سعر صرف الدولار بالليرة السورية بالسوق السوداء 3-4-2013

[ADIB]

اقتباس: المشاركة الأصلية كتبت بواسطة الياطر    سعر اونصةالذهب عالميا 1570دولار سعر الذهب محسوب على سعر116،6ليرة للدولار في السوق السوداء

اونصة الدهب 1575.10
الدولار محسوب على 116.23 من بعد اذنك خي الياطر

[د. همكي]

اقتباس: المشاركة الأصلية كتبت بواسطة mak    لازم المركزي ما يمول شي لأنو كل الفرق عم يروح لجيبة التجار و يتهرب لبرا ....كلو مسعر على دولار السوق السودا و اكتر ...واذا طلع الدولار ليرة بتطلع البضائع 3 ليرات او اكتر ..و هي الغذائية المستوردة بدولار مدعوم!!...بقى لشو هالمسخرة...يعطو الفرق للمواطن على دفتر العائلة أو الهوية و يخلصونا...ما بدهل اختراع!!

و الله كلامك صحيح.... للأسف نسبة كبيرة من التجار و الصناعيين هيك عم يعملو.... فرق الدولار لجيبتهم والتسعير عالدولار بالسوق السوداء
و أكثر من هيك في منهم عم ياخد تمويل ليستورد كمية ما أو صنف ما بقوم بغش بالكمية أو الصنف وبياخد الفرق لجيبته
هذا كله عدا التزوير الأساسي في السعر من المنشأ ... يعني بيدفع ثمن البضاعة فعليا 50000 دولار مثلاً بس بتنكتب عالفواتير ومن المنشأ 75000 دولار بياخذ تمويل عليهم ( طبعا هذا الكلام مو اتهام عن قيل وقال.... ولكن حقيقة أكيدة)
ولما بتحكي بارتفاع الأسعار.... بقلك بكل وقاحة (الدولار بـ 122)...

شلون الله بدو يفرجها علينا ونحنا لهلق ما تربينا ولا تبنا ولا عم نرحم بعضنا

بس الأمل برحمة الله لا ينقطع أبدا.... ربنا لا تؤاخذنا بما فعل السفهاء منا

[ابن خلدون]

يحكى أن إثنين من أباطرة المال و الأعمال التقيا في أحد مصاعد بورصة نيويورك للأوراق المالية فقال الأول إن لدي إحساس عميق بأن جل أدواتنا و تداولاتنا المالية خاطئة و لايمكن أن تقود إلا إلى إنهيار كبير و ما أحدات الخميس الأسود في عام 1929 بغائبة عن ذهني و ذهن العارفين بخفايا الإقتصاد , فأجاب الثاني و مالحل و أنا أشاطرك ماتقول, فأجابه إن العودة للجذور الإقتصادية هي الكفيلة بإيجاد التوازنات المنطقية و العادلة وإني أرى في الممارسات الإقتصادية الإسلامية و أدواتها و بخاصة رفض مبدأ الفائدة تجسيد لما يؤدي للتوازن و العدالة و أنت تعلم جيدا أن توما الإكويني قد رفضها نهائيا بقوله : المال لايلد المال, صعق الثاني مجيبا يا إلهي أنت تريد أن تجعل الإقتصاد العالمي يقف على رأسه بدلا من قدميه , فأعقب الأول قائلا: يا صديقي إنه الآن يقف على رأسه, عندها فتح باب المصعد و مضى كل إلى طريقه.
إن معظم مآسينا الإقتصادية الكلية و الجزئيه و الفردية هي نتاج لممارسات ليست صحيحه فلو أن ذاك المواطن المتواضع ,الذي إدخر في بداية الأزمة مئتي ألف ليرة سورية, أدخرها بصورة معدن نفيس كالذهب أو الفضة أو كانت العملة الورقية مسنودة بالذهب و الفضة و ليست مسنودة بالوعود الخلبية و التطمينات الهزيلة و الإبتسامات البلاستيكية لكان الآن سعيدا و لما تبخر أكثر من نصفها ألآن.
هي ليست دعوة لبريتون وودز و لكن المطلوب إجراءات منطقية توازنيه تناسب عصرنا.

[BISO]

حلب بعـــــد منتصف الظهيرة ......

مافي حدا يعطي سعر

[لقماان]

اقتباس: المشاركة الأصلية كتبت بواسطة dynamic pulse    صباح الخير جميعا صباحو أخي أبو حكيم والله أنا من فترة كنت عم فكر غير اسمي لنانسي أو نجوى مو مشان شي بس لأني كنت مفكر أنو الشباب عندون قناعة أنو زر الشكر بيكهرب في حال كان المشارك ذكرbig grinbig grinbig grinbig grinbig grin طلع زر الشكر مابيشتغل على كل المتصفحات مشان هيك سامحونا ياشباب ظلمناكم بس لقيت أحسن الشي فكرتك أبو حكيم رح عرف عن حالي من خلال التوقيع محسوبكم أبو محمد

أهلين و سهلين أخي أبو محمد.....
اي ها .....و الله هيك أحلي ....
...................................
حمص : شراء 119
مبيع : غير متوفر حاليا.......

[ميس الريم]

شو يعني بحلب بطلوا الصرافة
أغلب المحلات مابقا تبيع
شو الحل ؟؟؟؟؟








وشلون بدي أعرف الدولار المزور من اللي لأ
ومافي حدا عم يبيع؟؟؟؟؟؟؟؟؟؟؟؟؟؟؟؟؟؟؟؟؟

[ميس الريم]

شو سعر حلب الان؟؟؟؟؟؟؟؟؟؟؟؟؟؟؟؟؟؟؟؟؟؟؟
ارتفع الذهب لل 5150

[Big H]

اقتباس: المشاركة الأصلية كتبت بواسطة ذكرى انسان    السلام عليكم يعني قرب يصل سعر الدولار رسمياً من ال100% رسمياً ولسا بيقولو العصافير تزقزق.

وعليكم السلام ورحمة الله وبركاته

ومع ذلك أكد د.ميالة : أن ارتفاع سعر الصرف وهمي و ناتج عن
المضاربات وإثارة الشائعات حول نفاد مخزون المصرف من القطع
الأجنبي وانهيار سعر صرف الليرة السورية . لافتا أن المصرف يعمل
على إبقاء سعر صرف عند مستويات تضمن الحفاظ على المستوى
المعيشي للمواطن بما يتناسب مع أسعار السوق.
هذه العبارة وردت سابقاً في المنتدى من قبل أحد المتابعين الأفاضل
وحتى اللحظة لم يستطع أحد أن يفك أي من الطلاسم التي وردت آنفاً
لذلك نرجو من أهل الفهم والعلم و"المخمخه" المساعدة وشكراً

ملاحظة : لا ننكر على الحاكم وفريقه الجهود المبذولة ولكن الشفافية
والوقوف بوجه الفساد إن أمكن هو الأجدى

[a.g.saifo]

ادلب الواحد ظهرا
دولار .. 119.5 ... 120.5
الدهب 5150

[louis_16th]

اقتباس: المشاركة الأصلية كتبت بواسطة adib    اونصة الدهب 1575.10 الدولار محسوب على 116.23 من بعد اذنك خي الياطر

يعني في حال كان محسوب عالـ 116.23
لنفرض جدلاً سعر الاونصة عالمياً 1575 .. مقابل الليرة لازم تكون 183000 .. وين في صايغ عم يبيع اونصة بهالسعر ؟؟ للأسف مستحيل