صالة أسعار صرف الدولار وباقي العملات ليوم الأحد 14 -7-2013

[Fahd_z1980]

والله حاسس المنتدى حميان من صباح الله
صلوا عالنبي واستهدوا بالرحمن
ورجاءً لاحدا يتمسك برأيو ولاحدا يكذّب حدا
صحيح مالي مشرف
بس مشان نعرف حالنا لوين رايحين
وهاد هدف المنتدى
مع الف شكر لكل الحبايب

[expert]

اقتباس: المشاركة الأصلية كتبت بواسطة باسل غ    بلش الاكشن التدخل كان 247.5 وهلى صار 245.5 قلتولي 350 ما هيك وغدا لناظريه قريب مع كل تحفظاتي عن سياسه المركزي بالايام الخوالي هلى بلش يلعبها صح ما كرمال اليره او كرمال قيمتها الشرائيه لا كرمال في ناس بعد معوله عليه وما بده ينقصه اكتر من هيك كرمال ما يخلصوا ........... تغيرت قواعد العبه والمضارب او يلي بده يخافظ على مدخراته يجرب يحسبها صح يمكن بوقت من الاوقات توصل اليره تكسر حاجز 350 بس ما المعلميه تنطر كل هل المده لتصير بهل الشعر لتقول لحالك وهي صار يلي توقعته والمعلم يلي بشوف شوي يلي عبيصير ويقرر خبرتكم وبرجع بخبركم الهوامير عندهم رغبه للبيع ما لرغبتهم بالخساره لا لانهم بيعرفوا امتى بعملوا الخساره مربح والله يستر من التعليقات بعد هل المرور ولله يعطي لكل واحد على قد نيته .........

حتى لو اعتبرنا انو المركزي بدأ ضغط حقيقي لخفض السعر
بس الخفض يللي جرى من 247.5 الى 245.5 يعني ليرتين بسسسسسسسس
وعلى هالمنوال بدهم شهور لختى يوصل السعر الى حيطان ال200 بفرض ثبات الاوضاع العسكرية والسياسية .
انا بحب اكون متفائل بس ما عم الاقي اي ارضية ابني عليها تفاؤلي
مع الاسف الوضع بحلب يتجه للاسوا وكل الحلول المطروحة على الارض هي حلول اعلامية وتخديرية لا تاثير حقيقي لها
يعني بضع شاحنات تحمل مواد غذائية ما تاثيرها على مدينة محاصرة فيها 3-4 ملايين نسمة
متل صائم عطيته على الافطار حبة بزر

[Fahd_z1980]

اقتباس: المشاركة الأصلية كتبت بواسطة expert    ترقبوا مجاعة عامة وانهيار لمقومات الحياة والمجتمع الانساني وكل ما نتج عنه من نظام نقدي واقتصادي في حلب والكلام على مسؤوليتنا الشخصية ..

الله لا يقدّر

[pop75]

صباح الخير لكم جميعاً

[seraj]

صباح الخير للحاضرين ... و للغايبين

[miracle]

تحية من القلب لكل الشباب الداعمين لليرة بهل الموقع
و بتمنى على الطرف الأخر مع فائق المحبة و الاحترام
الهدوء شوي و التفكير بأحوال الناس ............... و الله تعبت

[عابر مجيب]

اقتباس: المشاركة الأصلية كتبت بواسطة محمد البيك    . ترقبو سقوط مدوي للدولار في مدينة حلب .. والكلام على مسؤوليتنا الشخصية ..

كفو

[-mouhamad]

كيف بدو الدولار ينزل تحت 260 اذا شركات الصرافة فاسدة وعمتبيع للواسطات والمتنفذين وكل ماحدا بيسألن عن مبلغ لايذكر بالدولار عالهوية بيقولوا خلصت الكمية واذا باعوا بيكون دور وهمي ,يعني هلق الصرافين الكبار عميشتروا كل شي بالسوق بأرخص الاسعار والبنك المركزي كمان عميشتري اكتر من مايبيع وبعد كم يوم متل العادة بيتوقف البيع ولحق السعر اذا بتلحق ,والمشكلة انو البنك المركزي لهلق بيعتمد على شركات الصرافة ومادخل البنوك بالموضوع مع انو موظفينها وامكاناتها اكبر يمكن لانو الكمية المباعة بالاصل ضئيلة أو مقسمة سلفا

[seraj]

تقرير اقتصادي أميركي: معدل التضخم وصل في سوريا إلى 200%

الاخبار الاقتصادية

أفاد معهد أبحاث أمريكي متخصص أن التضخم في سوريا سجل معدلا مخيفا مع نهاية الشهر الماضي حيث بلغ 200%، لافتا إلى أن الاهتمام بتهاوي الليرة السورية غطى على كارثة التضخم التي تجتاح البلاد.


وبين معهد "cato" الأميركي، والذي تأسس عام 1977، في تقرير له، نشر على موقع "Cato At Liberty"، أنه "قام باستخدام تقنيات معتمدة، لقياس وتقدير حجم التضخم السنوي في سوريا، أن التضخم قفز ليصل إلى 200%".
وكانت نشرة اقتصادية رسمية أصدرتها الحكومة بداية الشهر الجاري بينت، أن "هناك ارتفاعا في معدل التضخم من 41.24% خلال الربع الثالث للعام 2012، إلى 51.54% خلال الربع الرابع للعام ذاته"، في حين كانت بيانات رسمية أشارت أن معدل التضخم للربع الرابع لعام 2011 بلغ حوالي 6,7%، فيما كان وسطي معدل التضخم في سوريا من العام 2000 حتى 2008 وصل إلى 35%، في وقت قال صندوق النقد الدولي إن التضخم وصل في سوريا عام 2008 إلى 18%، كما بلغ 3% في عام 2009، وفقا لتصريحات رسمية.
وقدر التقرير التضخم الشهري بقرابة 34%، وهو ما يعكس سرعة التدهور الاقتصادي للبلاد، بحسب التقرير.
وبالنسبة لمعدل التضخم الشهري لأشهر الربع الرابع من العام الماضي، كانت قد أوضحت النشرة الرسمية أنه "بقى دون تغير يذكر خلال شهري تشرين أول وتشرين الثاني مسجلا 49,87 و49,51 على التوالي ليرتفع خلال شهر كانون أول مسجلا 55,25%".
ويتم حساب التضخم، وفقا لاقتصاديين، من خلال سلة تضم كل السلع تقريبا، من مواد غذائية وسكن وطاقة ووقود ونقل وتعليم وغير ذلك، ويكون للسلة وزن موزع على مختلف هذه السلع، أي كل سلعة ولها وزنها ضمن هذه السلة، وبناء على ارتفاع أو انخفاض أسعار هذه السلع، ينتج الرقم الذي يعبر عن معدل التضخم، حيث يقاس التضخم بعد مقارنة المستوى العام لسعر هذه السلة في فترتين زمنيتين متتاليتين.
إلى ذلك، بيّن المعهد أن الليرة فقدت 66.2٪ من قيمتها في الأشهر الـ12 الماضية.
وسجل سعر صرف الليرة مقابل الدولار انخفاضا كبيرا وصل إلى نحو 300 ليرة خلال الأيام الأخيرة ليعود إلى الترنح بين 250-260 ليرة، وذلك بعد أن كان مستقرا بداية عام 2011 بحدود 50 ليرة للدولار.
عن سيريانيوز

[ابن البلد البار]

صباح الخير للجميع
اليوم يوم المركزي
طبعاً أثبت المركزي أنو اللاعب الأقوى على الساحة وإلى الآن بالتصريح فقط ثبت السعر وهذا ما نريده منه أي أن يكون قوي وحاضر وألا يفقد مصداقيته..ولكن إلى متى وهل هذا كاف؟! لنشوف..