سعر صرف الدولار مقابل الليرة السورية بالسوق السوداء 18-3-2013

[انس الحموي]

الذهب كما رسمنا مخططه يوم الجمعه سوف يتراوح بين 1600 1605 ولاحقا رح زودكم بتوقعاتي للذهب خلال الاسبوعين القادمين وكيفية تحركه

[ADIB]

$ 113مبيع وغير متوفر

[محمود1986]

ممكن شرح من الخبراء سبب التدهور السريع لليرة

[الفهد السوري]

ياجماعة الليرة السورية انهارت .. لك مين السبب بانهيار الليرة ؟ لحد يقلي الوضع الامني انا بدي اعرف مين خرب الوضع الامني وعيش الناس تحت القصف ؟

[louis_16th]

دمشق

اليورو شراء
140

[انس الحموي]

الاهم اليوم هو تخطي الدولار وكسره لحاجز 110 دولار ومازال المعروض للبيع قليل كتير والسبب عدم ضخ المركزي دولار بالسوق السوداء للان ...ويلي راهن على المركزي سابقا بقول له كل يوم عما يمضى عما يصير المركزي اضعف فمحد يراهن على المركزي ...وبراي الشخصي محد يبيع لحتى يشوف في بداية نزول للدولار لانو يلي باع على 104 او 105 او 107 واذا مبالغ كبيرة بتكون صارت خسارته مئات الالوف ...فكل شخص بدو يبيع يتريث للبيع للحظة الحاسمة وبداية هبوطه ....ويلي باع بنقطة 105 او 106 او 107 كنصيحة اخ لاخوه منشان مايتم عايش برعب نفسي طوال ما الدولار بالصعود اكيد خسارته قاسية كتير وافضل حل لتلافي اي خساره هو العقار سواء شقة او ارض معدة للبناء او ارض زراعية ...العقار ما عما يمشي بموازاة سعر الدولار واذا زاد سعر العقار فما زاد مية وعشرة بالمية متل ما صار بالدولار يعني الزيادة بالعقارت تقدر بنحو 35 بالمية ...فنصيحة للكل دايما اذا بدكم تبيعوا دولارا تقلبوهم فورا للذهب اذا كان الذهب هابط عالميا او عقار اذا لقيت العقار في مصلحة وفائدة كبيرة الك ... انا عن نفسي اليوم قمت بشراء شقه كانت معروضة علي قبل عشرين يوم باقل من سعرها اذا حسبنا سعر الدولار على 80 مو على 110 واليوم اشتريتها زاد علي ثمنها 200 بس ما زعلت لانو بالاصل لما كنت بدي اشتريها من عشرين يوم كان دولاري ب94 و لما اشتريتها كنت بايع دولاري على 107 يعني كل مليون فرقت معي 130 الف ف200 الف يلي زودهم علي بثمن العقار انا ما فرقت معي بشي على العكس اجت لصالحي ... برأي هذا افضل خيار ليلي باع دولار بنقطة 105 لانو اذا بدك ترجع تعوض بدولار رح تكون خسارتك كبيرة واذا انتظرت يمكن تكبر خسارتك اكبر واكبر ...فاشتروا عقار ياجماعة سواء ارض زراعية او ارض للبناء او منزل او شقة ...وانتو اكيد ادرى واعلم بمصلحتكم ...ووالله ما حكيت هل الحكي الا منشان مايطلع منكم حدى خسران لانو بعرف طعم الخسارة منيح بكون مرير كتير خصوصا لما بكون مئات الالوف واحمدوا ربكم على طول وقدر الله وما شاء فعل

[zoza]

حسبنا الله ونعم الوكيل

[ابراهيم طاهر]

اقتباس: المشاركة الأصلية كتبت بواسطة الفهد السوري    ياجماعة الليرة السورية انهارت .. لك مين السبب بانهيار الليرة ؟ لحد يقلي الوضع الامني انا بدي اعرف مين خرب الوضع الامني وعيش الناس تحت القصف ؟

السبب :
اولا": الذين هربوا اموالهم للخارج مثل فراس افندي.
ثانيا" : المضاربين بالدولار القانطين المنافقين .

[az4ever]

[quote=ابراهيم طاهر;257614]البدء بالقاء القبض على الصرافة وحتى من يتواجد عند الصرافة او معه دولار اينما كان وحتى سمعت يتم اعتقال حتى كل من معه دولار في الطريق او المنزل .[/qمع احترامي الك سيد ابراهيم عيب هل حكي اذا كنت ابن سوريا بتمنى انك تخرس مصدر هيك اشاعات وشكرا الك

[moutaz]

اقتباس: المشاركة الأصلية كتبت بواسطة ابراهيم طاهر    البدء بالقاء القبض على الصرافة وحتى من يتواجد عند الصرافة او معه دولار اينما كان وحتى سمعت يتم اعتقال حتى كل من معه دولار في الطريق او المنزل .

بالله عنجد؟؟؟
شو هالحكي هاد؟؟؟
لعما ذا وصلنا لهون :(