سؤال محيرني ساعدوني بالنصيحة

[angel]

اخي مغترب ومن فترة بعت شوية مصاري ئام انا من ذكائي اخدتلو اسهم بالبركة ومتل ما بتعرفو تخورفت فيهن بس السؤال الاهم انو لسا بقيان من المصاري مبلغ تقريبا 450 الف واخي قلي اخدلو فيهن ارض او شي شغلة مشان ما يروحو المصاري بصراحة انا معد ئلي ثقة بحالي لاتخذ قرار بعد موضوع البركة بقا بدي النصيحة شو اعمل وانا مو حابب خورفو للزلمة مرة تانية اصلا انا لسا ما حكيتلو التفاصيل تبع الخورفة الاولانية ساعدوني يا اخوة ولكم الاجر

[abu mhd]

اهلا و سهلا اخي الكريم
يمكن ما حدا يقدر ينصحك لأنوا للأسف معظمنا مني بخسارات كبيرة يعني لو قدرنا ننصح كنا نصحنا حالنا
بس عموما قطعة ارض ب 450 الف مافي و كمان تشتري شي مافي الا اذا حبيت تدفعهم دفعة اولى مقدمة لشراء منزل و تكمله بقية المبلغ اقساط
غير هيك افضل شي يا تحولهم ذهب او شي تاني و بس يصير المبلغ اكبر بتبقى بتفكر شو بدك تساوي فيهن
او اذا حابب ممكن تاخد فيهم شوية اسهم بالبنوك القيادية و تنتظر شي شهر لبين ما يطلع الصندوق السيادي

بالنتيجة القرار لك و انصحك بان يكون اخوك على اطلاع و مشارك بالقرار كي لا تتحمل وزر ما تفعله لوحدك

بالتوفيق و اهلا و سهلا

[BROKER]

اسهم البركة ليس فيهم خوف ان شاء الله رح يعوض كل شي خسره فاطمئن للمستقبل طالما ان اخوك مستثمر طويل الاجل .

من الجهة باقي المال

فهنالك اسهم اقل من قيمتها الحقيقة كـ ( بنك البركة - والاسلامي - واسمنت البادية - وبنك الشام ) ....
وايضا يمكن التبديل بين العملات او الذهب ....

[SyrianWolf]

أخي الكريم, فعلاً النصيحة هلأ صعبة. بس -والله أعلم- أنا لو كنت محلك كنت اشتريت فيهم ذهب لأنو بحافظ على قيمتهم علماً أنو في كتير عالم متوقعة أنو الذهب إحتمال يزداد سعره عالمياً وكمان ممكن تشتري الذهب بسرعة (وين هلأ بدك تدور على بيت أو أرض...).
أمّا بالنسبة للأسهم فبصراحة -والله أعلم- لو كنت أنا كنت مابفوت هالفوتة مع مستقبل الليرة الغير مريح حالياً.
وبالأخير الله يوفقك أنت وأخوك وإنشالله مابيضيعلكون تعب.

[angel]

مممممممممممم شكرا للنصيحة

[Salam L]

بما انو عندك اسهم... فبتقدر توزع الباقي نص دهب ونص عملات

[رائد]

بسم الله - أنا مغترب ودخلي بالريال = 19 بسعر اليوم (مالي مبسوط ولا مرتاح ويارب يخسر ريالي وينزل وتنتعش بلدي) ومع ذلك لما بقدر بشتري ذهب لكن بحذر أو بحدود هامش خسارة متوقع- إذاً مكانك أبتعد عن الدولار وخلي فلوس أخوك ب جوز أساور بيطلعو400 الف...مع الأسف ! Frown11

[مجد]

اسهم البركة ليس فيهم خوف ان شاء الله رح يعوض كل شي خسره فاطمئن للمستقبل طالما ان اخوك مستثمر طويل الاجل .

من الجهة باقي المال

فهنالك اسهم اقل من قيمتها الحقيقة كـ ( بنك البركة - والاسلامي - واسمنت البادية - وبنك الشام ) ....
وايضا يمكن التبديل بين العملات او الذهب ....



نصيحة من ذهب .بشرط ان لا تكون بحاجة هذا الكاش لسنة على الاقل .لانه بكل الاحوال ستنتهي الازمة الحالية بوقت قصير ان شاء الله .ولكن التعافي الاقتصادي يحتاج لبعض الوقت .سيقول ايضا البعض اننا .......لاننا لم نشتري بهذه الاسعار (بشرط عدم الحاجة لهذا الكاش )

[NetPro]

أضم رأيي إلى فريق المصوتين لشراء الذهب

[سندباد]

بداية متل ما قال اخونا الكريم مؤيد المفروض تصارح اخوك بكل شي عملتوا بالسابق حتى ولو اكلت منو بهدلة

وبعدين تقترح عليه شو بدك تساوي باموالوا البقيانة حتى تكون عل البينة و ما تغرق اكتر من هيك

اما شو بدك تساوي فيهون ممممم

هاد السؤال يتوقف على رؤيتك و نظرتك للوضع بالبلد ...

انا من جهتي اتمنى ان تنتهي الازمة قريباً....

لكن نظرتي للاسف سوداوية الى درجة انو اتوقع دوامها لعدة سنوات ...

طبعا نظرتي ترتكز على المعطيات على الارض ويلي هي انو القوى المتصارعة متساوية بالقوة حتى الان

وبناء على ذلك وبما انك عندك اسهم

اؤيد اقتراح الاخت الكريمة سلام بانك تشتري دهب و عملات في الوقت الراهن على ان تقوم في وقت لاحق بتبديل العملات الى اصول تانية متل العقارات اذا توفر لك المبلغ المطلوب او حتى دهب ..وكمان اضيف لا باس انو تقوم ببيع جزء من اسهمك بعد ما يصير الصندوق على ارض الواقع وياخد مفعولوا كاملا
كون استمرار الازمة لمدة عام سوف يؤدي الى هبوط بالليرة 50% على الاقل
وبالتالي اي ارتفاع بلاسهم تحت 50% يعد استثمارا خاسرا

اما اذا كنت تتوقع انتهاء الازمة كليا خلال شهر او شهرين بالكتير فطبعا الاسهم هو الخيار الافضل للاستثمار.......

و لا تنسى الاستخارة

وبالتوفيق