سعر صرف الدولار مقابل الليرة1-3-2012 (السوقي)

[El Dmashqi]

دمشــــق الأن الساعة 6:22 مساءا
شــراء 81 ل .س بيع : لايوجد

[shereen]

اقتباس: المشاركة الأصلية كتبت بواسطة محمد s    لسعر الان 80.5 شراء بيع 81

مساء الخير استاذ محمد حابة اسئلك شو سر هالارتفاع الشديد مع انو الصبح كان شراء 79وهل هوة متوفر بكميات كبيرة او بس بيشترو

[GoldMan$]

كنت حابب اذكر السعر باللاذقية بس !!!!
الاسعار عنا غير مقبولة والسبب الطلب الكبير للدولار حتى فترة العصر والاسعار طايرة ؟؟؟
احد اصدقائي قابلته بالطريق ... كان عند اول صراف صباحا ساله كان ب 79,5 وراح للصراف التاني ليتأكد قبل ما يشتري قله ب 80 .. رجع للصراف الاول ليشتري قله بعتذر بدك في ب 80,5 .... صديقي تردد شوي وراح ورجع بعد نص ساعة قله الصراف ب 81,5 ؟؟؟؟ طبعا اشترى على هاد السعر خوفا من الارتفاع اكثر
والمسافة بين الصرافين عنا باللاذقية لا تتجاوز مسافة سير 10 دقائق مشي

الناس عم تدخل لعند الصراف حاملة ملايين من الليرة السورية وعم تشتري باي سعر كان ؟؟؟؟؟

شو صاير بالدنيا ... ليش هالجنون ؟؟؟

[GoldMan$]

بواسطة Forexpros
تكشف آخر المستجدات ِ أن أزمة الاقتصاد السوري تصاعدت في الاونة الأخيرة وأن تدهور الاقتصاد سيستمر نتيجة الثورة المتواصلة، حيث توفر لدى الاقتصاديين مؤشرات واضحة تدل على عمق الأزمة.
وأهم تلك المؤشرات انكماش نمو الناتج المحلي الإجمالي 3.4% في عام الثورة 2011، وذلك بعد أن شهد نمواً بنسبة 3.2% عام 2010، وتراجع الودائع في البنوك السورية 30% الى 346.4 مليار ليرة حتى نهاية العام الماضي.
كما انخفضت العملة السورية بشكل حاد، حيث أصبح كل دولارٍ يساوي حسب البنك المركزي 48.5 ليرة حتى منتصف2011وقد خرج أخيراً سعر الصرف عن السيطرة، وبلغ في السوق السوداء 73 ليرة للدولار الواحد، فقام البنك المركزي بتعويم العملة كخطوة اضطراية.
وبالنسبة للتضخم فكان 4.4% عام 2010 وارتفع إلى 6.6% العام الماضي، وهو ما انعكس في ارتفاعات كبيرة شهدتها أسعار السلع الرئيسة.
وقد تدهورت غالبية القطاعات بسبب الأزمة من أبرزها السياحة التي كانت تدر 6 مليارات دولار سنوياً، وأصيب القطاع بشلل تام، أما الصادرات فيتوقع أن تتراجع من 14 مليار دولار عام 2010 إلى 7.2 مليار دولار العام الجاري.
أما الإنتاج الزراعي فمن المتوقع أن يتراجع العام الجاري بنسبة 3% وتراجع أداء هذه القطاعات فاقم نسبتي البطالة والفقر، الأمر الذي قد يوسع من نطاق الثورة الراهنة مع اكتسابها بعداً اجتماعياً.
وتعمقت أزمة الاقتصاد السوري أيضاً بسبب العقوبات الدولية خاصة على قطاع النفط، والتي أوقفت تصدير 130 ألف برميل يومياً إلى أوروبار، ما حرم سوريا من 15 مليون دولار يومياً، وبلغت الخسائر من سبتمبر حتى يناير ملياري دولار، حسب وزير النفط السوري.
وفي ظل هذه الأوضاع هل سيستمر تدهور الاقتصاد السوري خلال العام الجاري وعلى المدى القصير؟
وترى Economist Intelligence Unit أن الاقتصاد سينكمش بحدود 6% عام 2012، أما عجز الموازنة فسوف يتسع أيضاً ليكون المتوسط 10.8% من الناتج المحلي بسبب زيادة الإنفاق وانخفاض الإيرادات أما الدين الخارجي فسيرتفع إلى نحو 9 مليارات دولار.
وهنا يتساءل كثيرون: هل أصبح انهيار الاقتصاد السوري وشيكاَ؟وفي الحقيقةِ فإن الدولة غير قادرةٍ على إعادة الاستقرار إلى الاقتصاد، لاسيما أسعارُ صرف الليرة، وإعادةُ الحركة التجارية، إلى جانب الوفاءِ باحتياجات المواطن الأساسية وهو أمر يؤكد أن الاقتصاد والنظام يسيران معاً في نفق مظلم.

[shereen]

اقتباس: المشاركة الأصلية كتبت بواسطة a_khateeb82    كنت حابب اذكر السعر باللاذقية بس !!!! الاسعار عنا غير مقبولة والسبب الطلب الكبير للدولار حتى فترة العصر والاسعار طايرة ؟؟؟ احد اصدقائي قابلته بالطريق ... كان عند اول صراف صباحا ساله كان ب 79,5 وراح للصراف التاني ليتأكد قبل ما يشتري قله ب 80 .. رجع للصراف الاول ليشتري قله بعتذر بدك في ب 80,5 .... صديقي تردد شوي وراح ورجع بعد نص ساعة قله الصراف ب 81,5 ؟؟؟؟ طبعا اشترى على هاد السعر خوفا من الارتفاع اكثر والمسافة بين الصرافين عنا باللاذقية لا تتجاوز مسافة سير 10 دقائق مشي الناس عم تدخل لعند الصراف حاملة ملايين من الليرة السورية وعم تشتري باي سعر كان ؟؟؟؟؟ شو صاير بالدنيا ... ليش هالجنون ؟؟؟

حكيك مظبوط مية بالمية بس نحنا بالشام بس بيشترو بيع مافي والكل متوقع انو يصير 100ليرة والغريب من وين العالم عم تجيب فلوس لك وكلو بيقللك انو مضاربة والناس اشترت وخلصت وبيقولولك متوفر بس اللي بيقول متوفر مشان الله ينزل علسوق ويشوف المتوفر

[GoldMan$]

اقتباس: المشاركة الأصلية كتبت بواسطة shereen    حكيك مظبوط مية بالمية بس نحنا بالشام بس بيشترو بيع مافي والكل متوقع انو يصير 100ليرة والغريب من وين العالم عم تجيب فلوس لك وكلو بيقللك انو مضاربة والناس اشترت وخلصت وبيقولولك متوفر بس اللي بيقول متوفر مشان الله ينزل علسوق ويشوف المتوفر

بصراحة هو متوفر وغير متوفر بنفس الوقت .... الوضع كتير مخربط
الصراف عم يكون عنده كميه من الدولارات بيدخل زبون معو شي 10 مليوم بده يشتري دولار بيسحب كل اللي عند الصراف وبيمشي هاد اللي عم يصير ....
من فترة بعيدة نوعا احد اصدقائي كان يشتري عند صراف دخلت سيدة وسالت الصراف بكام اليوم قلها 56 .. قالت له بدي ب 50 مليون ليرة .. جاوبها الصراف ب60 ليرة الدولار
فنادت على الشوفير ونزل شنطه واشترت بها .. قال لي صديقي انو الصراف اتصل باكثر من صراف ليدبر المبلغ ... هاد الحكي خلال دقائق وكان الوضع مقبول نسبيا عن الوقت الحالي ...!!!

[الباشا المهندس]

اقتباس: المشاركة الأصلية كتبت بواسطة a_khateeb82    بصراحة هو متوفر وغير متوفر بنفس الوقت .... الوضع كتير مخربط الصراف عم يكون عنده كميه من الدولارات بيدخل زبون معو شي 10 مليوم بده يشتري دولار بيسحب كل اللي عند الصراف وبيمشي هاد اللي عم يصير .... من فترة بعيدة نوعا احد اصدقائي كان يشتري عند صراف دخلت سيدة وسالت الصراف بكام اليوم قلها 56 .. قالت له بدي ب 50 مليون ليرة .. جاوبها الصراف ب60 ليرة الدولار فنادت على الشوفير ونزل شنطه واشترت بها .. قال لي صديقي انو الصراف اتصل باكثر من صراف ليدبر المبلغ ... هاد الحكي خلال دقائق وكان الوضع مقبول نسبيا عن الوقت الحالي ...!!!

طيب كيف ؟؟
الناس بهالوقت منين عمتجيب كل هالسوري للتبديل ؟؟
عمتبيع عقارات ؟؟ ليش ؟؟
مخزنة سوري ؟؟ طيب وليش هلأ قرروا يحولوا ؟؟
عوائد بضائع مباعة ؟؟
مجرد محاولة لفهم ما يجري ..

[shereen]

ياشباب بدنا على ال9 المسا الكل يكتب قديش سكر الدولار كل واحد بالمحافظة اللي هوة فيها واذا متوفر او لا

[بشار]

منين عم تجيب الناس مصاري سأجيب حسب يلي بعرفوا .على الحدود كل سيارة لها سعر والباص سعره خاص والا لازم تفتيش دقيق وامن البلد مهم (هذاكلام صحيح 100بالمئة).ولكن اذا دفع المعلوم لا تفتيش ولاشئ .والذين عم يعتقلوا بيطلعوا اذامعهم مصاري كل واحد له سعر حسب قيمته واذا دفع المعلوم خرج و مزقوا كل التهم التي اتهموه اياها.واذا لم يدفع يكون هو الذي خرب البلد وموقع على هالشئ!!!والجمارك كثير من البضائع لا تجمرك وتدخل للبلد دون أي جمرك ويأخذالمخلص نصف قيمة الجمارك ويتقاسمها مع الشباب بالميناء أو بالحدود البرية .والرشوة كماهي وممكن زادت ولكن المسكين شرطي المرور هو الوحيد عم يشوف المخالفات امام عينه وعم يعمل حاله موشايف وخفت الرشوة كثير من جهة شرطة المرور وبعض الحرامية عم يسيلوا مايملكون لانهم أقتنعوا انهم سيلاحقون حتما !!ومن ضمن الذين عم يشتروا ذهب ودولار عم يطمئنوا الناس أن الليرة بخير!!!!!!

[GoldMan$]

اقتباس: المشاركة الأصلية كتبت بواسطة الباشا المهندس    طيب كيف ؟؟ الناس بهالوقت منين عمتجيب كل هالسوري للتبديل ؟؟ عمتبيع عقارات ؟؟ ليش ؟؟ مخزنة سوري ؟؟ طيب وليش هلأ قرروا يحولوا ؟؟ عوائد بضائع مباعة ؟؟ مجرد محاولة لفهم ما يجري ..

اخي السوق مليان عملة سورية ولسى في كتير عالم ما حولت نقودها ويمكن انا واحد منهم

اخي التاجر يسحب شوي شوي من السوق ويحول الى دولار والموظفين عم يقبضوا الرواتب ويروحوا يشتروا بضائع التاجر عم يلم ويروح يشتري دولار
واللي كان حاطط بمحلوا مليون ليرة راس مال خفف راس ماله الى مئتي الف مثلا وبدل الباقي دولار
والبعض الاخر رائ ان دولاراته صاروا بيستاهلوا راح باعهم واخد ليرة وراح اشترى عقار مثلا

وهيك عم تدور وتدور العملة من ايد الى اخرى والرواتب كل شهر عم تضخ الى السوق ليرات اكثر