جلسة صالون سيريا ستوكس ليوم الخميس 8 سبتمبر 2011

[ابو تيم]

اذا حدن من المشرفيين حب يعدل على مشاركتي السابقة خوفاً على مرتادي المنتدى فأرجو منه عدم التعديل و انما حذفها بس انا من ناحيتي اذا ضلت ما عندي مشكلة .

[economic opinion]

شو رأيك بموضوع النقاش يلي طرحو الأستاذ غالب أخي أحمد بيرم

[ابو تيم]

اقتباس: المشاركة الأصلية كتبت بواسطة economic opinion    شو رأيك بموضوع النقاش يلي طرحو الأستاذ غالب أخي أحمد بيرم

رح رد عليه بس لازم روح جيب ابني من الحضانة لما ارجع عالبيت رح كون مخمخة رأيي بالدولة السورية الحديثة كيف بدي ياها و بشارككم فيها ....

[وائل77]

سأناقش القضيتين السابقتين معاً
المهم في اي نظام حكم هو الديمقراطية وعدم الاستبداد باسم السلطة او الدين وبالتالي انا مع دولة ذات طابع اسلامي ولكنها لا تفرض امور دينية على الناس اي لا ترغمهم على العبادة وشكل اللباس وغير ذلك فليس من اللبق ان ادخل الى مؤسسات الدولة في رمضان واجد الموظفين يتناولون الشاي في مكاتبهم وبعضهم يتبجح بالكفر
بالنسبة للرئيس والدستور فتحديد دين الرئيس لااراه مهماً طالما الانتخاب ديمقراطي والاكثرية تحدد ما تريد
اما مدة الولاية فحسب معلوماتي ستصبح اربع سنوات بدل سبع والانتخابات المقبلة ستكون تعددية بأكثر من مرشح

[ابوحمزه]

مساء الخير جميعاً
مساء الخير أخي استاذ غالب المحترم

اقتباس: المشاركة الأصلية كتبت بواسطة غالب    صباح الخير اقترح موضوع للنقاش هو الدين والدولة والسؤال هو : هل تفضل فصل الدين عن الدولة او هل تفضل دولة مدنية او علمانية ام دينية . أعتقد أن هذا يتحدد بحسب الدولة وعدد السكان الأغلبية فيها فإذا كنا في دولة عدد السكان المسلمين فيها نسبة 80% فإن الأغلبية ستكون دولة دينية. أنا افضل دولة دينية , حيث أن الدين (سواء دين الاسلام أو الدين المسيحي أو الاديان السماوية الأخرى) أتت لتنظم حياة الفرد وحياة الاسرة وحياة الدولة ... طبعاً هذا إذا ما طبق ما أتى فيه الدين بالشكل الصحيح. فالدين لا يقول لنا أن نقتل أحد إذا ما اختلف معي في اتجاهه. قال تعالى: (لإن بسطت يدك لتقتلني ما أنا باسط يدي لأقتلك ...) والدين يدعو للعيش المشترك وحسن المعاملة مع جميع الاديان وهل تفضل ذكر دين رئيس الدولة في الدستور ام لا يهمك الموضوع والشعب هو من يقرر في الانتخابات . الموضوع لا يهمني ذكره فالانسان على نفسه بصيرة ولا يهمني ذكر دين أي شخص سوى لأنني أود معرفة دين من أتعامل معه لكي أهنئه بأعياده ومناسباته , ألا ترون أن هناك بعض العنصرية عندما نحدد أن فلان مسلم وفلان مسيحي وفلان حمصي وفلان حلبي وووو فتطبيق الدين بالاخلاق والتعامل الحسن مع الجميع . وهل تفضل ذكر ان دين الدولة الاسلام ام ليس ضروريا . نعم أفضل ذلك لأنني مسلم وهل هناك نموذج في العالم العربي والاسلامي وباقي دول العالم لنقتدي به .هل شاهدت تجارب دول اعجبتك . أعجبتني دولة الامارات المتحدة ... فبالسبعينات كانت صحراء قاحلة ,, والآن يقصدها جميع الناس من جميع الديانات والقائمين عليها مسلمين ويسعون إلى احترام الجميع بغض النظر عن ما تعتنقه .. والنموذج الاماراتي متطور دائماً فترى التطور في جميع المجالاات وترى الاحترام بين الجميع .. الرجاء في النقاش عرض الاراء بحرية ومنطق واحترام الاخر وبدون تجريح ولكم الشكر جميعا .

[وائل77]

هناك امر مهم وهو ان عملية تعديل الدستور هي اهم نقطة في اي عمية اصلاح قنظام الحكم هو اهم ممن بحكم بمعنى لا بد من تعديل صلاحيات رئيس الدولة والانتقال الى نظام برلماني وجعل القضاء فوق كل السلطات وان معجب بالتجربة التركية في هذا المجال

[BROKER]

مساكم خير

ما بعرف اذا سالتو عن غيابي ... فاذا سألتو فبالامس كنا بسهرة الى الصباح مع اعضاء سيرياستوكس اما اليوم فالشغل كثير ولا يمكنني الاطلاع على ما تتفضلون ... مع الشكر للاخ احمد .

[ابو تيم]

بالعودة لموضوع النقاش

نظام الدولة الجديدة

انا رح قول راي بعيدا عن تسمية نوع الدولة مدنية علمانية دينية رح قول انا كيف بدي سوريا تكون

- جمهورية يعين رئيسها بالانتخاب المباشر من الشعب و يكون مدني و يكون عمره 40 الى 60 مسلم و هذا شرط هام - علما اعلم انو كتير رح يقول لا ما بتفرق و تاريخيا كان عنا احد الرؤساء مسيحي و كان كتير منيح - بس لانه حق الاغلبية ان يكون اولي الامر منهم و لاننا تاريخيا كن حضن الخلافة الاموية اي مركز من مراكز الحضارة الاسلامية طبعا الرئيس شرط يكون متزوج

- طبيعة الدولة دولة عصرية تطبق احكام الدستور و القانون شو بدكون تسموها سموها هلق القواعد القانونية من وين مستمدة من الشريعة الاسلامية من الانجيل من التوراةاو من قوانين مقارنة اخرى ما بتفرق مدام ارتائى ممثلي الشعب صلاحية القانون للبلد و اهل البلد

- حرية الدين لكل شخص ان يمارس طقوسه الدينية بما لا يخالف القانون او يزعج اخوته من الديانات الاخرى، و بالنسبة لقانون الاحوال الشخصية فانا ارى بان يطبق على كل دين ما ورد في دينه بشرط ان يقنن ما ورد بالدين في قانون فليس من العدل تطبيق نظام الارث في الاسلام على المسيحيين او اليهود

- *بدنا بالاضافة لهالشي 3 انظمة اخرى

1 . نظام قضاء مستقل لا سلطة لاي سلطة عليه سوى سلطة الشعب و كل قاضي يكون راتبوا انشالله مليون ليرة بالشهر و يحق لاي مواطن ان يحضر اي محاكمة ليراقب عمل نظام القضاء اعضاء مجلس القضاء الاعلى بفضل يتم انتخابهم من الشعب و ليس تعيين

2 . نظام رقابة و تفتيش تابع لمجلس الشعب.

3 . مجلس خاص بالاصلاح و التطوير هاد شغلتوا وين بيشوف مشكلة يقدملها حلول جذرية و الحل بدو يطبق مو بس مقترح بالدرج ان يساعد في تطوير البلد مع تقدم الازمنة لمجارات الدول الاخرى و التقدم عليها يعني مو بس نحنا نتعلم منهم خليهم هم يتعلموا مننا شو ناقصنا

شو بدي بسوريا كمان ايه بدي كرامة المواطن السوري وين ما كان يعني لما مواطن سوري بالبلد ما حدن شو ما كان يكون يمتهن كرامته - واذا بينضاف عقوبة على اي شخص بيهين كرامة شخص تاني بيكون احسن - و برا البلد اذا مواطن سوري اعتقل او صار مع مشكلة خلي سفارة بلدوا تقوم الدنيا و تقعده لتساعده لان نحنا ما رجعنا لورا غير انو الناس شافونا بلا كرامة فصار يهنونا و يقولوا عادي متعود حكومتهم مو مقصرة فيهم

هلق بالنسبة لرئيس مجلس الوزراء انا بفضل مو رئيس الجمهورية يعينوا بفضل يعين من مجلس الشعب بحسب الاغلبية الحزبية في المجلس و سحب الثقة من الحكومة يحصل في مجلس الشعب و ليس بيد رئيس الجمهورية و بذلك بيكون صار عنا حكومة لا تدين بولائها لشخص الرئيس خوفا ليطير الكرسي و يكون في تغيير دوري كل 4 سنين لرئيس الحكومة قابلة للتمديد مرة واحدة بس لسنتين مو ل 4 بس مشان اذا ما خلص الخطة الي كان حاططها يكملها

بعد ما يتغير اي رئيس او رئيس وزراء القديم بيلاقولوا شغل محترم مشان يبقى هالشخص بنظر الناس محترم لانه يمثل تاريخ البلد و اكيد بيقدر بيفيد و مشان ما يحس انو لازم يعبي جيوبوا قبل ما يترك الكرسي لان بعد الكرسي الامور مظلمة بالنسبة له

هلق في اشيا كتير ممكن نساويها نغير هيئة السوق و يكونوا موظفين الهيئة منتخبين من المستثمرين و مو محطوطين بالتعيين مشان نضمن انو قلبون علينا*هي اكيد رح تعجبكون

[BROKER]

اقتباس: المشاركة الأصلية كتبت بواسطة beautiful life    الدنيا أو المنتدى ناشف ... شو القصه ... إن شاء الله خير

هاد يا اخت جوهر مبارح كانو اسرة سيرياستوكس مجتمعين مع عائلاتن مع اولادن من طرطوس وحلب والشام بزورعة ابو معاذ وما خلصت الجمعة لبعد 3 الصبح

[ابو تيم]

اقتباس: المشاركة الأصلية كتبت بواسطة BROKER    هاد يا اخت جوهر مبارح كانو اسرة سيرياستوكس مجتمعين مع عائلاتن مع اولادن من طرطوس وحلب والشام بزورعة ابو معاذ وما خلصت الجمعة لبعد 3 الصبح

و انا عم قول لحالي فتحت الصالون عبكير و رشيت مياه بس ما اجاني زباين طلعوا الزباين سهرانين