تسجيل الدخول

مشاهدة النسخة كاملة : جظمظ بالموز....ابداع حمصي واقعي

لقماان
15-12-2011, 10:58 PM
المقادير اللازمة لطبخ الجظمظ:
1- 2 كيلو غرام بندورة حمرا
2- ثمان بيضات
3-بصلة
4- قليل من البهار
طريقة التحضير :
نقوم بفقش البيض في الصحن و خفقه و القيام بقليه بالزيت أو السمنة .....طبعا في ناس بتفقش البيض على الطبخة رأسن ...
بس أنا لا أحبذ ......
2- القيام بتقطيع البندورة
3-البحث عن البندورة في البيت ...لا يوجد
4-بتنزل على السوق لتشتري بندورة
تلت رباع السوق مسكر و بالصدفة بتشوف محل فاتح ............
بتشوف عند البياع فلينة صغيرة للبندورة ...
مكتوب عليا 75 ليرة...أكيد هي سعر الفلينة
5- بتؤلوا للبياع عبيلي كيلوين ....
6-بيلفت نظرك الموز معلومكون الموز كان الوا عز بأيام جيلنا ....
بتسألوا أدي الكيلوا بيؤول 55 ليرة ......
طيب عبيلي بندورة مو ضروري الواحد ياكل موز كل شهر .........
7-بيعبيلك البياع الكيلوين ....
بتسألو ا أدي بتريد ....بيرد 150 ليرة
خيو أنا أخدت كيليين بندورة ما فلينتين ....
برد البياع حبيبي كيلو البندورة ب75 ليرة
8- كيلوا السبعين بالخمسابندورة ...ما بتطلع معي و لا كلمة صح ......
9- خيو خلاص ما بدي رجعلي البندورة و أعطيني كيليين موز ....خليني أتشفا منو للموز ......لساتو رافعلي مناخيروا هيك ...
10-برجع على البيت شايل كيلين موزب110 ليرات بعطيون أم حكيم
11-أم حكيم : شو هاد وين البندورة ....
أنا :ما لائيت بندورة أبدا بس في شي بالسوق شكلوا شكل البندورة و ريحتوا ريحت البندورة بس سبحان الله مانو بندورة ....
(يعني أد ما كان البندورة أكابر ما في مجال يحط راسوا براس الموز حتى يكون أغلى منو...كمان )
أم حكيم : شو حزيرة بندورة ما بندورة يالله بدي لححق الطبخة يا أم حكيم مافي بندورة في موز ........
12-يا مرا طبخيلنا جظمظ بالموز ...
و الله طلعت البندورة من مناخيرنا .....
لازم يكون عنك حس ابداعي بالطبخ ...
و تبتكريلنا هيك يعني ..طبخات من وحي الواقع ........
13-أم حكيم : تفرم الموز و تضع فوق الموز البيض المقلي و البصل
...يا سلام ...شي بيشهي تمام
14-أم حكيم : تصرخ فجأة ولي ولي ولي على هالمصيبة ...شوفي يا مرا ... و الله حليتيلي ركبي ...................
رديت أم حكيم ....خليص الغاز .....
أنا : لاء لا تؤوليا ...الله يخليكي أؤولي انك عمتمزحي .......كل شي الا الغاز .....
أم حكيم : خليص الغاز ياحبيبي خليص الغاز يا مستتني يالله يا صاحب الابداعات
شو بدك تبدعلنا محل جرة الغاز كمان .....
...مشان كمللك طبخة الجظمظ بالموز تبعك..15-أنا :بسيطة الحاجة ام الاختراع في عنا جرايد كتير منكمل الطبخة عليون ......
و هيك حطينا الطنجرة على التنكة و صرنا نزت فيا الجرايد مشان تضل النار شاعلة ...
سبحان الله وأتا اجتني سوسة الثقافة و القراية ....يا جماعة شو بدكون الابداع بيجي كلو سوا...
مسكت أول جريدة كان فيا سعر الدولار 48.5
و ميالة مميل راسوا هيك و عميقول ...لا تخافوا في عنا احتياطات ..و بدنا نخلي يلي اشترا الدولار مشان الادخار يندم ....
يا سلام ..ارتفعت معنوياتي ..و زتيت الجريدة هيك بحركة فخر على النار ...
الجريدة التاني : دوريات التموين تضبط أسعار زائدة في سوق الخضرا حيث قام أحد ضعاف النفوس الخونة المتآمرين على وحدة الصف الداخلي ببيع كيلو البندورة ب 25 ليرة
علما أن تسعيرة التموين هي 17.19 قرش
كمان زتيت الجريدة على النار مشان كممل الطبخة .....و أنا في حالة نشوة ....
الجريدة يلي بعدا :مكتوب فيا لن نترك بورصة دمشق للمتآمرينو سنقوم بحماية صغار المستثمرين و هذا واجبي الوطني و كل مستثمر ليطمئن و ليضع في بطنه بطيخة صيفي .... حيث سنقوم بانشاء صندوق للاستثما برأسمال
2 طن بندورة عفوا برأسمال مليار ليرة..
هذا سيؤدي الى حماية صغار المستثمرين و سيشكل دعما لاقتصادنا المتين ........
كمان هيك شعرت بالراحة و الفخر ..بالأخص انو أنا تقريبا انخرب بيتي و بيت يلي خللفني و بيت جيراني و يلي خللف جيراني من ورا نصايحي الون بالاستثمار بالأسهم ....
كمان زتيت للجريدة على اخواتا ...و الله حكي هالجرايد حلو ..هيك يعني بيخليك تنعنش و تشعر بالراحة متل يلي آخدلوا سيجارة حشيش .........يعني هيك متل بسام كوسا وأت بيكون معبي الطاسة بمسلسل....
و الله ترى نسيت اسمو..(عدم المؤاخذة منكون )
آخر جريدة و راح تخلص الطبخة :
خبر بالخط العريض ..لا وجود لأزمة غاز في البلد .....و ما تناقلته وسائل الاعلام المغرضة
لا يمت الى الواقع بصلة .......
و الأمر كلو عبارة عن هجوم من كل مواطن مقطوع من الغاز بشكل عفوي على شراء جرة غاز!!!!!!!!!!!!!
تفرجت هيك على جرة الغاز يلي اشتريتا ب 700 ليرة و للأسف طايرا البركة منا ..بعد كام طبخة خلصيت....و ساوتلي مأساة بالبيت.......
و تفرجت هيك على التنكة يلي فيا الجرايد المحروقة ...
و تفرجت هيك على مرتي ......
و تضحكت بصوت عالي واطي .......
و التلا لأم حكيم شو صار بالجظمظ بالموز....
الله يخليلنا هالجرايد و الله لولا الجرايد كنت
حاسس... احساس بس ...انو ما عميصحلي اشتري بندورة ...
كنت حاسس احساس بس انوا ما في صندوق للاستثمار ..
و كنت حاسس احساس بس
حاسس حالي مقطوع من الغاز.....
أم حكيم :بعد ما طبخت الجظمظ بالموز آلتلي لا تزت أشر الموز هيك كيف ما كان برا ...
لأنو ممكن يمرقلوا شي مسؤول من ادام بيتك ......
وما حلوة منك ...تزحلطلك شي مسؤول ...
و بيشوا ؟...بقشر موز الجظمظ..تبعك ...
بعدين اذا تزحلطلوا شي مسؤول ....
بيجوا جماعة الرقابة بمنتدى سيريا ستوكس و بيحزفولك ...هالطبخة بحجة انو فيا حكي سياسة .....
متل ما بزمناتوا ...حزفولك ..طبخة المقلوبة..
آل شو اسم الطبخة بيتعارض مع مبادئنا القومية و الوطنية .......
أم حكيم ...شو ما شاء الله عنك صايرا عمتحكي حكي بيخوف ...شفتي هي صرتي تبدعي من بعد ما أكلتي الجظمظ بالموز....
....هاد جطمظ بالموز مو مقلوبة .....
beautiful life
15-12-2011, 11:20 PM
صحتين وهنا ............. لا تعليق !!!!!!!!!!!!!
غسان
15-12-2011, 11:41 PM
سلمت يداك ياابو حكيم على هالطبخة
بس اكيد مابتنصحنا نجربها؟

لا تخاف مارح نحذف هالطبخة لانو كلفتك كتير موز وغاز ونارة و..........
بسيطة بسيطة مشان تشوف قيمة البندورة
هي بندورة ..هي
مو ...موز

اسم المسلسل عصر الجنون والجزء التاني
جنون العصر

وبدي اسألك كيف تستطيع أن تنتزع البسمة من قلب المعاناة ؟؟
انها موهبة عظيمة
arnouri
16-12-2011, 12:01 AM
شكراً لك

ذكرتني بالمسلسل -البقعة ضوء -
ماشاء الله هل الازمه اظهرت المواهب
الله يحمي حمص وسوريا كلها
تحياتي لك
Salam L
16-12-2011, 12:53 AM
كالعادة... ابداع حمصي مع مرتبة... الموز... (بدال مرتبة الشرف..)
Salam L
16-12-2011, 12:54 AM
بس ماخبرتنا كيف طلعت طعمة الطبخة بعدين؟؟؟

انا رأي انو ممكن تطلع طيبة!!

برأي لازم تعملها بلا بهارات وبدون ملح... وتحط مع البيض حليب ... وشوية زبدة....


على فرض انو عندك حليب وزبدة....

شايف انا شو فايقة ورايقة....
BROKER
16-12-2011, 02:22 AM
صحتين وهنا لأحلى مبدعين

يا خيو ما بينخاف عليكون اهل حمص كومة ابداع وحلول

انا شفت عرس لقنينة الغاز ما حضرتو ابو حكيم ولا ما اجتك دعوة ؟؟؟؟

الله يفرج علينا

على فكرة كمان بالشام في ازمة غاز لكن الازمة في قلته يعني انا بكون بالطريق بشوف 200 واحد صافين عالدور وكل واحد حامل قنينة ...
Nawar
16-12-2011, 04:32 AM
الله على قصصك أخي أبو حكيم ... يعني بطالع نكتة من قلب المأساة
و الله هالبندورة صايرة شغلة ... اليوم أنا كمان لقيت الأوضاع ماشي حالها قلت لحالي قوم اطلاع جيب هالغراض يلي موصيتك عليهن أمك من شي خمس أيام
رحت على سوق جنبنا لقيت كم محل خضرة و بقاليات فاتحين ... طبعا زخ المطر براس الشارع بس الناس ما فارقة معها و واقفة طوابير بدها تتمون
الحمد لقيت أغراض منيح بس البندورة بالاسم بندورة و ب 60 ليرة و خضرا تقول مسحوب لونها لهيك ما اشتريتها ... لما رجعت عالبيت و حكيت لأمي عالبندورة قامت عاتبتني و قال كنت جيبها بتستوي هون بالبراد!!!
غالب
16-12-2011, 04:42 AM
الله على قصصك أخي أبو حكيم ... يعني بطالع نكتة من قلب المأساة
و الله هالبندورة صايرة شغلة ... اليوم أنا كمان لقيت الأوضاع ماشي حالها قلت لحالي قوم اطلاع جيب هالغراض يلي موصيتك عليهن أمك من شي خمس أيام
رحت على سوق جنبنا لقيت كم محل خضرة و بقاليات فاتحين ... طبعا زخ المطر براس الشارع بس الناس ما فارقة معها و واقفة طوابير بدها تتمون
الحمد لقيت أغراض منيح بس البندورة بالاسم بندورة و ب 60 ليرة و خضرا تقول مسحوب لونها لهيك ما اشتريتها ... لما رجعت عالبيت و حكيت لأمي عالبندورة قامت عاتبتني و قال كنت جيبها بتستوي هون بالبراد!!!


لا تحزن فللبندورة مواسم وهي بالشام وما عنا شي ب 50 ليرة فاذا وصلت لعندك ب 60 ماشي الحال . والمفروض يمنعوا الخضار والفواكه بغير موسمه حتى يبقى للدنيا طعمة وللموسم طعمة .

قبل سنوات غليت البندورة قامت الدولة سكرت التصدير . تضرر المصدرون خيرات الله علما ان من حق الفلاح الذي يزرع بالبيوت البلاستيكية ويصرف كثيرا على البندورة وتكلفه بحدود 35 -40 ليرة للكيلو من حقه ان يستفيد فوق الكلفة قليلا . للنسى البندورة شهرين بالسنة ونستغني عنها ونستبدلها برب البندورة او معجون البندورة ونترك فرصة للفلاح ليستعيد رأسماله من التصدير ومن احب شراؤها بالاسعار والكلف الشتوية ليدفع ويشكر ربه على نعمة توفر الخضار في غير موسمها . ولتكون الصورة شاملة احببت كتابة ما سبق بعد اطلاعي على تجربة فلاح بيت بلاستيكي من اطراف طرطوس وهو منطقة الخراب قرب قرية الروضة . ويعرف اهل طرطوس ان اقتصاد المنطقة هناك جزء كبير منه يعتمد على البيوت البلاستيكية وصيد السمك والسياحة .
Nawar
16-12-2011, 04:58 AM
لا تحزن فللبندورة مواسم وهي بالشام وما عنا شي ب 50 ليرة فاذا وصلت لعندك ب 60 ماشي الحال . والمفروض يمنعوا الخضار والفواكه بغير موسمه حتى يبقى للدنيا طعمة وللموسم طعمة .

قبل سنوات غليت البندورة قامت الدولة سكرت التصدير . تضرر المصدرون خيرات الله علما ان من حق الفلاح الذي يزرع بالبيوت البلاستيكية ويصرف كثيرا على البندورة وتكلفه بحدود 35 -40 ليرة للكيلو من حقه ان يستفيد فوق الكلفة قليلا . للنسى البندورة شهرين بالسنة ونستغني عنها ونستبدلها برب البندورة او معجون البندورة ونترك فرصة للفلاح ليستعيد رأسماله من التصدير ومن احب شراؤها بالاسعار والكلف الشتوية ليدفع ويشكر ربه على نعمة توفر الخضار في غير موسمها . ولتكون الصورة شاملة احببت كتابة ما سبق بعد اطلاعي على تجربة فلاح بيت بلاستيكي من اطراف طرطوس وهو منطقة الخراب قرب قرية الروضة . ويعرف اهل طرطوس ان اقتصاد المنطقة هناك جزء كبير منه يعتمد على البيوت البلاستيكية وصيد السمك والسياحة .
هو طبعا الحمد لله على نعمه ... و مو مشكلة البندورة ... الله يجعلها أكبر المصايب
و على فكرة أنا من حوالي عشر ايام أخدتها بلاستيكية بس ممتازة ب 35 ليرة ... الأسعار عنا بحماة أرخص بكتير من الشام بالظروف الطبيعية
رائد
16-12-2011, 10:29 AM
أخي الكريم :
من بين 100 سبب للـ.......شو مابدك...
مالقيت غير سبب واحد لنص ابتسامي...
هوي يقينك ومحاولتك للاحتفاظ بروحك الحلوي...

- كلمتين مختصرات : فرّج الله همّنا وهمّكم من غامض علمه وتدبيره ، إن مع العُسر يسراً..
سندباد
16-12-2011, 04:43 PM
اي شوهاد اخي لقمان مالي عرفان على شو و شو بدي علئ

يخليلي اناملك انا... عم تكتب روايات كماااااان.....!!..

اي فشرت رواية البؤساء تبع فكتور هيغو توصل لمواصيل روايتك

بجد روايتك فيها كل المشاعر المتناقضة ((حزن -فكاهة - ضحك-.ولولة...سخرية...امل))...!!!

ان شاء تفرج عن قريب و نجي لعندك وندوء هلجز مظ بالحليب و الموز و فقسة بيضة على وشون

ممممممم اكيد جزمزات بسطلوااااااug10;
Adnan89
17-12-2011, 12:36 AM
الله يفرج عن هالبلد
أكلة و اللهي شهيتني ياها
بس عفوا منك أنا أكلة المقلوبة ما سمعت عنا
يمكن بسرعة خلصت الطبخة
اذا شي نهار طبخت مقلوبة أمانة لا تنساني
السبب أنو بحب المقلوبة لأنو هالعيشة صارت مقلوبة
بس يمكن الحل أنو الواحد يقف على ايديه بيقوم بيشوف الشكل الصحيح
لقماان
17-12-2011, 02:06 PM
صحتين وهنا ............. لا تعليق !!!!!!!!!!!!!

على ألبك ......أيضا بدون تعليق ........
لقماان
17-12-2011, 02:12 PM
سلمت يداك ياابو حكيم على هالطبخة


بس اكيد مابتنصحنا نجربها؟
لا تخاف مارح نحذف هالطبخة لانو كلفتك كتير موز وغاز ونارة و..........
بسيطة بسيطة مشان تشوف قيمة البندورة
هي بندورة ..هي
مو ...موز
اسم المسلسل عصر الجنون والجزء التاني
جنون العصر
وبدي اسألك كيف تستطيع أن تنتزع البسمة من قلب المعاناة ؟؟
انها موهبة عظيمة

الله يسلمك أخي أبو يزن ............
صحيح ....نحن في حمص ...ننتزع البسمة من على وجوهنا ......كي نرى البسمة على وجوهكم الكريمة............
هذا هو قدرنا ..............
هذا هو قدرنا الذي نأمل أن يسركم
و الذي نتمناه مسرا لأولادنا ..............
(بالمناسبة صرت حاطط شكرا على مداختك شي خمس مرات حتى من أبل التعديل وأت كنت عمتحرء حريشي حرء ...
بس الظاهر في حدن عميحزفزن اذا اتبعنا نظرية المؤامرة أو
الظاهر البرنامج عميعللق اذا اتبعنا طيبة ألبنا .....)
لقماان
17-12-2011, 02:15 PM
شكراً لك

ذكرتني بالمسلسل -البقعة ضوء -
ماشاء الله هل الازمه اظهرت المواهب
الله يحمي حمص وسوريا كلها
تحياتي لك
الله يبارك فيك أخي أبو معاذ .......
هذه المواهب ضائعة في ترهات .....
في ترهات الزمان .....و المكان ......
لقماان
17-12-2011, 02:33 PM
كالعادة... ابداع حمصي مع مرتبة... الموز... (بدال مرتبة الشرف..)
بكرا بيسموني هون بالمنتدى
كاتب حمصي بمرتبة الموز ..........
بس ماخبرتنا كيف طلعت طعمة الطبخة بعدين؟؟؟
انا رأي انو ممكن تطلع طيبة!!
برأي لازم تعملها بلا بهارات وبدون ملح... وتحط مع البيض حليب ... وشوية زبدة....
على فرض انو عندك حليب وزبدة....
شايف انا شو فايقة ورايقة....
في حليب و زبدة ...
بس مافي ثمن حليب و زبدة...........
بالنسبة للطعمة ......لسا ما خلصيت الطبخة
و بس تخلص الطبخة
نحنا يلي بدنا نسألكون على الطعمة .....
لأنو رب العالمين قدر علينا
انو نحنا نطبخ بس ......
لقماان
17-12-2011, 02:47 PM
صحتين وهنا لأحلى مبدعين
يا خيو ما بينخاف عليكون اهل حمص كومة ابداع وحلول
انا شفت عرس لقنينة الغاز ما حضرتو ابو حكيم ولا ما اجتك دعوة ؟؟؟؟
الله يفرج علينا
على فكرة كمان بالشام في ازمة غاز لكن الازمة في قلته يعني انا بكون بالطريق بشوف 200 واحد صافين عالدور وكل واحد حامل قنينة ...
صحتين وهنا لأحلى مبدعين
يا خيو ما بينخاف عليكون اهل حمص كومة ابداع وحلول

مع انو بالعكس بالعكس تماما
لازم نخاف على أهل الابداع و الحلول ......
انا شفت عرس لقنينة الغاز ما حضرتو ابو حكيم ولا ما اجتك دعوة ؟؟؟؟
الله يفرج علينا

مين ما كان العريس الله يساعدوا على هالوقعة.....
هي قنينة الغاز
من أصحاب السوابق عند الجمارك
طول عمرا عتهررب ....
الله يفرج على الجميع ......

على فكرة كمان بالشام في ازمة غاز لكن الازمة في قلته يعني انا بكون بالطريق بشوف 200 واحد صافين عالدور وكل واحد حامل قنينة ...
أزمة شو ..........
أزمة ...هي هي هيي....
(الضحك هون باسلوب شخص ممتلئ الوجنتين و كتلة متلظلظة من اللحم و الشحم)
لقماان
17-12-2011, 02:55 PM
الله على قصصك أخي أبو حكيم ... يعني بطالع نكتة من قلب المأساة
و الله هالبندورة صايرة شغلة ... اليوم أنا كمان لقيت الأوضاع ماشي حالها قلت لحالي قوم اطلاع جيب هالغراض يلي موصيتك عليهن أمك من شي خمس أيام
رحت على سوق جنبنا لقيت كم محل خضرة و بقاليات فاتحين ... طبعا زخ المطر براس الشارع بس الناس ما فارقة معها و واقفة طوابير بدها تتمون
الحمد لقيت أغراض منيح بس البندورة بالاسم بندورة و ب 60 ليرة و خضرا تقول مسحوب لونها لهيك ما اشتريتها ... لما رجعت عالبيت و حكيت لأمي عالبندورة قامت عاتبتني و قال كنت جيبها بتستوي هون بالبراد!!!

ما بس بنطالع النكتة من قلب المأساة
بنطالع الزير من البير كمان ....
و بنلائي الدومري يلي كل العالم عمتودر عليه و ما كانت تلائي .....
اذا حابب تشوفوا للدومري ...شرف لعنا على حمص .....لتشوف شو ساوينالك بالدومري
بعد ما لائينا .........
لقماان
17-12-2011, 02:59 PM
أخي الكريم :
من بين 100 سبب للـ.......شو مابدك...
مالقيت غير سبب واحد لنص ابتسامي...
هوي يقينك ومحاولتك للاحتفاظ بروحك الحلوي...

- كلمتين مختصرات : فرّج الله همّنا وهمّكم من غامض علمه وتدبيره ، إن مع العُسر يسراً..
آمين يا رب ......
أخي رائد لا تختصر معلي ...أنا بتونس بمشاعرك الطيبة عن طريق كلماتك ....
احكي اد ما بدك ...لا تختصر ........
BISO
17-12-2011, 04:48 PM
المقادير وصلتنا ..... والحكي فهمناه ...... بس بدنا الصور ؟؟؟؟؟؟

وين الصور أخي لقمان .....
لقماان
17-12-2011, 05:32 PM
اي شوهاد اخي لقمان مالي عرفان على شو و شو بدي علئ
يخليلي اناملك انا... عم تكتب روايات كماااااان.....!!..
اي فشرت رواية البؤساء تبع فكتور هيغو توصل لمواصيل روايتك
بجد روايتك فيها كل المشاعر المتناقضة ((حزن -فكاهة - ضحك-.ولولة...سخرية...امل))...!!!
ان شاء تفرج عن قريب و نجي لعندك وندوء هلجز مظ بالحليب و الموز و فقسة بيضة على وشون
ممممممم اكيد جزمزات بسطلوااااااug10;



رواية البؤساء ......
يا عيني عليك يا سندباد ...
و على أولة اخوانا الحلبية :
أبوس روحك وتش و أفا.........
الله يسلملي أناملك ....يلي بدا تدء على بساط الريح مشان يطير و يجي على حمص ...
وأت العزيمة........
بس ما تجي و تؤول انقطعت من المازوت ...
اي شو هالبساط الريح هاد يلي بيشتغل على المازوت ........مازوت يا سندباد ...مازوت..
اي هادموبساط اي هاد هوب هوب الريح...
لقماان
17-12-2011, 07:12 PM
الله يفرج عن هالبلد

أكلة و اللهي شهيتني ياها
بس عفوا منك أنا أكلة المقلوبة ما سمعت عنا
يمكن بسرعة خلصت الطبخة
اذا شي نهار طبخت مقلوبة أمانة لا تنساني
السبب أنو بحب المقلوبة لأنو هالعيشة صارت مقلوبة
بس يمكن الحل أنو الواحد يقف على ايديه بيقوم بيشوف الشكل الصحيح

أخي عدنان .....
المقلوبة بتاكلا و أت بتكون العيشة صح بس ؤو وأت بدا تكون الأمور مقلوبة...(من القلب)
صار لازم تاكل أكلة اسما
مصحوحة ........................(من الصح)
لقماان
17-12-2011, 07:22 PM
المقادير وصلتنا ..... والحكي فهمناه ...... بس بدنا الصور ؟؟؟؟؟؟

وين الصور أخي لقمان .....


يا أيها الذين آمنو لم تقولوا ما لا تفعلوا .....
.....بدك صور ......
اي مو لتحط صورتك انت بالأول خاي الحجي
لقماان
10-11-2013, 10:28 PM
المقادير اللازمة لطبخ الجظمظ:
1- 2 كيلو غرام بندورة حمرا
2- ثمان بيضات
3-بصلة
4- قليل من البهار
طريقة التحضير :
نقوم بفقش البيض في الصحن و خفقه و القيام بقليه بالزيت أو السمنة .....طبعا في ناس بتفقش البيض على الطبخة رأسن ...
بس أنا لا أحبذ ......
2- القيام بتقطيع البندورة
3-البحث عن البندورة في البيت ...لا يوجد
4-بتنزل على السوق لتشتري بندورة
تلت رباع السوق مسكر و بالصدفة بتشوف محل فاتح ............
بتشوف عند البياع فلينة صغيرة للبندورة ...
مكتوب عليا 75 ليرة...أكيد هي سعر الفلينة
5- بتؤلوا للبياع عبيلي كيلوين ....
6-بيلفت نظرك الموز معلومكون الموز كان الوا عز بأيام جيلنا ....
بتسألوا أدي الكيلوا بيؤول 55 ليرة ......
طيب عبيلي بندورة مو ضروري الواحد ياكل موز كل شهر .........
7-بيعبيلك البياع الكيلوين ....
بتسألو ا أدي بتريد ....بيرد 150 ليرة
خيو أنا أخدت كيليين بندورة ما فلينتين ....
برد البياع حبيبي كيلو البندورة ب75 ليرة
8- كيلوا السبعين بالخمسابندورة ...ما بتطلع معي و لا كلمة صح ......
9- خيو خلاص ما بدي رجعلي البندورة و أعطيني كيليين موز ....خليني أتشفا منو للموز ......لساتو رافعلي مناخيروا هيك ...
10-برجع على البيت شايل كيلين موزب110 ليرات بعطيون أم حكيم
11-أم حكيم : شو هاد وين البندورة ....
أنا :ما لائيت بندورة أبدا بس في شي بالسوق شكلوا شكل البندورة و ريحتوا ريحت البندورة بس سبحان الله مانو بندورة ....
(يعني أد ما كان البندورة أكابر ما في مجال يحط راسوا براس الموز حتى يكون أغلى منو...كمان )
أم حكيم : شو حزيرة بندورة ما بندورة يالله بدي لححق الطبخة يا أم حكيم مافي بندورة في موز ........
12-يا مرا طبخيلنا جظمظ بالموز ...
و الله طلعت البندورة من مناخيرنا .....
لازم يكون عنك حس ابداعي بالطبخ ...
و تبتكريلنا هيك يعني ..طبخات من وحي الواقع ........
13-أم حكيم : تفرم الموز و تضع فوق الموز البيض المقلي و البصل
...يا سلام ...شي بيشهي تمام
14-أم حكيم : تصرخ فجأة ولي ولي ولي على هالمصيبة ...شوفي يا مرا ... و الله حليتيلي ركبي ...................
رديت أم حكيم ....خليص الغاز .....
أنا : لاء لا تؤوليا ...الله يخليكي أؤولي انك عمتمزحي .......كل شي الا الغاز .....
أم حكيم : خليص الغاز ياحبيبي خليص الغاز يا مستتني يالله يا صاحب الابداعات
شو بدك تبدعلنا محل جرة الغاز كمان .....
...مشان كمللك طبخة الجظمظ بالموز تبعك..15-أنا :بسيطة الحاجة ام الاختراع في عنا جرايد كتير منكمل الطبخة عليون ......
و هيك حطينا الطنجرة على التنكة و صرنا نزت فيا الجرايد مشان تضل النار شاعلة ...
سبحان الله وأتا اجتني سوسة الثقافة و القراية ....يا جماعة شو بدكون الابداع بيجي كلو سوا...
مسكت أول جريدة كان فيا سعر الدولار 48.5
و ميالة مميل راسوا هيك و عميقول ...لا تخافوا في عنا احتياطات ..و بدنا نخلي يلي اشترا الدولار مشان الادخار يندم ....
يا سلام ..ارتفعت معنوياتي ..و زتيت الجريدة هيك بحركة فخر على النار ...
الجريدة التاني : دوريات التموين تضبط أسعار زائدة في سوق الخضرا حيث قام أحد ضعاف النفوس الخونة المتآمرين على وحدة الصف الداخلي ببيع كيلو البندورة ب 25 ليرة
علما أن تسعيرة التموين هي 17.19 قرش
كمان زتيت الجريدة على النار مشان كممل الطبخة .....و أنا في حالة نشوة ....
الجريدة يلي بعدا :مكتوب فيا لن نترك بورصة دمشق للمتآمرينو سنقوم بحماية صغار المستثمرين و هذا واجبي الوطني و كل مستثمر ليطمئن و ليضع في بطنه بطيخة صيفي .... حيث سنقوم بانشاء صندوق للاستثما برأسمال
2 طن بندورة عفوا برأسمال مليار ليرة..
هذا سيؤدي الى حماية صغار المستثمرين و سيشكل دعما لاقتصادنا المتين ........
كمان هيك شعرت بالراحة و الفخر ..بالأخص انو أنا تقريبا انخرب بيتي و بيت يلي خللفني و بيت جيراني و يلي خللف جيراني من ورا نصايحي الون بالاستثمار بالأسهم ....
كمان زتيت للجريدة على اخواتا ...و الله حكي هالجرايد حلو ..هيك يعني بيخليك تنعنش و تشعر بالراحة متل يلي آخدلوا سيجارة حشيش .........يعني هيك متل بسام كوسا وأت بيكون معبي الطاسة بمسلسل....
و الله ترى نسيت اسمو..(عدم المؤاخذة منكون )
آخر جريدة و راح تخلص الطبخة :
خبر بالخط العريض ..لا وجود لأزمة غاز في البلد .....و ما تناقلته وسائل الاعلام المغرضة
لا يمت الى الواقع بصلة .......
و الأمر كلو عبارة عن هجوم من كل مواطن مقطوع من الغاز بشكل عفوي على شراء جرة غاز!!!!!!!!!!!!!
تفرجت هيك على جرة الغاز يلي اشتريتا ب 700 ليرة و للأسف طايرا البركة منا ..بعد كام طبخة خلصيت....و ساوتلي مأساة بالبيت.......
و تفرجت هيك على التنكة يلي فيا الجرايد المحروقة ...
و تفرجت هيك على مرتي ......
و تضحكت بصوت عالي واطي .......
و التلا لأم حكيم شو صار بالجظمظ بالموز....
الله يخليلنا هالجرايد و الله لولا الجرايد كنت
حاسس... احساس بس ...انو ما عميصحلي اشتري بندورة ...
كنت حاسس احساس بس انوا ما في صندوق للاستثمار ..
و كنت حاسس احساس بس
حاسس حالي مقطوع من الغاز.....
أم حكيم :بعد ما طبخت الجظمظ بالموز آلتلي لا تزت أشر الموز هيك كيف ما كان برا ...
لأنو ممكن يمرقلوا شي مسؤول من ادام بيتك ......
وما حلوة منك ...تزحلطلك شي مسؤول ...
و بيشوا ؟...بقشر موز الجظمظ..تبعك ...
بعدين اذا تزحلطلوا شي مسؤول ....
بيجوا جماعة الرقابة بمنتدى سيريا ستوكس و بيحزفولك ...هالطبخة بحجة انو فيا حكي سياسة .....
متل ما بزمناتوا ...حزفولك ..طبخة المقلوبة..
آل شو اسم الطبخة بيتعارض مع مبادئنا القومية و الوطنية .......
أم حكيم ...شو ما شاء الله عنك صايرا عمتحكي حكي بيخوف ...شفتي هي صرتي تبدعي من بعد ما أكلتي الجظمظ بالموز....
....هاد جطمظ بالموز مو مقلوبة .....



نفس الطبخة بعد كل هالوئت رجعنا نطبخا .
و كأنك يا أبو زيت ما غزيت.........
بس الأسعار شوية اختلفت
سعر كيلو البندورة 150
سعر كيلو الموز 140
سعر جرة الغاز عند شركات الصرافة 1100
عفوا
ما بيصير هي جرة الغاز بتهرب .. و شركات الصرافة ما بتحب التهريب بنوب
سعر جرة الغاز
بالمؤسسة 1100
و بالسوق السوداء بحمص 1500
و طبعا ميالة ضل هو نفسو
بس سعر الدولار صار 143..........
سمي الله ... و كول و دعيلي ...........