سعر صرف الدولار بالليرة السورية ليوم الاحد في السوق السوداء 24 -3- 2013

[M3Maher]

اقتباس: المشاركة الأصلية كتبت بواسطة لقماان    طولوا بالكون شوي يا شباب وصلوا فكرتكون بدون هالانفعال..... اي شوي تاني راح تخلوني بيع جاكيتي الشتوي و انزل اصرفوا...... .................................. الكلمة مسؤولة و جزاكم الله خير بس بدون ما ترعبوا العالم............... ----------------------

الرجاء الانتباه
هناك من يدفع الناس للتخويف من أجل ان تتدافع الناس للشراء وبذلك يرتفع الدولار بشكل أسرع بكثير من المعتاد لكي يستفيد المضاربون بجني الارباح بسرعه أكبر
هلعنا يؤدي الى ارتفاع الدولار بشكل عامودي
أنا لا أقول أن الدولار لن يرتفع على المدى المنظور مشان ما حدا من المتشائمين يجي ويقول إنه عم إتخبى ورا اصبعي ولكن التخويف والتدافع والتهافت على الدولار بشكل جنوني وعشوائي يؤدي الى الى ارتفاعه بشكل صاروخي وبصير بعدها صعب انه تنزله الحكومه لا بالتصريحات ولا حتى بضخ الدولار بشكل فعلي

[-mouhamad]

الله يتلطف ببلدنا واضح أنو السيد أديب ميالة غير مناسب لإدارة المصرف المركزي وليس على القدر الكافي من المسؤولية لأنه لمجرد سكوته على هبوط الليرة لهذه الفترة فهو قد أضاف عتبة جديدة لسعر الدولار وهي 127 وللأسف الى الآن لايعلم ماهي الاجراءات الواجب اتباعها لتخفيض الليرة حتى يجتمع مع شركات الصرافة والمصارف يوم الثلاثاء وكأن شركات الصرافة هي من تمتلك الاحتياطيات , كما أن تصريحاته اليوم زادت البل طين

[لقماان]

اقتباس: المشاركة الأصلية كتبت بواسطة مجد    يعني كلامنا غير مفيد !!!

مين جاب سيرتك.........

[moutaz]

شو مشان سعر الدهب اليوم؟؟؟؟

[arnouri]

وليش د. مياله ما يجتمع بالصرافين والمصارف اليوم وليس بعد يومين
ام يوجد اهم من اقتصاد الوطن والحياة المعيشه للمواطن

[أحمد الأحمد]

السيد ميالة مال بحديثه ومال ..... وبالنتيجة طلع مافي شي بالحال ؟
ترقبوا صعود الدولار قريبا جدا

[hazwany]

اقتباس: المشاركة الأصلية كتبت بواسطة -mouhamad    الله يتلطف ببلدنا واضح أنو السيد أديب ميالة غير مناسب لإدارة المصرف المركزي وليس على القدر الكافي من المسؤولية لأنه لمجرد سكوته على هبوط الليرة لهذه الفترة فهو قد أضاف عتبة جديدة لسعر الدولار وهي 127 وللأسف الى الآن لايعلم ماهي الاجراءات الواجب اتباعها لتخفيض الليرة حتى يجتمع مع شركات الصرافة والمصارف يوم الثلاثاء وكأن شركات الصرافة هي من تمتلك الاحتياطيات , كما أن تصريحاته اليوم زادت البل طين

أخي هوي مسكين الله يعينو شو بيقدر يساوي
حاطين تحت تصرفو مجموعة كلمات تختلف فيما بينها من حيث الأثر النفسي
وبيقولولوا بهي الوسائل لازم تنزل سعر الصرف
رماه باليم مكبلا وقال إياك إياك أن تبتل بالماء

[ابو خالد]

السلام عليكم وتحياتي للجميع

[Dynamic Pulse]

قلتلكم من الصبح هالحكي يمكن كان قلبي دليلي
أنا بتوقع إرتفاع السعر من هون للأربعاء وبعدين نزلة بتهز البدن يوم الخميس
قرارات المركزي مارح تطلع قبل يوم الأربعاء مساء
طبعا بدن يللي شاري بالغالي
السعر 109_111 دمشق متوفر

[hazwany]

طبعا الأسبوع الماضي كان في ارتفاع جنوني للدولار، ولا ميالة ولا غيرو طلع حسو، كلو كان ساكت وعميراقب
بين قوسين (يفتضر يكونوا بهالفترة ما عمبناموا الليل لحتى يشوفوا شو الحل، بس الشباب حاطين إيديون ورجليون بمي باردة، قال مو سائلين يعني، وبأي لحظة برجعوا سعر الصرف للحد الي بدون ياه)
وقبل العطلة العظيمة (الي اجت متل الماء البارد في الظمأ) ابرة مخدر ثلاثية المفعول، على أساس هنن بيعرفوا شو بدون يعملوا وفي خطط رح تنطرح بعد انتهاء العطلة، والناس الدراويش الي حولوا هالكام ليرة الي حيلتون لدولار لحتى يحفظوها من الضياع وما تصير قشة في مهب الريح، دغدغلون شوي مشاعرون ونفسياتون، وببساطة راحوا يتخلصوا من الدولار، وبلش الدولار بمشواره المعتاد بالنزول بعد الصعود.
والناس بتقول شوفوا المركزي لهلأ ألو أثرو وكلمتو، يعتبي بمجرد تصريح نزل الدولار 17 ليرة، بقا كيف لو بدو يتصرف؟؟؟؟؟
والمفاجأة أنو الأمل الموعود اليوم رجع تأجل للثلاثاء، طيب ليش الحل الصاروخي العظيم تبعكون ما طرحتوه اليوم؟؟؟
ليش للثلاثاء؟؟ يفترض من الأربعاء الماضي لليوم يكون صار نقاش ونحطت الخطة، شو القصة؟؟
يظهر أنو ابرة مورفين تاني لحتى تخلي السعر ثابت هاليومين لحتى يوم الثلاثاء
يا ترى شو في يوم الثلاثاء؟؟؟؟
علاء الدين وفانوسو السحري؟؟ ولا هوي والأربعين حرامي؟؟؟؟