سعر صرف الدولار والذهب مقابل الليرة السورية اليوم الثلاثاء 07 -01- 2014

[abd73fr]

مساء الخير... اليوم قبل الظهر كنت في برج دمشق وسألت عن سعر موبايل كان سعره لفترة مضت ثابتا بين 27000 و 27500 وإذا بالسعر اليوم 29000-29500.. شو القصة؟؟...وحسب علمي فإن أسعار الموبايلات تحسب على سعرها بالدولار دائما مع أن سعر الدولار لم يرتفع حسب المؤشر أعلاه إلا حوالي ليرة واحدة من البارحة لليوم!!!!

[Sameh]

في معلومة اليوم سمعتها من تاجر اله علاقات واسعة
تفيد انه مبالغ ضخمة من الدوﻻر دخلت عالبنك
وتم تسليمها بالليرة السورية للمنظمات الانسانية العاملة في سوريا
شو تأثيرها عالسعر بالايام القادمة
اغلاق الحريقة وعالاكيد 100%
145___145.75

[جوليت]

اقتباس: المشاركة الأصلية كتبت بواسطة eng.mdkh    لو كان غيرك حاطط هالمشاركة كانو حطو حسابه تحت المراقبة ففي المنتدى

ماحلوة منك بنوب , شو اصدك يعني ؟؟؟؟ بعد اذن الادارة اذا شايفة مشاركتي لازم تنحذف ,ارجو حذفها .......بس ماحلوة هيك كلام , شوف قوانين المنتدى ,,,,, لايمنع العضو من وضع اسعار تقل عن السوق وبحدود معينة (ليرة او ليرتين ) ان كانت منطقية وانا حطيت يلي شايفتو صح ومو ناطرة تنظير , فحضرتك كلامك مرفوض جملة وتفصيلا
وشكرا كمان

[جوليت]

اقتباس: المشاركة الأصلية كتبت بواسطة sameh    في معلومة اليوم سمعتها من تاجر اله علاقات واسعة تفيد انه مبالغ ضخمة من الدوﻻر دخلت عالبنك وتم تسليمها بالليرة السورية للمنظمات الانسانية العاملة في سوريا شو تأثيرها عالسعر بالايام القادمة اغلاق الحريقة وعالاكيد 100% 145___145.75

جزء كبير منها بعدو دولار

[Ryad]

اقتباس: المشاركة الأصلية كتبت بواسطة sameh    في معلومة اليوم سمعتها من تاجر اله علاقات واسعة تفيد انه مبالغ ضخمة من الدوﻻر دخلت عالبنك وتم تسليمها بالليرة السورية للمنظمات الانسانية العاملة في سوريا شو تأثيرها عالسعر بالايام القادمة اغلاق الحريقة وعالاكيد 100% 145___145.75

كلامو صح نص نص
شهريا بتدخل ارقام خيالية من المنظمات الدولية و الانسانية و مو بس هالشهر
و لكن...
الغالبية ما عادت دفعت رواتب لموظفيها بالليرة السورية. الغالبية عم تدفع بالدولار
حتى من فترة قريبة ما عادوا اعتمدوا عالسوق المحلية و صاروا عم يجيبو غرضون و شحناتون معون من برا
بس بالرغم من كل هاد في مئات الملايين من الدولارات عم تفوت كعملة صعبة

[hussam_hl]

السلام عليكم
حلب - الريف الشرقي -الباب
147 شراء
امتناع عن البيع

[خليل حسو]

القامشلي
تداولات اليوم
145 ــــ 145.5 ــــــــــــــــــــ 146 ــــ 146.5

[جوليت]

شكرا على المعلومات الصادقة حول المنجمين الأدعياء ، وهاد للامانة موضوع مهم لوعي الناس .
مع انك ما كملتي الفكرة ، بس طرحك لمقدمة الفكرة كان كتير موفق ، وكان قصدك تقولي : مادام لا انت متنبئ ولا انت في دائرة القرار ، ليش عم تتفلسف علينا ؟
مو هيك قصدك ؟
ياستي مقبولة ، بس أنا ما بعطي لا رأي خاص مجرد ، ولا بعطي تسريبات .
انا بكل شي بحلل بأقل حد ممكن من المنطق والعقل ، وبس شوف كذبة بحس فيها وبعرف شو مدلولها وهدفها ، وبكشفها غالبا ، والله ما بعرف ناس من ناس ولا بكون بعرف المحلل شو بدو يحكي ، بس من أول كلمتين في تناول الموضوع بعرفو عم يكذب . وانت شايفة تحليلاتي .

بس بعد اذن الحموية جواب على تساؤلك : دمشق عاصمة وضايعة ومومترابطة فيها الناس خليط . اما حماه فتقريبا عائلة واحدة كبيرة وعلاقاتهم وصلاتهم عشائرية ، ومقضيينها على بعنا واشترينا ، بيخلصوا الجلسة والسهرة وبيكملوا على الواتس آب .
-----------------
مسا الخير سيد عابر وشكرا لك على الكلام اعلاه ... انا لما كتبت مداخلة ماقدرت كفية لانو انشغلت كتير وكبست زر اعتماد المشاركة وصدقا مفكرة حالي كفيتا ...
على كل ابدا ماكان قصدي يلي التلو (ليش عم تتفلسف ) ابدا
كنت بدي قول : مازال كذا وكذا , على شو مستند بالكلام يلي التو ؟؟؟؟
بس بعد ماقريت مشاركتك , اجابتك صارت واضحة
شكرا لك

[shereen]

اقتباس: المشاركة الأصلية كتبت بواسطة ryad    كلامو صح نص نص شهريا بتدخل ارقام خيالية من المنظمات الدولية و الانسانية و مو بس هالشهر و لكن... الغالبية ما عادت دفعت رواتب لموظفيها بالليرة السورية. الغالبية عم تدفع بالدولار حتى من فترة قريبة ما عادوا اعتمدوا عالسوق المحلية و صاروا عم يجيبو غرضون و شحناتون معون من برا بس بالرغم من كل هاد في مئات الملايين من الدولارات عم تفوت كعملة صعبة

اخي رياض اغلب المساعدات من برا بتجي عشكل ادوية بضاعه ---الخ وهالشي بيخفف ضغط على الدولار لااكتر ولا اقل يعني متل لقاح شلل الاطفال كلو اجا من برا وهاد من زمان كانت الحكومة تشتريه بالدولار وهللق وفرو سعرو هالسنة كلو اجا معونات حتى البطانيات والفرشات تبع الهلال الاحمر جاية من برا بس طبعا وجود الامم المتحدة بالشام حتما عم يدخل دولار بس مو بالكميات اللي يعتمد عليها

[انس الحموي]

اقتباس: المشاركة الأصلية كتبت بواسطة m-pmp    مسالخير للجميع،،، دولار سوق اللاذقية الان سا 5.30م متل يللي مضيع مفتاح وعقولة اخي العزيز انس "مباحتة" ليلاقيه ارتفاع الطلب شراء 144 - 144.5 مبيع 145 فما فوق

هوامير وحيتان حماة غير ما بحبوا يثقلوا حالن على قولة جوليت بس ضربتن خاطفة واول الناس يلي بكون السعر ارتفع عندن واول الناس بكون انخفض عندن ...او انا سريع كتير بكتابة الخبر والاعضاء نايمين ,,,,


حماة الان شراء 145.5 ....مبيع 146


علما تداولات اليوم نهارا شراء 145 ...مبيع 145.5