الليرة السورية

وفق الله لما فيك من خير لنفسك وللاخرين
كلامك من وجهة نظري المتواضعة مقنع ودقيق

تحياتي لك وللجميع

__________________
دمشق صبرا على البلوى فكم صهرت
سـبائـك الـذهـب الغـالـي وما احـتـرقـا

najm

اقتباس:

المشاركة الأصلية كتبت بواسطة عبدالقادر ياجماعة الاستقرار بالسعر بحد زاتو انجاز بيخلي المضاربين تروح لملاذ اخر

على هذا السعر قد يوحي بالعكس للاسف .

__________________
لطف حديثك فالنفوس مريضة
ومن الكلام محنن ومجنن

اتقي لترتقي

السلام عليكم
يلزمني مبلغ كبير يورو أو دولار في دمشق

مجرد إنسان

السلام عليكم
اسأل الله ان يفرج عنا وعن جميع المسلمين
سوق الاسهم احيانا يصبح كارثة ولا يمكن الخروج منه وهو اخطر ما فيه
حتى بخسائر كبيرة لا تجد من يشتري
ولا شك ان اخوتنا جماعة الاسهم لم ينسوا تلك الايام
الدولار اكثر قابلية للتداول بكثير ولا اشك ان من كان يعد الاسهم امولا شبه جاهة قد حولها الى ديون مشكوك في تحصيلها
ممكن ان يتوقف التداول على الاخضر يوم او ٢ ولكن ذلك سريعا ما ينتهي بينما اصيب سوق الاسهم بشلل تام لمدة طويلة واصبح الخروج منه في ذلك الوقت معجزة
الحل الافضل هو التنويع والافضل الاستخارة قبل القرار بالتحول الكلي من استثمار لآخر

__________________
{بل نقذف بالحق على الباطل فيدمغه فإذا هو زاهق ولكم الويل مما تصفون}

najm

اقتباس:

المشاركة الأصلية كتبت بواسطة اتقي لترتقي السلام عليكم يلزمني مبلغ كبير يورو أو دولار في دمشق

اقتباس:

المشاركة الأصلية كتبت بواسطة mouayad إن موقع سيرياستوكس و إدارته ليس له علاقة بتسعير الدولار بالسوق السوداء أو تداوله ويمنع تداول أو بيع و شراء العملات كما أنه ينفي علاقته بأي عملية تداول بين الأعضاء وتنحصر مهمته بعرض السعر الحقيقي المتداول بالسوق منعا لأي عملية احتيال ضد المتابعين

وعليكم السلام اخي اتقي
اعتقد بان سؤالك محرج للموقع قليلا ان قرأت التنبيه المذكور في بداية كل موضوع .

__________________
لطف حديثك فالنفوس مريضة
ومن الكلام محنن ومجنن

Mfadel

وعود من المصرف المركزي والدولة بدعم اليرة وتحسين حال المواطن ولكن للأسف مجرد كذب وسياسات فاشلة تحاول الدولة زيادة الواردات عن طريق رفع سعر الغاز والمازوت وغيرها وتسريح الموظفين تعسفيا وكلو ضرر للشعب المسكين ماحدا سائل غير عن حالو والشعب الله يساعد الموظف ياحرام يارب يارحمن يارحيم اجرنا ‏

Dynamic Pulse

دمشق الآن
147.5‏_‏148.5
متوفر
سمعت ان هناك شركة واحدة تبيع 1000يورو بسعر 185
إذا في حدا عندو معلومات أدق ياريت يخبرنا لأنو إذا كان الوضع اليوم هيك فبإعتقادي السعر رح يرتفع شوي مع الإغلاق

__________________
<<أبو محمد>>

hikmat

كﻼم رائع انا اويدك ومن تجربة شخصيا

__________________
الحمد لله بالسراء والضراء

محمد عامر النجار

والله يا صاحبي رحت من الصبح بكير على شركة الأدهم بدمشق من 8 صباحاً بعدين جماعة الشركة صاروا يقول أنو اليوم و بكرا ما في شي المهم أنا انتظرت و ما رديت بسبب ثقتي بصدق معظم أهل هذا الزمان الساعة 11 أجا مراقب المركزي و صار ينادي على أسماء اللي ما لحقوا مبارح علما أنو مبارح رحت الساعة 12 بدي سجل اسمي قال ما عاد في تسجيل تعال بكرا اللي ما أخد اليوم راح دوره وبكرا دور جديد(مما يثبت نظريتي حول الصدق) المهم كمان انتظرنا شوي طبعا نسيت قول أنو لساته على سعر175,87 وقال رح يوزعوا 1000 فقط بعدين اتصلت بأخي قللي أنو الشعار ما عنده اليوم بنفس الاتصال قللي تعال أجا المراقب و عم يسجلو أسماء على سعر 178 بس 1000 وانا رايح بطريقي مريت من شركة بيكو بساحة المحافظة لقيته حاطط السعر للبيع 178 و في ناس واقفة. بعد شوي قال وقفو بالدور ،وقفت .رجع طلع واحد تاني قال النسوان عاليمين و الرجال عاليسار تخربط الدور كنت بالأول صرت بالأخير المهم بقيت واقف لأنو العدد كان قليل بعد شوي صار يطلع هويات من داخل الشركة و ينادي عليهم علما ما أخد هويات من حدا وقت كنا واقفين المهم مشي من الدور 10 أشخاص تقريبا نسوان و رجال بعدين بقينا واقفين عالدور للساعة 12 وكل شوي يطلع جيرانه من المحلات واحد رفع الشمسية اللي كنا واقفين بظلها و قال شو هالقرف عم نقطع رزقه و التاني قال بدو يجبلنا الأمن و تبع الشركة كل شوي ينادي على ناس ولما خلصوا صار يجي ناس يوقفوا بوجهه يقللهم حوالة هات هويتك و فهمكم كفاية بالآخر قال خلصنا اليوم ما عاد في رصيد وروحو من هون طبعا كان لابد كل دقيقة و الثانية أنو يصرخ علينا و يبهدلنا حتى ما نوقف بالفي و نبعد عن وجهه وكان عم يبيع 1000 فقط للبني آدم منشان هيك نحنا ماطلعلنا شي
تذكرت أيام العسكرية لما كانوا يوقفونا بالشمس و يسبونا بس نعمل شوية رياضة و بالآخر نروح علمطعم ناكل صوص عفوا فروج ل 8 أشخاص مع الرز أما اليوم وقفنا بالشمس و سبونا بس ما عطونا شي بالعكس انقلع ظفر رجلي بباب شركة المتحدة وقال ما عندهم شي
المشكلة أني كترت غلبة و قلتله لأبي بيع اليورو اللي معك (4000) من وقت كان عم يوزعوا 5000بالتجاري و انا و مرتي مننزل نجبلك تربح قرشين يسندونا شهرين زمان بالمصروف المهم بعناهم مبارح على 185 ونزلت أنا و مرتي اليوم هي أخدت 1000 و انا أخدت ؟ عفوا صحيح أنا طلعت مو بني آدم بس يا خوفي أبي ينزعج مني و يطلعني من البيت أنا و ولادي ممكن تصير بهالزمان ؟ طبعاً عزائي الوحيد أني استخرت الله عز وجل وما تيسر شي فالحمد لله على كل حال

Fahd_z1980

والله يا أخ اتقي لترتقي خايف لاتكون من الجماعة أياهم
من الأخير أنا ما معي لا دولار ولا يورو والله يرزقني ويرزقك

بس على كل حال ياخوفي تكون من الجماعة يلي إذا عبو واحد بيجيبو أجلو وبيرتقي لشي قبو مابيعلم فيه غير رب العالمين
على كل حال حبيت أتحركش فيك ،لازم نحسن الظن دائماً
والله يجمعك

بس سؤال للمشرفين شو الضمانة يدخل شخص باسم "فركوش"مثلاً ويرتب بيعة معينة ويطلع كمين

__________________
الكلمة ملكك فإذا خرجت منك ملكتـك