صالة سعر صرف الدولار بالسوق السوداء 17-6-2013

[لقماان]

شي سعر يا شباب
حدن مغوار يجيبلنا شي سعر
----------------
بحمص مافي سعر لهللأ ..في كلمة مافي

[مجد جنود]

الحمد لله على السلامه

[مجد جنود]

وين اهل الحريقه يا شباب

[عاقد الحاجبين]

حلب
الساعة 12:25
188شراء
192 مبيع
مابتوقع في حدا بياع سعر المبيع نظري بس

[حمصي مع سبق الاصرار]

اما انهم مصدومين او مشغولين بالبيع و الشراء او متل كل مكان ما في سعر ثابت

[mak]

اقتباس: المشاركة الأصلية كتبت بواسطة alternative    ارجو انو ماكون زعلت يلي حابب يرتفع الدولار بس يا احباب كلنا متل بعض تاكدوا لو مفكريين انو انتوا معكون دولار ونحنا مو معنا مشان هيك بدنا نحافظ على ثبات سعر الصرف بتكونوا غلطانين وبالاساس ما كنتوا شفتونا متابعين الاسعار لحظة بلحظة ارتفاع الدولار السريع مضر بشكل عام ليلي معو ويلي ما معو يلي معو شو الضرر يمكن يسال حالوا انا معي دولار ومو فارقة معي ليش لح انضر يلي ملاحظ وعندو تخطيط لمصروفوا بيلاحظ ان منفعة اقتناء الدولار عم تتناقص يعني يلي محافظ على سلوكوا بالاستهلاك عميلاحظ انو التضخم عم يصيب ايضا حاملي الدولار يلي صرف مثلا الشهر الماضي 500 على الاستهلاك الشهر الحالي لحيصرف 600 وما حيحصل على سلع اكتر كتير من التجار صاروا يحسبوا الارتفاع الحالي للدولار والاتفاع المستقبلي لما يقيم بضاعته يعني نحنا عم ندفع اثر الارتفاع الحالي وتوقع او جزء من توقع الارتفاع المقبل معظم التجار عم توضع ارباح تتجاوز 30 % بسبب الخوف من التغير السريع لسعر الدولار واخر شيء منفعة الدولار لحتصير 0

يا سيدي حكيك صح ....و هاد يللي انبح صوتنا ......قصدي و جعونا ايدينا عالكيبورد و نحنا عن نحاول نشرحو.....هي انت مثلا عم تتوقع دائما انخفاض الدولار و كل مالو عم يطلع ..و رغم هالشي قالب مصريك دولار .....و بنفس الوقت بتنزعج من كل واحد عم يتوقع انو يطلع الدولار و ينصح الناس بشراءه....و في مين يتهمه انو هو يللي عم يرفع السعر!!.....يعني يللي بيقدم نصيحة لازم تكزن لوجه الله مو مشان مصلحة معينة ....طبعا في ناس بتحاول تنصح بما يفيد مصلحتها بس بعد فترة بينكشفو......هلأ انت برأيك اذا كذبنا عالناس و قلنالون رح يرخص الدولار و اجا واحد اعتمد على نصيحتنا و ما اشترى و بعدين طلع السعر 10 او 20 ليرة بنكون خدمنا الوطن و المواطن و لا الحيتان و الحرمية........طبعا هاد الحكي بشكل عام و مشان اليوم و السعر الحالي في احتمال انو ينزل شوي يمكن لل 175 حسب توقعاتي بس كمان بنفس النسبة يمكن يرتفع لل 185 او اكتر حتى ...فلازم يللي بدو يشتري او يبيع تكون الصورة واضحة عندو ليحسن يقرر صح وعلى مسؤوليته ......و بالنهاية الشغلة مو بالتمني و الدولار طالع طالع للأسف....انشالله كون غلطان و ينزل بس ينزل و يستقر ما تكون لعبة لتشليح الدولار من الناس متل العادة

[ph-hosam]

اقتباس: المشاركة الأصلية كتبت بواسطة alternative    أنباء عن قيام المصرف المركزي اليوم بالقيام ببيع 1000 دولار للمواطن بسعر 155 ليرة عن طريق شركات ومكاتب الصرافة المعتمدة في محاولة لايقاف جنون سعر الدولار ناطرين ولنشوف اشاعة ولاحقيقة !!!!! عن موقع b2b https://www.facebook.com/Business2Bu...ews?ref=stream

سعر دولار الحوالات نحو 166 ليرة وشركات الصرافة تنفي بيع ألف دولار للمواطنين
تاريخ المقال: 2013-06-17

الاقتصادي - خاص:

بلغ سعر الدولار اليوم حسب نشرة "مصرف سورية المركزي" الخاصة بتعامل شركات الصرافة 167.15 ليرة، فيما بلغ سعر اليورو 223.04 ليرة.

وسجل الجنيه الاسترليني 262.50 ليرة، فيما بلغ سعر الدرهم الإماراتي 45.51 ليرة، والريال السعودي 44.57 ليرة.

وبلغ سعر شراء الدولار لتسليم الحوالات الشخصية الواردة من الخارج 166.86 ليرة. أي من تأتيه حواله من الخارج بالدولار تسلم من شركات الصرافة بالليرة السورية على سعر دولار السابق.

وفي سياق متصل، نفى مصدر مصرفي في إدى شركات الصرافة في اتصال مع الاقتصادي ما أشيع عن قيام مصرف سورية المركزي بالسماح لشركات الصرافة ببيع ألف دولار للمواطنين على سعر 155 ليرة، مشيراً إلى أنه لم يردهم أي شيء رسمي بخصوص هذا الموضوع.

شدو الأحزمة ......

[Dark Master]

صباحكم خير

[ابن الجبل]

شو شباب غبنا عنكم يومين ثلاثة قمتوا رفعتوا السعر شو صايرلكم كان 163 صار بهديك الحسبة
ما بنقدر نتركم لحالكم
كم شب من المكنزين اللي عندهم سلة من العملات 100 دولار و 100 يورو و 100 ليرة لبنانية و 100 ين شو صار معكم ما اتفقنا نزيد المعروض ؟؟؟؟؟؟

[mak]

شباب هلأ سألت عن السعر.....رح يجلطني.....180-190 !! حتى عندو معلومات عن بيع بسعر احسن