الدولار في أسبوع - مناقشات اسعار الدولار ليوم الجمعة 26-7-2013

[احمد م حسن]

كتابات البعض الغير مسؤولة والمستهترة بمصالح الناس التي تتابع المنتدى ادت الى حجب الموقع فاصرار البعض على اقحام الاراء السياسية ومحاولة البعض نشر الاشاعات من خلال ربط امانيهم بارتفاع قيمة الدولار وهبوط قيمة الليرة وكأنهم يريدون ربط الدولار بصاروخ !
هذه التصرفات اضرت بمتابعي الموقع وسببت حجبه

[SyrianWolf]

اقتباس: المشاركة الأصلية كتبت بواسطة حلبية    بالنسبة للي بيستخدمو موبايلات اندرويد .. والموقع محجوب عندهم .. مالكم غير برنامج fearless mobility اروع كاسر بروكسي و حتى لتفعيل الفايبر والبرامج التانية .. نزلوه ما بتندمووووو و الموقع اليوم انحجب عندي ... مزود اية

هلأ أنا الموقع مو محجوب عندي، ومع هيك نزلت البرنامج. بس ماشغلتو لأنو طلب مني حساب الـ gmail تبعي مع الـ password.

غريب هالطلب ماهيك.

[جوليت]

يسعد اوقات الجميع
شباب بعد اذن الجميع يلي بيعرف وبشكل اكيد شو هي مزودات الخدمة يلي فعلا الموقع محجوب عليها
ولكم الشكر

[homam]

اقتباس: المشاركة الأصلية كتبت بواسطة shereen    وهللق عم اقرا تقرير انو مشكلة سوريا اسوء من مجاعة الصومال والمركزي عم يضحك عالعالم بدكم دولار تكرم عينكم بيعو احتياطي ودهب وحطو ديون وهي نزلنالكم السعر وعفكرة سعر 225 سعر كتير رخيص لولا تدخلات المركزي العشوائية والضحك على العالم لازم يكون هللق ب 700 مع العلم انو التوقعات على العيد يوصل لل 350

تفائلو بالخير تجدونه المريض الي على فرشة الموت مابيقلولو انو حتموت بالعكس بيخففو عليه يعني انا برأيي على حكيك ال 250 احسن من ال 700 ووقت طلع الدولار عال 270 في ناس نصحت بالشراء عال 350 والحمد لله رجع تحسن ولو لأيام..........لان في ناس عايشة من قلة الموت ومابتعرف الدولار بقا بالنسبة لهالاشخاص ال 250 لسا احسن بكتير من ال 700
اي كلمة غير مسؤولة قد تسبب الخسارة ولكي كل الاحترام

[salm ali]

اقتباس: المشاركة الأصلية كتبت بواسطة كاوا قامشلي    يا شباب عندي 500 الف سوري و3000 دولار بقى محتار ابيع ولا اشتري بدي مساعدتكن واكيد رح تكسبوا ثوابي

استنى ليوم الاحد متل نصحوك الشباب ......... بعتلك رسالة على الخاص بنتظار الموافقة مشان تصلك

[muh.siofi]

الأسبوع القادم سوف

يكون بداية الشهر الجديد ... فهل يا ترى سوف يستقر سعر الصرف عند هذه الحدود ؟؟؟؟!!!!! أو أنه سوف يشهد ارتفاعاً كعادة كل شهر ؟؟!! للتذكرة فقط : منذ سبعة أشهر أو أكثر يشهد اليوم الأول من الشهر ارتفاعا ملحوظا ويستمر ما يقارب العشرة أيام ثم يتم التدخل لصرف استحقاقات الدولة وبأعلى سعر فيهبط السعر بنسبة جيدة ثم يتم لم الدولار وبأقل يسعر ويتم الثبات قرابة العشرة أيام من أولخر الشهر ليشهد الشهر التالي السيناريو نفسه المعتاد !!!!!!
من يوافقني هذا التحليل ؟

؟؟؟؟

[silvar]

105 مليون ليرة ارباح شركة الهرم عن عام 2012
بعد ان كانت 30 مليون في عام 2011
وهذا يدل ان الشركات الصرافة من صالحهن تطول اﻻزمة

[المضارب الحسكاوي]

اقتباس: المشاركة الأصلية كتبت بواسطة كاوا قامشلي    بالقامشلي في شركة وحدة هي كاميران وفي شركة اوربت وهي كمان تابعة لكاميرا بس عم يوهموا العالم انوا كل واحد لحال والحاصل الفرق بين الشركتين 5 ليرات بس اروربت يبيع بغالي وكاميران دائما يقول ما في بيع....

اهلا وسهلا اخ كاوا بس لمعلوماتك قامشلي فيها اكثر من خمسة وستون صراف بس بجوز مو بحجم هل اتنين اللي انت ذكرتن واحيانا الصرافيين الصغار بيجوز عم يشتر ويبيعو باسعار احسن من الكبار لانو عم يرضو بالقليل
ومشان الارقام عامودا فيها ستة صرافيين بعرفن ورميلان فيها سبعة صرافيين بعرفن ومالكية فيها عشرة صرافيين بعرفن
هدول الصرافيين في القامشلي وتوابعها وكل واحد سعرو شكل حسب الطلب عندو

[ابو بلال]

بما ان اليوم الجمعة ومافي اسواق ومافي تطورات كتير .. جاية على بالي اتخانق مع جولييت ..
يعني مابيصير كون انا العضو الوحيد بهالمنتدى يلي لسا ما تخانق معها ..

جولييت .. ليش هيك انت بتكتبي بخط صغير .. هاد الشي بيسيئ للمنتدى وبيدهور عيون الاعضاء
انا بعرف واحد على قد ما وجعوه عيونه راح باع دولاراته بسعر رخيص وخسر

ما بيصير الله يرضى عليكي .. لازم تكبري الخط شوي

[جوليت]

اتوقع ان يبدأ بيع اليورو من التجاري بشكل فعلي
وسعر البيع قد يتغير مابين اليوم واليوم الاخر وقد يتغير باليوم نفسه اكثر من مرة