سعر صرف الدولار والذهب مقابل الليرة السورية اليوم السبت 01 -03- 2014

[eng.mdkh]

أظن موجة البيع التي تسبق تدخل المركزي قد انتهت اليوم .
يعني بكرة احتمال يرتفع نص ليرة أو ليرة بالكتير ...
و بعد بكرة احتمال ثبات ...

[انس الحموي]

حماة الذهب الكسر الان شراء 5800 ....مبيع 5825

[عابر مجيب]

اقتباس: المشاركة الأصلية كتبت بواسطة انس الحموي    حماة تداولات الصباح وحتى العصر شراء 155...مبيع 155.5 اما حماة الان فشراء 154.5 ....مبيع 155 يبدو ان المركزي اعلن عن التدخل قبل اربعة ايام ليتم سحق السوق نفسه بنفسه ومن الان بدأت عمليات البيع الجنونية ويبدو اكثر تلك العمليات جنونا رح تصير يوم الاثنين ....ويوم الثلاثاء رح يبدأ السعر بالارتداد لانو الحيتان بانتظار يوم الثلاثاء وما بعد يوم الثلاثاء للانقضاض على مدخرات الناس ومن ثم اللعب مرة اخرى ورفع السعر والخروج والشراء من ادنى نقطة ...والخاسر الاكبر دوما الاسماك الصغيرة والرابح الاكبر دوما تلك الحيتان

يعني الكلام وكأن الواحد بينزل على البسكليت وحامل 500 ألف دولار ، وعند أول بياع سوق سوده من جملة البياعين اللي بالآلاف في الساحة ، بيحطهم على الميزان وبياخد حقهون ، بشوالات سوري بيصفر لسوزوكي بيحملهم وبيركب جنب السائق وبيحط البسكليت مع الشوالات ورا .
يوم الثلاثاء على الساعة 11.30 بيكون مع السوزوكي على باب الصرافين بانتظار عودتهم سالمين غانمين من المركزي وبيبدل السوري بدولار
والحياة حلوة والعصافير تزقزق ، وبس يخلص بيشتري سندويشة فلافل وبعدها بيشتري صباط جديد وبيروح على السينما .
شي بيفقع فعلا ! سعر السوق بيطلع وبينزل بعشرات الليرات على اثر طرح سعر محدد يتيح للمواطن شراء 200 دولار بطلوع الروح . وقال شو خايفين ينهار السوق !!!!!!

[انس الحموي]

اقتباس: المشاركة الأصلية كتبت بواسطة eng.mdkh    أظن موجة البيع التي تسبق تدخل المركزي قد انتهت اليوم . يعني بكرة احتمال يرتفع نص ليرة أو ليرة بالكتير ... و بعد بكرة احتمال ثبات ...

ما زالت عمليات البيع على الذهب والدولار تفوق التصورات وحركة العرض كبيرة جدا ...وانا بخالفك الراي العرض رح يكون اشده يوم الاثنين قبل يوم التدخل اما السبت والاحد فالمضاربين بحاولوا يتماسكوا قد الامكان وينزلوا ليرة ليرتين بس يوم الاثنين الضرب رح يكون حامي الوطيس لاقتراب اليوم الموعود ...اخيرا لماذا هذه المسرحية تتكرر كل مرة !!!!!!ولماذا المركزي لايقوم بالتدخل بالسوق يوميا !!!! واخيرا لو ان السوق متخم بالدولار لما راينا بين الفترة والفترة الاخرى موجات صعود ...وباعتقادي المركزي لم يتدخل من محفظته منذ شهور وانما التدخل عما يكون عن طريق المضاربين من خلال عمليات بيع وشراء وبالتالي خسارة فئة كبيرة من المضاربين ونجاح فئة قليلة منهم

[جوليت]

دمشق الاغلاق
156-----155-154.5
عرض الدولار بالسوق متل الرز وماحدا عم يقبل يشيل مبالغ كبيرة
الخوف والرعب من المركزي يملأ القلوب

[shereen]

اقتباس: المشاركة الأصلية كتبت بواسطة عابر مجيب    يعني الكلام وكأن الواحد بينزل على البسكليت وحامل 500 ألف دولار ، وعند أول بياع سوق سوده من جملة البياعين اللي بالآلاف في الساحة ، بيحطهم على الميزان وبياخد حقهون ، بشوالات سوري بيصفر لسوزوكي بيحملهم وبيركب جنب السائق وبيحط البسكليت مع الشوالات ورا . يوم الثلاثاء على الساعة 11.30 بيكون مع السوزوكي على باب الصرافين بانتظار عودتهم سالمين غانمين من المركزي وبيبدل السوري بدولار والحياة حلوة والعصافير تزقزق ، وبس يخلص بيشتري سندويشة فلافل وبعدها بيشتري صباط جديد وبيروح على السينما . شي بيفقع فعلا ! سعر السوق بيطلع وبينزل بعشرات الليرات على اثر طرح سعر محدد يتيح للمواطن شراء 200 دولار بطلوع الروح . وقال شو خايفين ينهار السوق !!!!!!

ههههههههههههه احلا تعليق لليوم بقراه تعليقك استاذ عابر في متل شامي بيقول "اسماع وسطح" فبرايي تروح تنام لانو الشباب يبدو متل العادة كميات هائلة من الدولار حتى يمكن توصل الفهمنة يقولولك صار في دولار بسورية اكتر من المركزي الامريكي وعالبسطات وبالشوارع

[انس الحموي]

اقتباس: المشاركة الأصلية كتبت بواسطة جوليت    دمشق الاغلاق 156-----155-154.5 عرض الدولار بالسوق متل الرز وماحدا عم يقبل يشيل مبالغ كبيرة الخوف والرعب من المركزي يملأ القلوب

بما انو المركزي كل هل الشي قوي وسوبرمان ليش ما بيتدخل بالسوق يوميا عالاقل من تحت الطاولة ؟؟؟ وليش عما تفلت الامور منه بين الفترة والفترة !!!! يعني معقول بكون نايم ؟؟؟ حتى القرار طلع يوم الجمعة يعني المركزي مداوم على مدار الساعه ؟؟؟ فكيف عما يخلي السعر يوصل لمستويات 157 بين الفترة والفترة ....واخيرا ليش سعر الليرة عما ينخفض بين الفترة والفترة بنشرة المركزي ....مجرد تحليل شخصي الامور عما تضيق كتير وطمع الناس والمضاربين بالتعويض بنقطة ادنى عما يساعد على عدم تحليق السعر بس بالنهاية الزحف على قدم وساق و بالصيف رح نشوف مستويات جديدة بسعر الصرف

[shereen]

اقتباس: المشاركة الأصلية كتبت بواسطة جوليت    دمشق الاغلاق 156-----155-154.5 عرض الدولار بالسوق متل الرز وماحدا عم يقبل يشيل مبالغ كبيرة الخوف والرعب من المركزي يملأ القلوب

انا قررت اكول بكرة بامية ودولار لانو غالبا الدولار بكرة ارخص من الرز ابن اختي طوني دقللي من شوي وعم يبكي ويرجف وغالبا لح ينجلط كرمال الخوف والرعب اللي حكيتي عنو لانو بعد ماامتلىء قلبو بالرعب صار يطفطف وامو ارتعبت على رعبتو

[abu mhd]

القصة يا جماعة لا خوف يصير الدولار بكرة بليرة ولا بكرة بألف
بس انوا بيت تفقس بيعته لأنوا فرق الدولار ليرتين ؟؟؟؟ قال بخاف لبين ما يتم الفراغ يفرق اكتر
يا جماعة يستر عرضكون خففوا هبل ...................

حاليا اثبت للجميع المركزي انه اللاعب الأكبر وحاليا الامور تحت السيطرة
لست ارجو ولست بوق لاي طرف ولكن عندما تنفلت الامور بحسب راي البعض فهي تنفلت بعلم و لسبب خفي ويعاد ضبطها
بناء على تعليمات صارمة للجميع بعدم تجاوز رقم معين وما حدا حط فرق اكتر من ليرتين
الله يرحم ايام الخمسة والعشرة فرق

اللي بده يقول عن سعر حقيقي او بعد شهر او سنة والله ما بعرف اذا بيكون ب 50 او 500 او 3000

الله يتلطف فينا وبهالبلد واهله

الكتابة ليست موجهة لأحد وليست ردا على احد ولكن اعتبروها خاطرة او تفكير بصوت عالي

[عابر مجيب]

اقتباس: المشاركة الأصلية كتبت بواسطة shereen    انا قررت اكول بكرة بامية ودولار لانو غالبا الدولار بكرة ارخص من الرز ابن اختي طوني دقللي من شوي وعم يبكي ويرجف وغالبا لح ينجلط كرمال الخوف والرعب اللي حكيتي عنو لانو بعد ماامتلىء قلبو بالرعب صار يطفطف وامو ارتعبت على رعبتو

على ذكر البامية جربي سخني شوي تاني يوم ( بايته ) وكليها تغميس بدولار مرقد ، مع بصلة صغيرة ، وبتقولي عابر بيعرف ياكل .