صالة أسعار الدولار والذهب مقابل الليرة السورية ليوم السبت 26-10-2013

[عبدالقادر]

شو الاسعار عندك اخ انس وشو تحليلك للذهب

[Sameh]

شو شباب كيف الاسعار بعد الضهر

[eslam]

السلام عليكم
ريف حلب الشمالي
165.5 --- 166.5

[مجد]

[broker]

مؤشر الدولار لديه قاع الدعم عند النقطة (168) وفي حال أي تدخل فإنه سوف يستهدفها من جديد، وكسر النقطة تحتاج الى اغلاق أسفلها لكي يتحقق ذلك الكسر، أما في حال تحقق بعض الاسعار بأخفض من تلك النقطة فما ستكون الا سياسة الخوف كعادة السوق ...

أما حالة الاستهداف للمناطق العليا فلا تزال القمة عند النقطة (200) كمقاومة للسعر.
فحالة السوق لاتزال بالشراء عند (170) والبيع (190) ولا جديد فيه لما قبل عطلة العيد .[/b]

[M-PMP]

مسالخير للجميع
جمود بالعرض والطلب في اللاذقية
اسعار جملة "كميات"
شراء 166.5
مبيع 168.5

السوق الطبيعي وسطيا
شراء 164
مبيع 169

متوفر بالاتجاهين

[shereen]

اقتباس: المشاركة الأصلية كتبت بواسطة shereen    اخي الكريم انا بظن شخصيا بعد فترة يصعد الدولار صعود قوي جدا والسيارات والبيوت اتضل على اسعارها الحالية مع ميل للانخفاض ولعدة اسباب بالنسبة للسيارات حركة السيارات داخل دمشق صارت محدودة جدا يعني اكتر شي لحد ضاحية قدسيا او مشروع دمر وحاطين حواجز بساعتين مابتخلص منها نزلنا لتحت شوي اقصى شي عندك لدوار البيطرة وباب شرقي مشينا لقدام شوي عندك القصاع والتجارة وشارع بغداد والعدوي ومساكن برزة وشارع برنية واوتستراد المزة وتنظيم كفرسوسة والحريقة والحميدية والبرامكة واجزاء من الميدان هدول الاماكن اللي ممكن تمشي فيهم السيارة بشكل شبه آمن وطبعا العجقة الرهيبة وغلاء البنزين والسرقة والحرق والهاون وقطع الغيار والزيت هي العوامل ادت من بداية الشهر العاشر لهلق بجمود قوي ببيع السيارات وهبوط اسعار السيارات 2400 سي سي وفوق هبطو حوالي من 500 الف الى مليون وعندك كيا ريو وفورتي وفورد فوكس حوالي 200الى 300 الف طبعا مع استمرار العوامل السابقة ستؤدي حتما الى هبوطات جديدة -عندك البيوت مثلا من العيد ولهلق مافي اي بيعة بعد ماكتر الهاون بعدة مناطق بدمشق بالاخص القصاع وجرمانا ودويلعة ومساكن برزة هدول كانو مناطق امنة بشكل كبير وعندك الحواجز بالضاحية قدسيا هي اكتر منطقة امنة بالعالم حسب زعم التجار حاطين حاجز بدك ساعتين لل3 ساعات لتخلص منو ادى وسيؤدي على المدة القريب الى هبوط الاسعار بقوة وعندك قدسيا جديدة الوادي اشرفية الوادي وادي بردى الهامة هدول محاصرين من شي 10 ايام واسعار البيوت فيهم نزل وبقوة لانو غالبا رايحين عالقصف فبناءاا على المعطيات السابقة انا بفضل من هللق لاول السنة الجاية او للشهر 1-2-3 من 2014 يضل الواحد بايدو كاش دولار ولايشتري شي لا بيوت ولا سيارات لانو اللي بيقللك بس تهدا الامور بدها تطلع البيوت والسيارات بشكل شديد انا بقللك من هللق بدها تنزل للنص لانو اللي غلى البيوت كلمة منطقة امنة وغير امنة فتخيل تهدا البلد واهل الريف يرجعو للريف لح بتلاقي 3 ارباع اليوت بالشام وبالريف الامن رجعو لبيوتهم حتى لو كانت مهدمة لح يسكنو فيها وبس تهدا الامور كمان وباي حكومة جديدة اول شي ليرضو الشعب بتبطل السيارات حلم وبيسمحو بالمستعمل وبيخفضة الجمارك اذا مالغوه بالاساس وعندك دول الجوار ابسط مثال واسفة عالاطالة -يتبع-

مساء الخير تتمة للفكرة الصباحية الوضع الاقتصادي بسوريا هللق متل مريض السرطان عم يعطوه جرعة ورا جرعة والسرطان منتشر بكل الجسم فقد مااخد جرعات بالنهاية لح ينهار ابسط مثال قرايبي على الشهر 9 باع بيتو بمشروع دمر عم يحولهم دولار بس كيف 200 ورا 500 ورا 900 شو بيقدر يحول عم يحول بالسوق كلو مافي مين يحولو هالمبلغ حتى في جزء من سماسرة السوق متعاونة مع المركزي فاذا دريو مين بدو يحول مبلغ كبير بيراقبوه وبيراقبو مين حولو ياه وبيصير وراء الشمس عكل حال هالفترة اللي عايشين فيها بمرحلة الدولار بتذكرنا وقت طلع الدولار لل 100 وضل ينزل بشكل تدريجي حتى وصل لل 64 على مااذكر وضل على 72-75 فترة منيحة وبعدها ضل يطلع حتى استقر على 120 والى 200 والى 300 بس يبدو في مجموعة كبيرة بهالبلد بايدها كتل نقدية كبيرة مرة بتحولها سيارات ومرة بيوت ومرة اكل ومواد تموينية ومن فترة اذا بتتذكرو كان في ضغط مخيف على مولدات الكهربا وباعو بالمليارات وهللق على مايبدو جاية دور المواد الغذائية والفراريج بعدين اللي عم يقول انو على جنيف لح تنتهي القصص والمشاكل ولح بيهبط الدولار بقوة فرضنا بكرة صار جنيف والناس حبت بعضها وكلو تمام طيب شو الخطوة بعدين اعادة اعمار ومحولات كهربا وحديد وديون خارجية هائلة جدا بسبب تكلفة الحرب العالية ولاحدا يقللي دول مانحة وقروض هي مصر وقت طلبت قرض عطتها قطر 4 مليار بفائدة 5%فماحدا بيعطينا على سواد عيوننا كلو بدو يستفيد من ضعف البلد لصالحو اجمالا الفترة القادمة اذا ضل الوضع هيك يمكن ينزلو الدولار باقصى حد لل 150 ومصيرو يرتفع عاجلا او اجلا وعفكرة اليوم كان في عروض بقدسيا ومشروع دمر فعلا مغرية ولسة بعد اول السنة لح بنسمع اسعار مغرية اكتر للسيارات والبيوت فطولو بالكم

[مجد]

عن أبي موسى - رضي الله عنه - قال: قال رسول الله - صلى الله عليه وسلم -: ((المؤمن للمؤمن كالبنيان يشد بعضه بعضًا))؛

متفق عليه.

[مجد]

عَنْ أَنَسٍ رَضِيَ اللَّهُ عَنْهُ قَالَ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ انْصُرْ أَخَاكَ ظَالِمًا أَوْ مَظْلُومًا فَقَالَ رَجُلٌ يَا رَسُولَ اللَّهِ أَنْصُرُهُ إِذَا كَانَ مَظْلُومًا أَفَرَأَيْتَ إِذَا كَانَ ظَالِمًا كَيْفَ أَنْصُرُهُ قَالَ تَحْجُزُهُ أَوْ تَمْنَعُهُ مِنْ الظُّلْمِ فَإِنَّ ذَلِكَ نَصْرُهُ
رواه البخاري

عَنْ أَبِي ذَرٍّ
عَنْ النَّبِيِّ صَلَّى اللَّهُ عَلَيْهِ وَسَلَّمَ فِيمَا رَوَى عَنْ اللَّهِ تَبَارَكَ وَتَعَالَى أَنَّهُ قَالَ: يَا عِبَادِي إِنِّي حَرَّمْتُ الظُّلْمَ عَلَى نَفْسِي وَجَعَلْتُهُ بَيْنَكُمْ مُحَرَّمًا فَلَا تَظَالَمُوا
رواه مسلم

[يوسف بيران]

اسعار الدولار في عين العرب كوباني الأن شراء165.5ـــــــــــــــــــــــــــــــــــــــــ ـــ166.5مبيع

[جوليت]

خاص سيرياستوكس ( خلي الاقتصادي يفقع )
تأسيس شركات صرافة محترمة قريبا (اذا ضلت المعطيات يلي عندي ثابت )
ولاتزعل سيد مؤيد ..........حذفنا المقطع كلو