سعر صرف الليرة مقابل الدولار 17-7-2012 في السوق السوداء

[BROKER]

يرجى عدم نشر اي مشاركة تحوي في معناها فحوى طائفي
ان منبرنا حر في ابداء الآراء والاختلافات والسقف مفتوح، لكن اي مشاركة تحوي او تذكر او تتهم اي طائفة فسوف تحذف ويرفع كاتبها للرقابة لثلاثة ايام .
كما يرجى عدم نشر الاخبار والمقالات السياسية والاكتفاء بنقل الاحداث في الشارع ومشاركة المواقف والاراء الشخصية فقط ففي هذا السقف مفتوح .

والغاية هي الاستفادة وابداء الرأي اما رأي السياسيين فليس لنا به، بل ما نريد سماعه هو رأينا فقط لانه لا يملك منبراً لنشره.

مع الشكر الجزيل لكم .

[مجد]

اقتباس: المشاركة الأصلية كتبت بواسطة د وهيب    القاء القبض على 3صوماليين وليبي في حي الميدان بدمشق في منطقة الحلقة كانوا يقنصون على المارة

http://www.syria-stocks.com/foruhttp...ilies/af7a.gif

[tarek]

69.10 بيع 68.90 شراء متوفر اليوم ما سمعنا ولا فتيشة اللهم احفظ بلاد المسلمين

[beshr]

دمشق :

شراء 69,10
بيع غير متوفر ,,,

بأكثر من مناسبة تحدثنا بضرورة تتدخل المركزي سريعا وسريعا جدا وتحديدا ناشندنا المركزي
مساء الاحد الماضي بان ىقوم بضخ مزيدا من الدولارات بالاسواق ...قبل فوات الاوان ...
وطالما ذكرنا بان الامور دائما مرهونة على الارض ..
اتوقع مواصلة الارتفاع ليوم الغذ للوصول 70ليرة على اقل تقدير ..
اي اجتياز سوف نشاهد 75-80-110 وهي قمة سابقة ...

اتمنى ان لانشاهد هذة الارقام المرعبة وان يتدخل غذا صباحا المركزي وتهدئة الامور من
جانبة وايضا ان تقوم القوى الامنية
بتهدئة سريعة والعودة لقواعدها السابقة بعيدا عن قلب العاصمة الجريحة والحزينة دمشق . ليعود 68ليرة مع انني اجدها صعبة وشبة مستحيلة ..

رحم الله شهداء سوريا
وعاشت سوريا

[عمار اللامي]

اللهم يا واحد يا قهار إحمي هذه الديار و أرجع لها الأمان بحق لا إله إلا الله الملك القادر القدوس اللهم إحقن دماء أهلنا في سوريا برحمتك إنك أرحم الراحمين اللهم إني عبدك و إبن عبدك قد صابني الضر في بلادي العراق فكانوا لي أهل و عشيرة و كنت صاحب الدار في ديارهم اللهم أرحمهم أنت ارحم الراحمين

[tarek]

رجعت اصوات القصف اصدي الفتيش بس على الخفيف الهيئة هديت الامور بالشام شوي اللهم ادم الامن والامان

[najm]

اقتباس: المشاركة الأصلية كتبت بواسطة tarek    رجعت اصوات القصف اصدي الفتيش بس على الخفيف الهيئة هديت الامور بالشام شوي اللهم ادم الامن والامان

غلطان هاد مو قصف هاد تجريب مدافع الافطار ومن شوي كان رح يغمى عليي من الفرحة

[tarek]

اقتباس: المشاركة الأصلية كتبت بواسطة najm    غلطان هاد مو قصف هاد تجريب مدافع الافطار ومن شوي كان رح يغمى عليي من الفرحة

ابني الصغير لما سمع الصوت قال انا ما خفت بس ادني صارت توجعني

[najm]

اقتباس: المشاركة الأصلية كتبت بواسطة tarek    ابني الصغير لما سمع الصوت قال انا ما خفت بس ادني صارت توجعني

الله يحميه ويحمي كل اطفال سوريا

[best time]

انا من ابناء دمشق وحبيت اسمع شو عم يصير بدمشق من القناة السورية الرسمية (للأسف غلطط وتفتقت جروحاتي وياريتني ما عملتها)

ما جابو سيرة شي؟؟؟؟!!! عن دمشق غير مقدمة ادبية مالها طعمة
شفت ربورتاج مصور مع ناس والناس اكيد ما عم تكذب لأنهم كانو عم يحكوا من جبل قاسيون ومن المزة الشيخ سعد ومن جرمانا وكل الناس الي جابوهن قالوا ما في شي نهائي؟؟!!! (بعرف كل هذه الأماكن من الصور لأني ابن دمشق وحافظها حارة حارة وشارع شارع مثل كفي)

عم احكي مع اهلي بكافة اماكن دمشق وعم اسمع الأخبارهن المأساوية

الى متى سياسة استحمار الشعب ايها الإعلام السوري؟؟؟!!! طيب كيف بدنا نصدقكم بعدين بأي شي؟؟؟

طيب كيف ما بدنا نلجأ ونصدق مصادر اخبار تانية؟؟؟؟ ليكون دمشق مو المكان نفسه يلي عم يطلع منه بث القناة مثلا؟؟

آآآآآآآآآه يا وطن
آآآآآآآآه يا شعب

للأسف سياسة استحمار الشعب هي الي وصلت البلد لهون كان بدنا بس شوية احترام للناس. بس شوي لك مشان الله بس شوية احترام كنا احترمنا حالنا واحترمناكم. وكان ما فاض البرميل يلي صرله سنين عم يتعبى قلة احترام واستحمار واسحقار لبعضنا البعض.

آسف عن الكتابة بالعامية بس خليها من القلب للقلب مع الآهات والوجع