ...

الشام الدفا بعد البرد الام يلي بتلم ..يلي عندو أب وأم وماعندو شام يتيم...
الشام خضرة ومي ووجوه حلوة...
الشام اول حرف وآخرو كلمة...الشام آمان بالروح قبل المطرح بأهلها وسكانها..
الشام زفة العروس وعراضة العريس الصبح...
الشام أم العز والكرامة... الشام بالحزن تمسح دمعتك وبالفرح تفرح معك...
الشام انتي مابيخلص الحكي عنك ... الله يحميكي ياشاااام
منقول
ام محي الدين
15-02-2012, 01:00 AM
ااااااااااااااااااه يا شام
د.وائل نحاس
15-02-2012, 01:25 AM
إن شاء الله راجعة الشام أحلى من أول
arnouri
15-02-2012, 02:29 PM
قرأتُ مجدَكِ فـي قلبي وفي الكُتُـبِ
شَـآمُ ما المجدُ؟ أنتِ المجـدُ لم يَغِبِ
إذا على بَـرَدَى حَـوْرٌ تأهَّـل بـي

نـادتْ فَهَـبَّ إلى هِنـدٍ وأنـدلُـسٍ
كَغوطةٍ مِن شَبا المُـرَّانِ والقُضُـبِ
خلَّـتْ على قِمَـمِ التّارِيـخِ طابَعَـها


هـذي لها النصرُ لا أبهى، فلا هُزمت
وإن تهَـدّدهـا دَهـرٌ مـنَ الـنُـوَبِ
والانتصارُ لعَـالي الـرّأسِ مُنْحَتِــمٌ
حُلـواً كما المَوتُ،جئتَ المَوتَ لم تَهَبِ
شـآمُ أرضَ الشّهاماتِ التي اصْطَبَغَتْ
بِعَـنْـدَمِيٍّ تَمَتْـهُ الشّـمْسُ مُنسَـكِبِ
ذكَّـرتكِ الخمسَ والعشـرينَ ثورتهـا
ذاكَ النفيـرُ إلى الدّنيـا أنِ اضْطَـرِبي
فُكِّـي الحديدَ يواعِـدْكِ الأُلى جَبَهـوا
لدولـةِ السّـيفِ سَـيفاً في القِتالِ رَبِي
وخلَّفُـوا قَاسـيــوناً للأنـامِ غَـداً
طُوراً كَسِـينـاءَ ذاتِ اللّـوحِ والغلَبِ
شـآمُ... لفظُ الشـآمِ اهتَـزَّ في خَلَدي
كما اهتزازُ غصـونِ الأرزِ في الهدُبِ
أنزلـتُ حُبَّـكِ في آهِـي فشــدَّدَها
طَرِبْتُ آهـاً، فكُنتِ المجدَ في طَـرَبِي.


بتصرف -فيروز
Dnouri
15-02-2012, 06:33 PM
هذي دمشق.. وهذي الكأس والراح
إني أحب... وبعض الحب ذباح

أنا الدمشقي .. لو شرحتم جسدي
لسال منه عناقيد.. وتفاح

ولو فتحتم شراييني بمديتكم
سمعتم في دمي أصوات من راحوا

زراعة القلب تشفي بعض من عشقوا
وما لقلبي إذا أحببت جراح

مآذن الشام تبكي إذ تعانقني
و للمآذن .. كالأشجار.. أرواح

للياسمين حقوق في منازلنا...
وقطة البيت تغفو حيث ترتاح

طاحونة البن جزء من طفولتنا
فكيف أنسى ؟ وعطر الهيل فواح

خمسون عاما .. وأجزائي مبعثرة..
فوق المحيط .. وما في الأفق مصباح

تقاذفتني بحار لا ضفاف لها..
وطاردتني شياطين وأشباح

هنا جذوري.. هنا قلبي .. هنا لغتي
فكيف أوضح؟ هل في العشق إيضاح؟
نزار قباني
فراس السكري
15-02-2012, 09:24 PM
مااجملك ياشام
http://public.bay.livefilestore.com/y1pppMN4fX4ePPlupFwv91aha2Hi_GTLjOnW4D3jHU42jf93hO eVD9Lat2PS7zHrcMfjDtjeqjyQiPoXiq7PGUakQ/49-%D8%A7%D9%84%D8%AC%D9%86%D8%AF%D9%8A%20%D8%A7%D9%8 4%D9%85%D8%AC%D9%87%D9%88%D9%84.jpg?psid=1
سندباد
17-02-2012, 06:13 PM
الشام لو يعرفو شو الشام ؟؟؟؟؟
الشام شامة الدني ..... الشام الربوة وقهوة ابو شفيق وصخرة اذكريني ....
الشام سيران يوم الجمعة عند مورا ببلودان يا عند ابو وحيد بالفيجة .....
الشام كسدورة على طريق المطار او القعدة بالهوياات بقاسيوون ....
الشام روحة بعد السهرة عالميدان العشا بالمحبة او سندويشة شاورما عالماشي ..
الشام تفتيلة بالشعلان او باب توما والاحلى بالشام العتيقة والارجيلة بالنوفرة وعشا ...ببيت جبري ...

الشام الشباب الطيبة الاصيلة والصبايا الحلوات الذكيات ....
الشام سهر برمضان للصبح وسهرة راس السنة الغير شكل ...الشام الجار جار حتى لو جار ...
الشام صوت بياع الغاز وصوت سيارة المازوت وترغلة بياع الخضرة ..الشام سوق الهال والحميدية وبكداش... الشام قلعة دمشق والبوابات السبع... الشام نزار قباني..
الشام بردى ..الشام الياسمين والتفاح والكرز والجوري والزنبق البلدي..
الشام يلي بس تطلع منها نهار بتحس بالغربة...الشام تقبريني ياشام...
الشام لمة الشباب بقهوة الروضة وبعده نروح لناكل الصبارة...
الشام سيران الشباب يوم الجمعة عالمسبح ولمة الصبايا على صحن تبولة...
الشام مخيم فلسطين ومخيم يرموك وحارة الشراكس وركن الدين وحارة الجوره وشارع الامين وباب توما وميدان شارع30 ...

الشام فنجان قهوة مع فيروز وكسر سفرة بمكدوسة وكاسة شاي وخبزة مقمرة عالصوبيا...
االشام الغدا ساعة3 صحن حراء باصبعو وكوسا محشي...
الشام تشعل شمعة بدير صيدنايا وطعمي الحمامات بساحة جامع الاموي...
الشام ضجة الاولاد بالباحة....الشام معرض دمشق الدولي وفيروز عم تصدح سنرجع يوما..
الشام مايطلبه الجمهور وغدا نلتقي ومجلة التلفزيون...
الشام العرس للصبح...الشام لقاء العشاق بالسبكي والجاحظ وجنينة الطلائع...
الشام عربيات فول نابت...الشام صح النوم ..الشام حمام الهنا وكاسك ياوطن...
الشام امي وامك...
أرضي وأرضك .. حصني وحصنك...
عرضي وعرضك....دمي ودمك....إبني وإبنك...بلدي وبلدك...

الشام العجئة بطلعة جسر الثورة والقطايف والكنافيه من عند نبيل نفيسة والزحمة بسوق الحميدية..
الشام غزل البنات...الشام يلي مابتنقفل بوجه لاغريب ولاقريب...
الشام العجئة تحت جسر الرئيس بعز الشوب والتكسي عداد ونص عالمشروع...
الشام فلافل بيسان وبن كنفش...الشام احلى سوق التنابل والهابي لاند...
الشام بسطات الفستق الحلبي بأيلول وطرطشت السيارات بمطرة تشرين وطابات التلج المرصوصة رص بكوانين...
الشام السبع بحرات والمزة والشيخ سعد وكفرسوسة والبيوت العتيقة المعربش عليها الياسمين وسبيل المي يلي مابيخلي حدا عطشان...
الشام حبنا الاول ونجاحنا الاول وفرحنا الاول قوتنا وقدرتنا...
الشام كل شي بيكفي انها شام اولها كلام واخرو....
الشام الناس بتسلم عليك بالطريق كأنها بتعرفك من مية سنة..
الشام لمة الجيران عالاسطوح للصبح ولعب شدة الشغال باصرة كونكان طرنيب وعلى كيف كيفك ...

الشام الدفا بعد البرد الام يلي بتلم ..يلي عندو أب وأم وماعندو شام يتيم...
الشام خضرة ومي ووجوه حلوة...
الشام اول حرف وآخرو كلمة...الشام آمان بالروح قبل المطرح بأهلها وسكانها..
الشام زفة العروس وعراضة العريس الصبح...
الشام أم العز والكرامة... الشام بالحزن تمسح دمعتك وبالفرح تفرح معك...
الشام انتي مابيخلص الحكي عنك ... الله يحميكي ياشاااام
منقول



للاسف الشوام هيك عملوا بالشام بهاد العصر صارت روحات وجيات و اركيلة وقطايف وشاورما و عراضة وفلافل ولعب شدة وصياعة بالشعلان ...الخ

ومشان هيك الله سبحانه وتعالى عاقبنا بذل لا مثيل له بالتاريخ



بس الشام الحقيقة مو هيك ابدا الشام هي ارض الانبياء و الصالحين و الفرسان و العلم و النور

هي الدولة الاموية حاكمة العالم ....هي العدالة ...عمر ابن عبد العزيز...هي صلاح الدين الايوبي قاطع راس الفرنجة...هي الظاهر بيبرس كاسر سيوف التتار .....هي ارض العلماء ابن تيمية و النووي...هي البناء و العمارة الجامع الاموي ..هي الصناعة ..السيف الدمشقي الذي كان يصدر الى الصين وما ادراك مالصين...

الشام بدها تستقبل المسيح عليه السلام من السماء باخر الزمان....

ووين بدو ينزل فكركون بالنوفرة مثلا و احفادنا ساعتها بعملوا هشك بشك...!!! مثلا

اي الله يعفوا عنا على ما بالنا


يارب يا كريم يا رحمن يا رحيم ردنا الى طريق الحق و لا تستبدلنا من ارض الشام كما استبدلت اقواما كثيرة من عليها
arnouri
17-02-2012, 06:31 PM
للاسف الشوام هيك عملوا بالشام بهاد العصر صارت روحات وجيات و اركيلة وقطايف وشاورما و عراضة وفلافل ولعب شدة وصياعة بالشعلان ...الخ


ومشان هيك الله سبحانه وتعالى عاقبنا بذل لا مثيل له بالتاريخ


والله ياأخي الكريم
قسيت كثيراً على الشوام
فالشام تعدادها الان بحدود7.000.000 نسمة
واهلا وسهلا بالضيوف الشام فهي للجميع
والشام تجمع بين طرفين
الشام صلاة التراويح في رمضان
وصلاة التهجد و دعاء المؤمن بعد منتصف الليل
والشام
والشام مساعدة المحتاج والجريح والمسكين وو

شكرا لك
لقماان
17-02-2012, 06:38 PM
زينو المرجة و المرجة لينا شامنا فرجة هي و مزينة )
......الله يزين أهل الشام و سوريا بعؤولون
Dnouri
19-02-2012, 10:52 PM
للاسف الشوام هيك عملوا بالشام بهاد العصر صارت روحات وجيات و اركيلة وقطايف وشاورما و عراضة وفلافل ولعب شدة وصياعة بالشعلان ...الخ






ومشان هيك الله سبحانه وتعالى عاقبنا بذل لا مثيل له بالتاريخ



بس الشام الحقيقة مو هيك ابدا الشام هي ارض الانبياء و الصالحين و الفرسان و العلم و النور

هي الدولة الاموية حاكمة العالم ....هي العدالة ...عمر ابن عبد العزيز...هي صلاح الدين الايوبي قاطع راس الفرنجة...هي الظاهر بيبرس كاسر سيوف التتار .....هي ارض العلماء ابن تيمية و النووي...هي البناء و العمارة الجامع الاموي ..هي الصناعة ..السيف الدمشقي الذي كان يصدر الى الصين وما ادراك مالصين...

الشام بدها تستقبل المسيح عليه السلام من السماء باخر الزمان....

ووين بدو ينزل فكركون بالنوفرة مثلا و احفادنا ساعتها بعملوا هشك بشك...!!! مثلا

اي الله يعفوا عنا على ما بالنا


يارب يا كريم يا رحمن يا رحيم ردنا الى طريق الحق و لا تستبدلنا من ارض الشام كما استبدلت اقواما كثيرة من عليها

أنا هيك بشوف الشام كل واحد الو وجهة نظرو
أنا بحترم رايك بس
أحلى شي بالشام البساطة و أنت عم تعقدها
شام بالنسبة إلي تمشاية تحت الثلج بحاراتها
و كمان الشام هيك حلوة
BROKER
20-02-2012, 12:31 AM
انا ما رديت عالموضوع الى الآن

لاني بصراحة كنت مو حانن للشام ....

اما اليوم فسوف ارد.......


( اي هي الشام هه )
Dnouri
20-02-2012, 12:51 AM
انا ما رديت عالموضوع الى الآن

لاني بصراحة كنت مو حانن للشام ....

اما اليوم فسوف ارد.......


( اي هي الشام هه )

مزه - ميدان - كفرسوسة