سعر صرف الدولار والذهب مقابل الليرة السورية اليوم السبت 05 -04- 2014

[hasobman]

اقتباس: المشاركة الأصلية كتبت بواسطة عبدالقادر    هلق بتسمحولي احكي رأي الي ولا اكل هوا وارجع لورا

له يا زلمي
انت بتاكل عسل وبتدحلنا دحل

[رشاد حج علي]

UOTE=zinarez;336270]

بدي أحكي عن حادثتين:
1- سمعت (ومع بعدين شفت وتأكدت) بأنو شخص بعرفه أنا كان يزور الدهب ويختمه بختم (حلب 21) ويخللي زوجته تبيعه.. هالحكي من قرابة الـ 8 سنوات أو أكتر شوي.. وحسّوا على الشخص وزوجته وحطوهون بالحبس.
2- حكاية صارت معي من 3 أشهر.. بحلب في شارع اسمه شارع الإكسبريس بالفرقان، ماشية ولقيت بسطة محطوط فيها اللي بيخطرلك من الذهب. وقفت وتفرجت شوي ولقيت ست عم تدفع 3500 ليرة لأبو البسطة. المهم سألته شو هدول قالي دهب ومو دهب، والست اللي كانت عم تشتري (اللي دفعت 3500) اشترت مصاغ لعروس، لأنه كلو مختوم ومو مبين ولا بيغيّر لونه.
المهم اشتريت خاتم مختوم بمبلغ 400 ليرة سورية وفوراً رحت لعند صايغ بنفس المنطقة وقلتللوا شفلي هالخاتم قديش حقّه؟ بعد صفنه طويلة وبعد ما شاف الختم حطو عالميزان وبلش يمسك الآلة الحاسبة وبدو يحسب......، فوراً قلتللوا شو عم تعمل هادا مو دهب....!!!!!

النهفة : فرجيته لجارتي وفوراً قالتلي هادا مو دهب..!!!
والتعليق لكم[/QUOTE]

هود ستات حلب مشاء الله الدهب
اللي شفتي والله اعلم هندي او روسي
بس حتى النظامي في منو اصفر وفي مايل للاحمر
هذه المشاركة قبل ان ارى مشاركة معلمنا الياطر العين مابتعلى عن الحاجب

[hasobman]

اقتباس: المشاركة الأصلية كتبت بواسطة الياطر    السلام عليكم اخي انت بس تشتري من اي صايغ خود فاتورة منو على الفاتورة في تفاصيل الوزن والعيار والسعر اذا في اي خطأ بالفاتورة الشغلة فيها محكمة اقتصادية وبظن ما في صايغ بحب يزور بيت خالتو بالمشرمحي الذهب السوري المختوم بختم النقابة وكل الذهب المشغول الموجود في واجهات المحلات مضمون ١٠٠٪يعني خود وانت مطمن واذا حدا من الاخوة صاير معو مشكلة بحياتو بقطعة ذهب مختومة .يتفضل ويشرحلنا شو صاير معو لانو اناالي بالمصلحة ١٥سنة لا صار معي مشكلة ولاسمعت بكل سوق اللاذقية عن مشكلة بالعيار . وشكرا

ممكن سؤال اخي الياطر
لماذا يتم فك الحجرة عند وزن الخاتم اثناء الشراء من الزبون
واثناء البيع للزبون بيزينو بحجرتو وبغبرتو
اليس وزن الحجرة مدفوع سعرو بسعر الذهب

[zinarez]

اقتباس: المشاركة الأصلية كتبت بواسطة الياطر    اختي هاد يلي اشتريتيه ذهب روسي وهو بالاصل مو دهب اما الصايغ يلي ما كشفو حرام يتسما صايغ بالاصل اما بالنسبة للقصة الاولى انت قلتي صاروا ببيت خالتن انا بدي واحد اشترى من صايغ قطعة وصار معو مشكلة بالعيار لانو اذا بيطلع في مشكلة بينحط الصايغ والورشة خلف الشمس وانا متاكد من هالحكي

طيب فهمت عليك..
مشكلتك العيار...
كمان امبارح بالضبط رحت اشتريت دهب مصاغ بـ 6050، وعم فاصله شوي أنو بـ 6000 ليش بـ 6050 (لأنه الكمية كبيرة شوي) قاللي في ناس بـ 6000 عم تبيع وفي ناس بـ 5900 ... إذا بدك روحي اشتري من عندهون... والمشكلة بأنه السعر معروض عالجامة معناتها أكيد في مشكلة بـ عيار الدهب ماهيك...!!!!؟
طيب وين لجنه حماية المستهلم من هالقصّة بما أنه جماعة جمعية الصاغة مو فاضيين ......!!!!!!؟ ما يروحوا ويكشفوا عالدهب ويفحصوه.....!!!!!؟

[الياطر]

اخي الله وكيلك الحجر بينزان على الصايغ ذهب
يعني انا بدفع حق وزنوا ذهب
وبس بدي سلمو لتاجر الجملة ما بيستلمو
ووقت سالتو ليش هيك قلي
يلي بدو يلبس ذهب وعليه استراس وحجر بدو يتحمل
يلي ما بدو ياخد ذهب وسادة وخلصت الشغلة

[فهد]

الحسكة و القامشلي
164.5 - 166

[al.faqir]

كنا بالخواريف انتقلنا الى الذهب

يعني فيني افهم من كلامكم انو الخواريف بدها تحسن الاقتصاد وتخلي الدولار ينزل

[MONIR]

اقتباس: المشاركة الأصلية كتبت بواسطة zinarez    طيب فهمت عليك.. مشكلتك العيار... كمان امبارح بالضبط رحت اشتريت دهب مصاغ بـ 6050، وعم فاصله شوي أنو بـ 6000 ليش بـ 6050 (لأنه الكمية كبيرة شوي) قاللي في ناس بـ 6000 عم تبيع وفي ناس بـ 5900 ... إذا بدك روحي اشتري من عندهون... والمشكلة بأنه السعر معروض عالجامة معناتها أكيد في مشكلة بـ عيار الدهب ماهيك...!!!!؟ طيب وين لجنه حماية المستهلم من هالقصّة بما أنه جماعة جمعية الصاغة مو فاضيين ......!!!!!!؟ ما يروحوا ويكشفوا عالدهب ويفحصوه.....!!!!!؟

صارت شغلة بيع وشراء الذهب بحلب شغلة من ليس له شغل ولا عمل و وصارالخضرجي و بياع البسطة اصدق من بياع الذهب

[فهد]

بالنسبة للستراس يالي موجود على الذهب يعتبر أجرة صياغة
عندما يقوم الشخص بالبيع يقوم الصائغ بحذف قيمة الستراس و قيمة الصياغة المدفوعة سابقاً من قِبل الشخص

[omar1964]

مساء الخير
أكيد بكل مهنة في تجار أصليين سمعتهم و كرامتهم غالية كتير عليهم
و ما عندون استعداد يخربوطو بشغلهم منشان اي زيادة بالربح مهما بلغت
و الصياغ من هالتجار في منهم ثقة و في منهم عن جهل و بدون اي خبرة بيقلك العيار مو مظبوط
و ما بيرضى يشتري .. و في منهم بيعرف ان بايعك 18 لكن بيحسبه عاساس 21
هدول من الصياغ يلي اجو جدد عالمصلحة .. أو من أبناء الختايرة يلي ماتو
أنا صارت معي مع صايغ كان موظف و بعد ما تقاعد عمل مهنته صايغ
اشتريت من عندو قطعة تفصيل عطيته حجر و بعته عالورشة يلي بيتعامل معها فصلولو الشكل المطلوب
مع سنسال و حسبه 21 و عطاني فيه وصل بعد كام سنة عتقت اللواحة و صار بدها تبديل
رفض يشتريها بالاول بحجة انو ما معو مصاري
لكن لما اخدتها عالسوق و فحصتها عند قدامى المهنة تبين انو عيارها 18 ..
راجعته تملل و تلبك بعدين بعتها لغيرو
و اكتفيت اني حكيت قصته طبعا مع اسمه و الوصل لكل صايغ بالمنطقة و خارج المنطقة
في ناس ما عندها استعداد تبيع ذمتها بكومة ذهب و في ناس بتبيعها بتنك مصدي !!..
...