تسجيل الدخول

مشاهدة النسخة كاملة : الشاي عند المصرين

manar
10-12-2011, 03:13 AM
اما تلاقي واحد مصري جاي يعزمك علي كوباية شاي هتلاحظ روح المبالغة دايما وهو بيقدملك الشاي ده .
تحس انه جايبلك لبن العصفور او حاجة مدقتش زيها في حياتك حتي لو كانت كوباية شاي عادية خالص !
ومن اشهر الجمل بتاعة المبالغة في تقديم الشاي عند المصرين :



1- جايبلك شاي من اللي وصي عليه لقمان :

مع ان محدش شاف الوصية دي ابدا ومعقول لقمان هيوصي علي كوباية شاي برضه في وسط وصاياه ؟
وبعدين كان علي ايامه شاي فتلة ؟؟ عجيبة شوية دي
واما حد قدمه للقمان قاله ده الشاي اللي وصي عليه مين بقي ؟؟
manar
10-12-2011, 03:14 AM
2- الشاي كما أنزل :

دي من اعجب الكلمات اللي ممكن تسمعها في مصر ..هو الشاي انزل ؟؟
يعني ظهرت شجرة شاي سحرية مثلا فجأة من تحت الارض ولا هو بيتزرع ؟
وحتي المكرونة الفرن بيقولوا عليها كده وانا مش عارف ازي المكرونة انزلت الحقيقة يعني
manar
10-12-2011, 03:15 AM
3- جايبلك شاي بقي متقوليش ومتعدليش :

خلاص ياعم اتكتمنا اهو..انت هتزلني بكوباية شاي ؟
وبعدين مقولكش ايه ما انا اكيد دقت احسن منه او زيه ع الاقل يعني ايه شاي مقولكش يعني ؟
manar
10-12-2011, 03:15 AM
4- كوباية شاي صنعة ايديا وحياة عنيا :

مش عارف ايه الصنعة في الشاي ؟ ده اسهل من فتح العلب في برنامج لعبة الحياة الساذج
هو الشاي كمان فيه فنون ووصفات ؟
manar
10-12-2011, 03:16 AM
5- جايبلك شاي بقي يعمل معاك الصح :

شاي يعمل معايا الصح ؟ ايه ياعم قاعدين في ورشة خراطة ؟
والله ده انا اللي هاقوم اعمل معاك الصح بأم الشاي بتاعك ده يا اخي
manar
10-12-2011, 03:17 AM
6- كوباية شاي بقي ولا الدموع ولا الأيام :

ماشي يا عم حمادة هلال.. ما تعيطلي احسن وانت بتديهوني
جتكوا نيلة مليتوا البلد ..ومعندكش كوباية تانية دايما دموع دموع ؟
ولا دي ماركة تانية ؟
manar
10-12-2011, 03:18 AM
7- حماتك بتحبك يا عم :

اهو ده المستحيل بعينه بقي لو حلفتلي ع المية تجمد زي ما بيقولوا مافيش حماة بتحب
ده كلمة وصي عليه لقمان واقعية اكتر من دي شوية كمان
ولو حماتي بتحبني ما كانت عزمتني هي مش هاكل عند واحد صاحبي يعني
ولو افترضنا انك بتتكلم عن الرضا طب قول امك بتحبك انا اول مرة اسمع عن رضا الحماة !
manar
10-12-2011, 03:19 AM
8- كوباية شاي بقي تجيب معاك م الاخر :

محسسني انك مديني قرص فياجرا مثلا ده شاي يا عم الخرنج
ايه الشاي اللي يجيب معاك م الاخر ؟ وبعدين مش عايز اجيب م الاخر يا عم انت بتطردني ولا بتعزمني ؟
اكنك بتقولي قصر يعني واتكل علي الله
manar
10-12-2011, 03:19 AM
9- كوباية شاي بقي دوق وادعيلي :

ايه جو الشحاتة ده ؟
روح يا ابني الهي ينجلحك المقاصد ويكتبلك في كل خطوة سلامة
كانوا بيشحتوا بمناديل في الاشارة دلوقتي بكوباية شاي
manar
10-12-2011, 03:20 AM
10- خد حلي بقك :

ماشي يا عم الشيخ.. تحس انه هيحطلم شوية مسك بعديها ويقولك حلي ايديك
بركاتك يا مولانا..طب ما طالما هاحلي بقي ما تشوفلنا حاجة حلوة مش كوباية شاي حاف !
manar
10-12-2011, 03:21 AM
11- كوباية شاي زي ما الكتاب بيقول :

مش عارف ايه موضوع الكتاب ده ؟ باينه في كل حاجة
المنهج كله بتاع الحياة في اكتاب ده كل شوية واحد يقول مزة زي ما الكتاب ما بيقول
شاي زي الكتاب ما بيقول
فرخة زي ما الكتاب بيقول
ما حد يشوفلنا الكتاب ده فين يا جدعان ده باينه مليان خيرات يعني
manar
10-12-2011, 03:21 AM
و شكرا
beautiful life
10-12-2011, 10:30 PM
هههههههههه .. اي شو هالشاي هاد ... شراب الملوك

متشكرين لــ حضرتك Big Grin
فراس السكري
10-12-2011, 10:56 PM
يسلموا اخ منار على كاسة الشاي
سندباد
10-12-2011, 11:23 PM
ما شاربش شاي اشرب ازوزة انا ما شرابش شاي اشرب ازوزة اناaf7a1

طبعا ازوزة بالمصري و قازوزا بالشامي;)


على فكرة هي العبارات بالهجة الصعيدية بمصر يعني مو كل المصاروة بحكوا هي العبارات