صالة أسعار الدولار والذهب مقابل الليرة السورية ليوم الخميس 7 -11-2013

[osama289]

اقتباس: المشاركة الأصلية كتبت بواسطة جوليت    منشان الله سيد خيرو , انا ماصدقت لاقي طريقة لانهي الجدال , انا كتير ممنون ( ممنونة مافيني حطا ) لعابر لانو لاقى طريقة ,وانا بعرف انو كل الاعضاء فهمانين و رح يردو عليه وبتمنى حضرتك ماتزعلو منشان حسب كلامو مايفرزك مع الاوغاد يلي متلي يلي عم يضرو اقتصاد البلد ,وعم يضلل الاعضاء .أعضاء سيرياستوكس (الله وكيلك كتير منن بسطا معو شوية دولارات او شوية سوري انخلاهن مانو مخلص وان حولون مانو مخلص ) , و شو انا جاي ضرون ؟؟؟ ياسيدي انشالله مابضل حوت بالهلبلد واولون بعض المسوؤلين يلي هلأ انا متأكدة بيكرهو الارض يلي بتمشي عليها جوليت ( روميو , عمار اللامي (خاصة ) , عبد القادر (رووق) , انس الحموي(معلم !! ) , تبع 400 , تبع التشويش , mak ,تبع خوفتينا يعني , تبع يلي اني عم اشتغل عند جهة ونفذ اجندة ,الخ ... ) بتمنى تكونو عند حسن ظن فاكهة المنتدى السياسية بشكل جوهري قسما بالله سيد خيرو اني عرفانة اليوم بدو يرتفع بصورة بهلوانية وبشرفي عرفانة في اعلان عن تتدخل(وفيك ماتصدق ) وكنت بدي اولون مبارح بس صدقا بس الاهانة يلي وجها السيد المحترم الي مبارح بطلت اكتبون , شوف سيد خيرو تاكد كان في بعض الاعضاء استفادو لو عرفو , الحوت مابيستفيد من هيك معلومات , عطيني واحد من الاعضاء البسطا (مو قصدي بسطا بالمقدار , اقل واحد بسيط بعتبرو احسن مني ) قدر يبيع او لحأ او استرجى يبيع 150 أو 145 ؟؟؟ طبعا بعض الاعضاء المحترفين اكيد استفادو , هيك انا مابهمني ؟؟؟ مين استفاد بالهاية وبدون معلومات من جوليت او بطيخة أكيد الكبار الفاسدين يلي عم يمصو دم الشعب (بس على خير انشالله )... ولسا الايام الجاية سيد خيرو مانا سهلة في كتير مفاجأت (ولاتفسرا شي )ولكن السوق مابيعرف ابوه لا بيعرف حلال ولا حرام .... ومو رايحة غير علي موعرفان ايمتا الطلعة والاهم ايمتا النزلة , وشو بالنهاية جوليت جاية ضللهم ؟؟؟؟؟... فشوف للهمسخرة

رح تبكيني شو مظلومة
لازم نفتحلك صفحة خاصة لمشاركاتك ( تجميع مشاركات جوليت )
اي خلص بقا والله نقرتي راسنا

[ابو مالك]

تحية طيبة لجميع الأعضاء
الله يحنن القلوب يا رب.. و بيسألك احدهم ليش ما عم تخلص الأزمة
من كتر ما الناس بتحب بعضها

[ابن الجبل]

سعر تحويل الريال القطري اليوم حسب الشركة نفسها التي حصلت على سعرها امس
36.70 لام سين على قول بعض الاعضاء
يعني على سعر دولار 133.955
و بما أن الحكومة هي من يقرر سعر التحويل فالأسئلة التي تطرح
1- هل هذا السعر أعلى من سعر التدخل المحتمل و هو غالباً ما كان أعلى من سعر التدخل
على سبيل المثال أثناء تدخل المصرف المركزي على سعر 173 ليرة تقريبا كان سعر الحوالات 186 ليرة
2- هل هذا السعر ناجم عن الروتين و البيروقراطية أي صدر نتيجة انخفاض سعر الصرف في الايام الماضية و عمم اليوم في سعر صرف أعلى منه؟ ( معي 200 ريال فقط مائتا ريال قطري لاغير ) ( من شان الحسد و العين ) بدي حولهن هل اقوم بذلك اليوم؟ ام انتظر؟ شيت الشغلة بتفرق
برسم الموظفين بالبنك المركزي

[jamal80]

صباح الخير للجميع
افتتاحية مباركة بإذن الله أخونا أبو عمر

[محمد سامر]

صباح الخير للجميع
إنشاءالله يوم مبارك

[عابر مجيب]

اقتباس: المشاركة الأصلية كتبت بواسطة pop75    في معلومة صغيرة بس لسا ما متأكد منها امبارح المسا اتصلت بصديق يعمل باحدى شركات الصرافة و سالتو عن جلسة التدخل اللي العالم طابله الدنيا فيها فاكدلي انها لعند ما سكرو المسا ما وصلهم شي بهل الخصوص من مصرف سوريا المركزي بس قلي بيجوز بكره يجيهم التعميم يا خوفي بعد كل هل الحكي اللي صار عن جلسة التدخل المزعومة يطلع انه مافي جلسة من الاساس و دمتم بود بشوفكم على خير و لما اتاكد 100% من الخبر برجعلكم باذن الله

هيك شوشتنا وما طلعنا بشي ، وبعدين تسجل عليك مخالفة انت و
بوب 75 بالباء المخففة
معد 1011
زياد اس اتش
وهوريزونفاست ، هاد ما عليه عتب بالكي عربيتو تقيلة .
اليوم تركت شغلي وقاعد ، يابيزبط الموقع ، يابيزبط ، بتمنى تساعدوا حالكم قبل ما تساعدوا الآخرين ، إلا إذا مبسوطين على الفوازير .

[خليل حسو]

القامشلي
ساعات الصباح الأولى
انخفاض
130----------------------------135

[shereen]

صباح الخير لك شبكم خايفين من تدخل المركزي ههههه ياجماعة نسيتو انو صار شي مية تدخل قبل هاد وماثرو بالسوق وهللق لسة الشروط على اعقد بعدين ياجماعة في ديون خارجية على سورية 46 مليار دولار شو نستوها هي كمان لو ماكان في ديون علبنان كان نزل الدولار كتير على الاستثمارات وضخ الدولارات بلبنان بس ضل السعر 1500 من عشر سنين ولهلق

[عابر مجيب]

اقتباس: المشاركة الأصلية كتبت بواسطة dollar    صباح الخير بصراحة توقعت المركزي مايتدخل ليصير السعر تقريبا 165 ليعوض الخسارة ( طبعا اذا اعتبرنا انه في خسارة ) وقت كان عم يشتري ب 155 ل.س / 148 ل.س . اتوقع التدخل اليوم بين 134-136 ل.س شكرا

ساعتين تلاتة وبنشوف
الله يبعت الخير للكل

[basem_smk]

صباح الخير ... كل واحد عندو حرية برأيو ... انا من جهتي حابب اعرف شو توقعاتك جوليت حول السعر اللي ممكن يتدخل المركزي فيه سواء كان جوابك بالخاص او العام ... وياريت ماحدا يعلق ... بالنهاية كل واحد بتحمل نتيجة اختياراتو وقناعاتو ...
سبق وأن سألت السيد رامي عن توقعاتو
سبق وان سألت الياطر عن توقعاتو
يعني بعتقد ماعم خالف بالسؤال عن التوقعات .... وشكرا