مشاهدة النسخة كاملة : سعر صرف الدولار مقابل الليرة 21-1-2012 (السوقي)
محمد s
21-01-2012, 11:18 AM
نشرة مصرف سوريا مركزي
محمد s
21-01-2012, 11:23 AM
السلام عليكم ورحمة الله وبركاته
وصل سعر دولار مساء يوم خميس الى 73.75 شراء بيع 74
وعرض دولار بعد عصر يوم جمعة 67
محمد s
21-01-2012, 11:24 AM
اللهم صلي على سيدنا محمد صلاة تفتح لنا أبواب الرضى والتيسير وتغلق بها أبواب الشر والتعسير أنت مولانا فنعم المولى ونعم النصير
محمد s
21-01-2012, 11:27 AM
الأغلبية الساحقة من السوريين يعيشون على الفائدة ورفع أسعارها يخدمهم
تاريخ المقال: 2012-01-21
قال حاكم مصرف سورية المركزي أديب ميالة: أن رفع أسعار الفائدة الدائنة التي تدفعها المصارف العاملة على الودائع والحسابات الجارية وحسابات شهادات الاستثمار بالليرة السورية يخدم الأغلبية الساحقة من المواطنين الذين يعيشون على الفوائد.
مضيفاً: أنه في حال تركنا أسعار الفائدة كما هي فإننا سنهمل الشريحة الأكبر من حجم المودعين والذين يعيشون من ورائها .
ووعد الحاكم خلال مقابلة على الفضائية السورية: أن سعر الصرف سيعود إلى (المجاري الطبيعية)! وذلك من خلال سعي المركزي مع الحكومة لإعادة السعر لطبيعته، بحيث سيتخذ المركزي خلال الأسبوع القادم إجراءات فاعلة من خلال ضخ القطع الأجنبي في السوق.
ونرد على السيد الحاكم لنؤكد له:
المواطن هو الحلقة الأضعف بكل ما يحصل في السوق ( الدخل ثابت أو غير موجود والأسعار في ارتفاع دون رجوع)، وأيضاً المؤسسات أو المشاريع الصغيرة والمتوسطة ستسحق من الخارطة الاقتصادية، والتاجر أو الصناعي غير مستعد للخسارة بأي شكل من الأشكال ، ولن يتقبل أن يخضع لهذه القرارات وبالتالي سيتجه نحو تخفيض الكلف عبر تسريح العاملين لديه، ورفع الأسعار وهؤلاء سيضافون إلى الأغلبية الساحقة التي تملك المليون ليرة حسب تأكيد الحاكم ولدى كل فرد منهم حساب مصرفي بالمليون ليرة ويتقاضى فوائد عليها؟، بالإشارة إلى كل قرار خاطئ يصدر ( حتى لو تم التراجع عنه لاحقاً) تبقى آثاره السلبية قائمة ومستمرة مما زاد من الأمر سوءاً وانعكس بشكل واضح على أسعار السلع والخدمات مما فاقم من معدلات التضخم
الطير المهاجر
21-01-2012, 11:30 AM
صباح الخير أخي محمد
معقول الدولار هبط 7 ليرات دفعة وحدة
العربي
21-01-2012, 11:30 AM
يعطيك العافية أخي محمد
بانتظار أسعار السوق على أحر من الجمر
محمد s
21-01-2012, 11:32 AM
الليرة السورية على حافة التعويم: المصارف أبلغت بشكل غير رسمي بالتوجه نحو التعويم
تاريخ المقال: 2012-01-21
نقلت صحيفة فايننشال تايمز البريطانية، عن حاكم مصرف سورية المركزي أديب مياله، قوله إن سورية تخطط لتعويم موجه لسعر صرف عملتها الإسبوع المقبل.
ونفى المحلل الاقتصادي لمجلة وموقع الاقتصادي نادر الغنيمي أن تكون تصريحات مياله تفيد بالتوجه نحو التعويم، وقال: التعويم floating هو عدم ربط العملة بأي عملة أو بوحدة الإصدار الخاصة وترك سعر العملة لعامل العرض والطلب الذي يتم تحديد سعر العملة وفق قوة اقتصاد البلد وتدفقات النقد إليه وعجزه التجاري وعجز الميزانية.
وأضاف: نظرا لوضع الاقتصاد السوري وللعجز في الميزانية الذي يقدر بأكثر من 20% من الناتج المحلي وخسارة 65% من دخل السياحة الذي بلغ في عام 2010 حوالي 8 مليار دولار أي جوالي 16 % من الناتج المحلي، هل تعتقد أنّ عاقلاً يعلن تعويم العملة في مثل تلك الظروف؟
وقال: لم يتم تعويم الليرة فالتعويم هو فك ارتباط الليرة بأي عملة أو وحدة الإصدار الخاصة، ولا تستطيع أي دولة صغيرة ولو بحجم السعودية في النظام المالي العالمي تعويم عملتها لأنها ستكون فريسة للمضاربين. ما فعله ميالة هو تغيير سعر ربط الليرة السورية بوحدة الإصدار الخاصة، يعني في أول العام الماضي كانت وحدة الإصدار الخاصة تساوي 73 ليرة أي أن البنك المركزي ربط الليرة بهذه النسبة وكانت ترتفع تدريجياً إلى أن وصلت الخميس إلى 88.7 (هذا على السعر الرسمي) أما الآن، فقد اعترف أنّ السعر القائم هو الحقيقي، فإنه يعتبر أن الوحدة أصبحت (بدولار سعره 72 ) تساوي 110.3 ليرة.
وكشف مياله في اللقاء التلفزيوني أنّ المركزي سوف يتدخل بشكل إيجابي في السوق لحماية الليرة السورية، مبينا أن المصرف سيقوم بضخ قطع أجنبي في السوق الأسبوع المقبل لحماية الليرة ولتغطية النقص في الموارد ولمساعدة المصارف على تمويل المستوردات بالأسعار الطبيعية، ووصف ميالة أن سعر صرف الدولار في السوق الموازية "وهمي، وهدفه إثارة الخوف والهلع لدى المواطنين".
إلى ذلك، أوضح ميالة أن "سعر الصرف سوف يعود إلى مجاله الطبيعي وسوف نسعى مع الحكومة لإعادة السعر إلى مجاله الطبيعي، وسوف يكون تدخل إيجابي في السوق وضخ القطع الأجنبي لتعويض النقص في الموارد لتغطية حاجة المصارف لتقدر على تمويل المستوردات بالأسعار الطبيعية".
وتأتي هذه الخطوة، التي تعني فعلياً السماح بانخفاض قيمة الليرة السورية، وسط أزمة سياسية تعصف بالبلاد منذ عشرة اشهر ومع اتخاذ الحكومة اجراءت صعبة لدعم اقتصاد يتضرر من عقوبات للاتحاد الاوروبي تشمل تجارة النفط.
ونقلت صحيفة فايننشال تايمز عن ميالة قوله إن «سعر الصرف قفز الكثير من الخطوات خلال الأيام العشرة الماضية، ونحن الآن في فترة من السيطرة عليه، ونعرف أن المصارف لديها ما يكفي من النقد الأجنبي وتريد بيعه».
وأشارت الى أن حاكم مصرف سورية المركزي رفض التعليق على وضع احتياطي المصرف من العملة الأجنبية، مشدداً على أن الإفراج عن هذه الأرقام «من شأنه أن يوفّر أدوات للذين يسعون إلى تقويض الثقة في الليرة السورية». وأكد أن الدولة السورية «لديها الموارد المطلوبة للتعامل مع البيئة الاقتصادية الحالية». وقال «نعرف أن هذه الأزمة ستستمر لفترة طويلة لكننا مستعدون لمواجهتها، كما نعرف أيضاً أن العقوبات ستكون أليمة لكنها لن تقتل».
وتستند خطة التعويم الموجه لسعر صرف الليرة السورية إلى قرار اتخذه مجلس الوزراء السوري، يتيح للمصارف المسموح لها التعامل بالقطع الأجنبي ومؤسسات الصرافة المرخصة، تنفيذ عمليات بيع القطع الأجنبي مقابل الليرة السورية، حسب أسعار الصرف السائدة في سوق القطع الأجنبي (بسعر السوق السوداء)، ومن دون التقيد بنشرة أسعار صرف العملات الأجنبية الصادرة عن مصرف سورية المركزي في ما عدا تمويل المصارف لبعض المستوردات، على أن تعتبر نشرة أسعار صرف العملات الأجنبية مقابل الليرة السورية الصادرة عن المركزي تأشيرية ويمكن للمصارف ومؤسسات الصرافة مراعاتها في إصدار نشرة أسعار الصرف الخاصة بها.
وتلتزم المصارف ومؤسسات الصرافة المرخصة بتحديد الحد الأدنى والأعلى بالنسبة إلى كل عملة من العملات الأجنبية، بحيث لا يتجاوز الهامش بينهما نسبة 1% من وسطي سعر صرف العملة الأجنبية مقابل الليرة السورية.
ويقول مدير بنك الشرق سورية جمال منصور لصحيفة الأخبار اللبنانية إن المصارف أبلغت وبشكل غير رسمي وجود قرار بتعويم العملة السورية، وما دام لم يصدر القرار رسمياً فلا يمكن الحكم عليه لأن الاقتصاد السوري له ميزات متعددة ومختلفة.
وضمن إجراءات للسيطرة على سعر الصرف وفق معلومات مصرفية، تم إيقاف بيع الدولار لأي سبب كان في ما عدا ودائع القطع الأجنبي التي استحقت للمودعين.
محمد s
21-01-2012, 11:35 AM
صباح الخير أخي محمد
معقول الدولار هبط 7 ليرات دفعة وحدة
مساء البارحة عرض على احد تجار امامي على 67 ولم يرضى على مااعتقد سينزل السعر اكثر من ذلك
محمد s
21-01-2012, 11:40 AM
يعطيك العافية أخي محمد
بانتظار أسعار السوق على أحر من الجمر
صباح الخير لعيونك بأقصى سرعة ان شاء الله
محمد s
21-01-2012, 11:55 AM
ميالة تكشف المستور وتبين سبب وضعه الفيتو على قرار سفر للسعر العادل
الكاتب: نادر الشيخ الغنيمي | تاريخ المقال: 2012-01-21
في مقابلته التلفزيونية والتي استعاض فيها عن هروبه من مواجهة جموع الفعاليات الاقتصادية التي احتشدت للقائه يوم الخميس لإسماعه صوتها، كشفت زلة لسان ميالة المستور، وبينت لماذا هذا الإصرار على وجود سعرين للدولار، ومن يستفيد من ذلك.
لقد قال أن هناك من يستورد المواد الأساسية بأخذه الدولار بسعر تشجيعي ويبيعها في السوق محتسباً كلفته على دولار السوق السوداء.
والسؤال من هم هؤلاء؟
أليس هذا يعني أن وجود سعرين يعني وجود أناس يأخذون من الدولة الدولار بسعر تشجيعي وهمي لاستيراد مواد أساسية ثم يبيعونها للمواطن العادي بسعر الدولار الحقيقي، وذلك يضمن لهم هامش ربح إضافي على حساب دافع الضرائب والمواطن؟
يبدو ميالة هنا، وهو يحاول رمي الكرة بملعب الحيطة المايلة في التوازنات الحالية وزارة الاقتصاد.
فطالما أنه يعرف أن المواد تباع وفقاً لسعر الدولار الحقيقي، فلماذا الإصرار على بذل الدولار بسعر بخس لهؤلاء المنتفعين من شعارات جذابة تدعو إلى دعم العملة الوطنية.
نتذكر مع هذه الأزمة، ما حصل في وزارة المالية الكورية الشمالية لمواجهة أزمة مشابهة والتي انتهت بإعدام المسؤول عنها بتهمة الخيانة بعد أن وجهت له تهمة إفساد الاقتصاد الوطني.
Salam L
21-01-2012, 11:57 AM
قلبي عم يدق ومتحمسة مشان اعرف السعر اليوم!
معقول نزل لل67
يارب...
zinarez
21-01-2012, 12:00 PM
صباح الخير
ممكن التوضيح: ليش نزل سعر الدولار هالنزلة وخصوصا بوقت عطلة.!!!!؟
العربي
21-01-2012, 12:03 PM
أتوقع هبوط السعر مع وجود فجوة كبيرة بين سعر الشراء و البيع
المعلومات الأولية .... قبل افتتاح السوق الحلبي ... فعليا
البيع حسب رأسمال الصراف .... وحالياً 73 .... والشراء متوقف حتى بعد الظهر ..... علماً أنه تمت بعض عمليات الشراء بالأمس على 68 ....
ابو ايهم
21-01-2012, 12:07 PM
معناها في ناس نجلطت
Trader
21-01-2012, 12:07 PM
بانتظار افتتاح السوق*
الشعب يترقب للسعر
jax113
21-01-2012, 12:15 PM
من مبارحة حكيت انو الدولار نزل 5 ليرات ضربة وحده , بالمقابل في اشخاص اتهمونا بالف قصة وبألف شغلة انو عم ننشر اخبار كاذبه ومن هل الحكي , ومشكور اليوم اخ محمد اكد صحة شو قلتو انا مبارحة انو الدولار وصل ل 68 حتى كتير شبكات اخبارية عموقع الفيسبوك نشرت هل الشي واعضاء هل الشبكات اكدوا انو هل الحكي صحيح
للاسف بعد الاشخاص لديهم رؤية سوداوية ودائما بيحطو نفسون بموقع المهاجم من اي شي ايجابي
انشالله يركز سعر اليوم لتحت 68 مع انو بعرف كتير اشخاص رح يتضرروا بهل الشي
بالنهايه نحنا هون منتدى حواري ويا ريت يبقا هيك
Salam L
21-01-2012, 12:16 PM
واضح رح يكون في هبوط للسعر...
لكن السؤال الاهم.. هل هاد هبوط حقيقي؟؟؟ او حبة مسكن مدتها اسبوع؟؟
العربي
21-01-2012, 12:17 PM
ميالة تكشف المستور وتبين سبب وضعه الفيتو على قرار سفر للسعر العادل
الكاتب: نادر الشيخ الغنيمي | تاريخ المقال: 2012-01-21
في مقابلته التلفزيونية والتي استعاض فيها عن هروبه من مواجهة جموع الفعاليات الاقتصادية التي احتشدت للقائه يوم الخميس لإسماعه صوتها، كشفت زلة لسان ميالة المستور، وبينت لماذا هذا الإصرار على وجود سعرين للدولار، ومن يستفيد من ذلك.
لقد قال أن هناك من يستورد المواد الأساسية بأخذه الدولار بسعر تشجيعي ويبيعها في السوق محتسباً كلفته على دولار السوق السوداء.
والسؤال من هم هؤلاء؟
أليس هذا يعني أن وجود سعرين يعني وجود أناس يأخذون من الدولة الدولار بسعر تشجيعي وهمي لاستيراد مواد أساسية ثم يبيعونها للمواطن العادي بسعر الدولار الحقيقي، وذلك يضمن لهم هامش ربح إضافي على حساب دافع الضرائب والمواطن؟
يبدو ميالة هنا، وهو يحاول رمي الكرة بملعب الحيطة المايلة في التوازنات الحالية وزارة الاقتصاد.
فطالما أنه يعرف أن المواد تباع وفقاً لسعر الدولار الحقيقي، فلماذا الإصرار على بذل الدولار بسعر بخس لهؤلاء المنتفعين من شعارات جذابة تدعو إلى دعم العملة الوطنية.
نتذكر مع هذه الأزمة، ما حصل في وزارة المالية الكورية الشمالية لمواجهة أزمة مشابهة والتي انتهت بإعدام المسؤول عنها بتهمة الخيانة بعد أن وجهت له تهمة إفساد الاقتصاد الوطني.
ماهذه الصحافة الاقتصادية التي تستشهد بكوريا الشمالية و سلوكياتها الاقتصادية و القضائية كمرجعية و قدوة و مضرب مثل .
Salam L
21-01-2012, 12:19 PM
ماهذه الصحافة الاقتصادية التي تستشهد بكوريا الشمالية و سلوكياتها الاقتصادية و القضائية كمرجعية و قدوة و مضرب مثل .
بس والله بيستاهل الاعدام كل مين بيلعب بالاقتصاد الوطني! :rolleyes2::rolleyes2:
محمد s
21-01-2012, 12:24 PM
هناك حديث بان السعر هو 68لكن حتى الان لم يصدر السعر الرسمي لسوق سوداء بانتظار تثبيت السعر وبالنسبة للصرافين لايقومون بالشراء او البيع حتى يخرج السعر الرسمي للسوق سوداء هناك تخبط كبير
مازلت ابذل كل جهدي ليكون موقعنا السباق في نشر السعر سوق السوداء
العربي
21-01-2012, 12:26 PM
بس والله بيستاهل الاعدام كل مين بيلعب بالاقتصاد الوطني! :rolleyes2::rolleyes2:
لا أختي يستحق المقاضاة و العقوبة حسب الجرم و اذا كان يستحق الاعدام فليكن و لكن ضمن حدود القانون .
لكي لانخلط الحابل بالنابل المسؤول عن الاسعار السلع في السوق هو وزارة الاقتصاد و ليس المركزي و هي من تلاحق و المتلاعبين و ان لم تقم بذلك فهي مقصرة
انا أشعر في الكثير من المقالات فيها مظاهر اختلاف بين المركزي و الوزارة و هذه الصراعات لاتفيد البلد بشيء .
محمد s
21-01-2012, 12:27 PM
واضح رح يكون في هبوط للسعر...
لكن السؤال الاهم.. هل هاد هبوط حقيقي؟؟؟ او حبة مسكن مدتها اسبوع؟؟
ذلك يعتمدهل دولة بالفعل تمتلك احتياطي كبير من عملة صعبة ام لا اذا كانت تمتلك بالفعل هذا المبلغ 15 مليار دولار اعتقد تستطيع تثبيت سعر الصرف بمساعدة المصارف الخاصة
GoldMan$
21-01-2012, 12:41 PM
صبااح الخير للجميع ..
انا امبارح تابعت لقاء ميالة ... كان حديثه برأي عادي ولا يصل للمستوى المطلوب مع تلعثم بالكلمات ؟؟؟ay1
وما دام عندهم المقدرة على تعويم الليرة والحفاظ على سعرها ليش ناطرين لهل الوقت الحرج ...
وبدنا لا ننسى انو ببداية الازمة عوموا اليرة ببيع 10آلاف دولار للفرد .. وطيب بعدين شو صار ...
يالله بنتأمل يصير خير وترتفع قيمة الليرة .. بس السؤال لكم من الوقت ؟؟؟؟؟
ياجماعه ليش معقدين الامر..!! انتظروا سعر الذهب اليوم وبمعادله رياضيات بسيطه تعرفوا سعر الدولاراليوم ..وشكرا.
السعر الحالي ........ بيع : غامض ؟؟؟؟ ... شراء : غير معروف ؟؟؟؟
لقماان
21-01-2012, 12:52 PM
أنا واحد من الناس انتظر هبوط الدولار بفارغ الصبر و أتمنى ذلك
لأنني ان شاء الله سأحول الباقي من مدخراتي البسيطة الى الدولار ..............
الفائدة :أنني سأضع رأسي على المخدة و أنام بدون شعوري بالرعب على فقد ما بقي من شقى عمري ...
و لن أزعل اذا نزل سعر الدولار بعد شرائي له ....
يكفيني شعور الاطمئنان بعدم تبخر شقى العمر ...
د.وائل نحاس
21-01-2012, 12:57 PM
السعر حسب احد الصرافين حوالي ٦٨ و لكن ما زالت الامر غامضة وهم ينتظرون اجتماع يوم الأحد لتتوضح الامور و هو نصحني بعدم البيع او الشراء الان
GoldMan$
21-01-2012, 12:58 PM
أنا واحد من الناس انتظر هبوط الدولار بفارغ الصبر و أتمنى ذلك
لأنني ان شاء الله سأحول الباقي من مدخراتي البسيطة الى الدولار ..............
الفائدة :أنني سأضع رأسي على المخدة و أنام بدون شعوري بالرعب على فقد ما بقي من شقى عمري ...
و لن أزعل اذا نزل سعر الدولار بعد شرائي له ....
يكفيني شعور الاطمئنان بعدم تبخر شقى العمر ...
والله يأخ لقمان متلك في الاف ناطرة نفس الفكرة وخاصة بعد ما وصل السعر الى 74 والخوف تعشعش بالصدور من مصير الليرة
بتمنى انو التدخل لحماية الليرة يكون مدروس مليون بالمية لانو في مليارات من الليرة السورية ناطرة تتحول الى دولار .. والله يستر ...
نقلت صحيفة فايننشال تايمز البريطانية، عن حاكم مصرف سورية المركزي أديب مياله، قوله إن سورية تخطط لتعويم موجه لسعر صرف عملتها الإسبوع المقبل.
ونفى المحلل الاقتصادي لمجلة وموقع الاقتصادي نادر الغنيمي أن تكون تصريحات مياله تفيد بالتوجه نحو التعويم، وقال: التعويم floating هو عدم ربط العملة بأي عملة أو بوحدة الإصدار الخاصة وترك سعر العملة لعامل العرض والطلب الذي يتم تحديد سعر العملة وفق قوة اقتصاد البلد وتدفقات النقد إليه وعجزه التجاري وعجز الميزانية.
وأضاف: نظرا لوضع الاقتصاد السوري وللعجز في الميزانية الذي يقدر بأكثر من 20% من الناتج المحلي وخسارة 65% من دخل السياحة الذي بلغ في عام 2010 حوالي 8 مليار دولار أي جوالي 16 % من الناتج المحلي، هل تعتقد أنّ عاقلاً يعلن تعويم العملة في مثل تلك الظروف؟
وقال: لم يتم تعويم الليرة فالتعويم هو فك ارتباط الليرة بأي عملة أو وحدة الإصدار الخاصة، ولا تستطيع أي دولة صغيرة ولو بحجم السعودية في النظام المالي العالمي تعويم عملتها لأنها ستكون فريسة للمضاربين. ما فعله ميالة هو تغيير سعر ربط الليرة السورية بوحدة الإصدار الخاصة، يعني في أول العام الماضي كانت وحدة الإصدار الخاصة تساوي 73 ليرة أي أن البنك المركزي ربط الليرة بهذه النسبة وكانت ترتفع تدريجياً إلى أن وصلت الخميس إلى 88.7 (هذا على السعر الرسمي) أما الآن، فقد اعترف أنّ السعر القائم هو الحقيقي، فإنه يعتبر أن الوحدة أصبحت (بدولار سعره 72 ) تساوي 110.3 ليرة.
بإعتبار ماحصلنا سعر الدولار .... مشو حالكم بسعر الغاز
الحكومة ترفع سعر اسطوانة الغاز إلى 400 ليرة سورية بدلاً من 250 ليرة
Trader
21-01-2012, 01:01 PM
شكلو السوق فايت بالحيط اليوم*
أنا أؤيد رأي السيد لقمان ، لأنو اذا نزل الدولار بينزل كم ليرة لفترة مؤقتة ،لكن متى مابلش يطلع بطير بسرعة الصوت
شراء الدولار اليوم مثل *بيع *call option على الليرة*
Nawar
21-01-2012, 01:05 PM
أنا واحد من الناس انتظر هبوط الدولار بفارغ الصبر و أتمنى ذلك
لأنني ان شاء الله سأحول الباقي من مدخراتي البسيطة الى الدولار ..............
الفائدة :أنني سأضع رأسي على المخدة و أنام بدون شعوري بالرعب على فقد ما بقي من شقى عمري ...
و لن أزعل اذا نزل سعر الدولار بعد شرائي له ....
يكفيني شعور الاطمئنان بعدم تبخر شقى العمر ...
أنا بضم صوتي لصوتك أخي لقمان و بظن مانا الوحيدين يلي عم نفكر هيك بل في كتييييييير ناس متلنا
و بنرجع نقول أنه الحل ليس اقتصادي بل سياسي و هذا كله ابر مسكنة
ملاحظة: حكالي أحد اصدقائي أنه قرأ في صحيفة الصنداي تيليغراف من كام يوم عن الاحتياطيات السورية الحالية بالدولار (ما رح أذكر الرقم) حدا مر معو شي هيك خبر؟؟
الباشا المهندس
21-01-2012, 01:05 PM
ماهذه الصحافة الاقتصادية التي تستشهد بكوريا الشمالية و سلوكياتها الاقتصادية و القضائية كمرجعية و قدوة و مضرب مثل .
عفوا في الاقتصاد المسيطر عليه من قبل الدولة بالشكل الحالي يبدو مثال كوريا الشمالية مثالا قريبا .. نحن واحدة من الدول القليلة في العالم التي لديها سعرين للدولار ..سعر بنك مركزي .. وسوق سوداء للعملة .. أسواق العملة السوداء غير موجودة في غالبية الدول .. وهذا التلاعب بمقدرات الاقتصاد الوطني من خلال وجود سعرين باعتراف حاكم المصرف المركزي.. وبطريقة تفيد كبار التجار ولا تزيد قدرة المواطن الشرائية إلا خسفا .. تذكرنا ليس فقط بكوريا الشمالية .. بل باقتصاديات دول الحقبة الشيوعية في أيام تداعيها .. اشتراكية منكهة بكل علل الرأسمالية الاحتكارية ..
لقماان
21-01-2012, 01:06 PM
حمص الآن
مبيع :72
شراء 69
و الوضع مخربط .......
بإعتبار ماحصلنا سعر الدولار .... مشو حالكم بسعر الغاز
الحكومة ترفع سعر اسطوانة الغاز إلى 400 ليرة سورية بدلاً من 250 ليرة
أليس هذا دليل على أن الليره تتجه الى الهبوط!!ay1
نشرة أسعار البنك المركزي لليوم تظهر تخفيض للدولار وقدره ........ 7 قرووووووش ....... عن سعر الخميس
معناه نزل الدولار ....Big Grin
2012-01-21
عيار 21 (1 غرام) :3175 ليرة سورية
عيار 18 (1 غرام) :2721 ليرة سورية
الليرة الذهبية (عيار 22) :27000 ليرة سورية
الليرة الذهبية (عيار 21) :25800 ليرة سورية
الفضة الخام المحلي (1 غرام) :70.21 ليرة سورية
محمد s
21-01-2012, 01:13 PM
السعر الان 68 شراء بيع 68.25 ومتوفر بكثرة
لقماان
21-01-2012, 01:14 PM
بإعتبار ماحصلنا سعر الدولار .... مشو حالكم بسعر الغاز
الحكومة ترفع سعر اسطوانة الغاز إلى 400 ليرة سورية بدلاً من 250 ليرة
أخي بسام أرجو الدقة و الالتزام بالفورم التالي
سعر بيع الجرة حسب نشرة المركزي
سعر شراء الجرة حسب نشرة المركزي
متوفر أم غير متوفر
و سعر الجرة في السوق السودا
شراء
مبيع
مع ذكر اسم البائع اذا مافيا سوءلة
أخي بسام أرجو الدقة و الالتزام بالفورم التالي
سعر بيع الجرة حسب نشرة المركزي
سعر شراء الجرة حسب نشرة المركزي
متوفر أم غير متوفر
و سعر الجرة في السوق السودا
شراء
مبيع
مع ذكر اسم البائع اذا مافيا سوءلة
اليوم فورم .... بكرى تشارت ....
abo haydara
21-01-2012, 01:18 PM
صباح الخير ..لا اتوقع معرفة السعر الحقيقي للدولار او استقراره قبل يوم الغد بانتظار تعميم قرار المركزي على البنوك و ردة فعل السوق و المتعاملين عليها بالاضافة الى اجتماع اللجنة الوزارية
الطير المهاجر
21-01-2012, 01:18 PM
شباب
على اي سعر بكون الشراء معقول
الطير المهاجر
21-01-2012, 01:19 PM
انا بتذكر انو فيه دعم منيح على 65-66 و الا انا غلطان
سعر الدولار حسب الذهب 67.66
ALHAKIM
21-01-2012, 01:21 PM
الليرة الى صعود لغاية الغد بإنتظار الإجتماع مع ترجيح نزولها بعده لقلة الإجراءات المقترحة (من حديث السيد ميالة ) ., و لكن الناس متوترة , أنصح بعدم البيع أو الشراء بإنتظار الإجتماع
jax113
21-01-2012, 01:23 PM
اخ محمد ليش مشاراكاتي ماعم تنشر ??
Trader
21-01-2012, 01:26 PM
السعر الان 68 شراء بيع 68.25 ومتوفر بكثرة
نزلة قوية
Salam L
21-01-2012, 01:26 PM
السعر الان 68 شراء بيع 68.25 ومتوفر بكثرة
ايييه شو هالاخبار المفرحة..
ادعولي يبقى السعر هيك من هلق ليوم الاربعاء .. و اذا اقل معلش مافي خسارة
Salam L
21-01-2012, 01:27 PM
اخ محمد ليش مشاراكاتي ماعم تنشر ??
الاعضاء الجدد عليهن رقابة ولا يتم نشر مشاركاتهن بشكل فوري.... لحتى يمرر المشاركة احد المشرفين.
محمد s
21-01-2012, 01:28 PM
اخ محمد ليش مشاراكاتي ماعم تنشر ??
ارجو ان توضح لي عن اي مشاركة تتحدث
2012-01-21
عيار 21 (1 غرام) :3175 ليرة سورية
عيار 18 (1 غرام) :2721 ليرة سورية
الليرة الذهبية (عيار 22) :27000 ليرة سورية
الليرة الذهبية (عيار 21) :25800 ليرة سورية
الفضة الخام المحلي (1 غرام) :70.21 ليرة سورية
سعر الدولار حسب الذهب=1667*3175/21*24*31.15
=67.80
الذين يشاهدون محتوى الموضوع الآن : 75 ( الأعضاء 70 والزوار 5)
jax113
21-01-2012, 01:32 PM
من مبارحة حكيت انو الدولار نزل 5 ليرات ضربة وحده , بالمقابل في اشخاص اتهمونا بالف قصة وبألف شغلة انو عم ننشر اخبار كاذبه ومن هل الحكي , ومشكور اليوم اخ محمد اكد صحة شو قلتو انا مبارحة انو الدولار وصل ل 68 حتى كتير شبكات اخبارية عموقع الفيسبوك نشرت هل الشي واعضاء هل الشبكات اكدوا انو هل الحكي صحيح للاسف بعد الاشخاص لديهم رؤية سوداوية ودائما بيحطو نفسون بموقع المهاجم من اي شي ايجابي انشالله يركز سعر اليوم لتحت 68 مع انو بعرف كتير اشخاص رح يتضرروا بهل الشي بالنهايه نحنا هون منتدى حواري ويا ريت يبقا هيك
oubay2001
21-01-2012, 01:34 PM
ما شاء الله اللعيبة كتار اليوم بالمنتدى
Trader
21-01-2012, 01:35 PM
السؤال هو هل كل الصرافون يبيعون ب68.25 ام ان البعض يبيع على 70 ؟؟؟؟؟؟؟؟
محمد s
21-01-2012, 01:37 PM
من مبارحة حكيت انو الدولار نزل 5 ليرات ضربة وحده , بالمقابل في اشخاص اتهمونا بالف قصة وبألف شغلة انو عم ننشر اخبار كاذبه ومن هل الحكي , ومشكور اليوم اخ محمد اكد صحة شو قلتو انا مبارحة انو الدولار وصل ل 68 حتى كتير شبكات اخبارية عموقع الفيسبوك نشرت هل الشي واعضاء هل الشبكات اكدوا انو هل الحكي صحيح للاسف بعد الاشخاص لديهم رؤية سوداوية ودائما بيحطو نفسون بموقع المهاجم من اي شي ايجابي انشالله يركز سعر اليوم لتحت 68 مع انو بعرف كتير اشخاص رح يتضرروا بهل الشي بالنهايه نحنا هون منتدى حواري ويا ريت يبقا هيك
اخي العزيز شكرا لك على جهودك
نحن هنا جميعا نعمل معا لتعم الفائدة على جميع الاخوة في المنتدى بجوز الاخوة بالمنتدى كان لديهم خوف من ان تنشر معلومة تضر بالاعضاء الاخرين ولم يكن لديهم علم بان السعر انخفض لاني بالفعل كانت مفاجاة شكرا لك على جهودك الرائعة واهلا بك في عائلة مضارب السوري
تمنياتي لك بالتوفيق
ALHAKIM
21-01-2012, 01:38 PM
أؤكد السعر 68 شراء و 68.25---68.5 بيع ومتوافر بكثرة و الصرافة متشجعين للشراء!
محمد s
21-01-2012, 01:39 PM
السؤال هو هل كل الصرافون يبيعون ب68.25 ام ان البعض يبيع على 70 ؟؟؟؟؟؟؟؟
68.25 بيع
jax113
21-01-2012, 01:44 PM
شكرا أخ محمد
GoldMan$
21-01-2012, 01:45 PM
68.25 بيع
مازال العامل النفسي هو المسيطر والصرافين يبيعون على هذا السعر بسبب المعروض من المتخوفين من هبوط الدولار بسبب الاجراءات المحتملة ...
بس ياخوفي تكون هالاجراءات غير كافية .... ؟؟؟
المنطق انو المركزي كان عم يحاول كل الفترة الماضية التضيق على خروج الدولار من البنك بشتى الوسائل والقرارات للحفاظ على المتبقى من الاحتياطي .. ومافي اي مدخول للدولة بالدولار في الوقت الحالي يعوض النقص بالاحتياطيات في حال قام المركزي بضخ دولار بالسوق ...
ليش بعد هالوقت جاية المركزي يقول انو في دولار بكميات فائضة وبده يضخ دولار بالسوق .. غموض بعده غموض بعده غموض
ليس باليد الا الانتظار لنرى ما سيحدث ... والله يستر
ابو ايهم
21-01-2012, 01:47 PM
من مبارحة حكيت انو الدولار نزل 5 ليرات ضربة وحده , بالمقابل في اشخاص اتهمونا بالف قصة وبألف شغلة انو عم ننشر اخبار كاذبه ومن هل الحكي , ومشكور اليوم اخ محمد اكد صحة شو قلتو انا مبارحة انو الدولار وصل ل 68 حتى كتير شبكات اخبارية عموقع الفيسبوك نشرت هل الشي واعضاء هل الشبكات اكدوا انو هل الحكي صحيح للاسف بعد الاشخاص لديهم رؤية سوداوية ودائما بيحطو نفسون بموقع المهاجم من اي شي ايجابي انشالله يركز سعر اليوم لتحت 68 مع انو بعرف كتير اشخاص رح يتضرروا بهل الشي بالنهايه نحنا هون منتدى حواري ويا ريت يبقا هيك
الظاهر كلهن شارين Big Grin
best time
21-01-2012, 01:50 PM
حسب فهمي للقرار بحسب وروده بالإعلام
فأن البنوك الخاصة سوف تحدد سعر الصرف الخاص بها وتبيع للتجار فقط (بهدف الإستيراد) بهذا السعر ولن تبيع للعامة ولكن تشتري فقط منهم
ماهر محمد
21-01-2012, 01:50 PM
يا جماعة أنا سمعت السعر هلأ من شوي 71 ليرة مبيع
ALHAKIM
21-01-2012, 01:51 PM
الظاهر كلهن شارين Big Grin
هيك الظاهرmarsa
The master
21-01-2012, 01:53 PM
والله يا أخي محمد, كل ما توقعته حضرتك سابقاً يحدث الآن.
شكراً على كل شي.
الطير المهاجر
21-01-2012, 01:54 PM
أنا ما عندي و لا دولار و حابب اشتري شوي
محمد s
21-01-2012, 01:56 PM
والله يا أخي محمد, كل ما توقعته حضرتك سابقاً يحدث الآن.
شكراً على كل شي.
اهلا وسهلا اخي الكريم نحن في خدمة الطيبين
جزاك الله كل خير
ماهر محمد
21-01-2012, 01:57 PM
يعني هذا الهبوط بتخيل لمدة أسبوع واحد فقط بعدين لح نشوف تقلبات أسواء من أول طاوع و نزول بس الطلوع أكتر من النزول
متل الجنيه المصري لما تعوم
كان قبل التعويم الدولار يعادل 2.25 جنيه بعد التعويم صار 6.25 جنيه
هلأ حاليا 6.04 جنيه
abu mhd
21-01-2012, 02:07 PM
شو هلأ صار الدولار ب 40 ولا لسه ؟؟؟؟؟
كل ماله بالنازل شايف من كلامكن
ماهر محمد
21-01-2012, 02:08 PM
هههههههههههههههههههههههههههههه حلوة
حبيتها 40 ما 40
kayalij
21-01-2012, 02:15 PM
جزيل الشكر للأخ محمد على متابعته الحثيثة
الكل عندو دولار حسب رأيي و مع ذلك يتمنى هبوطه
امبارح حسبت فاتورة قيمتها 2500 ليرة شراء مواد غذائية و لوازم منزل كان الارتفاع بحدود ال 10% عن آخر سعر يعني الدولار عم يرتفع ليرة المواد عم ترتفع 3 ليرات
kayalij
21-01-2012, 02:16 PM
فمصلحة اللي عندو دولار و اللي ما عندو هبوط قيمة الدولار هذا رأيي الكل خسران
kayalij
21-01-2012, 02:17 PM
الكل خسران بارتفاع الدولار إلى الهوامير المتاجرة به
محمد s
21-01-2012, 02:17 PM
السعر الان بين 67و 67.50 شراء بيع بين 67.75 و 68
محمد s
21-01-2012, 02:21 PM
جزيل الشكر للأخ محمد على متابعته الحثيثة
الكل عندو دولار حسب رأيي و مع ذلك يتمنى هبوطه
امبارح حسبت فاتورة قيمتها 2500 ليرة شراء مواد غذائية و لوازم منزل كان الارتفاع بحدود ال 10% عن آخر سعر يعني الدولار عم يرتفع ليرة المواد عم ترتفع 3 ليرات
شكرا جزيلا اخي العزيز
والله يفتح عليك فتوح العارفين
Beshooo
21-01-2012, 02:22 PM
بطلب من جميع الأعضاء الاعزاء انو كل واحد يقول سعر الدولار في كل محافظة مثلا سعر دولار في حلب يوم خميس صبح بيع 74 وشراء 73.50 وصل مساء 75 يوم جمعة بلش 74 نزل 72بعدين قال صار 70 بس مالي متأكد ارجو من الإعضاء تنسيق سعر
سندباد
21-01-2012, 02:22 PM
ما شاء الله اللعيبة كتار اليوم بالمنتدى
للعيبة كتارر بس الزوار قلال بعد ما كان 300 زائر واعضاء
حالين حوالي بس 100 يعني صار انهيار بعدد الزوار متل الدولار ههههههه
وهاد شي منيح لان بصراحة كنت خايف على اخونا محمد الصابوني يصيبوا شي مكروه من ورا نشروا للاسعار
الله يحميك اخي محمد
ماهر محمد
21-01-2012, 02:33 PM
بالشام سعر البيع بهل ثانية 70
الذين يشاهدون محتوى الموضوع الآن : 100 ( الأعضاء 92 والزوار 8)
يبدو أن كثير من الزوار تحولوا إلى أعضاء!
أبو صطيف
21-01-2012, 02:36 PM
لا يمكننا إلا أن ندعو لهذا المنتدى وللقائمين عليه فردا ً فردا ً
أسأل الله لكم الهدى والتقى والعفاف والغنى
ولبلدنا قبل كل شيء الأمن والأمان والرخاء
wagnawy
21-01-2012, 02:36 PM
الشكر الجزيل للاخ محمد صابوني ولجميع العاملين والقائمين على هذا الموقع الكريم والذي استفدت منه الكثير الكثير.
الاخ رامي العطار لك مني الدعاء الحار ولكل طاقمك الفني والاداري على هذا الجهد الكبير في توصيل المعلومة الصحيحة واشعارنا باننا كالعائلة.
أعتذر عن قلة مشاركاتي بسبب انشغالي التام على أمل دوام الاستمرارية معكم.
;)
محمد s
21-01-2012, 02:49 PM
[quote=سندباد;158697]للعيبة كتارر بس الزوار قلال بعد ما كان 300 زائر واعضاء
حالين حوالي بس 100 يعني صار انهيار بعدد الزوار متل الدولار ههههههه
وهاد شي منيح لان بصراحة كنت خايف على اخونا محمد الصابوني يصيبوا شي مكروه من ورا نشروا للاسعار
الله يحميك اخي محمد
شكرا جزيلا لااعتقد في نشر سعر دولار بالنسبة للسوق سوداء فيه اي مخالفة قانونية اغلب مواقع الاقتصادية والاجتماعية تركز على هذا الموضوع ارجو من الاخ غالب هل يوجد اي مخالفة قانونية بنشر سعر دولار قي موقعنا او بالنسبة لي وشكرا
Salam L
21-01-2012, 02:49 PM
الذين يشاهدون محتوى الموضوع الآن : 100 ( الأعضاء 92 والزوار 8)
يبدو أن كثير من الزوار تحولوا إلى أعضاء!
الصالة تسكرت وصارت بس للاعضاء... ولذلك شايف الرقم نقص... وبظن انو الرقم الموجود عند كلمة الزوار وهو 8 حاليا... هاد يعني انو شخص مالو مسجل دخول فتح الصفحة وطلعله انو لازم تسجل دخول...
هيك بتذكر مرة الاستاذ غالب قال
ماهر محمد
21-01-2012, 02:50 PM
هههههههههههههههههههههههههههههه
أنا كنت عضو بس مالي عم أفتح الأكاونت
بفوت زائر دائما
هل اتحورت إلى عضو
ماهر محمد
21-01-2012, 02:50 PM
الله يختار الخير لهل بلد أحسن شي
The master
21-01-2012, 02:52 PM
يتضح مما استعرضتموه اليوم, أننا في ظل لعبة كبيرة لا أظن أن الطبقة المتوسطة تريد أن تكون طرفاً فيها!
لذا أرجو أن تتوخوا الحذر في شرائكم وبيعكم!
كنت في البنك وقالوا لي أن التعليمات لم تردهم حتى اللحظة من المركزي بخصوص بيع القطع الأجنبي!
محمد s
21-01-2012, 02:57 PM
السعر الان 65 شراء بيع 65.50
ماهر محمد
21-01-2012, 02:57 PM
هدي السوق خفت الحركة على الموضوع هاد
البلخي
21-01-2012, 02:58 PM
اذا لم تتخذ اجراءات حاسمة و تخفيض السعر الى 60-64 ليرة خلال يومين
فأن السعر قابل للارتفاع من جديد الى مستوى جديد أخر
The master
21-01-2012, 02:59 PM
الأخ محمد صابوني ...
لا تخف على مشاركاتك, فناقل الكفر ليس بكافر ( إن فرضنا أن ما يحصل هو كفر ), هذا من جهة ومن جهة أخرى أنصحك أن ترشح نفسك للإنتخابات فلديك شعبية لا يستهان بها.... بالتوفيق
سندباد
21-01-2012, 03:02 PM
الصالة تسكرت وصارت بس للاعضاء... ولذلك شايف الرقم نقص... وبظن انو الرقم الموجود عند كلمة الزوار وهو 8 حاليا... هاد يعني انو شخص مالو مسجل دخول فتح الصفحة وطلعله انو لازم تسجل دخول...
هيك بتذكر مرة الاستاذ غالب قال
اختي سلام اصدي عدد الاجمالي قبل التسكير كان 300 بين اعضاء وزوار
حالين حوالي مية بس بين اعضاء وزوار
يعني العدد الاجمالي نزل منيح
’’شكرا جزيلا لااعتقد في نشر سعر دولار بالنسبة للسوق سوداء فيه اي مخالفة قانونية اغلب مواقع الاقتصادية والاجتماعية تركز على هذا الموضوع ارجو من الاخ غالب هل يوجد اي مخالفة قانونية بنشر سعر دولار قي موقعنا او بالنسبة لي وشكرا,,
اخي محمد صابوني جهودك مشكورة
حسب اعتقادي بعد يوم الاحد لم يعد هناك مخالفة لان البنوك الخاصة وهي جهة شبه رسمية ستعلن اسعار الدولار في السوق الرائجة وهذا سيكون ممتازا لمعرفة اسعار الدولار.
ماهر محمد
21-01-2012, 03:05 PM
الأخ محمد صابوني و الله مفضل كل يوم منستفيد منو ومن معلوماتو و لو أني كنت فوت بس زائر
فراس السكري
21-01-2012, 03:06 PM
أيام الدهر ثلاثة: يوم لا يعود إليك,,,ويوم أنت فيه لايدوم عليك,,,،ويوم مستقبل لا تدري ما حاله ولا تعرف من أهله
ففكر فى كل دقيقة تضيع هدرا
محمد s
21-01-2012, 03:15 PM
الأخ محمد صابوني و الله مفضل كل يوم منستفيد منو ومن معلوماتو و لو أني كنت فوت بس زائر
الفضل لله
شكرا جزيلا
Salam L
21-01-2012, 03:17 PM
السعر الان 65 شراء بيع 65.50
الله اكبر... الحمد لله...
Big GrinBig GrinBig GrinBig Grin
هي اول مرة من شي اسبوعين بنبسط وقت فوت على هاد الموضوع
Salam L
21-01-2012, 03:19 PM
اختي سلام اصدي عدد الاجمالي قبل التسكير كان 300 بين اعضاء وزوار
حالين حوالي مية بس بين اعضاء وزوار
يعني العدد الاجمالي نزل منيح
المهتمين بالموضوع صاروا اعضاء... والباقي كانوا يفوتوا تحصيل حاصل.. بس الظاهر وقت تسكرت الصفحة تكسلنوا ومافتحوا حسابات بالموقع...
لاني شايفة الموضوع كتير مهم وبالعكس هاد الوقت اهم من غيره نظرا للاضطراب الكبير
ماهر محمد
21-01-2012, 03:22 PM
يا جماعة هي 65 و 65.5 هاد كلو إشاعات أقل سعر نزل لعندو الدولار من الصب هو 69 مبيع 67 شراء
سندباد
21-01-2012, 03:22 PM
المهتمين بالموضوع صاروا اعضاء... والباقي كانوا يفوتوا تحصيل حاصل.. بس الظاهر وقت تسكرت الصفحة تكسلنوا ومافتحوا حسابات بالموقع...
لاني شايفة الموضوع كتير مهم وبالعكس هاد الوقت اهم من غيره نظرا للاضطراب الكبير
اي هيك افضل مابدنا ينشهر اكتر من هيك هلموضوع بين الناس خلي مخبا احسن
Trader
21-01-2012, 03:30 PM
السعر الان 65 شراء بيع 65.50
كأنو كل صراف عندو سعر مختلف ، السوق لم يهدأ بعد ،
ياخوفي يكون النزول بس اليوم
oubay2001
21-01-2012, 03:34 PM
[quote=سندباد;158697]للعيبة كتارر بس الزوار قلال بعد ما كان 300 زائر واعضاء
حالين حوالي بس 100 يعني صار انهيار بعدد الزوار متل الدولار ههههههه
وهاد شي منيح لان بصراحة كنت خايف على اخونا محمد الصابوني يصيبوا شي مكروه من ورا نشروا للاسعار
الله يحميك اخي محمد
شكرا جزيلا لااعتقد في نشر سعر دولار بالنسبة للسوق سوداء فيه اي مخالفة قانونية اغلب مواقع الاقتصادية والاجتماعية تركز على هذا الموضوع ارجو من الاخ غالب هل يوجد اي مخالفة قانونية بنشر سعر دولار قي موقعنا او بالنسبة لي وشكرا
مشكور على جهدك سيد محمد
oubay2001
21-01-2012, 03:50 PM
الان شراء 67
مبيع 70
أبو صطيف
21-01-2012, 03:54 PM
السلام عليكم ورحمة الله وبركاته
إخوتي هل سبب ارتفاع الليرة هو التصريحات الأخيرة فقط دون وجود شيء ملموس وهل هذا شيء طبيعي ؟؟
وماذا تعني هكذا ارتفاعات و انخفاضات بالنسبة للاقتصاد الوطني ؟؟
بانتظار الإجابة جزاكم الله خيرا ً
jax113
21-01-2012, 04:00 PM
حلوة هل الاخبار
بس سؤال مهم جدا
شو سبب الانخفاض الحاد , هل هو نتيجة عمليات جني ارباح يعني هوامير السوق باعو بكميات كبيرة , او نتيجة قرار اشراك البنوك ببيع الدولار بسعر السوق , هل ممكن انو المركزي اتدخل ??
توقعاتي انو بوكره باجتماع العربان مارح يطلع معن شي غير التجديد للمراقبين لمدة شهر وزيادة عددون ل 300 وبالتالي رح تتطمن الناس والمفروض المركزي يستغل هل الفرصة ويتدخل بالسوق بطرح كميات لا تقل عن 100 مليون وبالتالي رح ينزل السعر الدولار الى 62 وبتوقع رح يستقر عند هاد السعر حتى يستجد شي جديد
الذين يشاهدون محتوى الموضوع الآن : 100 ( الأعضاء 92 والزوار 8)
يبدو أن كثير من الزوار تحولوا إلى أعضاء!
الذين يشاهدون محتوى الموضوع الآن : 137 ( الأعضاء 125 والزوار 12)
طالما الصالة تسكرت وصارت بس للأعضاء ,,, كيف عم يزداد عدد الزوار !!!!
SyrianWolf
21-01-2012, 04:22 PM
السلام عليكم ورحمة الله وبركاته
إخوتي هل سبب ارتفاع الليرة هو التصريحات الأخيرة فقط دون وجود شيء ملموس وهل هذا شيء طبيعي ؟؟
وماذا تعني هكذا ارتفاعات و انخفاضات بالنسبة للاقتصاد الوطني ؟؟
بانتظار الإجابة جزاكم الله خيرا ً
ياصديقي هادا تماماً مشكلة النقد الورقي (المعتمد عالمياً), وهو تأثره بالإشاعات والتسريبات بالسلب أو الإيجاب. بعكس النقد الذهبي (ياللي قيمته منه وفيه) وبتريح راسك.
الله اكبر... الحمد لله...
Big grinbig grinbig grinbig grin
هي اول مرة من شي اسبوعين بنبسط وقت فوت على هاد الموضوع
اختي سلام روقي لغدا لانه خلال يومين حتى يظهر سعر للدولار ممكن نقول انه حقيقي .بس الشئ الجيد ان السعر الان صار رسمي ومافي شئ اسمه سعر دولار بالسوق السوداء .يعني اسالواعن سعر
الدولار بالهاتف ماعادفي مشكلة .واسعار الهوبرة هذه ليست حقيقية .نتمنى ان يرجع سعر الدولار الى 46.70ليرة .
الباشا المهندس
21-01-2012, 04:33 PM
برأي الشخصي المتواضع أن تدخل المركزي وانخفاض السعر لأيام أو أسبوع جاء متأخرا جدا .. الناس فقدت الثقة بالليرة ومن المعروف اقتصاديا أن العامل النفسي هو صاحب التأثير الأكبر.. تذبذب قيمة الليرة وانحدار قيمتها بخط بياني يشبه المنشار ay1ay1ay1 وارتفاع أسعار السلع والمواد الأولية .. والتدخل المتأخر يكشف أن الثقة بالليرة فقدت او تكاد .. وأعتقد أن ضخ العملة الصعبة الآن هو جراحة متأخرة .. آمل رغم ما ذكرته أن تنجح
Salam L
21-01-2012, 04:36 PM
اختي سلام روقي لغدا لانه خلال يومين حتى يظهر سعر للدولار ممكن نقول انه حقيقي .بس الشئ الجيد ان السعر الان صار رسمي ومافي شئ اسمه سعر دولار بالسوق السوداء .يعني اسالواعن سعر
الدولار بالهاتف ماعادفي مشكلة .واسعار الهوبرة هذه ليست حقيقية .نتمنى ان يرجع سعر الدولار الى 46.70ليرة .
كلامك صحيح... بس انا انبسطت بسماع سعر 65 ولو كان مؤقت او وهمي... الغريق بيتعلق بقشة
M.sam
21-01-2012, 04:44 PM
السلام عليكم
نرجو من الاخوة المشاركين في كتابة الردود ب النسبة لللاسعار ان يكونوا على يقين ب النسبة لللاسعار المنشورة من قبلهم وان يتناولوا الحيادية في طرحهم.
سعر الشراء 68 مبيع 69
حتى وقت كتابة الرد
الذين يشاهدون محتوى الموضوع الآن : 137 ( الأعضاء 125 والزوار 12)
طالما الصالة تسكرت وصارت بس للأعضاء ,,, كيف عم يزداد عدد الزوار !!!!
في ناس بتكون محتفظة بالرابط وبتفوت مباشر اذا بتطلع بالمتواجدين الان بتلاقين بيحاولو يفوتو بس ما بيسمحلن المنتدى مشان هيك بينوجد اسمهن بالزوار بس فعليا ما بشوفو النادي
باسل غ
21-01-2012, 04:48 PM
انا بتوقع بنزل الدولار كم يوم ويرجع يرتفع لفوق 100 ليرة لانو الازمه مسمتره والطلب على الدولار
رح يستمر
السعر اللحظي في حلب
شراء 67.5
بيع 69.5
السوق امتص موجة البيع
alahlicenter
21-01-2012, 04:50 PM
من المسؤول عن تحديد السعر المتذبذب !!!
ممكن الجواب بسرعة ؟؟
كلامك صحيح... بس انا انبسطت بسماع سعر 65 ولو كان مؤقت او وهمي... الغريق بيتعلق بقشة
اذا وجدت الدولارب65 اشتري اختي سلام فورا .
Salam L
21-01-2012, 04:54 PM
اذا وجدت الدولارب65 اشتري اختي سلام فورا .
مو ليكون معي كاش اشتري فيه هههه
بس صحي وينه الاخ محمد... يخبرنا شو صار بأخبار سعر ال 65...
السعر اللحظي في حلب
شراء 67.5
بيع 69.5
السوق امتص موجة البيع
تعبير معبر اخي ملك .
رزقة جاءت للصرافين .اشتروا كل ماعرض عليهم من دولارات 65ليرة .يعني في فائدة لهم من5 الى 8 ليرات بالدولار.
محمد s
21-01-2012, 04:59 PM
السعر الان بين67.5 و 68 شراء بيع 69
abu mhd
21-01-2012, 05:02 PM
من المسؤول عن تحديد السعر المتذبذب !!!
ممكن الجواب بسرعة ؟؟
نفس المسؤول عن الصعود السريع
اذا كنت تقصد لخبطة الاسعار الموضوعة بالموقع فهي تبعا للصرافين كل واحد سعره مستقل هيك السوق السوداء
اما لماذا الكركبة لأنوا طلع السيد ميالة و قال رح نفرد دولار يوم السبت و الناس جنت هاد بده يبيع و هداك يشتري و مافي اي ضابط للأسعار او استقرارها و اذا كنت تسأل هل سيثبت السعر اقول بكل صدق الله اعلم بس غالبا هو هبوط مؤقت
alahlicenter
21-01-2012, 05:15 PM
نفس المسؤول عن الصعود السريع
اذا كنت تقصد لخبطة الاسعار الموضوعة بالموقع فهي تبعا للصرافين كل واحد سعره مستقل هيك السوق السوداء
اما لماذا الكركبة لأنوا طلع السيد ميالة و قال رح نفرد دولار يوم السبت و الناس جنت هاد بده يبيع و هداك يشتري و مافي اي ضابط للأسعار او استقرارها و اذا كنت تسأل هل سيثبت السعر اقول بكل صدق الله اعلم بس غالبا هو هبوط مؤقت
هبوط مؤقت ونتجه بالايام القادمة لأكثر من 74 ليرة !!!!!!!!!!؟؟؟؟
اطمئنواسيتضح سعر الدولار غدا وبعد غد .سبب هذا الهرج والمرج كان مقصودا من مقابلة ميالة وايضا قرار السماح للبنوك ببيع وشراء الدولار بالسعر الحر بشكل رسمي (طبع كان القصد الهبوط ولو مؤقت ).لذلك هذين السببين هم من سبب هذه الهزة ولكن شو الذي اثر على زيادة عرض الدولار .طبعا لاشئ .لذلك سيكون الدولار بحالة ارتفاع دائم مالم يتدخل المركزي .هل المركزي مستعد لبيع مليارات الدولارات .بامكان كل واحد يجيب وان كان جوابه نعم سينخفض سعر الدولار وان كان لا فيظل الدولار يرتفع .
Salam L
21-01-2012, 05:15 PM
يعني بنفهم انو اللي صار انو الصرافين اشتروا من الناس على 65 وبعدين رفعوا الاسعار؟؟
ممكن توضحلنا اخي محمد...
المستفيد الوحيد اليوم هم الصرافيين
alahlicenter
21-01-2012, 05:17 PM
الصرافين همهم اللعب بالسوق والربح ياشباب
محمد s
21-01-2012, 05:26 PM
يعني بنفهم انو اللي صار انو الصرافين اشتروا من الناس على 65 وبعدين رفعوا الاسعار؟؟
ممكن توضحلنا اخي محمد...
بالفعل حاولو صرافين كسر السعر لكن لم تسمح لهم اللظروف بسبب اقبال على شراء
Salam L
21-01-2012, 05:34 PM
بالفعل حاولو صرافين كسر السعر لكن لم تسمح لهم اللظروف بسبب اقبال على شراء
يعني اللي كنا خايفين منه صار... الناس كلها ناطرة لينزل السعر وبالتالي فورا رجع عكس الاتجاه...
يافرحة ماتمت...
Salam L
21-01-2012, 05:34 PM
النتيجة انو اذا المركزي ما ضخ كميات ضخمة خلال الاسبوع القادم السعر الى صعود...
kayalij
21-01-2012, 05:57 PM
أخ محمد جزيل الشكر منذ عدة دقائق السعر 68 شراء و بيع 70 أو 69 حسب الكمية على قولة الصراف اللي كنت عنده يرجى الحذر الشديد من لعبة الصرافين فالمنتظر للشراء أضعاف مضاعفة لمن يبيع و هي لعبة و اللي بدو يبيع بدو يعوض بأغلى من ما باع ( رأي شخصي ) ليس دعوة لعدم البيع
farooq
21-01-2012, 05:59 PM
اعتقد ولله اعلم اليوم او بالاكثر هذه الايام هي اخر الايام التي سنرى الدولار فيها بالستينات ..
اذا اغلق غدا مساء فوق 70 فسننسى مستويات تحت ل 70
syria19799
21-01-2012, 06:13 PM
السلام عليكم من الواضح انو الضرب مو ضرب صحاب واللي بيشوف شو صار بالجنيه بأزمة كل مدتها 18 يوم بيعرف وين رايح الدولار وبنذكر بعضنا رح حكيكم عن فترة ثلاث شهور مو ابعد رح نشوف الدولار اقل شي ب 85 ليرة وهادا رأي شخصي على فكرة انا كتير متشائم لأن بعرف شو عنا وشو علينا
واللي مفكر يشوف الدولار بحيطان الستينات بعد هاليومين رح قلو من وجهة نظري عرفت شيئا وغابت عنك اشياء
نصيحة لاتضارب بين الدولار والليرة السورية لأن مضاربتك اكيد رح تخسرك ومارح تقدر تحصل الدولار بالسعر اللي بعتو فيه ترى المضاربة كتير خطيرة وخبي سنتك الابيض ليومك الاسود
الله يرحم زمان أول لما كانو يضربو المتل بالليرة السورية كانت تقول العالم
ماشاء الله متل الليرة كانت مضرب متل
alhamwi4invest
21-01-2012, 06:14 PM
بس والله بيستاهل الاعدام كل مين بيلعب بالاقتصاد الوطني! :rolleyes2::rolleyes2:
حكيناها مبارح قام انزعجوا الشباب
الباشا المهندس
21-01-2012, 06:17 PM
نقلا عن صفحة اقتصاد البلد على Facebook
http://www.facebook.com/SyrianEconomy
أنباء عن تهاوي سعر صرف الدولار إلى 63 ليرة سورية و المؤشرات إيجابية عن أسعار الصرف في الغد
؟؟
هل وصل بيعا أو شراء إلى 63 ؟؟؟
BROKER
21-01-2012, 06:22 PM
الشكر الجزيل للاخ محمد صابوني ولجميع العاملين والقائمين على هذا الموقع الكريم والذي استفدت منه الكثير الكثير.
الاخ رامي العطار لك مني الدعاء الحار ولكل طاقمك الفني والاداري على هذا الجهد الكبير في توصيل المعلومة الصحيحة واشعارنا باننا كالعائلة.
أعتذر عن قلة مشاركاتي بسبب انشغالي التام على أمل دوام الاستمرارية معكم.
;)
اهلا بك اخي الكريم
الشكر لجميع من يبذل الجهد والوقت لخدمة الاخرين .... نحن هنا كلنا واحد
BROKER
21-01-2012, 06:24 PM
حكيناها مبارح قام انزعجوا الشباب
تأكد ان الجميع هنا لمصلحة الجميع :)
kayalij
21-01-2012, 06:27 PM
مساء الخير بروكرنا شو توقعاتك الشخصية
BROKER
21-01-2012, 06:30 PM
ربما حصل ما كنا نخاف منه من استغلال لهوامير السوق "الصرافين" لصغار الملاك .
لذلك حذرت بالامس من اللجوء الى التسرع بالقرارات وابعاد العواطف الذي قد يؤدي الى توتر فاتخاذ قرار خاطئ .
ثم المسير وراء القطيع فهناك من يريد نشر الذعر لكي يستغل المحتاجين وبعدها يرفع السوق .
هم يضاربون بقوت عيش المواطن لذلك ورغم اننا لا نريد ان تنهار عملتنا لانها ستبب بزيادة الفقر وبنفس الوقت لا نريد ان نلجأ للمستغلين.
تعاملوا مع السوق بحذر وانظروا للواقع ...
وتحياتنا لجميع الزوار الجدد ونعتذر عن اغلاق الساحة وجعلها فقط للأعضاء ... لبكناكن شوي اعذرونا لكن كسبنا التعرف عليكم بعد ان كنتم زواراً فقط ..
اهلا بكم
BROKER
21-01-2012, 06:33 PM
مساء الخير بروكرنا شو توقعاتك الشخصية
اخي الحبيب المحامي كيالي مساك خيرات
- ربما لا استطيع التوقع هنا نظراً لحساسية موقفي فاعذرني ولكني اكتب بين السطور ما اخاف به على اخوتي .
وكتبت بالامس يمكنك مراجعته بموضوع 19-1
واذا استعملنا مصطلحات البورصة فنقول السوق "تجميع" وفق قاعدتنا المتبعة في الاسهم . ;)
ALHAKIM
21-01-2012, 06:33 PM
أخ محمد في أسعار جديدة
kayalij
21-01-2012, 06:40 PM
جزيل الشكر أخ بروكر انتقلت سياسة القطيع إلى سوق الصرافة
alhamwi4invest
21-01-2012, 06:48 PM
تأكد ان الجميع هنا لمصلحة الجميع :)
على راسي الجميع أخي رامي
بس هيك ازدواجية صارت ههههه
بتعرف في خلافات بوجهات النظر وكتير وخاصة بهالازمة ما بيعني انك اذا كنت مشرف لازم تمشي رأيك علي . انا يلي قلتو ما تجاوز حكي الاخت سلام
ALHAKIM
21-01-2012, 06:51 PM
يرجى تأكيد أ نفي سعر بيع 70 وشراء 70.25 في دمشق
jax113
21-01-2012, 07:23 PM
اللاذقية السعر صار 64 وفي موجة بيع شديدة
alahlicenter
21-01-2012, 07:28 PM
أديش السعر حالياً
alahlicenter
21-01-2012, 07:35 PM
الذهب اليوم 3175
لقماان
21-01-2012, 07:38 PM
مو ليكون معي كاش اشتري فيه هههه
بس صحي وينه الاخ محمد... يخبرنا شو صار بأخبار سعر ال 65...
مساء الخير
الأخ محمد صابوني اتصل معي الساعة 2.5 و هو ملهوف لاكتب بالموقع ان السعر بين
67.5 و 68.5 تقريبا
و وعدته أول أن تأتي الكهرباء أن أكتبه.........
و لكن هيهات للكهرباء أن تأتي ............
و أنا أكتبه الآن لأمرين
أولا : لأفي بوعدي و لو كان متأخرا .......
ثانيا :لتشاهدوا بعينكم مدى اخلاص و جدية الأخ محمد صابوني في عمله فقد كان خارج مكتبه و أعلمني بضرورة كتابة هذا السعر لأنه كتب قبلها سعر منخفض أصاب الناس بالهلع ولم يستمر طويلا.......
alahlicenter
21-01-2012, 07:40 PM
أديش السعر آخر الليل ؟؟؟؟؟؟؟؟ $
Trader
21-01-2012, 07:41 PM
هل احد اشترى بسعر 66 اليوم ؟؟؟؟؟؟؟؟؟
شكلو حركة اليوم تشليح مصاري من الدراويش
alhamwi4invest
21-01-2012, 07:42 PM
مساء الخير
الأخ محمد صابوني اتصل معي الساعة 2.5 و هو ملهوف لاكتب بالموقع ان السعر بين
67.5 و 68.5 تقريبا
و وعدته أول أن تأتي الكهرباء أن أكتبه.........
و لكن هيهات للكهرباء أن تأتي ............
و أنا أكتبه الآن لأمرين
أولا : لأفي بوعدي و لو كان متأخرا .......
ثانيا :لتشاهدوا بعينكم مدى اخلاص و جدية الأخ محمد صابوني في عمله فقد كان خارج مكتبه و أعلمني بضرورة كتابة هذا السعر لأنه كتب قبلها سعر منخفض أصاب الناس بالهلع ولم يستمر طويلا.......
الأخ محمد استحق بجدارة أن يدير هذه الصفحة
واستطاع أن ينقل المعلومة بالوقت المناسب مع اخلاص بائن من مشاركاته المتعددة - جزاه الله خيرا -
وما يشهد له أكثر نجاحه في نقل المعلومة في تلك الأوقات العصيبة على الليرة السورية ^^
الطير المهاجر
21-01-2012, 07:42 PM
الله يعطيك العافية أخي لقمان و الف شكر للأخ محمد
انا كنت حابب اشتري على 65-66 بس ما لحقت
نصيب
لقماان
21-01-2012, 07:55 PM
حلوة هل الاخبار
بس سؤال مهم جدا
شو سبب الانخفاض الحاد , هل هو نتيجة عمليات جني ارباح يعني هوامير السوق باعو بكميات كبيرة , او نتيجة قرار اشراك البنوك ببيع الدولار بسعر السوق , هل ممكن انو المركزي اتدخل ??
توقعاتي انو بوكره باجتماع العربان مارح يطلع معن شي غير التجديد للمراقبين لمدة شهر وزيادة عددون ل 300 وبالتالي رح تتطمن الناس والمفروض المركزي يستغل هل الفرصة ويتدخل بالسوق بطرح كميات لا تقل عن 100 مليون وبالتالي رح ينزل السعر الدولار الى 62 وبتوقع رح يستقر عند هاد السعر حتى يستجد شي جديد
أخي الكريم اذا بتريد
اسمهم العرب...و ليسوا العربان........
لقماان
21-01-2012, 07:59 PM
هل احد اشترى بسعر 66 اليوم ؟؟؟؟؟؟؟؟؟
شكلو حركة اليوم تشليح مصاري من الدراويش
لو صحلي ب 67 اليوم بحمص اشتريت
68 ما صحلي كمان
صحلي بدوار السبعين فقط و اكتر شوي ........
ملاحظة أذكر في مدينة حمص
syria19799
21-01-2012, 08:12 PM
الله يعطيه العافية للأخ محمد صابوني فعلا
اذا عمل احدكم عملا أن يتقنه
والشكر موصول
محمد s
21-01-2012, 08:15 PM
اليوم تخبط السعر كثيرا وغدا هو الفاصل اغلب صرافين يتوقعون غدا انخفاض السعر في حال نفذ السيد ميالة وعوده
نرجو من الله السلامة لبلادنا وعملتنا وحماها الله من صرافين
السعر كان 68 شراء بيع 69 واغلب صرافين ينتظرون قرارات يوم غد الصادرة من السيد ميالة والصادرة من افصاحات لجنة العربية
تصبحون على الف خير
Trader
21-01-2012, 08:34 PM
بصراحة أنا لسا مالي مقتنع باالحكاية*
اذا المصرف عندو احتياطي دولار فليش يبيعو ويخلي حالو مكشوف ، وخاصة اذا كان الطلب على الدولار اكبر من العرض .اللهم الا اذا كان سعر البنك مثل الصراف تماماً .
بس اذا كان البنك يشتري بس ما ببيع الا لبعض المستوردين . بيكون صار عندنا مصرف مركزي اخر.
على كل حال على قولة المثل ( إلحاق الxxxx لافا الباب)
وياخبر بمصاري بكرا ببلاش
من مبارحة حكيت انو الدولار نزل 5 ليرات ضربة وحده , بالمقابل في اشخاص اتهمونا بالف قصة وبألف شغلة انو عم ننشر اخبار كاذبه ومن هل الحكي , ومشكور اليوم اخ محمد اكد صحة شو قلتو انا مبارحة انو الدولار وصل ل 68 حتى كتير شبكات اخبارية عموقع الفيسبوك نشرت هل الشي واعضاء هل الشبكات اكدوا انو هل الحكي صحيح
للاسف بعد الاشخاص لديهم رؤية سوداوية ودائما بيحطو نفسون بموقع المهاجم من اي شي ايجابي
انشالله يركز سعر اليوم لتحت 68 مع انو بعرف كتير اشخاص رح يتضرروا بهل الشي
بالنهايه نحنا هون منتدى حواري ويا ريت يبقا هيك
لم يتم اتهامك
وانما طلب التأكيد فقط
واضح رح يكون في هبوط للسعر...
لكن السؤال الاهم.. هل هاد هبوط حقيقي؟؟؟ او حبة مسكن مدتها اسبوع؟؟
المهم يهبط شوي
شو هلأ صار الدولار ب 40 ولا لسه ؟؟؟؟؟
كل ماله بالنازل شايف من كلامكن
ان شاء الله بيصير 46
اللاذقية السعر صار 64 وفي موجة بيع شديدة
ان شاء الله بيهبط كمان
اخ محمد صابوني
شكراً جزيلاً لك
باسل غ
21-01-2012, 09:43 PM
ممكن السعر الحظي لو سمحتم ؟
zinarez
21-01-2012, 09:52 PM
يا شباب ممكن تعطوني آخر سعر والرجاء عنوان أي صراف بدي بيع.
ابو حمادة
21-01-2012, 11:37 PM
فعلا صالة مميزة........
الشكر للجميع دون استثناء ................
لان الجميع ساهموا باغناء الصالة بكل ما هو مفيد
اللاذقية السعر صار 64 وفي موجة بيع شديدة
لو كنت مكانك كنت اشتريت دغري. لأنو السعر كتير منيح. إذا نزل فرح ينزل أول دفعة للستين، بتكون خسرت 4 ليرات. وبعدها رد اشتري. طبعا منشان تعوض فرق السعر. أما إذا رد طلع لل74، فهيك بتكون ربحت 10 ليرات.
لو كنت مكانك وكان في هيك سعر متوفر، وكان معي مصاري، كنت اشتريت دغري.
شباب حدا يدلنا وين في هيك أسعار ( اللاذقية السعر صار 64 وفي موجة بيع شديدة)
بس طبعا بيع مو شراء.....لأنو حاسس في ريحة تشليح دولار من العالم البسيطة... بس اذا كان هاد السعر حقيقي فالحمدلله بس المهم باستقراره مو متل وقت توقيع البروتوكول نزل ليرة او ليرتيت ليوم واحد و رجع طلع لأنو هيك شغلة معناتها فقد الثقة بالليرة....و انشالله هاد الشي ينعكس عالأسعار يللي طلعت فوق 10% يللي بيأكد انو القيمة الشرائية للليرة نزلت
beshr
22-01-2012, 01:08 AM
مع تدخل المصارف الخاصة غدا ... اتوقع معاودة الهبوط ....
اليوم بدمشق بيع 67 ليرة
وباتصال مع احد الاصدقاء العاملين ببك خاص اخبرني ان جميع المصارف الخاصة لديها احتياطي ممتاز من العملات الاجنبية ... مع توقع شخصي غدا بيع بالمصارف 66-68 ليرة
عموما الامر الهام والذي يجب اخذ الاعتبار بة
ان سعر المركزي من بداية الازمة وسعر السوق السوداء كان الفارق قريب 4-5 ليرات بينهما ..
اما في الاسبوع الماضي فقد تجاوز الفرق بين المركزي قريب 58 ليرة وسعر السوق قريب 72ليرة الفرق اصبح 14 ليرة ؟؟؟؟؟
اتوقع على مدار الايام القادمة يعود الفرق بين المركزي وسوق السوداء الى 5 ليرات
اذا كان المركزي 58ليرة فيجب ان لايتجاوز سعر سوق السوداء 63 ليرة
مع العلم ان للبنوك الخاصة حرية البيع حسب نص القرار الصادر من رئيس الحكومة ....
اتوقع 90% من مشتريين الدولار سوف يلجأون الى المصارف وليس الى تجار العملة ...
وبكلا الحالتين لا اتوقع ان تقوم المصارف الخاصة بشلف السعر ....
وعلينا الانتظار كم يوم لنرى ماردة فعل البنوك والمواطنين على عملية شراء الدولار من المصارف الخاصة
والسؤال الاهم :
كم المبلغ الذي يستطيع كل مواطن شراؤة من المصارف الخاصة ؟؟
سؤال مهم نريد اجابة عنة في الايام القليلة القادمة ...
والشكر لمدير الصالة الاخ محمد صابوني وجميع الاعضاء الاكارم والزوار الحبايب
Salam L
22-01-2012, 01:46 AM
بعتقد سعر يوم واحد او يومين فيهن كل هالتخبط مابيعطي مؤشر حقيقي...
لازم نشوف من هلق لاخر الاسبوع شو بيصير... وتذكروا اسباب الازمة الحقيقية بتعرفوا الدولار لوين رايح
Nawar
22-01-2012, 01:50 AM
وعلينا الانتظار كم يوم لنرى ماردة فعل البنوك والمواطنين على عملية شراء الدولار من المصارف الخاصة
والسؤال الاهم :
كم المبلغ الذي يستطيع كل مواطن شراؤة من المصارف الخاصة ؟؟
سؤال مهم نريد اجابة عنة في الايام القليلة القادمة ...
والشكر لمدير الصالة الاخ محمد صابوني وجميع الاعضاء الاكارم والزوار الحبايب
أنا حسب فهمي للموضوع أرى أن الضوابط الخاصة ببيع الدولار من قبل البنوك للمواطنين و حصر تمويل المستوردات بمواد معينة ما زال ساري المفعول, و الذي تغير فقط هو السعر المسموح بالتداول به
aboaiham
22-01-2012, 02:01 AM
السلام عليكم
نرجو من الاخوة المشاركين في كتابة الردود ب النسبة لللاسعار ان يكونوا على يقين ب النسبة لللاسعار المنشورة من قبلهم وان يتناولوا الحيادية في طرحهم.
سعر الشراء 68 مبيع 69
حتى وقت كتابة الرد
بنفس التوقيت كنت عند صراف بدمشق 68/ 69 والطلب أكثر من العرض
BROKER
22-01-2012, 05:04 AM
يا شباب ممكن تعطوني آخر سعر والرجاء عنوان أي صراف بدي بيع.
أ . زينة
تحية طيبة
- السعر حسب ما ورد اغلق السبت على 68
من جهة عناوين الصرافين فيمنع وضع العناوين في المنتدى عذراً منكِ .
يا شباب ممكن تعطوني آخر سعر والرجاء عنوان أي صراف بدي بيع.
طبعا ممكن جميع البنوك الخاصة اصبح مسموح لها بشراء وبيع الدولاروكل العملات الاجنبية بسعر السوق (حسب قرار المركزي )
BROKER
22-01-2012, 05:53 AM
طبعا ممكن جميع البنوك الخاصة اصبح مسموح لها بشراء وبيع الدولاروكل العملات الاجنبية بسعر السوق (حسب قرار المركزي )
نعم
صدر قرار من البنك المركزي يجيز للمصارف الخاصة ببيع الدولار وشرائه
وصدرت التعليمات التنفيدية... وبقي فقط التطبيق .
حلت مشكلتك استاذة زينة :)
سامر منصور
22-01-2012, 07:29 AM
صباح الخير ياشباب
كلن اقتصاديين وفهمانين والحمد لله هيك الشعب السوري
بس تمنية حدا يعرج شوي على الوضع السياسي ويقول رح ينزل كرمال تنحل الامور
ياجماعه ان ربحنا او خسرنا بصفقة دولار
طيب شو المقابل يلي صار بالبلد؟؟ رجاء الكل يفكر وماحد يجاوبني انا عارف الجواب.
ابو النخل
22-01-2012, 08:05 AM
مع هل القوانين و الإجراءات الجديدة يا ترى هل سيسمح للصرافين بالعمل بشكل علني دون مدايقات ؟
مع هل القوانين و الإجراءات الجديدة يا ترى هل سيسمح للصرافين بالعمل بشكل علني دون مدايقات ؟
عن اي صرافين تتكلم
البنوك الخاصة والعامة نعم
شركات الصرافة المجازة نعم
دكاكين الصرافة غير المرخصة لا
Fdl14
22-01-2012, 10:40 AM
صباح الخير
كم السعر اليوم يا شباب؟
jax113
22-01-2012, 11:09 AM
الحمد الله انا بعت من نهار الخميس ب 74 ليرة ... يعني لحقت حالي
وهلق ناطر سعر اليوم أو الاثنين حتى اشتري إذا كان السعر مناسب يعني بين 62-64 لأنو شكلو رح يستقر عند هاد السعر
vBulletin® v3.8.8, Copyright ©2000-2025, TranZ by Almuhajir