مطلوب اكتتاب سكن شبابي

[angel]

احلى مسا للكل ازا في حدا عندو اكتتاب على بيت شبابي فئة (أ) وحابب يبيعو اكتتاب 2000 او 2002 بتمنى يردلي خبر وشكرا

[ملك]

باي مدينة ؟

[angel]

بمدينة دمشق

[سندباد]

بمدينة دمشق


مدينة دمشق ..!!!!مممممممم..

حسب معلوماتي مافي سكن شبابي بمدينة دمشق ليكون اصدك بريف دمشق تبع ضاحية قدسيا

[angel]

هههه اي قصدي على تبع ضاحية قدسيا معلش لا تواخزوني فايت بالحي شوي

[angel]

طيب رح زبط السؤال ازا اي حدا عندو اكتتاب بالسكن الشبابي تبع ضاحية قدسيا وبدو يبيع يخبرني

[wasim]

ليش اخي انا بعرف ان السكن الشبابي لا يمكن بيعه و لا انا غلطان ؟؟؟و انت عم تقصد رقم و لا البيت طالع خالص ؟؟؟و اذا في امكانية ممكن تعطينا وسطيا شو اسعار البيوت الشبابية ؟؟؟لان صديقي عندو رقم و سمعت منو مرة بدو يبيع بس ما بيعرف الاسعار؟؟؟

[angel]

هلأ بالاسكان مزبوط ما بيسمحو للبيت انو ينفرغ لبعد ما تخلص الاقساط ولازم يكون كمان مرق عالاستلام 15 سنة بس بالواقع البيوت عم تنباع بعقد بس بالبصمة وعم يعملو عقد اجار للبيت لمدة 99 سنة يعني هيك بيكون الواحد ضامن حقو نوعا ما هلا بالنسبة للاسعار انا من فترة قرايبي اخد بيت هنيك بس بيت جاهز يعني مستلمو صاحبو من سنة تقريبا اخد البيت ب مليون واربعمية بس انا عم بسأل عن اكتتاب انا حسب ما سمعت من المكاتب انو عم ياخدو ربح فوق المبلغ اللي دافعينو بين 200 و 350 الف حسب الرقم ازا قريب وحسب الفئة كمان وفترة التسليم

[حكم جركو]

[QUOTE=angel;143997]هلأ بالاسكان مزبوط ما بيسمحو للبيت انو ينفرغ لبعد ما تخلص الاقساط ولازم يكون كمان مرق عالاستلام 15 سنة بس بالواقع البيوت عم تنباع بعقد بس بالبصمة وعم يعملو عقد اجار للبيت لمدة 99 سنة يعني هيك بيكون الواحد ضامن حقو نوعا ما [/QUOT

هذا الكلام صحيح أبتداء وفقاً لأحكام القانون 39 وللقرارات الناظمة لعملية الأكتتاب على السكن الشبابي.

ولكن مؤخراً صدر قراراً أجاز نقل ملكية بيوت السكن الشبابي الي تصرف بها أصحابها خلافاً للقانون بثلاث شروط:
1-أن يدفع المشتري 15% من قيمة المسكن كغرامة .
2-أن يتمم مدفوعاته الى النصف.
3- أن تتحقق فيه شروط الأستفاده.

وأعتقد أن التسوية ونقل ملكية هذه المساكن ممكن لغاية حزيران 2012.

[farah]

مرحبا طب ماحدا منكم بيعرف شي عن بيوت سكن الشباب بحلب اش وضعها ؟ اذا في بيوت للبيع او في تسجيل حدا يقلي مع الشكر

[hisham nafees]

طلبك عندي ابوالشباب انا عندي رقم اكتتاب تسجيل 2004 فئة أ وحابب بيعه وبانتظار ردك

[samer79]

طلبك عندي ابوالشباب انا عندي رقم اكتتاب تسجيل 2004 فئة أ وحابب بيعه وبانتظار ردك


مرحبا، ممكن ان تضع لنا كم المطلوب سعر لرقم الاكتتاب ، او ترسل لي رقم موبايلك مع الشكر.

[hisham nafees]

اخي الكريم رقمي 0933997653 والمطلوب 500 ألف

[farah]

طب ممكن رقم مبايلك ؟؟؟؟؟؟؟؟؟؟؟؟ مرسي

[angel]

طيب اخي ممكن تقلنا انت التسليم بعد كم سنة ؟؟؟

[hisham nafees]

التسليم 2016 المدفوع 250 تقريبا

[angel]

اخي قصد السؤال انو وقت القرعة كم سنة لع التسلبم لان بصراحة انا بيتي كان المفروض استلمو ب 2007 واستلمتو ب 2010 بقا ما بتقدر تصدق حكي الاسكان لان لسا اكتتاب 2002 واللي مفروض يستلمو ب 7 سنين لسا ما استلمو كلهن