سعر صرف الليرة مقابل الدولار 19-9-2012 في السوق السوداء

[mak]

اقتباس: المشاركة الأصلية كتبت بواسطة louis_16th    يا جماعة .. شو الطريقة لحتى الواحد يشتري بسعر التدخل ؟؟ ممكن حدا يتكرم علينا و يخبرنا عن الطريقة ؟

نظريا: بتدخل عند الصراف و بتطلب المبلغ يللي بدك ياه (اقل من 10000$ )بيصور هويتك و بتوقع على الإستلام و بتسجل السبب (شخصي, ادخار , سفر .....)

عمليا: بدك مية واسطة أو معرفة لتدخل لعند الصراف و بدك تصف عالدور و تسجل اسمك من الصبح ...و بعد الظهر بيوزعو عالأسماء المسجلة (على ذمتهم) و يمكن اكتر شي عم يعطو 500$ ...و بيجوز ما يصحلك دور فبتعيد المحاولة ثاني يوم ...و طبعا في حال الكل رفض يبيعك فيك تتصل على شكاوي المركزي 2227740

[خالد @]

اقتباس: المشاركة الأصلية كتبت بواسطة osama alshibli    اخي ازا الحكي مزبوط الك مني احلى عشا

كفووووووووووو

[الباشا المهندس]

اقتباس: المشاركة الأصلية كتبت بواسطة ringoo83    عزيزي أنا من اللاذقية ممكن تعطيني أسماء أفضل الصرافين من حيث الأسعار؟ أنا بعرف حنيفة والـ abc ومتياس الصراف بشارع بغداد عالزاوية عند اديداس آخر مرة عطاني أحسن سعر على عكس الصرافين تبع السوق السوداء وسؤال تاني اذا بتعرف شي صراف باللاذقية ببيع بسعر التدخل؟ وسؤال أخير بالنسبة للذهب....يعني أنا عم ضيع لما عم أحسب سعرو...لأنو عم ينحسب بسعر دولار أقل من السعر الرائج في السوق السوداء بـ ليرة ونص أو ليرتين وأحياناً أكتر مثلاً حالياً سعر أونصة الدهب ببورصة نيويورك 1770 دولار \31.104 غ 24 قيراط = 50.90 دولار لكل غرام 24 قيراط سعر غرام عيار 21= 50.90 ضرب 21 تقسيم 24= 49.79 دولار طيب اليوم تسعيرة الذهب 21 قيراط= 3600 ل.س سعر الدولار الذي احتسب عنده تسعيرة الذهب=3600ل.س\49.79دولار= 72.3 ل.س يعني أنا ضايع كيف الدولار بالسوق بين ال75 و77 بينما الذهب عم ينحسب عند دولار بـ 72.3 ل.س كأنو الأفضل نشتري دهب من أنو نشتري دولار...؟ حدا عندو توقعات بالنسبة للذهب رجاء حدا يسعفني بإجابة مفيدة شكرا

كتبتها قبل 5 أيام في هذا المنتدى ..

حتى بهذه الأيام سوق الذهب ونقابة الصاغة .. تستمر بأدائها كماص للمدخرات ؟؟ على رأي المثل الشعبي .. الصاغة متل المنشار .. طالع آكل ..نازل آكل ؟؟
من المستفيد بتسعير دولار الذهب بأقل من دولار السوق حتى لليوم السابق .. وإذا كان السعر مبيع شراء قد تم على أساس دولار 70.8/69.3 فالفرق يتجاوز الليرتين في الدولار الواحد .. وبالتالي يبدو دولار الذهب كمبيع وشراء أقل من سعر دولار السوق السوداء في اليوم السابق بليرتين !
أي أن الأونصة تباع بأقل من قيمتها الحقيقية بحوالي 3500 ليرة أو 50 دولارا .. !

يمكن تسمية هذا الأمر يسرقة بالذات إذا علمنا أن المتداول من الذهب السوري كأونصة وليرة .. لا تقبل شرائه صاغة الدول المجاورة .. وهو ما حصل معي في الخليج .. وتبينت لي صحته.. فحتى الليرات والأونصات المدموغة على أساس أنها ذهب 24 مثلا.. عيارها 99.5 وليست 99.9 !!
وبالتالي لا يتم حساب سعرها في السعودية والكويت والامارات على أساس ذهب 24 بل أقل .. ناهيك عن كونها غير مرغوبة أصلا


لأوضح أكثر ما تحدثت عنه .. يوم الأربعاء قمت ببيع أونصة ذهب بسعر 121750 وبتحويلها إلى ريال سعودي .. فكانت المحصلة 6400 ريال .. علما أن الأونصة كانت حوالي 1730
أي تقريبا 6480

اليوم .. بحسب أرقام GoldMan الأونصة ستباع بسعر 3450*35.55= 122647 .. وبالتالي بعد التحويل إلى ريال سيكون سعرها 6390 .. مع أن الذهب ارتفع 40 دولارا أي 150 ريال ! .........

فما رأيكم دام فضلكم ؟