صالة أسعار صرف الدولار والذهب وباقي العملات مقابل الليرة السورية ليوم الخميس 29-8-2013

[ابن الجبل]

اخ عابر مجيب الحمد لله على السلامة
و الأخ ديناميك إن شاء الله يكون بخير
و كل شخص منقطع عن الموقع ان شاء الله نسمع عنه الأخبار الطيبة

[shereen]

اقتباس: المشاركة الأصلية كتبت بواسطة محمد سامر    صباح الخير يالأمس سألت عن السعر من صراف (شقيع) قال السعر شراء 275 مبيع 285 بالعادة أنا بشتري بس هل المرة قلتلوا بدي بيع شي 2000. بعد ربع ساعة رد علي و قال الشراء ب240 و كان هوة غلطان لما عطاني السعر أول مرة

اخي الشركات مبارح كانت عم تبيع 500 دولار اليوم نزلوهم لل 100 ومبارح فعلا وصل سعر البيع لل 285 اسئل ها\ التاجر (الشقيع)على سعر اليوم علما انو 285 سعر رخيص وفرصة جيدة للشراء(من وجهة نظري)علما انو الضربة العقابية مالح تكون قوية لانو ماحدا بدو يضرب التاني بينبهو قبل ب 7 ايام بس اول صاروخ بينزل لح تختلف الحسابات كلها

[ابن الجبل]

مع قرب استلام الرواتب بقطر
نصيحة إسأل عن السعر من اكثر من شركة
في شركة عم تعطي هذه الايام اسعار أفضل على ذمة زميلي بالعمل
معظم الشركات عم تعطي 48 ليرة و كسور أما هذه الشركة عم تعطي 50 و كسور
فكثر من السؤال و قلل من الدوار و اربح 2 ليرة بكل ريال

[ابن الجبل]

اقتباس: المشاركة الأصلية كتبت بواسطة shereen    مساء الخير بعد الوقوف ساعة ونص وسند اقامة كلف 500 ليرة بين تصديق ومختار وفاتورة موبايل اخدت من عند كلش 100 دولار ب 175 بعد ماكان يعطي 500 دولار خلصو من عندهم وصار 100 دولار والمتحدة 100 دولار ياحوينة سند الاقامة وهالتعب نصيحة لاحدا يفكر يشتري من الشركات لانو مسخرة عالفاضي

انا اللي مجنني بالتعليمات هي فاتورة الموبايل يعني جدي اللي ما بحب الموبايلات و لا بطيقها و لا بعمرو استخدمها و لا راح يستخدمها ما بيطلعلوا يحول مصرياته اللي اللي جامعهن لكبرتو دولار يعني فاتورة كهرباء و ماء ما بتقدي و بيجيب معوا كل اهل البلد بما فيهم أبو نمر و أبو نايف يشهدوا انه موجود و ساكن من دور العثمانين ببيت الحجر اللي عنده طيب و سند الاقامة يعني بالشام الناس بتشتري دولار أما سكان الخربة من أل أبو قعقور وأل بومالحة لا يستطيعون الشراء ؟؟؟؟
هذا أكيد اللي حط القانون من سكان المصطبة و له .......؟؟؟

[moutaz]

اقتباس: المشاركة الأصلية كتبت بواسطة ابن الجبل    هذه الحولات بالقانون لازم تكون للمعاملات التجارية و اي طريقة دفع بسوريا يجب ان تكون بالليرة السورية إذا موجود عندي دفعة لإنهاء مشروع او شراء بيت و هي أكثر من 5000 هل تسلم بالدولار أيضا هذه شغلة ما فيها لعب هل تقصد ان بنك البركة يسلم حوالات ويسترون يونيون

أكيد بتقدر ترسل أو تستلم حوالات ويسترن يونيون من فروع بنك البركة, وفي قرار على باب كل فرع من فروع البنك بقول انو تسليم الحوالات بتم بالليرة السورية, و بالعملة الأجنبية للحوالات أكبر من 5000 دولار أو ما يعادلها من العملات الأجنبية.

[osama289]

اقتباس: المشاركة الأصلية كتبت بواسطة عابر مجيب    مساء الخير تحليلات وتكهنات بنقول ما في تاجر ومنجم ، وبنرجع بننسى وبنّجم اشاعات مبنية على رغبات أصحابها ، ولا أساس لها من الصحة اشاعات مبنية على الخوف والهلع ، وأيضا لا أساس لها ممكن تساؤلات لوعرفنا أجوبتها ممكن نوصل للحقيقة وغير هيك مافي شي أكيد . الدولار ممكن يرتفع في البداية لرقم قياسي ثم يعود قليلا بعد أن يتحول القصف إلى روتين الأكيد الوحيد هو أن سعر الدولار غير حقيقي والدليل تدخل المركزي لضبط السعر ومن المؤكد أيضا ان هنالك من تخلى عنا ان موعد الضربة مجرد اشاعة ان تأخير الضربة يضر أكثر ، فوقوع البلاء أهون من انتظاره ما يتم تداوله من انباء عن موعد الضربة فجر الخميس ومن أرفع المستويات المحلية مخطئ حتما من سيطرح الدولار المزور سيستبدل به الاحتياطي بعد نهبه أخيرا اتمنى ان يكون رد سوريا حاسما ضد من تخلى عنها قبل غيرهم من المتفرجين .

يسلم تمك عمتحكي درر

[أبو محمد اللاذقاني]

[size="5"]اللاذقية الأن شراء 220 بيع 260 متوفر في الاتجاهين[/size]

[محمد سامر]

اقتباس: المشاركة الأصلية كتبت بواسطة ابن الجبل    انا اللي مجنني بالتعليمات هي فاتورة الموبايل يعني جدي اللي ما بحب الموبايلات و لا بطيقها و لا بعمرو استخدمها و لا راح يستخدمها ما بيطلعلوا يحول مصرياته اللي اللي جامعهن لكبرتو دولار يعني فاتورة كهرباء و ماء ما بتقدي و بيجيب معوا كل اهل البلد بما فيهم أبو نمر و أبو نايف يشهدوا انه موجود و ساكن من دور العثمانين ببيت الحجر اللي عنده طيب و سند الاقامة يعني بالشام الناس بتشتري دولار أما سكان الخربة من أل أبو قعقور وأل بومالحة لا يستطيعون الشراء ؟؟؟؟ هذا أكيد اللي حط القانون من سكان المصطبة و له .......؟؟؟

المطلوب سند إقامة أو سند ملكية أو سند ملكية عقار بجمعية أو فاتورة كهرباء أو فاتورة ماء أو عقد آجار + فاتورة هاتف أرضي أو موبايل+ صورة الهوية (بأسم المستفيد حصرا).
و بالنسبة للبنوك لازم يكون لديك حساب بنفس البنك منذ ثلاثة أشهر.

[(( أبو جهاد ))]

السلام عليكم ورحمة الله وبركاته

الدولار شراء : 240
الدولار بيع : 250

حلب

[eng.mdkh]

دمشق الساعة 2:00
الدولار مبيع : 230 متوفر جداً جزيلاً
الذهب الكسر :
8300 - 9000
علماً أن الذهب في الساعة 12:55 كان سعر ه :
8800 - 9500