سعر صرف الليرة مقابل الدولار5-6-2012 في السوق السوداء

[ابراهيم طاهر]

اقتباس: المشاركة الأصلية كتبت بواسطة f.hajhasan    والله يادكتور بقصة العقارات الأخ ابراهيم طاهر معو حق يلي وصل العقارات لهالأسعار الجنونية هو المضاربة بها أولاً والفساد في الجمعيات التعاونية والنصب في دوائر الدولة طبعاً كمان تهميش دور شركات التطوير العقاري ووضع ألف عقبة في طريق نجاحها بس السيد ابراهيم طاهر مو شايف أن عم يوجه كلامو للجهة الغلط يعني بدل ماتحكي هاد الحكي إلنا ونحن أغلبنا متوسطي الدخل روح وجهو للددولة والهوامير الكبيرة المستفيدة من كل قطاعات البلد مو بس القطاع العقاري وطبعاً كلياتنا منعرف مين هن الهوامير الكبار يلي إذا منتنفس بياخدو مصاري مننا والله حرام عليك أخ ابراهيم طاهر ارحمنا من أفكارك الأندروميدية

فقط اذكر الذي قلته ذلك لتفتيح العيون ولكي لا تنسوا .

[beshr]

اقتباس: المشاركة الأصلية كتبت بواسطة ابراهيم طاهر    ياجماعة عم تهرب الناس من النار الى الجحيم ياجماعة اسعار العقارات وهمية جدا" بسوريا ان كان بالدولار ام بالليرة السوري منزل على نهر الراين اطلالة 110 متر سوبر اول ديلوكس كراج للسيارات تدفئة مجانية تسخين طاقة ذرية حياة اجتماعية رائعة صداقات جميلة من الطرفين سعادة هائلة و فرص عمل مولات خدمات كأن الجنة الموعودة تطور حضارة فقط سعر المنزل 40 الف دولار مع عرض شراء سيارة رينو 2011 بنصف القيمة

هلا عزيزي ...

نفس الشي عنا بنهر عيشة ؟؟؟
110 متر مطلة على نهر قليط سوبر سردين البناء من الخارج على البلوك ((مشان العين)) كراج قريب من البيت بتصف على بعد اقل من 1كم ؟
تدفئة ربانية بالصيف والشتاء ؟؟ لامازوت ولا كهرباء ...والمولات تحت البيت من خضرجي لبياع العصافير للبصطات ؟؟؟ فقط 70 الف دولار
مع عرض شراء هونداية او سوزوكي موديل 1977 بشغلة شي 4000دولار ؟؟

تقبل تحياتي .

[f.fatina]

اقتباس: المشاركة الأصلية كتبت بواسطة yara991979    إسمه هو جي تاو مجتمع هو وبوتين ولك الله محيّي أصلهن -بس ما بعرف اذا بتظبط هي الدعوة على غير العربان-

يلي عندو أصل مابطنش وبيسكت وبراوغ رغم استشهاد 10 ألاف مواطن سوري (مدنيين كانو أم عسكريين)

[ابراهيم طاهر]

اقتباس: المشاركة الأصلية كتبت بواسطة f.hajhasan    إي معناها روح وجه حكيك للمسؤولين مو النا

انني ذاهب الحقوني

[beshr]

دمشق :

شراء 68,90
بيع 69,20

ومتوفر ,,,

[f.fatina]

اقتباس: المشاركة الأصلية كتبت بواسطة ابراهيم طاهر    انني ذاهب الحقوني

هلأ إنت عيني

[expert]

اقتباس: المشاركة الأصلية كتبت بواسطة العملة حديد    اخي الكريم هيدا الشي سمعت عن واحد انعطا مهلة ليطلع برا المدينة 24 ساعة هو وعيلته والزلمي كان مصفا كل ما يملكه ومحتفظ فيون بالبنك خوفا من الاوضاع المتردية بالبلاد حتا البيت اللي الو كان بايعو وقاعد بالاجار ووقت صار هالشي حمل حالو هو وعيلتو وطلعوا والحمدالله ما نقص عليه شي من ماله

اقتباس: المشاركة الأصلية كتبت بواسطة د.أبو محمد    وكيف بدو يشيل المصاري هاد السؤال؟؟ بعدين ليش ليبيع بيتوا ما صاير شي عندنا نحن بخير مو انت هيك قلت

يعني
بالعربي وبشكل غير مباشر
كل واحد بيحط مصاريه بمحل غير البنوك السورية رح يندم
شو ما عمل فيهم.

والاكيد انو البنوك السورية
رح تصمد اكتر من ليمان برذرس وجيبي مورغان وغيرها من البنوك
ولا تنسوا انو وراء بنوكنا قيادة اقتصادية ثابتة
و يا جبل ما يهزك ريح
طبعا عم اتمسخر

[ابراهيم طاهر]

اقتباس: المشاركة الأصلية كتبت بواسطة beshr    هلا عزيزي ... نفس الشي عنا بنهر عيشة ؟؟؟ 110 متر مطلة على نهر قليط سوبر ديلوكس كراج قريب من البيت بتصف على بعد اقل من 1كم ؟ تدفئة ربانية بالصيف والشتاء ؟؟ لامازوت ولا كهرباء ...والمولات تحت البيت من خضرجي لبياع العصافير للبصطات ؟؟؟ فقط 70 الف دولار مع عرض شراء هونداية او سوزوكي موديل 1977 بشغلة شي 4000دولار ؟؟ تقبل تحياتي .

ههههههه والله لم تعطي الحقيقة حقها اكثر من 50% لسا بعرف الوضع اسوء

[yara991979]

برجع بعيد السؤال يا أهل الخير

Gold : 83.87 Silver : 97.25 Oil : 1.201

أسعار المعادن والنفط هيك عم تظهر عندي على الشاشة

ممكن حدا يفيدني ليش؟

بس ما يكون الشاشة كمان بدها تغيير؟؟

هلكنا من التغيير

[beshr]

اقتباس: المشاركة الأصلية كتبت بواسطة yara991979    برجع بعيد السؤال يا أهل الخير gold : 83.87 silver : 97.25 oil : 1.201 أسعار المعادن والنفط هيك عم تظهر عندي على الشاشة ممكن حدا يفيدني ليش؟ بس ما يكون الشاشة كمان بدها تغيير؟؟ هلكنا من التغيير

الفضة 28,30
الذهب1615.4
البترول 84.06

انصحك باغلاق البرنامج وعمل تحيت للبيانات

او طريقة سريعة وسهلة جدا جدا

-1- ادخل على مراقبة السوق ...

-2- وحط الماوس عليها واضغط على زر الماوس اليمين ..

-3-اخفاء الكل ........

-4- بعدها ..

-5- اظهار الكل ...

وسوف تعاد الاسعار من جديد وتحدث تلقائيا