الدولار في اسبوع - مناقشات الأسعار الدولار والذهب مقابل الليرة السورية ليوم الجمعه 08 / 11 / 2013

[osamakhaled]

السلام عليكم بدي راي الاعضاء الافاضل متوسط راتب الموظف الحكومي 25 الف ليرة تقريبا 166 دولار وكان قبل الازمة 15 الف وسطيا لانو اجت زيادتين يعني326 دولار برايكم بما انو الاستيداع 5 سنوات يعني بعد 5 سنوات يا اما استقالة او اما عودة للوظيفة برايكم اينو افضل وشكرا

[عمار اللامي]

أسعد الله أوقاتكم بالحب

[خليل حسو]

القامشلي
تداولات يوم الجمعة صباحا
140----------------------145

[عمار اللامي]

أستاذنا العزيز ((عابر مجيب)) أعلم أنك موجود معنا بدون دخول بأسم و كلمة سر
و لكن إن كان ما يربطنا هنا هو مجرد كلمات و تحليلات السوق الخالية من المشاعر ف أرجوك أن لا تدخل للمنتدى
و إن كنا نسعى أنا و أنت لمصلحة خاصة على حساب المصلحة العامة ف أرجوك أن لا تدخل
و إن كانت صداقتنا و كلماتنا المنمقة و عباراتنا المليئة بالود مجرد مجاملات عمل و توافق بالرأي ف أرجوك بشدة أن لا تدخل
أما إن كنت تشعر بما أشعر به تجاه هذا المنتدى ..... و تجاه أعضائه .... تجاه معاناة رامي العطار .... و مراهنات شيرين على مدخراتها و ثقتها بحساباتها و شعورها بالخيبة احيانا ....... تجاه وجود وغياب باسل غ و الخوف من المجهول ....... تجاه حلاوة روح ديناميك في الربح و الخسارة ...... تجاه رندة و غالب و الجميع هنااااا و ووووو ف نحن هنا بأنتظارك و الااااان

[shereen]

اقتباس: المشاركة الأصلية كتبت بواسطة osamakhaled    السلام عليكم بدي راي الاعضاء الافاضل متوسط راتب الموظف الحكومي 25 الف ليرة تقريبا 166 دولار وكان قبل الازمة 15 الف وسطيا لانو اجت زيادتين يعني326 دولار برايكم بما انو الاستيداع 5 سنوات يعني بعد 5 سنوات يا اما استقالة او اما عودة للوظيفة برايكم اينو افضل وشكرا

اخي الكريم ليش وين في استيداع 5 سنوات هللق مافي غير اجازة بلا راتب 3 شهور واذا مدعوم جدا وواسطة قوية 6 شهور بس تبع ال 5 سنوات هللق مافي وهللق الناس قاتلة حالها على الوظيفة

[osamakhaled]

اقتباس: المشاركة الأصلية كتبت بواسطة shereen    اخي الكريم ليش وين في استيداع 5 سنوات هللق مافي غير اجازة بلا راتب 3 شهور واذا مدعوم جدا وواسطة قوية 6 شهور بس تبع ال 5 سنوات هللق مافي وهللق الناس قاتلة حالها على الوظيفة

انا من 5 سنوات اخدت الاجازة و حابب ارجع بسبب الغربة وسلبياتا بس وضع البلد هلا مخيف وامثالي كتير وشكرا

[osama289]

اقتباس: المشاركة الأصلية كتبت بواسطة عابر مجيب    انا حاولت اعمل شي للمنتدى للأسف كان في مخالفين وكان متوقع منهم بس تكون المخالفة من اللي مفروض فيهم يكونوا أكثر حرص على المنتدى شيء غير مقبول هدول كنت بتوقع يساعدوني الله يهنيكم ويديم عليكم منتداكم ويباركلكم بالعي اللي عم تحاربوه وترجعو على عي اكتر منو . يبدو اني كنت دخيل وبغير مكاني آسف

استاذ عابر نحنا ضيوف عندك , فإذا بتلاقيها حلوة تترك ضيوفك مع اني بعرفك ما بتعملها
انت فاكهة المنتدى وما الك مكان الا بقلوب الجميع

[جوليت]

برأي الشخصي مبارح لما اعلن المركزي انو بايع شاري ليؤكد للشركات على مخزونه من السوري والدولار , ولكن الخطة التي كانت موضوعة من قبل الذين قامو بتحريك السوق للاعلى اجبار المركزي ليس على التتدخل وانما على وضع سعر للتتدخل وهادا مالم يحصل لانه سيكون خطأ كبير لو حدده الأن وخاصة بعد ان وصل سعر الصرف لمستويات من مرتية 125

[shereen]

اقتباس: المشاركة الأصلية كتبت بواسطة osamakhaled    انا من 5 سنوات اخدت الاجازة و حابب ارجع بسبب الغربة وسلبياتا بس وضع البلد هلا مخيف وامثالي كتير وشكرا

فهمت عليك بس اول شي بدك تشوف مكان وظيفتك وين واذا اتدمر او لساتو موجود واذا عندك بيت او بدك تستاجر لانو اذا ماعندك بيت فبنصحك اتضل برا وماترجع لانو الاجارات غالية جدا وشغل بعد الظهر مافي ومعاش 25 الف مابيكفيك 10 ايام فاحسبها صح

[جوليت]

اغلاق سعر الصرف يوم الخميس بدمشق
146 - 142