المتابعة اللحظية لجلسة تداول الاثنين 13-8-2012 - الصفحة 9

economic opinion · 13-08-2012, 01:53 PM

اقتباس:

المشاركة الأصلية كتبت بواسطة f.fatina


	تسلميلي ياروان والله حالياً قاعدة بالبيت يلي قعدنا فيه أخونا بشار عند كراجات الست وأنا وأهلي بخير الحمدلله إذا بيتك قريب شو رأيك تعمليلي زيارة بالبيت الجديد (والله نصيحة، في ومي وقعدة رواق وإذا بدك في أركيلة كمان، وأصوات القصف الرونسية منسمعها كل ليلة مشان ننام بهدوء) أو خلينا نطلع شي مشوار سوى، منو بتعرف عليكي مو صفيان غيرك بس مابعرفها من الصبايا

والله يا ريت يا إختي فاتنة بس أنا بيتي بعيد عن بيتك شوي لأنو بيعتبر بريف دمشق
والأركيلة أنا مو صحبة معها بس أنا صحبة مع الرواق والقعدة والمي والرفقة الحلوة

أما الأصوات الرمانسية فالله وكيلك عندي الله مو حارمني

الله يحمي البشر يا رب ويحمي البلد
وبإذن الله منظبطلنا شي يوم ومنتعرف عالشخصية الحلوة العاقلة

والمهم هلأ إنك إنتي وأهلك بخير والله يطمنا على كل أهل بلدنا

BROKER · 13-08-2012, 01:54 PM

اقتباس:

المشاركة الأصلية كتبت بواسطة f.fatina


	والله اشتقتلكن ياجماعة وضحكتوني من جوات قلبي قولتكن ال 24.644 شو بتجيب هالأيام ؟؟؟؟؟؟ بتجيب غاز 6 روس ولا لأ طيب بتجيب فسطان عرس لعروس ولا لأ؟؟؟؟ طيب بتجيب أجار الكوافيرة تبع العروس ولا كمان لأ؟؟؟؟؟؟ قولتكن يلي عندو أسهم وناوي يتجوز بس يبيعن ايمتى بيتجوز ؟؟؟؟؟؟؟؟؟؟؟؟؟

اسف انسة فاتنة ما بعرف إلا جاوبك على سؤالين:

- الاول: نعم بجيبو غاز 6 روس مع فرن ، او غاز غطس .... بس برأيي الغاز الكهرطيسي أفضل للتفكير به حالياً والمبلغ بجيب ..... مواجه بيتك في وكالة "سامسونج" عندو كل شي .

- السؤال الاخير: الجواب يعتمد على العروس ورضاها .... يعني الزلمة بيقدر يتزوج بــ 50 الف وبيتجوز بــ 50 مليون ... ويعتمد على نق الزوجة وطلباتها .... وبكل الاحوال لا يحلم ببيت في دمشق لانه بسعر مول بعمان .

f.fatina · 13-08-2012, 01:55 PM

اقتباس:

المشاركة الأصلية كتبت بواسطة ابراهيم طاهر


	فتون خانم أذهبي فأينما ذهبت سيأتي خراجك ومن ربح وكان شاطر قد يسرق منه المال او يقصف أو يحرق وهو لا ينام الليل الآن بسبب مكان المال لا تزعلي ما في شيئ مضمون بسورية الآن الا الموت

لك يازلمة انت ليش هيك

والله صرلي زمان ماضحكت ، دغري كبست ع نفسي وزكرتني بالواقع الزفت لي عايشينو
ياأخي تركني اضحك شوي
لك والله حرام عليك

هههههههههههههههه
بدي اضحك شوماحكيت

BROKER · 13-08-2012, 02:08 PM

اقتباس:

المشاركة الأصلية كتبت بواسطة f.fatina


	إذا بيتك قريب شو رأيك تعمليلي زيارة بالبيت الجديد (والله نصيحة، في ومي وقعدة رواق وإذا بدك في أركيلة كمان، وأصوات القصف الرونسية منسمعها كل ليلة مشان ننام بهدوء) أو خلينا نطلع شي مشوار سوى، منو بتعرف عليكي مو صفيان غيرك بس مابعرفها من الصبايا

نفسي اعرف على شو ناوية ؟؟!!

ابراهيم طاهر · 13-08-2012, 02:09 PM

الآن لا يعلى صوت فوق صوت المدافع
لغة القنابل في البيان فصيحة فاكتب بها ماشئت تصعق عندها الاحلام
(هيك بتذكره مابعرف اذا صح)
لكن للاسف على بعضنا البعض حتى رجال دين المسلمين بسوريا منقسمين قسمين
مع انو قرآن واحد

ابراهيم طاهر · 13-08-2012, 02:32 PM

اقتباس:

المشاركة الأصلية كتبت بواسطة broker


	نفسي اعرف على شو ناوية ؟؟!!

انا بعرف شو ناوية فتون
( القضاء على الامبريالية الرجعية )
درسنا 20 عام التربية القومية الاشتراكية اخر الشيئ نتفاجأ ان الذي قرر المنهاج هم اكبر برجوازية وراسمالية واقطاعية بالعالم بل بكل مجرة درب التبان ورحوا بكل مجرة اندروميدا ويالي بدو يصي يصير .

Tareq · 13-08-2012, 08:42 PM

اقتباس:

المشاركة الأصلية كتبت بواسطة mouayad


	مين بدك تزوجه حبيب ؟؟؟؟؟؟؟؟ اذا اخونا طارق بقي كم ساعة ما عم يشوف مشان رشة عطر بالغلط شو ناوي تخلص مني بطريقة غير مباشرة frown11frown11 انا ومن هنا احملك كافة النتائج الناتجة عن عدم تقبل الطرف الآخر لي لهذه الفكرة وقد أعذر من أنذر big grin

اي أنا مع ابو حازم بدنا نزوجو للمشرف الغالي ابو عمر. اي لكن صبية رشتلي العطر بالطائرة كنت بوجع عيون وليلتها نمت على الكنباية وفوق كل هاد إصرار يومي من المدام أني اعملها عضوية بالمنتدى . فاقل منها ابو عمر نجوزك وهديتك الف سهم اسلامي

Tareq · 13-08-2012, 08:50 PM

اقتباس:

المشاركة الأصلية كتبت بواسطة mouayad


	قلتيلي عصافير ما هيك ؟؟؟؟ والله خايف اختك ام عمر تخليني شوف العصافير فوق راسي متل \ توم \ وقت ياكل ضربة على راسه

حبيب ما رح تشوف العصافير بس حت شوف النجوم بعز الظهر وهي عم تدور حولين راسك هاد طبعا بعد اكم يوم لما تبلش تشوف. على قولة المتل أسال مجرب

مجد · 13-08-2012, 09:03 PM

اليوم اجمالي التداول حوالي 25 الف ليرة يعني شرطي بموتور مايرضاهم اذا مستلم شارع حيوي (باليوم).معناتها غدا راح ينزل التداول الى دخل شرطي مرور عادي (باليوم)لازم تدعو ان يصل التداول لحجم دخل ضابط بالجمارك .طبعا ماراح نطمع ونتمنى ان يصل حجم التداول لدخل (ر.م) باليوم .لان ما راح نحكي اسمه لانه تحول الى الاعمال الخيرية يلي ماشفنا منهاشئ .ونحن نرى النازحين بمئات الالاف . (على الاقل للدعاية ولتلميع الصورة يحتضن النازحين )

13-08-2012, 02:09 PM	#85
ابراهيم طاهر موقوف شكراً: 596 تم شكره 1,545 مرة في 768 مشاركة	رد: المتابعة اللحظية لجلسة تداول الاثنين 13-8-2012 الآن لا يعلى صوت فوق صوت المدافع لغة القنابل في البيان فصيحة فاكتب بها ماشئت تصعق عندها الاحلام (هيك بتذكره مابعرف اذا صح) لكن للاسف على بعضنا البعض حتى رجال دين المسلمين بسوريا منقسمين قسمين مع انو قرآن واحد

13-08-2012, 09:03 PM	#89
مجد عضوية مميزة شكراً: 6,298 تم شكره 15,832 مرة في 4,773 مشاركة	رد: المتابعة اللحظية لجلسة تداول الاثنين 13-8-2012 اليوم اجمالي التداول حوالي 25 الف ليرة يعني شرطي بموتور مايرضاهم اذا مستلم شارع حيوي (باليوم).معناتها غدا راح ينزل التداول الى دخل شرطي مرور عادي (باليوم)لازم تدعو ان يصل التداول لحجم دخل ضابط بالجمارك .طبعا ماراح نطمع ونتمنى ان يصل حجم التداول لدخل (ر.م) باليوم .لان ما راح نحكي اسمه لانه تحول الى الاعمال الخيرية يلي ماشفنا منهاشئ .ونحن نرى النازحين بمئات الالاف . (على الاقل للدعاية ولتلميع الصورة يحتضن النازحين ) التوقيع: ( وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ ) (إبراهيم :42) .

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المتابعة اللحظية لجلسة تداول الاثنين 30-7-2012	abu mhd	المتابعة اليومية للسوق	130	30-07-2012 07:49 PM
المتابعة اللحظية لجلسة تداول الاثنين 2-4-2012	غالب	المتابعة اليومية للسوق	171	02-04-2012 04:12 PM
المتابعة اللحظية لجلسة تداول الاثنين 19-3-2012	BROKER	المتابعة اليومية للسوق	228	20-03-2012 08:15 PM
المتابعة اللحظية لجلسة تداول الاثنين 23-1-2012 ‏	FADIAGHA	المتابعة اليومية للسوق	192	23-01-2012 02:12 PM
المتابعة اللحظية لجلسة تداول الاثنين 16-1-2012	abu mhd	المتابعة اليومية للسوق	234	16-01-2012 05:25 PM