صالة أسعار صرف الدولار والذهب وباقي العملات مقابل الليرة السورية ليوم الاربعاء 11-9-2013

[RAFEK]

دمشق الساعة 1 ظهرا
شراء : غير متوفر
مبيع : 214 متوفر

[الياطر]

اقتباس: المشاركة الأصلية كتبت بواسطة مجرد إنسان    السلام عليكم الذهب ليس في وضع جيد على المستوى المنظور وهو معرض لانخفاض قوي في سعره يرجى الانتباه ومن كان مصرا على الاستثمار في الذهب فليكن بجزء من رأس المال -ربع او ثلث- فقط مع تبديل الباقي الى دولار عند الاسعار المناسبة التي شرحها اخونا رامي او على دفعات .. يرجى الانتباه للغاية من المروجين للذهب ... بقولو صاعد صاعد صاعد وبتلاقوه نازل نازل نازل كنا نسمع كلمة صاعد من لما وصل لل ١٤٢٥ واليوم صار ١٣٦٥ ...

اخي السلام عليكم
كانو حاسس انو كلامك موجه الي
انا لا بحياتي روجت لا للذهب ولا للدولار
وكل الاعضاء بيعرفو هالشي
انا بكتب تحليل عن سعر الذهب عالميا
وسعر الذهب محليا سواء سعر الجمعية او الكسر
اما اذا كنت انت وغيرك مزعوجينمن كلمة صاعد
بحب قلك انو مع كل تحليل كنت اكتب نقاط دعم ونقاط مقاومة
وعلى اساس هي النقاط ابتتحدد الاتجاهات
يعني لا على كيفي ولا على كيفك
وفيك تتاكد من هالشي من الانترنت في الف موقع متخصص بتحليل اسعار الذهب وبتشوف انو الكل بقلك صاعد
اما اذا ما بتعرف شو يعني نقاط دعم ومقاومة ما في داعي تتهم العالم ظلم.

[Dynamic Pulse]

دمشق عالهاتف
205‏_‏210
متوفر

[eng.mdkh]

اقتباس: المشاركة الأصلية كتبت بواسطة نورالهدى    صباح الخير أعتقد أن انخفاض سعر الدولار خلال هذا الأسبوع مؤقت مع أن ارتفاعه كان بسبب حدث سياسي وذلك لعدم وجود مؤشرات على التحسن الاقتصادي أو تأثر الأسعار بنسبة الانخفاض ما تعليقكم على الموقف والله يعطيكم العافية

بس أنت برأيك مو سعر الدولار بـ 200 ليرة غالي كتير كتير ... و بيحرق نفس الشعب ...
يعني ما اختلفنا الاقتصاد فايت بالحيط .... بس فايت بالحيط لدرجة الدولار بـ 200 أم فايت بالحيط لدرجة الدولار بـ 150 أم بـ 300 أم ...... الله أعلم .

[mak]

شباب سعر الشام بلش يطلع....صار 210 -220.....كان السعر 215 بس هلأ طلع

[الياطر]

يلي مزعوج من كلمة صاعد رغم انو سعر اونصة الذهب نزل من ١٤١٥وسعر الاونصة اليوم ١٣٦٥
بحب قلك او هاد النزول اسمو موجة تصحيحية هابطة ضمن الاتجاه الصاعد الكامل على المدى القصير
ويا سيدي طالما سعر اونصة الذهب فوق ١٣٥٨دولار فالاتجاه العام صاعد صاعد صاعد
وانا ما عم روج للذهب ولالغيرو
بس انت على ما يبدو عندك مشكلة مع الليرة السورية وعم تسعى لانهيارها وكل مشاركاتك بدل على هالشي

[amins]

دمشق -الحميدية الساعة2:00



210-205 متوفر

[salkiny]

ريف ادلب الساعة 2 ظهرا
212-216
متوفر بالاتجاهين مع توازن بالعرض والطلب تقريبا



تم تصحيح الخطأ في سعر المبيع

[Dynamic Pulse]

شباب هلأ علق معي خط الخليوي بحلب بعد محاولات من عشر أيام
بس النت والأرضي لسة مقطوع حسب مافهمت
إنشاء الله منتطمن على حلب قريبا

[عابر مجيب]

اقتباس: المشاركة الأصلية كتبت بواسطة rana-h    بعيدا عن الدولار حابه هاجر انا واخ لي يدرس في السنه الاخيره هندسة ميكانيك الى السويد او المانيه هل لأحد اي معلومات يقدمها لنا مشكور وعن الطريقه والمراحل ان امكن

ابتداءا من الصفر ؟
يعني مافي حدا هونيك بيقربكم ؟

بكل حال إذا في عندك أخ أو أخت هونيك ، مقيمين من زمان أو عندهم جنسية .
ممكن يبعتولك دعوة وضمان التكفل بالمصاريف وإلاقامة .
بتعبوا الطلبات ، وفي واحد قبضاي بيقدملكم للحصول على موعد ببيروت وحتى هو ممكن يعبي الطلبات ، ما بيكلف كتير 100 $ للواحد( قنوع ) وطبعا لازم تقدموا شهادات مترجمة عن أملاك عقارية وكشوف بنك ، وشهادات الجامعة لأخوك وكشف العلامات والذي منه ، وعدي ألفات .
تذاكر الطيران اجباري ذهاب وعودة ، متوسط التذكرة ( 700 - 800 )$، ولسا بدكم تأمين صحي ، وسفر إلى لبنان
بالخلاصة ممكن الواحد بدون التذاكر هلأ يكلف 70 ألف .
الرفض مضمون
طبعا انا اختصرت كتير ، إذا أخوك بيقدر يروح كطالب ، لازم يراسل الجامعات ويحصل على قبول ممكن زودك بالتفصيلات ، ولازم يحول مبلغ 8000 يورو لحساب باسمه هونيك ، كمان هاد لحالو اختصاص ، بس انت شو الحجة اللي بدها تسمحلك بالذهاب معه ؟
راح الكتير والباقي سنة دراسة وبيتخرج أخوك ، ما عاد محرزة ، كان فكرتوا بالسفر قبل سنتين . على كل حال معاملات السفر إذا مشيت بقدرة آدر ، رح تاخد أكتر من سنة لتحصلوا على الرفض .
كل المصاريف اللي ذكرتها ، وفروها واتبحبحوا فيها هون ، بتصير حياتكم بالقصف أحسن من ألمانيا بالافلاس .