صالة أسعار صرف العملات والذهب ليوم الجمعة 28-6-2013

[EngShaam]

اقتباس: المشاركة الأصلية كتبت بواسطة alternative    اخي الكريم ممكن نعرف شو طبيعة الخبرات الموجودة عندك بما يخص هاد المشروع لانو العمل معتمد على مبدأ التخصص وتقسيم العمل واشكرك ان شاء الله بتكون معنا

أنا مهندس ميكانيك
بس ممكن ساعد بالبيع أو التحميل أو أي شي بينطلب مني
مدام العمل للمجتمع وللخير

[محمدجعفر]

Gold : 1195.48

[سوريا الله حاميها أكيد]

اقتباس: المشاركة الأصلية كتبت بواسطة عابر مجيب    صباح الخير والكهرباء افتقدناك طيب سؤال الرياض وواشنطن ولندن من فين جابوا السوري ؟ شو وصّل الليرة لعندهم ؟ الرياض وفهمناها وبفرض ، الليرة عندهم دين على البنك المركزي وسواء هم من طرحها او غيرهم فلا فارق المفروض انها مغطاة بالكامل الادعاء يحمل معنى فقط إذا كانوا طابعين ليرة مزورة ديروا بالكم شباب ، هنالك ليرة مزورة ، تحوطوا بالدولار والذهب واليورو أو حتى بالقرود السود هيك مو بيكون تصريح مضر بدل ان ينفع ؟! شو هالمعالجة ياربي !!!!!!!! بكرا الدولار فوق 300 big grin شورأيكم نصدق كلامو ونساهم بالإضرار بأنفسنا ، او نطالب بإقالته ؟!

--------------------------------------------------------------------
أكيد من بعض المسؤولين الفاسدين يلي نفسن دنية هربو مصاري سوري وباعو بالدولار بس ليش الدولار كان مراواح مكانو هالأسبوع بجوز كل طرف ناطر الطرف التاني لحتى يوجهلو بوكس يطيرلو الشاسي الأمامي

[Dynamic Pulse]

بداعي الطفر
علبة شاي كرزة 450 غرام للمقايضة على بطيخة متوسطة الحجم مع 2 كيلو مشمش بلدي الرجاء إرسال العروض على الخاص للتفاهم

[Humam]

السيد قدري جميل مو هو نفسو
رئيس حزب شيوعي مدري أنو جناح منو
وبنفس الوقت بزنس مان كبير وعند شغل بدبي وروسيا
وبنفس الوقت صرع راسنا وهو عم يسب الدردري وسياستو الرأسمالية المقيتة
وأنو على الحكومة الاتجاه شرقا" فتنحل كل مشاكلها (هاد طبعأ" قبل ما يصير بالحكومة)
وهو نفسو بعد ما صار بالحكومة رفع الدعم عن المشتقات النفطية مرة قبل زيادة الرواتب ومرة معها
وهو نفسو من شي 7 شهور قال أنو اذا استمرت الأزمة 3 شهور كمان بينهار الاقتصاد وتراجع عن هالحكي تاني يوم بعد ما أكل كف مخمس على خلقتو وهو نفسو.... وهو نفسو...

المختصر المفيد أنو هاد الزلمة رب التناقض والعتب مو عليه بس على يلي بيصدقو

[سوريا الله حاميها أكيد]

حتى المتوقعات المخضرمات والمتوقعون العتاق بالمنتدى ماعاد نزلو توقعات لانو بالاصل موضوع الدولار بالسوق لم يعد يخضع لأي منطق يعني يلي عم يلعب بالدولار هلأ متل يلي عم يلعب بالنار كمواطنين (البسطاء) بعدين خلونا نكون واقعيين شوي بعيدا عن الاحتتداد السياسي ,من الناحية الاقتصادية نظام صرلون داعمينو فترة طويلة( يعني خسرو عليه كتير ) برأيكن حدا بيخسر شي اذا مابدو يربح شي اكتر وبالمقابل طرف تاني عم يشتغل نفس الشي ويمكن أكتر ,السؤال عمين رايحة

برأي يلي مو كتير مهم ( علينا نحنا الشعب بجميع مكوناتو)

[محمود شادي]

اقتباس: المشاركة الأصلية كتبت بواسطة dynamic pulse    بداعي الطفر علبة شاي كرزة 450 غرام للمقايضة على بطيخة متوسطة الحجم مع 2 كيلو مشمش بلدي الرجاء إرسال العروض على الخاص للتفاهم

رسوم النقل على مين اخي

[ياسمينة]

اقتباس: المشاركة الأصلية كتبت بواسطة سوريا الله حاميها أكيد    حتى المتوقعات المخضرمات والمتوقعون العتاق بالمنتدى ماعاد نزلو توقعات لانو بالاصل موضوع الدولار بالسوق لم يعد يخضع لأي منطق يعني يلي عم يلعب بالدولار هلأ متل يلي عم يلعب بالنار كمواطنين (البسطاء) بعدين خلونا نكون واقعيين شوي بعيدا عن الاحتتداد السياسي ,من الناحية الاقتصادية نظام صرلون داعمينو فترة طويلة( يعني خسرو عليه كتير ) برأيكن حدا بيخسر شي اذا مابدو يربح شي اكتر وبالمقابل طرف تاني عم يشتغل نفس الشي ويمكن أكتر ,السؤال عمين رايحة برأي يلي مو كتير مهم ( علينا نحنا الشعب بجميع مكوناتو)

عملية التوقع لا تخضع لاي دراسة دقيقة هي تكهنات متل علم الفلك الي هو فعلا حقيقي للي بفهم فيه وطبيعي القمر وقت يكون بدر بيأثر على سوائل الجسم وعلى المياه بالارض من مد وجزر ومتل ما المشتري بيجيب الحظ وزحل ابصر شو بيعمل بس بنفس القوت كذب المنجمون ولو صدقو يعني ما حدا عندو حقيقي هي العلوم وبيشتغلو فيها للمتاجرة فقط .. الوضع بسوريا متخلف بس كمان بيخضع لفكرة العبثية .. الكل عندو يقين كامل انو رح يرتفع الدولار وانو السعر الحالي هو مو السعر الحقيقي لانو نحنا بحالة حرب وقد الدولة ما ضخت اموال ما عندها شي بيكفي الاستنزاف الي عايشتو ومع هيك كل يوم بيحطو ارقام هي الارقام للونس مو اكتر بينزل ليرة بيطلع عشرة بالنهاية طالع طالع .. اديش وكيف خط سيرو كلو ضرب بالمندل واكيد الي بيتوقع او بيحط اسعار السوق مو هو الي عم ياثر على الليرة لا التجار صاحبين قرار ولا المضاربين بيقدرو يغيرو السوق .. الفكرة وما فيها انو نحنا بحرب ووقت بتنزل قذيفة على مبنى يا بتهدو يا بيصير غير قابل للسكن والمنطقة كلها ممكن تصير مهددة .. والدولار هيك بيتاثر باستقرار البلد وبكل شي عم يصير فيه شو الاعمال المثمرة شو بينتج وبما انو حالة الحرب هي للدمار فقط فالدولار في صعود طبعا ما عم احكي هيك حبا بالدولار وكرها بالليرة ولا حابة دللو لانو في ناس بس بتفهم كلامي على انو تشاؤم وبكره البلد ابدا .. من فترة بجلسة مع مجموعة بنات وبيناتون وحدة متل كتير ناس بالمنتدى بدافع عن الليرة وكانو نحنا اعدائها .. صرنا نحكي عن ارتفاع الدولار بتقوم هي من قلب الدنيا بتقلنا على فكرة بكرة شوفو شو رح يصير باميركا اصلا الدولار رح يتبهدل واقتصادون رح يتشرشح .. هيك وحدة شو فينا نرد عليها والمضحك المبكي بكرة اذا صار شي زلزال او كارثة باميركا بتحس بنشوة وبتقول شفتو !
الا الحماقة اعيت من يداويها

[سوريا الله حاميها أكيد]

في الأسبوع الاول ..
جارنا : ليش البندورة بـ 150 ليرة خيو .. مو هذا وقت الموسم على أساس .
البياع : يا أخي مانك سمعان كيف الدولار عم ينط للسما نط , شو مانك عايش بهالبلد !!!!.
في الأسبوع الثاني ..
جارنا : ليش البندورة ارتفعت لـ 160 ليرة خيو .. مو ع اساس نزل الدولار شوي .
البياع : يا اخي شو علاقة البندورة بالدولار , شو مانك سمعان كيف حلب محاصرة .
جارنا : أي بدي ألعن أبوكن ع أبو البندورة ع أبو اللي بيشتريها بقى , العمى في قلبكون إذا بتستحوا .
و تستمرررر بلا رقيب!!!

[الليرة السورية]

السلام عليكم و رحمة الله و بركاته